美心MX (Closed)

今晚叫了個白汁朱扒十中湯, 取了才發现是菜乾湯,菜乾渣佔了ㄧ半体積. 全無肉,極難飲, 進了数口顶唔顺放棄,最惨係食完飯見到个个D湯唔係菜乾,係请保谅,冇乜渣。走去問收银话啱啱轉左, 咁我知我碗汤係湯渣尼!冇下次!

咖哩汁明顯見到是咖哩醬溝辣油，很噁心，未見過甘差既！味道方面亦不討好，咖喱鹹得來有微辣，但不帶咖哩香！夠飽肚，但不要期望好吃，價錢不是特別便宜吧！粉嶺火車站一帶的都是集團公司，根本沒什麼好選擇（心酸）

一早返工去買早餐，呢間火車站快餐店裝修完，店面唔大，黃黑色裝修形格，門口係收銀處！餐牌選擇都幾多！中西都有！落單八達通比錢方便！攞飛等叫號碼！店員極快手出菜，所以人客多都無谷龍！有自助調味料櫃同攞水位！外賣包得企理，行去公司打開，食物賣相唔錯！E3($30)西式早餐雞扒烚蛋，配厚麥包，雞扒走汁，雞扒煎得金黃色，我撕走塊皮，雞肉無汁都夠味，肉唔嚡，幾好！烚蛋完整，蛋白飽滿彈牙！厚多士仲微脆，有麵包香！唔搽牛油都好味熱檸茶：夠熱，茶味濃!唔落糖飲到！店員爽手！由落單到攞走10分鐘唔使！好味又健康嘅快餐

工作到晚上9點，已感到餓壞的感覺。便到快餐店叫了芝士肉醬意粉。他們服務態度是客人先找地方坐下，等待員工將食物送到客人枱上。但看到我晚餐後，有點驚訝！那麼少？想不到！由第一口送到咀裡到最後，只有10次機會(可能足夠讓小朋友吃)，而且進食其間枱面附近还在清潔中，一陣陣的漂白水味，救命呀！食完便立即走，衛生真的差味道：意粉少肉醬汁多，意粉是爽口不彈牙，肉醬裡有香腸4∼5片，少少少許新鮮蔬菜，肉醬汁味濃，吃不出其他材料味道，芝士感覺是將半塊放在肉醬上，用熱力溶化味道像<卡夫芝士>肉醬無肉味失敗，意粉少不彈牙失敗，材料少醬汁多失敗中的失敗+失望這裡只有服務態度可以其他，不值得一提

兔小妹原本打算係車站附近既美心快食個早餐，再出發趕去參加親戚婚禮。可惜去到餐廳，早餐已經賣晒，午餐啱啱掛牌，見到有個叫 “大廚小菜" 套餐，兩餸一飯，仲包野飲，就點左個 “杞子雲耳浸娃娃菜" 搭 “涼瓜炒牛肉" 配熱檸茶 ($36)。 等左一陣，好快就有飯食。飯餐既賣相不太討好，而且份量偏少。個“杞子雲耳浸娃娃菜" D雲耳得果3小塊，而 “涼瓜炒牛肉" 又似乎汁多過餸。試下味道先，娃娃菜雖然清淡，但食落都算幾甜; 至於 “涼瓜炒牛肉" 中既涼瓜就切得太薄，出晒水之餘，又冇左涼瓜應有既甘苦味，幸好牛肉炒得唔錯，都幾嫩幾淋。 不過今時今日能夠三十幾蚊食個晏仔，冇得要求咁多嫁啦~

我都明白，一啲連鎖食品店通常都要控制成本嘅。但係真係好行貨囉，好似我今次叫嘅咖喱飯係＄43 ,係包嘢飲。但係佢個咖喱一睇就知道唔夠入味， 薯仔係用水煮完再擺落咖喱，雞翼都係，所以係無味道嘅。今餐最好已經係lemon tea，雖然都係麻麻。又唔係平，總之食茶記好過。

很久沒有在家的附近，光顧連鎖快餐店的早餐了，也許對街坊店有感情，就算食物偶爾出差錯，大家都會多一分體諒。如果不是等朋友，亦不會選了一份質素平平的早餐。火腿通粉只是一小碗，吃完口很乾，份量相信在下的細囝都未夠飽。炒蛋份量縮至得啖笑。兩吋乘兩吋面積，一叉即起，始終香港人吃慣了香腸，就算有報告對身體有損，但大家都照食可也。熱檸檬茶不過不失，其實大家都知道，將貨就價的道理，自然對食物質素降低要求。

由於經常要趕返工，總要發掘些夠快的食肆，而位於火車站的美心可說是其中一間。兩小菜飯是時菜炒肉片及咕嚕魚塊，再加一碗雪耳湯及飯，都不過$40，雖然水準一般，但有時亦不能強求那麼多。時菜是用上椰菜，肉片開始變硬，如嚼雞肋；咕嚕魚塊亦好不了多少，脆漿太厚，似吃麵粉多過魚肉，如果不是趕時間，跟本不會來。

因為美心出了打冷的套餐。而我們很久也沒有吃過打冷了，所以，便去試下。我叫了一個滷水鵝片套餐，媽媽則叫了一個什麼墨魚套餐！但：好難吃。個滷水鵝是好多骨，好多肥膏，根本得好少肉，根本就不是什麼鵝片來的！幫相以似一堆牛骨！而媽媽那個什麼墨魚片也很難吃，不知吃些什麼！好乾！只有個胡椒湯好好飲！因為辣辣的好好味！

那天和媽媽去完看中醫後，覺得肚餓，於是便來這兒醫醫肚，想起上次係上水鐵路站那間美心叫了一個豉油雞脾套餐，覺得十分好吃，於是決定來這兒試下。一試之下，發覺好鹹－那些汁及雞脾好鹹！瀨粉裡的湯亦十分之鹹！而且瀨粉裡是沒有蔥花的！服務亦麻麻，雖然收銀員好好，但入面的廚師的態度就過份，叫他加少少許蔥花，他竟大聲說：「呢度沒有蔥花！」好惡劣！但係上水的那間分店是有給蔥花的！（沒有蔥花都算，使唔使咁惡）

一直心思思想試下唔同快餐店推出嘅特色火煱, 今次终於有機會黎美心試下個一心火煱喇同N先生揀左個南瓜蓉北海道牛乳湯底配美國穀飼牛&清酒醉雞嘅一心火煱, 包一大杯蔬菜&烏冬另外加左$10叫左2杯咸檸七, 盛惠$65, 為起都只係$32.5一位, 認真抵食雖然賣相無廣告咁吸引, 但質素算唔錯, 有好多新鮮蔬菜, 啱哂keep緊fit又想過下打邊爐癮嘅我南瓜蓉北海道牛乳湯底也不錯, 味道適中不太咸, 但係就唔係好試到北海道牛乳嘅味至於肉類方面質素有待改善, 醉雞略嫌粗嚡又無乜酒香味, 豚肉就好碎濕濕, 放落個鍋度好易失蹤醬料方面最欣賞個芝麻芥末醬, 用黎點菜又得, 肉又得, 百搭又惹味, 令成個火煱錦上添花服務方面由於當時放緊飯, 眼見得一個姐姐通場走, 隱約聽到姐姐話最忙係尼個時段不過姐姐嘅服務態度真係抵讚, 雖然忙到甩轆, 但佢仍然快手快腳盡量回應客人嘅要求, 絕不馬虎

近年美心已經進佔大部份東鐡沿線,而且生意真係唔錯.中午放工時,午餐時段已過,見住條人龍,坐位又窄,都唔想同人逼,一於買外賣仲好.近日特價做十三蚊一碗瀨粉,今日就要了叉燒紅腸瀨粉 : 可能特價關係,份量少得可憐,食兩碗都無問題,叉燒今次廚師選了比例結實的一段, 紅腸跟叉燒是一早切好,待瀨粉淥好之後,再將配料蓋在瀨之上,再淋點湯便可以上檯,瀨粉其實唔錯,算幾滑溜,叉燒可以話係同類形快餐店中較有水準,叉燒如果多點肥豬肉我諗會好味好多.十三蚊唔包野飲,不過不失吧!

除了在公司的飯堂外，也很久沒有來過其他的快餐店吃東西了，因為平日已經吃快餐吃得太多了，今天在大家一起去掃墓的一個早上，和爸媽一起，見到了粉嶺還是時間尚早，一於快快手先吃個早餐。隨便的在火車站找到了美心快餐，自它轉了形象後，也沒有來過，以鮮明的紅色做主色，企業形象鮮明，加上一幅二幅阿蘇的廣告板，真的是下足本在宣傳上，所以我們吃的不是食物，是宣傳、品牌及地租，食物的比重可能是少得可憐。也無他的，吃個快快的早餐，也是例牌的什麼也有得選，粥粉麵、腸仔火腿雞蛋，以至點心也是應有盡有，也簡簡單單的來兩份又中又西的早餐，其實應該是港式才對，有粉麵，又有火腿雞蛋多士。先說火腿、雞蛋及多士，火腿普通，沒有異常的狀況，雞蛋不知為何完全沒有蛋香，蛋白質感較平時吃的實，奇怪，而多士比平常茶記的厚，咬起來也鬆化，塗上牛油很好吃，但可以熱一點會更好。粉麵分別點了雪菜肉絲米及豬扒米，大家一起分吃，雪菜是預期中的不香，但也不是很差的，米粉軟軟的，絕對不會難吃，但想吃爽口的，就是沒有可能的了，但最可怕的是那鹽水湯底，真的是超鹹，而豬扒米，唯一的分別是那塊豬扒，肉香是沒有可能吃得出的了，但吃下也不太嚡口，而且又不是很化學

同 honey 到 美心快餐 試新推出的 十足濃湯雞煲翅套餐, 每晚均推出3款小菜及燒味雙拼., 配白飯一碗.是日, 我們 選了 京城煨雞, 因 為 另外 兩款小菜不太合心意, 分別 是 燒味雙拼 (雖然這個會是較有保證的, 但是我們經常食) 或 白玉雜菌藏珍 (好似太素了!). 其實 自選 小菜 應該 比多d 選擇, 雞煲翅 已有 雞 了, 可以 供應 其他 肉類/ 炒菜 呢. 先說 主菜 濃湯雞煲翅, 以 瓦煱盛載, 下面點了 小燭台, 所以 我們 吃時雞濃湯 是暖烘烘,. 雞濃湯 很鮮甜, 都有 一點點油膩. 用來雞湯送飯同吃, 一流! 可以吃到少少翅邊, 以 售價 $50+ 都算足料.自選 小菜京城煨雞 好難食, 煨雞太濃味(只有味精), 沒有雞味,又吾滑, 好差!

每樣野都好迷你, 不過就一次過食到幾樣野, 又有燒鴨, 叉燒, 鹵蛋, 菜, 飯, 賴粉而家快餐店都加晒價, 食個普通雙拼飯都要$28, 呢個餐係就係迷你, 但係包埋杯可樂, 都係$26, 如果細食 or 女仔就o岩o岩好夠飽