美心西餅

Open Now

Now Closed

近來迪士尼卡通動畫「FROZEN魔雪奇緣」引來了一股全球熱潮，主角愛莎女皇更引來不才小朋友的喜愛和模仿，其主題曲「Let it go」也紅了起來呢!.貼近潮流的美心西餅，最近也推出了魔雪奇緣中的愛莎女皇和安娜公主系列蛋糕，當中包括了兩款「Frozen水晶世界甜品杯」。.「Frozen水晶世界甜品杯」$42/杯，外型設計像個水晶球般感覺華麗別緻，仿製故事中的冰雪情境，中間的主角小牌其實是匙羹來的，整個甜品杯食完可以用黎收藏，相信小朋友一定喜愛!甜品杯分別有白朱古力及朱古力慕絲兩款味道，面層鋪了不少像雪般的朱古力碎片和棉花糖，慕絲質感尚算幼滑，食味不錯，就是份量有點少，以甜品杯外型取勝。

講到黑森林蛋糕，你會諗起咩？港式黑加倫子啫喱扮車厘子？忌廉多過蛋糕？它來自德國？早幾日走過美心，又見有新款蛋糕，叫做「黑魔王森林」（La Forêt Noire） ，問問店員，原來喺將德國嘅經典蛋糕黑森林，改以法國一級食材重新打造，將經典變得細膩，怪唔之得仲改咗個法國名啦。講到咁犀飛利，點可以唔試試 。我都駐足晌櫥窗望咗一陣了解吓先，蛋糕分兩款大細：標準1磅裝（$218）及迷你裝（$128），當時見仲有試食價優惠，前者賣$198，後者賣$118，人多開派對慶生日就梗喺要買個大，人少幾口子可以要個細嘅；此外，隔離仲有一款「黑森林甜品杯」，只賣$24，當然就喺適合一個人買嚟自己獨享啦。不過，題外話講少少個包裝盒，我懷疑個店員將個包裝盒反轉咗摺，可能基於個蛋糕叫「黑魔王」，所以，佢認為黑色向外。當我返到屋企打開，內裡喺白底有一樖樖黑色松機標誌，更加埋印有La Forêt Noire字樣，以及小字「請放於雪櫃儲存」嘅提醒，更深信喺摺錯咗 。當打個餅盒，最意想不到喺嗰朕朱古力香氣，真喺估唔到咁濃烈，可見用料真喺無偷雞 。外型比慣常見到嘅黑森林蛋糕著實精巧好多，唔喺求其刨一層朱古力碎，唧啲

今天是同事生日，同事講明想吃的生日蛋糕要多cream，除了天使蛋糕就想不起其他了，知道天使系列有一個是紅色的，所以托同事甲早上回公司前購買，可惜的是沒有貨，於是只能在lunch時間去買，於是同事乙打電話去確認有沒有存貨，而且留定一個午膳時間去買，當大家食完lunch去買的時候，貨還沒有到，仲要去石籬商場拎回來，其實電話早講12:30會有貨，而我地亦都過左12:30去，還未去拎貨回來，乾等20分鐘買這個cake!說回味道，蛋糕是超軟的，cream亦都帶淡粉紅色很軟滑，奶味重，真的是勁多cream，配上紅色的脆糖，壽星的確很愛這mini天使。天使蛋糕有兩個size，大的是158，但如果有渣打卡會有八折，即是126，但mini是沒有折的，售88，所以買大的會較抵

1. 特濃朱古力石板街冰皮迷你月餅$26 ~ 味道很假,唯一可讚的只是大粒棉花糖.2. 夏威夷果仁黑芝麻冰皮迷你月餅$26 ~ 味道OK,果仁粒又夠多,亦有黑芝麻的味道.3. 唂咕包$12 ~ 半融朱古力粒+鬆軟朱古力麵包+甘香牛油曲奇=唂咕粉唔夠香,不吃也罷!4. 高釫鮮奶包 ~ 沒有北海道牛奶包的甜,幾好5. 日式咖喱雞肉包$5.5 ~ 比一般的咖喱雞包較清淡.6. 黑麥五穀包$5 ~ 很有嚼口,但其實包內沒太多穀麥粒.7. 全麥松子提子包$5 ~ 麵包帶有少少甜,松子較少.

1.意大利果子麵包$28 ~ 聖誕推出的節日款式,外盒包裝很靚. 橙皮果子等做饀的麵包, 個人不是太喜愛.2.聖誔脆脆曲奇牛油味$10 ~ 樣子可愛,但手腳及頭部都好易爛. 而味道也不討好.3.七彩紳士棒$6 ~ 其實係普通麵包,只是外形灑上彩色糖粒.包內沒有饀的.4.和粟田園$15 ~ 恨食好耐了, 但原來杯內很多cream, 似Tiramisu的鋪排5.麥方包$5.5 ~ 一袋4片,普通包6.朱古力拿破崙$8 ~ 這款蛋糕不是雪在凍櫃內, 所以食時蛋糕有點溶, 入口感覺不好, 所以雪凍少少食會較好. 如凍少少朱古力味會較適中.7.牛油粟米包$5.5 ~ 沒有牛油味, 粟米好彩無夾雜著一pat醬8.豆沙酥餅$5 ~ 新推的中式餅, 但好難食, 始終都是傳統的餅店較勝一籌9.蕃薯太郎$6 ~ 沒想像中般甜, 而其他方面與平時的蕃薯包無異10.格格曲奇$13 ~ 一點也不好吃, 脆又唔係, 林又唔係.11.黑麥小紅莓提子包$12 ~ 有點麥芽味, 包略甜, 提子及紅莓的比例是1:10(即是紅莓好少)12.日式咖喱雞肉包$5.5 ~ 比一般的咖喱雞包較清淡13.芝士麵包條$9 ~ 一包約有

脆魔天使$12~魚膠粉太厚了,芒果無味道,中間塗滿吉士醬,蛋糕較乾,朱古力脆餅底都麻麻地芝悠焗餅$12~下次如果不是即刻食便一定要放入雪櫃,因為放暖了非常不好吃莫加咖啡$8+藍莓至尊芒果$10+芒果拿破崙+揚莓拿破崙~非常一般粟子撻~多款中的至愛,絕無欺場

新輕低糖曲奇$15一盒,共有五款(約16塊)~原味低糖曲奇/朱古力低糖曲奇-牛油味比平時的輕~白芝麻提子低糖曲奇-唔多覺佢有白芝麻~亞麻籽開心果低糖曲奇-幾特別的~黑芝麻金啤梨低糖曲奇-最欣賞此款

原粒車打芝士包$6 ~ 芝士無糙米芝士包那款好味道咖喱角$7.5 ~ 放涼了變得很難吃

芝悠焗餅$12 ~ 好正,好有紐約芝士餅的感覺,蛋糕夠實夠芝士味,唯餅底不夠好.脆魔天使$12 ~ 面層魚膠粉太厚了,芒果無味道,中間塗滿吉士醬,蛋糕較乾,朱古力脆餅底都麻麻地.

1.繽紛南瓜頭曲奇$8 ~ 朱古力味的曲奇脆脆地,試一次便夠2.黑夜狂呼$8 ~ 朱古力蛋糕,餅底幾好,整個蛋糕無乜cream,所以吃掉整個亦不覺滯

1.三角芝士包$12 ~ 好濃郁的芝士味,個包又夠大喎2.有機多穀合桃包$9.5 ~ 新推出的健康系列,一見即試,一袋約六塊,但切得較薄,所以感覺好軟,但合桃及穀物粒好少,而且頗甜.3.新輕黑橄欖麥包$9.5 ~ 終於有一款唔甜的包了,一袋約六塊,幾好.