丸亀製麵 (iSQUARE)

Open Now

Now Closed

我最愛既烏冬店- 丸龜製麵食過好多間烏冬店都係覺得佢最好食 價錢亦吾會太貴 仲有得加葱 天婦羅碎 七味粉 同埋鰹魚醬汁 今次叫左燒雞温泉蛋拌烏冬同豬軟骨烏冬 ❤️燒雞温泉蛋拌烏冬 $46哩個麵幾豐富 味道有層次 店員加左跟餐既烏冬汁同小小辣醬 我自己加左天婦羅碎紫菜做配料 雞粒幾入味 烏冬煙煙韌韌 好q彈 配埋温泉蛋 好味😋CP: 🍜🍜🍜🍜😋:🍜🍜🍜🍜回購: 🍜🍜🍜🍜豬軟骨烏冬 哩個烏冬相信好多人都食過 冇乜大驚喜 正常烏冬 不過得一舊豬軟骨睇落就單調d 喇 而且哩個餐價錢比較貴 感覺燒雞個個抵啲 有驚喜啲 可能因為我偏好温泉蛋😆CP: 🍜🍜🍜😋:🍜🍜🍜回購: 🍜🍜另外加推一個之前食過既明太子温泉蛋烏冬都好好食架 你哋可以去試下！食完記得留單！ 下次憑單可以減$5 🤩

呢間食過好多次，之前就食過醬油熱烏冬，覺得個醬油湯好食，今次就試醬油冷烏冬，個烏冬都幾多下，個碗仲會有個隔，隔走d烏冬水，醬油湯依然好味，有鏗味好香，湯同烏冬係分開裝，所以我就用沾麵既食法去食，唔錯。

疫情期間，各大食肆都打折現時喜見於Openrice訂外賣自取，竟然更有獨家折扣就盡管試試，果然過程又快又簡單早咗5分鐘到店都已可取講番食物方面，雖然係預先付款後到店即取，但完全唔馬虎份量同堂食一樣咁大！烏冬同湯分開放(設計同譚仔如出一轍)，非常貼心而食物品質方面，雖然係外賣但彈牙烏冬並無受影響蜆肉肥大鮮甜而無沙唯一既失落係明太子飯團，塊紫菜太薄啦~都透光囉~最後，服務態度“優”相信好多朋友仔係外賣時，都會經常遇到店員俾完外賣就唔再理會客人但今次既店員真係抵讚原因係咁：我攞完外賣後先發覺我未攞天婦羅脆花，但我見自取區已係空盒，而諗起無器具可以放到，放烏冬碗內又驚會淋曬，所以就諗住算啦唔攞之後，店員只叫我等等… 隨後就將用袋仔裝住既天婦羅脆花交俾我(仲係熱熱熱)係到我再次謝謝店員既協助p.s.唔記得影相，抱歉

今天到了這間店食午餐，覺得還可以。麵質還不錯，有彈性同滑，但係其他炸品就軟軟地，可能放太耐了，仲有一支自家製薏米水，唔太甜可以接受。整體嚟講未必會再去因為有其他更好食嘅餐廳。

佢嘅烏冬就食得多啦，咁佢嘅炸物大家有冇食過，我今次就要左佢嘅炸鱈魚柳，雖然份量唔係好多，但係質素都幾高，脆卜卜粉漿唔會太多，啱啱好覆蓋好魚柳嘅部份，炸到金黃色冇過熟，雖然價錢有少少貴，但係都值得一試嘅！

-🦄丸龜製麵-熱清湯烏冬 Hkd33Rating🌕🌕🌕🌗🌑西蘭花 Hkd9Rating🌕🌕🌕🌕🌑-都有一段時間冇食到丸龜製麵喇🍜價錢親民嘅佢一直都深受我嘅寵愛❤️加上我個人係一個烏冬怪🤤所以真係好鍾意食佢-本身一心諗住食咖哩牛肉烏冬😭😭但睇睇銀包發現原來自己係唔夠錢架😩真係唔好講出去會笑死人😂最後就叫左呢個清湯烏冬✌🏻呢款烏冬之前都食過架喇🤤清清地🤤好簡單既一款烏冬但同時都會好幸福☺️湯底正常唔會過甜過鹹😆名符其實既清湯烏冬依舊都係煙韌彈牙🤤🤤其實真心比起出面好多餐廳既烏冬🍜丸龜製麵既烏冬會更好食 又唔會貴😀西蘭花係我必叫既配菜 因為點都想食返啲菜平衡返-最後想介紹下我自己溝既SAUCE😆😆其實就係人都識整既 都係鰹魚醬油加七味粉同芝麻不過可能比例上唔同整出來嘅味道都唔同😂用佢來撈烏冬 唔好要啲湯 味道會提升左一個層次架當然唔少得海量既蔥花啦 記得唔要啲湯拎過第二個碗 然後撈埋佢哋食🙃我有影到相不過就冇擺出嚟比大家睇😣-下次我一定一定要食咖哩牛肉烏冬呀Haha😤-

同公司同事外賣左呢間野食，我叫左炭燒雞肉烏冬，好好味，個炭燒醬好嘢味！但唔知點解呢個冇得㨂加大，食完剛剛飽，男仔就可能爭啲。同事叫咗個咖喱烏冬，佢話普普通通啦。另一個同事叫咗日式豚肉烏冬，佢話呢個好好味，之前都食過一次。下次再叫外賣我會試吓呢個！總括嚟講滿意👍🏾

喺openrice落單叫咗外賣，一個腐皮湯烏冬，飯糰，炸魷魚鬚，落完單落樓，行咗5-10分鐘，去到外賣已經入曬袋等緊我。外賣袋同盒用料都好好，一摸就知。炸魷魚鬚個紙袋內層係膠面，需然都有少少滲出，但比想像中好好多。就以上所講，硬件嚟講呢間係外賣中推薦嘅餐廳。要挑剔嘅係外賣會冇咗現場買嘅優惠，同埋唔知有咩新鮮炸，炸魷魚鬚我拎到番去食就係凍嘅，如果炸物不論現場食定係外賣都可以喺包裝前即炸或者翻炸加熱會更好。

丸龜製麵總係令人食完過一陣就會掛住，唔知幾時開始有蜆肉烏冬，每次去都會嗌，岩哂我呢啲鐘意海鮮既人最鐘意就係丸龜自助形式既counter，想食咩就夾啲咩，然後再比錢因爲太餓，忍唔住買埋明太子飯糰，仲加多兩個竹輪天婦羅同炸蝦餅和風蜆肉烏冬好味道.5每次嗌完都會去自助吧拎一大碗蔥花，炸碎（？）同落少少七味粉，成個烏冬又再昇華蜆肉超級多，唔係hea你個鐘，食極都仲有，烏冬一向煙韌，湯底清甜，每次食完無耐都會記掛住呢碗烏冬明太子飯糰好味道另外明太子飯糰建議大家仲有胃可以試下食，明太子餡料份量足，唔係成舊都只係白飯，明太子味濃，好快就兩三啖食哂天婦羅好味道唔知係咪食太飽，竹輪同炸蝦不過不失，但有少少膩，天婦羅黎講最鐘意野菜個隻，不過咁岩無哂太餓就試下其他

喺尖咀想要食日本嘢，好容易冇6070都唔使走，但呢間丸龜製麵價錢親民而且選擇多，是一個解決午飯的好地方。以前來常常吃烏冬，烏冬的質素一向有保證！但今次我和朋友決定試吓飯。我們分別叫了一碗溫泉蛋肥牛飯，和一碗溫泉蛋烤雞肉飯。溫泉蛋肥牛：肥牛量非常多，比起吉x定多兩倍！加上溫泉蛋加持，在自己加上鰹魚汁，味道冇得頂！溫泉蛋烤雞肉飯：雞肉烤得過龍以致太乾身，雖然味道好好食，不得不減分！飯：不知道是不是正宗珍珠米，但粒粒分明，而且即叫即由電飯煲+濕布蓋住拎出尼，暖笠笠又濕潤，非常好食。✔️總結而言：價錢合理而且坐得舒服值得回頭。

今日下晝同朋友去呢間iSquare嘅烏冬店度食飯， 年初一都有開嘅店真係唔多， 佢係其中一間。首先佢係自助既，先起門口叫野食，然後比錢。我哋兩個都嗌左飯，因為比較襟飽。一個$42，另一個$45。價錢都算係同吉野家差唔多，不過就唔包野飲。叫咗個燒雞溫泉蛋飯，其實佢汁都幾夠嘅，不過啲燒雞好硬同乾，有少少難入口，整體來講都還ok。 另一個呢就係牛肉溫泉蛋飯，咁佢敗筆之處就係佢真係冇咩汁，變咗冇汁送飯， 不過啲牛肉都算係好食，又有洋蔥。烏冬我之前都食過，都係彈牙，但其實特別就真係唔算，但如果想用普通價錢食一個飯或者烏冬，我覺得都可以。

某日牌既邊爐曾經係唔少香港人既回憶不過唔緊要啦 世界很大出去試過第二間先唔會番轉頭架嘛估唔到連丸龜都出Shabu-shabu69蚊包烏冬、菜、雞肉、牛肉、金菇冬菇、粟米、蝦同帶子、墨丸同牛丸，仲有兩兜仔前菜D材料都唔錯，雞肉醃得好好比較難食反而係墨丸同牛丸海鮮就算啦咁既價錢 當拎黎滾湯啦雖然個爐都係用酒精膏，不過個設計都幾好，唔會咁易燙傷隻手湯底方面有豬骨、蕃茄或辣味增我就叫左豬骨，微微豬骨味、偏淡但朋友既辣味增 我又覺得太咸整體幾好！美中不足係本身丸龜既醬料唔係用黎打邊爐但又冇出相應既醬料

又去食啲平價野，邊個話平嘢冇好嘢姐😆呢間烏冬店係我同老公讀書時代最愛嘅餐廳之一！明太子溫泉蛋烏冬🍜（$49），好多明太子拌熱烏冬，好香，好推介！.豬軟骨烏冬🍜（$52），湯頭偏向清淡，唔係杰撻撻果種，我個人幾鍾意。肉少左啲，不過都算係有一大舊。舊肉好正，好鬆軟入味！.炸雞塊🐓（$14），三大舊雞塊，脆卜卜，十零蚊質素算好好！.鱈魚扒🐟（$16），好味，脆口多汁，竟然$16買到條魚🤣🙌🏻❤️

今日本來Book咗一間日式小食店，但好可惜突然間個老細話冇得再嚟食啦，事關生意真係差左，佢就話要暫時停一停頁，於是我就過咗嚟iSquare呢一邊去試吓呢一個簡單而實惠經濟嘅烏冬我叫咗呢一個係咖喱牛肉烏冬，對於我去食咖喱嘅我我真係要求好高㗎特別係我最鍾意食日本咖喱，我一定要解呢個咖喱去試一試呢個牛肉亦都好叻香濃，再配上委員掣面最有名嘅烏冬，識落非常之過癮，配上同行嘅朋友一同去食大家食都開開心心嘻嘻哈哈又一餐啦！

<丸亀製麵>🍽醬油烏冬($31)🍲+炸雞($14)🍗+西蘭花($8)🥦💰53- 炸雞好嫩而唔油但唔夠熱，不過以肉質來講係好好味♥️- 西蘭花係凍嘅所以有啲奇怪😢- *但烏冬好入味同熱騰騰🤤 而且中size只不過$31，以日式麵店來講算好抵食😍.🌟食物質素：8/10🌟性價比：9.5/10🌟餐廳環境：7/10🌟服務態度：na/10———————————————丸亀製麵尖沙咀彌敦道63號iSQUARE國際廣場6樓609號舖九龍灣牛頭角道77號淘大商場地下G285號舖太古太古城道18號太古城中心二期地庫Apita銅鑼灣軒尼詩道500號希慎廣場11樓10號舖新蒲崗太子道東638號Mikiki地下G10號舖#foodiemoodie_japanese#foodiemoodie_tsimshatsui#foodiemoodie_taikoo#foodiemoodie_kowloonbay#foodiemoodie_causewaybay#foodiemoodie_sanpokong