丸亀製麵 (Closed)

這裹是一間自助式的烏冬店， 先落單叫烏冬再行前揀餸，大都係天婦羅和其他炸物還有飯團。今天揀了麻辣烏冬和溫泉蛋明太子烏冬。餸就揀了炸魚，炸餃子，腐皮壽司和鰻魚飯團。麻辣烏冬不太辣但也頗香，但肉碎少了一點。溫泉蛋明太子烏冬呢明太子已經好夠味，加埋溫泉蛋更加正。炸魚都不錯， 雖然不是剛炸起。但也沒有淋，所以還好。炸餃子本身味道不重， 沾了餃子汁會比較好吃。而腐皮壽司裹面有芝麻， 我個人就不太喜歡。鰻魚飯團🍙有點鰻魚醬汁而鰻魚都比較大，所以每一啖都吃到鰻魚，非常滿足。這裹吃完要自己拎返個盤去交還， 但香港人對這一種文化都不太適應。也有會有人吃完了就走。但同時可能因為自己交還盤的原因，店員會較少走出來查看。所以...我踩到了烏冬！ 😔

今日去完醫院探完嫲嫲後，又來到樂富廣場解決晚餐，而今日黎到丸龜製面食烏冬！「丸龜」係先點餐，後付款，再搵一個適合自己既座位開餐，類似ＦＯＯＤ　ＣＯＵＲＴ既做法。而我就點左一個牛肉麻醬烏冬（＄４６），牛肉味道類似吉野家既牛肉，配上香濃既麻醬，好惹味！烏冬係重點，剔透既烏冬超級彈牙！個人仲喜愛大加大量蔥同天婦羅碎去加強口感同香味。另外小食亦係自助形式，我就夾左個蝦餅食。彈牙既蝦膠被鬆脆既外皮包裹著，日本既炸野技術就係利害，可以令到炸物大大減低油膩感。不錯！溫馨提示，尊重日本文化，大家食完記得還返Ｄ碗碟去返卻口呀！

又到咗無所事事嘅日子啦！今次去咗樂富行街街，行到肚餓。一個人都唔知食咩好添？所以就盲中中，中咗入去食烏冬啦。今次我就叫咗一個大嘅冷烏冬同埋明太子飯糰。如果想要蔥的話可以自己攞的, 鍾意幾多攞幾多, 唔鍾意的話又可以唔落, 幾好架!講番食物方面冷烏冬質地煙韌，有咬口，但唯獨是冷烏冬嘅湯底，實在太少啦。而明太子飯糰嘅明太子唔會太鹹，味道啱啱好 ，飯亦都好綿，但放得耐咗紫菜就唔脆啦。總結一個人快食快走，淨烏冬的價錢都算貴，但味道算是不錯。

今日約咗兩個朋友好早返學校整野，由於效率快，好快就整完，所以就一齊去食個lunch，再返黎搞活動。成日都係呢頭附近食野，但未試過呢間，朋友又想試下烏冬，所以今日就決定試下呢間日本野。由店鋪外面的透明玻璃可以見到廚房入面既情況。店員都忙於煮烏冬，應付中午即將黎既食客order。十二點黎到，時間尚早，食客唔多，入到去只見到有一兩枱食客。諗好食咩，就可以走去拎托盤落order。落完order之後，店員就會預備食物。好快一碗烏冬就會整好放在櫃枱，你要自己將碗烏冬由櫃枱放上托盤上，餐具係側邊。如果你點咗熱既食物，店員仲會好貼心咁提點你︰「小心熱啊！」有咗碗烏冬，你就可以將托盤移到收銀處俾錢，途中你可以order炸物，小食或飯團。因為我同朋友都點咗大碗烏冬，份量已夠，冇再order其他。咁樣既拎托盤點餐法，讓我想到曾經係日本都係咁樣點餐，係日本旅行既記憶又浮現起腦海中，好想再去多次啊！！！朋友見天氣炎熱，所以特意點咗凍既醬油烏冬（大），大讚好味！另一個朋友點咗清湯牛肉烏冬 （大），可以見到有肥牛片同埋洋葱，朋友評價唔錯！而我自己就點咗豚骨湯烏冬（大），烏冬爽口彈牙，豚肉分量不少，肥瘦剛好，豚肉味濃

這家店店面較小，環境整潔，適合二到四個人小聚。我和朋友分別點了咖喱牛肉烏冬和醬油烏冬，烏冬確實做得很好，和之前在日本吃的差不多。蕃薯天婦羅微甜，也很好吃～魷魚燒個人感覺一般。飯糰非常不推薦，因為用的米並不適合做飯糰，吃起來沒什麼味道，很乾。

在香港能吃到有質素的烏冬並不容易，作為烏冬愛好者，今日我和女友就來到這裏看看能否吃出日本的味道。醬油烏冬 (大)，$35，可以選熱或冷。我選了熱，烏冬比起急凍烏冬好吃，醬油亦不會過鹹。胡麻雞柳($14)及野菜魷魚($13)都不錯，另外還有其他天婦羅和飯團可供選擇。腐皮飯團($9/2件)，腐皮甜甜地，亦不俗。女友的豚骨湯烏冬亦不錯，但我都是認為越簡單的烏冬越好吃。例如釜揚和我選的醬油。丸龜價格合理、地點方便、質素不錯，若然開更多分店，相信我會經常光顧。

是晚6點半黎到樂富食丸龜烏冬。呢間自助形式日式烏冬店最適合節奏快嘅香港人用餐，首先揀選烏冬配料湯底，然後再選炸物，去收銀處付款。順帶一提，仲有幾款飯團賣咖！雖然友人誠意推介油豆腐湯烏冬，但經發現後豉油烏冬再加配$5@2塊油豆腐，會平過一碗油豆腐烏冬。烏冬可以隨意加炸碎，蔥花，薑，七味粉。烏冬屬讚岐烏冬，面質彈牙有口感。炸物方面選左魷魚鬚，炸粉唔厚超惹味$13~份量足夠1人前了。埋單食到超飽都係50幾蚊咋，抵食。

呢間店兩年前已經喺度，但我一直都無機會試，直至今日。一入店門，就見到食客排住隊咁order，order完你想要嘅烏冬之後，就有自助式嘅小食。而小食係個別改費嘅，意思係，你拎愈多小食，最後張單就愈貴。今次叫左豚骨湯烏冬、蝦餅、天婦羅、仲有魷魚菜餅。豚骨湯同隻蛋有濃豬骨味，豚肉唔會好肥蝦餅入面真係有幾隻鮮蝦架！而魷魚菜餅就麻麻地，唔太有味，我認為無咩特色呢間店係主張食客自理嘅，即係好似學生飯堂咁，食客需要自行去將食盆拎到清潔姐姐個位度整體黎講，其實食物質素係中上，但價錢就偏貴。如果叫完烏冬再加小食可以平啲，同埋大學生都有學生餐(宜家只for小學生同中學生)就好喇！

今次再回來食，比上次有進步。麵質上次彈牙，有咬口，比很多其他的麵店已經算不錯的選擇。唯獨店舖的面積較小，午餐的時候不容易找到位置坐下。請儘量避免午餐時段光顧，會有非常多人排隊。

在日本做學生時最愛別平價烏冬, 雖然以前常吃的是另一間, 但知道丸亀製麺會在港開店時開心了好一陣子, 在ISQUARE 的第一家分店留下了不少腳毛, 但跟一般的連鎖店一樣, 店開得越多, 質素便會下降, 這是不是宿命!?久久沒有再吃過丸亀製麺後, 今天有幸來樂富分店一試, 時間已是8點過後, 店內客人不多, 煮烏冬的女士也可慢慢煮,  不知是否因為這原因, 我覺得變好吃了! 而且炸物都變成即炸, 點餐後才有, 新鮮的當然加分! (非曲線, 真心覺得即刻有得食但唔好食係無意義)這應該是人客較少時才可做到吧。最喜歡可以瘋狂加蔥和脆脆, 把烏冬變成自己的風味XDD腐皮烏冬, 還在炸雞串, 南瓜跟炸魚。不會過油, 很脆, 好吃!吃過滿足的一餐, 但比在日本吃貴多了, 不算是窮人恩物。

因為友人牙齒不太舒服， 想選擇比較容易咀嚼的食物如麵條，可惜在樂富想找找有特色餐館就少之有少， 因為大部分都是大型連鎖餐店。在僅有選擇中， 友人未嘗試過這間全球最大的日本連鎖烏冬自助形式餐店， 而我也多年沒來， 味道早已忘記，也想藉此再一次品嚐， 所以我們決定一試。內裏裝修真有日本當地麵館的味道， 除了坐檯距離有點兒緊迫， 相信在繁忙時間出入人多下，多少會帶有點不舒服外，整體上環境帶著柔和燈光下給客人一個不錯的用膳地方。還好我們入坐時已經將近晚上九時，以平日來算也是非繁忙時段， 吉檯選擇蠻多， 與其他食客坐檯有距離， 用膳可以更舒服和寧靜! 由於丸龜製麵是以自助形式服務供應，顧客可因應個人的口味及食量去選擇。 例如去到廚房前臺選擇了烏冬份量 (大或細) 和湯底 (如清湯， 番茄湯等等) 外，可自己去選擇喜愛的日本小食和炸物 (如天婦羅) , 將全部選擇好的食物放上餐盤後走到前臺尾結賬就行 (其實形式上同IKEA餐廳大同小異， 膳後也要自己將食盤放上回收處。) 而我選擇了我自己喜愛的番茄湯底配牛肉牛蒡， 而烏冬份量是大。 而小食就選擇了竹輪天婦羅， 溫泉蛋和炸蝦餅。(不是說我特別喜歡這間

去完日本四國旅行，好懷念四國既烏冬店! 不過當我去到樂富丸龜制麵之後，覺得好有四國既感覺!入到去take order先，之後比錢再坐低食，原全同日本烏冬店一樣! 因為食麵當日係特別日子，所以就唔食肉，order左雜菜餅，南瓜天婦羅，同溫泉蛋烏冬(中)!溫泉蛋烏冬(中): 煮得岩岩好，唔太軟，又唔會太硬，煙煙韌韌! 個溫泉蛋亦都煮到岩岩好，好滑呀雜菜天婦羅: 太多洋蔥，其實係我個人唔食洋蔥姐，全部揀曬出黎!南瓜天婦羅: 冇咩特別comment，適中啦!下次再去既，我會再食溫泉蛋烏冬! 好味!

游完水都覺得好肚餓，朋友車我去呢度商場，我行完街去呢度醫肚！試過呢間其他分店，呢間地方正正方方，座位唔迫！要先去排隊落單，一路推住個盤攞食物，最後先比錢！冷烏冬（中）（$29）粗烏冬滑溜彈牙，烏冬本身唔凍，凍嘅係啲汁，微咸加大量蔥花同少許薑茸，薑茸微辣，加青蔥爽口！好味！南瓜天婦羅（$7）薄切南瓜本身夠甜，加上薄脆炸漿香脆！好味蕃薯天婦羅（$7）蕃薯厚身粉糯，唔算好甜！薄脆炸漿！好味！竹輪天婦羅（$12）長身竹輪彈牙！外脆內軟！天婦羅醬杰身微甜！好味！食物唔錯，不過有啲位唔靚，好似比咗錢，攞調味料位置好亂，醬油都無添加，天婦羅碎、兩壺熱水都無晒！好像攞起手都無咁！食完自己攞食具去收納口！日式烏冬車仔麵！

每日返工都會經過，決定去試下好唔好食。佢分中同大碗烏冬，我要左豚肉大碗烏冬。佢係自助形式，要晒材料先到收銀比錢。途中可自己現成加料(≧∇≦)/另有價錢顯示。自行加左七味粉特別香。豚肉好食，烏冬韌度岩岩好。同事另外要左炸魷魚鬆，份量少左d但都幾好食。整體不錯，下次會再幫襯。建議店提供可樂餅更佳＼(^o^)／間店d學生餐好抵食，奈何我已經n耐唔係學生。

路經樂富，想食個quick dinner.走進了這間烏冬店。豚肉軟骨烏冬(大碗) $51肉眼觀察，碗烏冬個湯好似好濃。但飲落口其實平平無奇。唔咸，但其實也沒有鮮味。豚軟骨 肉質有點鬆過龍。不好靱的應該會喜歡。但碗上面的西蘭花是冷的。也太頹了吧。