Mangosteen Thai Cuisine (Closed)

中午放Lunch跟同事來，位置十分隱蔽，同事來過幾次都花了點時間認路下午茶時間來的我們，店裏沒有太多客人，同事推薦海南雞飯，但今日不想食飯，所以點了雞翼扎肉湯河，湯入面有兩件蘿蔔，所以湯底都算清甜，雞翼由於放在湯入面，所以口感變軟了，整體不過不失。以尖沙咀地段來說，價錢十分便宜。

尖沙咀廣東道一帶返工，諗中午食咩就最頭痕，因為周圍都係人，遲左放lunch 就好易冇位今日決定去亞士厘道呢邊食，好多都好多人等位，於是乎就揀左食泰國菜！入到去都等左5分鐘位，環境比較暗，光線都唔充足，而且座位方面都比較狹窄，扣左分！Lunch set大概有10款多啲，而我就揀咗最穩陣嘅海南雞飯配熱飲！大概又等多10分鐘先至上餐，賣相OK，但個例湯真係超級咸，好彩個海南雞同埋個飯都唔難食，仲可以接受，最好食竟然係送既一舊甜品仔，應該係大菜糕之類！ 午餐都勉勉強強 如果晚餐就真係唔考慮黎呢度！注: Lunch 免收加⼀

第一次食嘢食到發脾氣，打工仔午膳得一個鐘，行得去都得返45分鐘，叫左個什錦米，等到遲過我黎既人都有喇，我咪出聲，女侍應話整緊，叫我等等，20過去我又再問，都係等，終於等左半個鐘出現，人地再遲過我黎個批都差唔多食哂。我仲吟我碗什錦米有幾厲害，點之魚蛋一粒，蛋半隻，菜一條，又唔係特別好味，望住碗嘢想講粗口，最後我既用餐得10分鐘！埋數我錢都唔使佢找，我驚要等半個鐘。我呢一世都唔會再去幫親豈有此理！好食都話，又唔係特別好

好幾個月無黎食就黎食下啦，都有番咁上下水準，仲維持到既。今日叫左個泰國蕃茄牛腩飯，都算有料既。汁方面，雖然味道唔係有好濃蕃茄味不過我就覺得唔錯既。牛腩，細細粒又唔肥都岩哂我，而且口感都唔錯呀，易咬少少林，所以都幾正呀。湯同甜品方面就無咩特別啦。凍檸檬茶，呢個茶幾特別，同茶餐廳既檸檬茶味絕對唔同，少少甜不過味道完全唔同，唔知係咪泰式味道我就覺得幾好既，試下啦總結間中食下既午餐絕對沒有問題。只係地方就會迫少少，快快趣食一個鐘午餐就無咩問題

今日途經尖沙咀， 搵緊下午茶之際，見到呢間餐廳，下午茶有炒粉麵飯，又有湯河， 又唔使加一，就試下啦！裝修好平民化，無特別！我點咗 "泰式豬頸肉炒河" 但味道偏甜，麻麻哋！朋友點咗 "泰式酸菜豬炒飯" 雖然味道ok, 但豬手全部都係脂肪嚟嘅，真係肉就好少好少

以前在附近工作都會來吃午餐，事隔幾年再跟朋友來吃晚餐，這裡勝在人不多，不用等位。一坐下，店員就送來炸蝦片，是送的！不用錢！非常脆。點了個豬頸肉，略嫌乾了一點，不過點著醬汁還是可以。蒜香雞翼，每隻都好大，不過味道就很一般，這個菜，不建議酸辣鳳爪，叫了小辣。很易入口，也真不辣。泰式炒通菜，也是好大碟的。味道也是中規中矩。黃咖哩雞，是最好吃的一味！建議拌飯吃。我們沒有叫飯，就拌著炒粉絲吃了。一點都不會辣，又有點椰奶香。是香滑的！推薦總結：味道：大部分都很普通，但不會難吃。賣點：人少，份量多，價格合理。

Lunch去左亞士厘道一間泰國野，門口有個牌好似寫住1230前離座有85折，但當日去到已經過左依個時間望左幾眼就入左餐廳。平時都好小食泰國菜，今日就轉下口味。地方都唔大，但去到都唔係好多人，即刻就有位。叫左個午餐，什錦喇沙河，依個餐有甜品，小食同野飲。上菜速度都幾快，叫完無耐就有得食。喇沙味道唔錯，好香椰奶味，完全唔辣，湯底我都幾鐘意。餸就好一般，一隻蝦仔幾片魚片半隻蛋小小雞絲，同埋明明餐牌寫既係河粉，黎到既竟然係米線，份量都幾小，唔太夠飽。小食係春卷，雖然唔係即炸唔係咁熱但都幾脆。甜品係椰汁味既大菜糕，淡淡既椰汁味，不過不失。野飲叫左杯熱菊花蜜，味道都好正常，小小菊花味。

每次都係lunch黎，開初黎都覺得過得去，轉食下泰國野，起碼有d 新鮮感，但黎左幾次，lunch menu 從來無轉過，食黎食去都係個d 好悶，而且仲加左價但menu 上既野又唔係好好食，食過海南雞飯， 油飯飯粒硬又無油香豬手飯，話明泰式，但無跟泰式辣汁，都唔正宗既，侍應反而走黎問返我要咩辣汁而且lunch連classic 野都無，例如冬陰公湯河，船河一成不變既menu， 又唔係叫你做哂所有泰式菜，但唔該都轉下呀

今天路經亞士厘道，發現這處有間泰國餐廳。這家餐廳午餐時間，坐無虛席。這兒的裝修比較貼地，光缐比較暗淡，帶一點點平民泰式風格。這兒供應的午餐十二款，有黃咖哩、青咖喱、喇沙和炒飯等等，價錢由$48-$68，免收加一。苦等了四十分鐘，午餐時間也差不多過去了，才緩緩地送上午餐。四寶飯$66（海南雞、豬手、扎肉、雞蛋、酸菜）$66這四寶飯的餸全都是預先處理的，而溫度是微暖。海南雞肉質比較乾，淡而無味；豬手肥得只有脂肪，而豬手的肉也十分鞋口；扎肉、雞旦和酸菜十分一般，而白飯也十分硬身，唔夠軟熟。海南雞飯$67這個海南雞飯賣相一般。雖然這個雞飯是加了$5轉雞肶，但作用唔大。雞的份量唔多，即使是雞肶肉亦唔嫩滑，仲有點兒乾身和鞋口。雞肉即使連皮吃，入口淡而無味，只能沾上泰式醬料增味。油飯雖帶一點點的味道，但口感偏硬身，感覺麻麻。熱菊花蜜是正常味道，有淡淡的菊花味；熱奶茶是泰式奶茶，口感香滑，帶有特別的香味。整體而言，感覺一般。同等價位，在同區有更好同更多的選擇。

禮拜六晚約左朋友上化妝班 之前見有啲時間諗住食少少野先本身都鐘意食酸酸辣辣的泰國菜行過亞士厘道見到佢個易拉架見佢仲有下午茶(六點前供應) 就行左上一樓試試佢可能就夠鐘，所以餐廳大約六成滿到我坐左係買四人位侍應姐姐好快就俾左menu我好快就決定左食 冬蔭功蝦湯金邊粉 加熱菊花蜜(?)($46)上餐都上得好快十分鐘之內熱辣辣的湯粉就到左喇好香 佢唔算辣 小小辣姐 偏酸啲既 岩我口味金邊粉份量都好足 好難相信佢係下午茶我諗男仔都會夠食至於配料方面 蝦有四隻 細細隻 口感爽口但無咩味(預左) 仲有一啲磨菇同雞脾菇 啲菇加埋啲湯好好味 我覺得成碗最好味係啲菇(錯重點😂)至於野飲熱菊花蜜(?)點解要加問號因為我唔記得佢係菊蜜定菊咩因為太淡了。。。。總結：食物OK!抵食!有下次!下次試其他飲品!

Lunch時間去, 人數唔算太多, 唔使等位, 環境唔係好大, 位置比較窄, 午市套餐有成10至12個, 價格由55-65左右。黃咖哩豬扒伴白飯: 咖哩有少少椰汁味幾好, 撈飯食唔錯, 如果椰汁味太濃會蓋過咖哩本身既香味, 豬扒炸過, 唔厚粉, 配到咖哩一齊食幾好, 但係咖哩中既薯仔就太大舊, 煮得唔入味, 配有酸菜排骨湯, 個人覺得一般, 仲有個唔知係咩野榚既甜品, 完全冇味道, 而且舊榚太過脆身, 完全唔煙韌, 完全唔好食。係尖沙咀來講咁既價格都算唔錯, 份量都好足夠, 唔大食既人可以叫少飯, 但係就要改進一下舊甜品同個湯會好好多。

作為尖沙咀嘅上班一族 一定識去亞士厘道嘅樓上餐廳搵食今日同朋友揀咗食泰國菜 平日午市時段都坐滿 但唔算太逼 喺尖沙咀嚟講 呢度嘅午餐真係幾抵食<<青咖喱雞伴白飯 $56>>咖喱汁充滿椰香 味道唔辣 加埋金不換葉 提升咗泰式風味雞肉口感嫩滑 但食得出少少雪藏味另外 午餐除左主菜 仲會配埋湯、甜品、飲品，今日餐湯係酸菜排骨湯 個人好喜歡食酸菜 所以覺得味道唔錯！而甜品係類似芒果啫喱 味道淡 而且怪怪地～ 值得一提嘅係呢度嘅茶飲得出係泰國出名嘅手標茶 鍾意飲泰式奶茶嘅朋友可以一試其實香港大部分嘅泰國菜館都為咗配合香港人口味而變得唔夠正宗 呢個事實亦係無可厚非 所以呢間泰國菜餐廳嘅味道尚算係一間可以比你止癮的選擇，但未說得上正宗泰國風味

新年前夕, 成個尖咀都people mountain people sea, 3點幾上到黎, 人唔多 難得搵到個靜靜地, 任座又抵食嘅好地方, 淨係計環境已經贏曬啦坐底hea左陣先叫野, 中間留意到唔少上黎食嘅都係熟客仔, 應該有D保證掛下午茶meun, 每日 2:30 - 6:00pm 供應, 星期六日一樣有叫左個香茅豬扒湯河只係$41味道還可以啦, 豬排大大塊, 都幾厚身架。不過就非常建議佢地將塊豬排分開上啦呢碗...成塊豬排浸曬落個湯河度....就當然一D都唔鬆脆不過要喺呢個位置, 呢個價位, 搵間好坐抵食重要好食嘅餐廳真係難過登天, 呢間認真唔錯架啦下次再黎試下晚市。

呢個泰國餐廳間唔中就會黎食LUNCH，尖沙咀食LUNCH比人既感覺都係好多選擇，但當你食左若干年既時候，都係會覺得冇咩好食!呢間餐廳未至於好好食，但係位置同埋價錢，環境，仲有食物質數都完全冇問題!***忘記左影LUNCH MENU!!下次食記影XDXD叫左個LUNCH SET入面最平既雞翼扎肉湯河!佢包小食(春卷仔)，包小甜品(棷汁糕)，包指定野飲，我叫左個熱菊蜜!!價錢冇記應該係$48 XDXD雞翼扎肉各3塊，講真出面食雞翼最多咪比2隻你，而且味道不錯!河粉超多!!女仕們可以叫少河都仲得，我自己都食唔曬!湯底就差小小，清湯黎架啫!!至於小食同甜品都不過不失!!熱飲菊花蜜，真心就真係冇咩蜜糖味，但勝在唔使加錢，又冇奶茶咖啡咁唔健康!!

聚會黎呢到最岩靜靜地傾下計 坐窗邊又望到街 望到自己泊樓下既車😅呢到仲真係播泰文歌雖然唔識聽 但係好鐘意泰文歌既我聽到就覺得幾好feel坐窗邊仲可以望到街野飲又好飲 野食都好食 不過無影到相嗌左咖喱蝦 薄餅 咖喱雞 蒜蓉包燒魚 串燒 燒豬頸肉 蝦餅其實唔係差架wo 係正常正宗既泰國野比起試過唔好食既泰國野 我覺得呢間係尖沙咀黎講都唔錯架不過座位少 大家如果多人黎之前最好訂位先埋單每人$220 唔貴 仲食左好多野 同埋佢個甜品椰汁糕好好食椰汁頂椰青水做底 最好食係佢入面有椰肉架!!清清地 但係好好食!!仲有飲野同飲啤酒 所以抵呀