文記車仔麵 (福榮街)

Open Now

Now Closed

在深水埗晚餐一定係食文記車仔麵自由揀餸辣度自己選擇不得不讚，✨瑞士雞翼大大隻，厚厚的肉連瑞士汁都全部滲透落雞肉內😋⚡️韭菜餃是自製的入面嘅餡料，很飽滿豬肉和韭菜嘅份量很平均✨蘿蔔入味之餘醃得也很林，可以一口就食完✨花膠肥肥大大更加很滑身，大到可以把整碗麵蓋上✨湯底又不會過鹹不會令人一邊飲水

已經幫襯咗好多次, 多數都係夜晚凌晨嘅時分去幫襯, 有一次我淨係買煎釀三寶, 我就同收銀講 (因為係收銀負責執煎釀三寶嘅), 收銀員係一名配戴眼鏡的女士.我 :收銀就好冇禮貌, 好唔耐煩咁講 :當其時我仲覺得係我自己有問題, 但係我又覺得奇怪, 點解唔可以每樣一件呢? 咁之後都買咗, 但係佢嘅態度非常之唔耐煩同埋好惡劣, 不過我到而家都唔係好明白, 點解唔可以每樣一件呢? 唔夠數嘅, 咪再補返齊佢囉. 即使佢唔明白我所講嘅意思係乜嘢, 佢都唔需要咁唔耐煩啩.頭先7月11號凌晨2點53分, 我又去咗文記車仔麵買外賣, 咁收銀負責包裝, 咁佢包完之後, 我先醒起, 我唔記得同佢講, 我唔要餐具.所以我就同佢講 :但係佢就無反應, 我諗可能佢本身就冇畀, 所以佢冇反應, 冇打開到個袋.之後我再問佢 :佢就如常地態度極度惡劣地話 :跟住我再就同佢講 :佢就話 :我 :佢 :態度實在太惡劣啦, 我唔明白點解佢要咁樣嘅態度去對待客人, 其他員工都冇問題, 態度好正常, 係只有佢嘅態度係咁差.其實諗諗下, 我覺得我唔應該同佢講咁多嘢, 唔要餐具都唔需要同佢講, 我應該由得佢包, 然後再自己攞返出嚟,

今日放假又出動去深水埗搵好西吃喇！咪以為車仔麵好簡單（有睇食神就知啦⋯⋯haha haha)呢間出哂名，半夜三更都要排隊既車仔麵，當然要試試啦⋯⋯唔使講，星期日+下午（雖然過左平時食飯時間），實係排哂隊。3間鋪都有長長既人龍........想食野有時候係要付出下既，排左30分鐘左右，有位，自選菜單，✔️✔️✔️✔️完就等食。再黎個咸檸檬🍋+7up，爽呀！貼心提供一大堆調味醬料，任君喜好。仲有個菜（鋪）加餸。喜歡辣的要試試。

每次收工或者夜媽媽唔知食咩好，我都一定會揀文記車仔面，而且每次食都係好滿足咁離開。文記車仔面吸引之處第一，就係佢個湯佢個湯好濃味，所以無論撘咩面底都好好食第二，就係佢d 餸佢既餸係比較新穎d 既送，但同傳統既車仔面好似。雖然我唔係所有餸都食過，但overall 既味道都好有保證。我自己就最鍾意佢個尤魚同埋瑞士雞翼，超級正第三，就係佢既辣食辣既朋友一定一定要試佢d 辣，同個面超夾，再加埋d 菜脯就仲正不過，文記車仔面算係黎講有d 貴，始終大眾都未必覺得車仔面係d 咩貴野。但佢質素真係值嫁

今晚經過深水埗。見到文記車仔麵好多人等位。決定一試。等了10分鐘便入坐。點了油麵加幾味餸。瑞士雞翼幾好。肥美多肉。豬大腸都可以。但不算出色。墨丸內裡在點涼。未夠加熱。牛腩幾好。但再軟一些便最理想。最好是湯底。味濃，我叫的是腩汁湯底，味道好像泰式船麵的湯底。埋單55元。不貴。有機會會再來。

與友人相約深水埗，友人一提到想吃車仔麵，便知道是文記車仔麵。文記在深水埗福榮街有很多分店，但每一間都需要排隊，很受歡迎。餸菜選擇很多，湯底也可以選沙嗲汁，咖哩汁，加辣及腩汁等，變化很多。餐牌推介餸菜有很多，每樣都想試試呢～最後點了玻璃辣魷魚，蘿蔔及瑞士雞翼腩湯鳥冬。魷魚的份量很多，店員盛了一大勺子的魷魚。魷魚彈牙爽口，但偏辣，而且辣汁令整個湯底都變得很辣，甚至比加了辣友人的湯底更辣。不太能吃辣的建議不要點魷魚。蘿蔔清甜多汁，很嫩，不會有渣。可以稍為解一點辣，配上湯汁熱騰騰的很好吃。瑞士雞翼滷得很入味，雞翼沒有雪藏味。除了雞皮外雞肉也很入味呢，瑞士汁混入了湯底也很搭。沒想到烏冬也很吸收湯底，爽滑彈牙的烏冬搭配湯汁也不錯。另外試了友人點的豬紅及冬菇，也是相當出色。豬紅入味之餘，很順滑，也沒有異味。冬菇切成一口大小，更能吸收湯汁，爽滑多汁，很滋味。最後配上洛神花茶作為完結，酸酸甜甜，清暑又解辣，很適合在夏天的時候喝。

話說以前住深水埗系成日食文記車仔麵，自從嫁左人搬走左 有時突然想食 老公會突燈去買比我食！系回憶既味道，必食一定系銀針粉，豬腸系每次都會Order,好入味 好林吾會有腸臭味。仲有個辣汁先系個精髓 佢吾會得個種死辣，佢辣而帶香 又吾會好油膩。食完過兩日又想再食！

每次食都要排隊，感覺這間分店比較少人，排隊時間較短推介玻璃辣魷魚晶瑩剔透，咬落非常爽口不過偏辣，小妹湯底已經為辣湯底，自己又不太食得辣所以食到出晒汗！鹵水豬大腸洗得好乾淨，無腥味，吸晒湯汁十分惹味清甜蘿蔔不一定清甜，應該是要看季節/批次吧以往食都是清甜，可惜今次有點遜色不過用來解辣依然不錯，值得一讚係燜得好”林”重點推介辣菜脯每次食都要落好多！菜脯卜卜脆又唔硬，辣度適中又唔會太咸用黎送車仔麵一流！

身為深水埗街坊，文記簡直係由細食到大。由佢一間舖，變兩間舖，依家有三間舖，我都一直係佢嘅食客。但而家長期排長龍我都少食咗，平日晏晝唔使返工行過樓下，見到冇乜人，終於可以食返佢。食車仔麵食食一定食油麵，因為得車仔麵先會有得揀油麵，所以變到好似車仔麵嘅特色咁。餸方面揀左豬大腸、蘿蔔、牛腩。呢幾款滷制/炆制食物，入味腍身又保持左原材料嘅味道，正呀。叫左中辣，辣味溫和唔熗喉。雖然文記並唔平但分量都對得住價錢。大大碗見到都流口水。

相信食過既都知有幾咁多人排！所以我通常都係一個人黎食，咁就會比較快入坐。但遇上小插曲，就係丫姐安排錯俾一個遲過我既人入。可以原諒既，因為都好多人。餐牌落單。俾左個牌你先有得入去，之後你坐底之前你前面就會有筆。咁你圈返你要既野就得嫁啦。坐就預左吾會坐得舒適。所以影張餐牌我都已經迫到影吾到後面。我就叫左辣魷魚，豬大腸，墨魚餃。粗麵。佢仲有得俾你選湯底，辣既程度。呢pat就係小辣。等大概5至10分鐘就會到。所有都係平民小食。都算係真材實料！但對比以前，好似開始有變化了。

平時出開旺角食，已經食到冇咩好食，由於朋友唔想再係旺角食，所以我地去左過2個站既深水埗搵食。一嚟到見到咁多人排隊就知唔簡單，一條街仲要有成三間鋪，睇嚟係有啲料到。我地排個間多數做外賣生意，不過都有堂食。我叫左招牌雞翼，豬手同埋魚腐。朋友就叫左雞翼蘿蔔同埋豬腸。佢地個雞翼同豬手真係必食，好淋好入味。之前去過食一間車仔麵，佢地既雞翼好乾已經冇哂肉汁，就好似屋企食淨再番叮既味道。不過呢度啲雞翼真係好淋好入味，可惜係得2隻，要食就要再散叫。豬手一樣好入味，好好食。反而魚腐就不過不失好普通。份量對我嚟講係啱啱好，行多陣會有啲餓。不過會再番去食。

依一日特登搭車去深水埗食文記車仔麵😊我哋去咗一路排隊望住姐姐即刻整嘅嗰一間，排隊大概等左差唔多20分鐘😆好味嘅嘢等20分鐘都唔算太耐！我自己就叫咗西洋菜，瑞士雞翼，蘿蔔同埋牛腩。因為唔想食麵嘅關係所以就叫咗西洋菜，都幾大份㗎😋蘿蔔方面非常清甜，真係叫多一份都食得落。另外牛腩炆得夠淋，但係又唔會一咬就散晒，而且黐住少少根部位置，入味得來又有咬口，值得一讚！最後當然不得不提佢個瑞士雞翼啦，佢個瑞士汁甜得來唔會太令人討厭，雞翼又非常之入味，你可能會以為佢浸咗好耐所以先至入味，但係雞翼嘅肉居然係好嫩口，一啲都唔似已經整左好耐擺喺度！如果大家想飽肚啲當然可以叫個麵食，但係因為佢所有餸都太吸引，所以我就淨係叫餸食啦😋😋😋

每次食晏都好想食文記真係好似食上癮咁既但每次都要排隊等位，如果一個人去食就可以好快入到去食。哩度既裝修好出色用盡店內既每一嗰空間一入到去店咀就會俾嗰餐牌我地圈係等位期間我地傾好左食啲咩可以一齊share我就嗌左日本溏心蛋，蘿蔔，瑞士雞翼，菜心配米粉。朋友嗌左辣尤魚，酸齋，瑞士雞翼尖，配賴粉。另一個朋友嗌左。要讚一讚哩度既瑞士汁好入味日本溏心蛋好流心蘿蔔好清甜嗰湯低好好飲朋友嗰辣尤魚好煙un好出色魚肉好爽口！💕💕日本溏心蛋，蘿蔔，瑞士雞翼，菜心配米粉💕💕辣尤魚，酸齋，瑞士雞翼尖，配賴粉💕💕魚肉，紫菜，瑞士雞翼尖

香港其中一項傳統美食便是車仔麵 在住宿舍時 有些exchange students 總會問我們有什麼Hong Kong Traditional food recommendations. 我總會帶他們到文記車仔麵 因為夠百搭!文記車仔麵最出名的是它的玻璃魷魚及瑞士雞翼 我與朋友們總是吃得津津有味👍🏻不過 大概你們不知道 在每張桌上其實也有一枝花椒油 加在麵上其實會使麵的味道變得更多元化愛小麻辣的朋友不妨一試整體來說 文記確實有它的特色 價錢又合理 推薦大家去試試

My friend’s dad owns the shops and my friend brought me there once for lunch. It’s absolutely amazing, the broth is very good! The one thing is that you have to provide your own tissue or they make you buy it. Other wise, all of it is really good!!