誠拉麵 (Closed)

真係好想幫忙推介一下因為位置比較隱蔽 唔係太多人會留意到原來Aeon Supermarket出邊 除左大門拉麵🍜 其實另一邊 都有間拉麵店架📣📣📣(同另一間食刺身丼飯店自成一角)似food court質素都相當高👍🏻值得推介‼️🐷🍜豚骨味噌拉麵 $𝟾𝟸鍾意佢湯唔會太鹹 食完唔會太口渴拉麵爽口彈牙 叉燒燒得好冧 亦唔會太肥 入口即溶🤤🌶🐷🍜赤豚骨拉麵 $𝟽𝟿+$𝟷𝟻 就可以跟餐(小食+飲品)📍誠拉麵 (屯門)屯門屯順街1號屯門市廣場1期UG樓AEON屯門店20-05號舖…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗

屯門Aeon店重新裝修後多了一間拉麵店叫誠拉麵，位置在角落不起眼，看到廣告立牌就進去看看，平日人流不多可隨意選擇位置坐。新開時第一次食黑豚骨拉麵，已覺得好味，今日第二次食，點了一份平日午餐$65無加一，而午餐得一款白豚骨拉麵，沒有雞蛋，有前菜和汽水。白豚骨拉麵更有驚喜，湯底十分香滑，我懷疑加左牛奶(?)，湯面一片蛋白質薄膜。叉燒肉雖然薄片但肉質好嫰，唔知係咪加左豬頸肉或者係靚部位既肉，再用醬汁燒過之類精心製作，如果又厚又硬比你都唔想食啦。而這家的麵是我喜歡的幼麵，幼麵+湯+木耳絲同時咀嚼，真係一種享受。幼麵掛湯d，粗麵好咬口，各有所好。唔少食新店時好食之後就變差，但呢間隔一排黎食都仲好好食，無退步到，真係要寫食評支持一下。十分推薦誠拉麵店，真係店如其名，係有誠意的製作。

拉麵大大碗，熱辣辣。配菜都好味，麵身適中，唔會太軟太硬。仲可以加錢跟餐，多杯野飲同小食。小食水準都唔馬虎，有明太子雞翼同燒雞軟骨😋唯一係無樓面負責清潔，張檯上手滴左D湯都未抹走～有少少影響整體感覺。但味道係唔錯，有機會會再黎。隔離好似係賣刺身飯，未試過。都係拉麵吸引D～～～如果拉麵可以任添配料既話、相信會更加好。例如比客人選擇加多蔥，芝麻，拉麵胡椒，辣椒油之類。咁樣相信會更加夠競爭力。同層有間拉麵店開左好耐。。。記得最初開係幾好食，後尾水準下降了不少。希望誠拉麵可以keep到個水準

幾次經過AEON都好想試呢次終於有時間俾我坐低去食啦見到佢做緊個$98套餐包1碗拉麵 再會有2款小食同汽水 好多拉麵店淨係叫碗拉麵都已經$100幾相比下佢呢個SET真係勁掋！我就叫左豚骨味噌拉麵＋唐揚雞塊配雞軟骨＋雪碧食拉麵第一件事一定係飲下個湯底先味噌味唔算太濃但豚骨味令個湯好香 幾好拉麵嘅麵質好彈牙 而且仲有好多蔬菜做配料成碗嘅份量好足2款小食嘅質素都有番咁上下唐揚雞塊嘅肉唔乾 但外層略嫌唔夠酥脆雞軟骨係有黑胡椒係表面 幾香口總結係一間CP值高嘅拉麵店 會再去！

誠拉麵 (屯門)屯門屯順街1號屯門市廣場1期UG樓AEON屯門店20-05號舖白豚骨拉麵（餐$98）湯頭喝起來富含膠質，但是湯頭卻沒有想像日式般的鹹，反而喝起來算濃厚不鹹。加少少錢可以轉套餐，點了唐揚雞磈，配鹽燒雞軟骨和汽水。拉麵爽口彈牙，湯頭濃厚，配上叉燒，一絕。雞塊乍得香口，雞軟骨惹味。黑豚骨拉麵加$25可以多一個叉燒飯和飲品還有沙律，非常抵食。湯頭有濃濃的蒜香味，入口比起白湯，多了一個層次，但喜歡白湯的人還是會選白湯。麵質非常爽口彈牙，吸收了濃濃的豬骨味。不得不提這個叉燒飯，雖然不同於黯然銷魂飯，但叉燒入味，配上粒粒珍珠米，比想像中好吃。

這間誠拉麵店舖位於屯門市中心AEON裹面嘅店舖，我又再次到這間店舖食拉麵，地方環境都唔錯，坐落感覺都好寬闊舒適，簡單而且都幾特別🤔，去嘅拉麵非常之有水準👍!.赤豚骨拉麵呢款拉麵嘅配菜有海苔3片，木耳絲，蔥，同埋半熟玉子蛋半隻蛋味相當之唔錯，叉燒2片，賣相都好吸引😲，去嘅湯底味道十分之濃味😙，帶有小小辣，食到入口味道真係唔錯😋，叉燒肉身好嫰滑又夠腍身，咬落䐁肉到好有口感，真係好有水準👍!.白豚骨拉麵呢款白豚骨湯底味道濃郁😙，去嘅配菜都唔錯，係有海苔2片，木耳絲，蔥，半熟肉子半隻叉燒兩片.好香豬骨味道，去嘅白豚叉燒索哂D湯底味道😋，令到豚肉更加好食又有口感🤔，肉質都好嫰相當之唔錯!.**價錢又唔貴，值得試吓**

喺屯門想食拉麵除咗一＿拉麵之外而家又多個選擇啦～就係喺AEON入面嘅誠拉麵今日係大概四五點嚟到所以人流唔算好多～朋友話想試吓呢間拉麵好耐喎～見今次又嚟開買嘢一於食埋碗先走啦我哋各自叫咗一個套餐兩款都唔過$100我嗰款就配左沙律同餃子佢嗰個就有炸雞同雞軟骨串燒好抵食呀～湯底係基本款 嗰種經典嘅感覺係絕對唔會令人失望餃子煎得非常香脆～ 白湯湯底飲落會有啲膠膠地 食落去一口都是滿足認住呢個招牌啦～入門口左手邊就會見到！

係屯門市廣場shopping 完既朋友，如果shopping shop 得耐，想搵間拉麵店食既朋友，真係可以試下呢間誠拉麵🤤尋日同朋友食完，真係值得推介白豚骨拉麵$85叉燒厚薄適中，少量肥肉令整體入口更香，而且仲大大塊木耳爽口，配埋彈牙麵質嘅拉麵有雙重口感而且個湯好香濃！平時我食拉麵就鍾意一”住”麵加一殼湯，咁樣就更加食到拉麵同湯加埋一齊既化學作用豚骨味增拉麵$92 又香又軟嘅半熟玉子一向係我至愛湯底濃郁又掛麵，芽菜量超多鐘意食芽菜嘅話就一定要order 呢款烤餃子(5隻）$25喜歡食餃子既我，追加左5隻餃子，餃子皮煎得香脆，入面嘅肉餡新鮮多汁，有意想不到既好食鹽燒雞軟骨(2串）$18呢個鹽燒雞軟骨串有驚喜😙燒得好香好惹味，一定要趁熱食！

呢排成日都心思思想食啲好濃嘅粉麵，真係非拉麵莫屬拉埋朋友近近地嚟屯市食一黑一白，又配唔同餐拉麵套餐 $98白•豚骨拉麵 + 明太子手羽 + 鹽燒雞軟骨 + 汽水依個係我嘅先試個湯底好濃郁 仲係帶少少杰面頭仲有好多木耳配埋拉麵一齊食 個口感過癮好多好爽口叉燒肉好淋肥瘦均勻，基本上都唔係好使用力咬最令我眼前一亮嘅係 鹽燒雞軟骨燒到好香 又帶少少煙燻味咁鹽味啱啱好 唔會太鹹明太子雞翼都唔錯估唔到小食都做到咁好黑•豚骨拉麵 $79+沙律 + 餃子 + 汽水 $15聞落去好香蒜味但我個frd仲要額外再加蒜好厲害

🇭🇰#屯門 日本過江龍拉麵🍜【#誠拉麵 】開咗喺#Aeon 一個小型嘅food court 差啲又搵唔到👅最近屯門牛牛好似多咗好多日本菜可以食🐄🇯🇵⚫️黑•豚骨拉麵 $79（紫菜 木耳絲 叉燒🐽蔥 半熟玉子🍳）+$15 配 日式沙律🥗餃子🥟罐裝汽水🥤一向鍾意食蒜頭夠晒重口味嘅我梗係要試吓黑蒜汁啦🖤一上碟一大浸蒜頭味撲入鼻哥🧄試咗啖湯又唔係好濃蒜味反而有陣煙熏味🌪博切叉燒脂肪分布得好平均煮得好冧半熟玉子就好似有少少過熟冇流心嘅感覺🥲拉麵嘅硬軟度都適中👍🏻小食方面日式沙律就係好簡單嘅粟米🌽配生菜🥬加日式醋🧂夠晒開胃😋餃子唔係煎餃係普通外表軟熟嘅餃子🥟

同謙謙係屯門 stage E 到睇完戲，謙謙話好肚餓，但我又想去 Aeon 到買野喎， 咁一路行下行下，買左我想買的野後，比我見到誠拉麵。就排隊去食。呢到座位好寬倘舒適， 係自己去落單比錢，再自己拎餐，我同謙謙一人買左一 set 套餐，套餐都幾豐富。任選一款正拉麵配唐揚雞塊兩件或明太子手羽1隻 ＋鹽燒雞軟骨1串＋罐裝汽水 （$98）。⚛ 黑·豚骨拉麵 ～ 謙謙選的黑蒜味很濃郁，個糖心蛋煮得流心，入口超滑雞蛋味香濃，半肥瘦叉燒面層燒得香口，入口滋味一d 都唔油膩。⚛ 赤·豚骨拉麵 ～ 我大愛赤，因為我鍾意食辣，呢到個辣只屬微辣但配搭拉麵易入口，呢到拉麵質感正宗係幼麵🥰， 木耳絲爽，我都忍唔住每一口都連湯食。⚛ 唐揚雞塊 ～ 粉醬唔厚，即炸關係，來到超氣，但我地已經忍唔住咬啖，雞肉爆出肉汁入面夠嫩滑。⚛ 鹽燒雞軟骨 ～ 簡單的雞軟骨，加上鹽和黑椒已經好美味。

今天跟女朋友在屯門巿中心為添置新居物品而閒逛，途經Aeon 期間，在轉角中發現這間日本拉麵館。我跟女朋友正好逛得餓了，餓得發愁，就直接進店坐下。餐廳小巧的色，座位區是與另外兩間餐店共用，座位還算寛敞，剛好過了午飯時間，人流不算洶湧。餐廳將每款食品分為「正」及「特」兩種級別，而每款拉麵都有套餐配送兩款小食及一罐汽水。我跟女朋友都選擇了「正」級的，因為看見「特」級的只是配菜多些，並沒特別。赤豚骨拉麵 -看到整碗紅咚咚的，但吃上來才發現並沒有很辣。不過勝在湯汁香濃，而麵線亦十分煙韌，很有嚼頭。叉燒薄切肉嫰，而糖心蛋做得相當不俗，蛋甜味香。白豚骨拉麵 - 除了顏色外，整體幾乎與赤豚骨拉麵一般無異，湯底是清甜的豬骨湯，沒有赤豬骨那麼油膩。唐揚雞塊 -兩款小食之一，乾身香脆，內裏加了點Cream，令到雞塊變得更加Juicy。明太子手羽 -女朋友選了另一款小食，雞翼裏面釀滿了明太子，每一口都吃得鮮甜又富口感。

豚骨拉麵套餐(配日式沙律+餃子三隻+罐裝汽水)豚骨湯底好濃，飲落有啲粘粘嘅口感，味道適中。木耳絲份量幾多，爽口清新，加埋蔥令湯底冇咁膩。配料仲有海苔、叉燒各2片，半熟玉子半隻，叉燒肥瘦均勻，浸喺湯度更惹味，玉子香滑。麵質尚可，唔會太粘口。沙律粟米略嫌唔夠甜，菜相對都唔夠新鮮。餃子煎到都幾香脆，但餡料唔多，味道一般。豚骨味噌拉麵套餐(配明太子手羽1隻+鹽燒雞軟骨1串+罐裝汽水)湯底比豚骨拉麵重口味，配料大同小異，都係海苔、叉燒各2片、半熟玉子半隻，木耳絲換成荀絲同芽菜，荀絲酸酸爽爽，芽菜爽甜，更解膩開胃。明太子手羽肉質都幾juicy，裡面包住明太子。鹽燒雞軟骨幾香口惹味。

此拉麵店的每個套餐都是大概$100, 就包括一碗拉麵, 一碟小食, 一罐罐裝汽水, 絕對吃得飽飽的,,, 我點了$98 的這個套餐, 有日式沙律, 明太子雞翼, 鹽燒雞軟骨, 赤 . 豚骨拉麵和一罐可樂, 很豐富的!!!... 赤 . 豚骨拉麵: 豚骨湯底很濃郁, 但沒有太鹹, 讚!!! 那團橙黃色的辣醬挺辣和鹹的, 自己調調味, 適可而止, 避免太辣和太鹹, 兩片叉燒沒有很大片, 也沒有很小片, 同時沒有十分油膩的口感, 加一點點被廚師用心燒焦的表面, 精緻的兩片日式叉燒不錯不錯, 半熟玉子有流心效果, 很正宗!!!... 明太子雞翼: 雞翼內滿滿的明太子, 雞翼嫩嫩的, 但是味道過鹹了... 黑豚骨拉麵套餐@ $94: 不是我吃, 不予置評... 食飽飽記得自己收拾返...

週末的屯市廣場真係人山人海🥳🥳隨著疫情嘅減退，大家都出返嚟活動啦！當然我都唔例外啦🤣🤣行完Aeon見到這間食拉麵不用等位，就來試試，一抵對日本嘅懷念😝拉麵款式選擇不算多拉麵餐98蚊有小食、沙律🥗和飲品夠曬飽呀🥳白豚骨拉麵湯底濃郁，唔會太鹹，很足料呢！大量木耳，兩塊叉燒，叉燒經火炙後非常之香，口感唔錯😌仲有兩大塊紫菜同埋糖心蛋賣相一流呀🥰🥰揀咗明太子手羽雞軟骨，即叫即炸，熱辣辣雞肉嫩滑雞軟骨爽脆仲有黑椒，好味😋、黑豚骨拉麵我喜歡！加上大量嘅黑蒜油，香味濃郁仲有炸蒜！拉麵軟硬適中，每口拉麵都有湯，非常之有日本味道💕💕其實這間在日本是很多分店的，質素有保證！👍