瀧茶

Open Now

Now Closed

My friend and I were lucky when we visited Lung Cha. It was closing, but was kind enough to take our drink orders.I came for black sugar bubble milk, as it was once reported in social media as Lung Cha’s signature. However, I found it just so so, as the bubbles were quite chewy, as in not cooked enough thoroughly. The black sugar and milk were ordinary, nothing special to wow you.Maybe their food would be more appealing?

第一次食估唔到要等咁耐🤦🏻‍♀️試咗招牌瀧珠奶茶$18，普普通通，個味有啲特別/奇怪，好似係用普洱沖咁，叫咗微甜都好甜，之後個味就好似泰式奶茶咁喇😂之後仲叫咗個酸麻辣青瓜粉皮$20加牛𦟌$8，都唔錯，幾大碗食完都幾飽肚，係略嫌中辣都唔係好夠辣🥺

之前男友係面書見到呢間瀧茶嘅介紹，話有台式飲品、芋圓同埋粉皮。今日就去試試！店位其實好細，有三個員工不停咁整野飲野食。粉皮係特別多人叫黎食。今次點左個芝麻醬粉皮$24，加$4加份雞絲。加$3可以加大，好後悔無加大！碗粉皮份量好足，賣相真係十分吸引，入邊仲有埋蔥、蒜、青瓜。食第一口真係驚為天人！呢碗即成為我食過最好食嘅粉皮！本身我會覺得都係芝麻醬嘅味，但個味道係好有層次，唔同調味料配合得好和諧。一食會有種微酸，唔知係咪有醋，個種酸會令人會再食多一啖再一啖，然後有芝麻醬嘅香，蒜味會一直係口腔充斥，食晒就會成口蒜味😂。粉皮配青瓜就兩樣相反嘅咬口，正！作為一道小食，好啱煲劇邊睇邊食，兩個字，滿足！

店鋪地方及食物好干淨，最緊要真材實料，雞絲、蟹柳、牛展粉皮，冷面好好食，多種味道🚗仔芋圓糖水，呀，🈶️口感，有蕃薯🍠味，香芋奶茶奶茶好滑，正！🎉🎉Yummy 老闆娘及助手，好🈶️人性味，好錫D學生，常常比大碗啲，又好傾，好 funny ! 每次去到都見到好多熟客！瀧🍵 努力 keep 住品質呀！

小店兩母女用心經營芋圓做得好好食好好咬口 下次想加多份芋圓紅豆做得都不錯 店主推介的不過可以做少甜 覺得有點過甜會再為咗食而專登入慧安園！另外，店內仲有各種美食可一試！果度無位坐係有點唔方便如果可以加幾張枱凳俾客人食就好佢地都有張小小嘅伸縮枱俾人放低食不過得一張下午茶時段都幾多人去食附近仲有其他小食店眼見瀧茶最多人光顧自己本身好支持小店經營用心又好食服務態度又好希望大家都一齊支持小店令佢地有生存空間！！

話說慧安園曾經都係一個我鐘意搵食既地方😂依家愈開愈多新食店～見到又試下👉🏿✨朱古力珍珠奶茶 📌其實開頭見到都冇抱到任何期望，不過...有人話想試就試下啦😂事實係！個底既朱古力粉仲未溶！超級甜，唔知落左幾多糖漿🌚啲珍珠唔煙un唔彈牙，勁冇咬口🙄見到有媒體仲讚到天花龍鳳～真心唔得喎！成杯飲落就似奶水而已，真的不要抱任何期待，如果想試，都唔好飲呢款😂唔知係味因爲新開，仲未tune好啲質素，但真心希望小店會有改善啦👀

這間小食店開了不久，雖然舖仔細細，但看見鋪頭內內外外幾方面都很企理， 於是幫襯一下，簡單看這個外帶盒子一絲不苟就知不馬虎。 今次叫了一客青瓜絲粉皮以及一客芋圓黑白配，一鹹點一甜點，整體味道是不錯，青瓜絲粉皮爽滑，加了芝麻醬豐富了口感層次，更香更美味。另外，黑白配是指豆腐花同仙草，仙草幾滑，豆腐花偏硬，另加的芋圓有12粒，細細粒有唔同顏色，口感幾煙韌，當中的綠色的芋圓有淡淡的抹茶味頗為特別。整體來說看出店子製作食物的心思誠意，值得支持。

這間小店之前都經過見到 但一早經過又未想飲珍奶住 🤣晚上又唔經這邊 本來今日都係就咁經過 但行行下見到個學生妹拎左盒雞絲粉皮 好似好好食咁 即刻返轉頭買返盒 😍😍望下價錢 先$20一大盒 🤑🤑好抵 加雞絲就$8 外賣拎返公司食 真係又大盒又好食 蒜蓉芫荽會問你要唔要 青瓜同醬都重手 真心抵食+好食👍🏻👍🏻下次收早返黎 試埋佢既黑糖珍奶先 $21咋😆😆見到小店係媽媽同應該係女女一齊經營 開12-8 我會成日支持下架啦😁😁

好少寫食評,不過見係我屋企留下就讚下啦!個綠茶味芋圓味道比較突出,好有綠茶味,我自己本身鐘意芋頭味,但呢個唔夠芋味,其餘紅豆係好棉不錯,仙草ok 豆花唔夠滑,但overall 好食既下次試粉皮

雞絲粉皮 好食。粉皮夠滑。配料味道剛好。仲有分 辣同唔辣，照顧客人囗味周全， 服務態度極好。真材實料。 推薦指數：5 星 飲品賣相不錯， 味道也不錯。唯一太多人排隊，我講多無用，快啲去試下啦！