LUMOS Restaurant and Bar

Open Now

Now Closed

早排成日聽人哋講虹橋新開咗間好正嘅酒吧餐廳，LUMOS。就一於去試吓，環境真係好有氣氛每晚7:30都會有LiveMusic，另外啲嘢食都好唔錯喎🤪 食嘅期間都見出邊有好多人等位，小區西餐廳嚟講都算幾難得👏🏻牛油果三文魚他他粟米片 &128佢哋嘅牛油果醬同三文魚係一個好夾嘅配搭，食物好清新，再加埋粟米片食真係一個好開胃嘅前菜，都係一個好好嘅佐酒小食西班牙伊比利亞黑毛豬扒 $198我同朋友都一致覺得呢個豬扒幾好食😻，燒到啱啱好，食落去肉質軟腍 厚肉得來口感鬆化 很好呢~~燒虎蝦扒蕃茄茄醬扁意粉 $ 168酸甜嘅蕃茄醬底，再配兩隻虎蝦，蝦身身肉質彈牙。不過價錢有啲太進取，意粉份量真係有啲少。兩個人都唔夠share，如果多番啲份量就good呢☝🏻Why not Tuen MunDry Gin底，係一杯好啱女仔飲係甜口嘅Cocktail，容易入口🍸

間野做得幾高級都無用，連基本野都做唔好就點都講唔通，訂左枱準時到都可以無枱要啲客係條三十幾度既街蒸焗半個鐘都仲未有位，如果係咁你不如唔好搞有訂枱啦，黎到有位咪食囉，真係唔該搞好呢啲野先學人開鋪啦，又要無服務又要扮高級，開都開左幾個月仲要犯呢啲錯，個所謂老唔知係咪老闆既老闆係到行黎行去擺款咁，都唔知做乜，最好笑係你戴隻貴錶同我隻錶啲時間會唔同嫁咩，仲可以笑笑口咁，連對客都未識，繼續留係鋪入面嬉戲下咪算囉，出嚟獻醜做咩丫，所以一定唔會介紹人同再去見識

預早成個星期booking 做慶祝 , book咗1930 ，1915到達，門口侍應話未有枱 再望埋去張張枱都岩岩開始食野 。到1930話要等多10分鐘 之後都未有 最後等到1955都未有得入 仲叫我坐門口 咁我book黎做乜 ？ 個老細係到行黎行去乜都唔理 咁既餐廳去唔去都無用 前一日又唔confirm , 淨係諗住入街客 完全沒有理會Booking客人我問佢啲人幾點入去食 一句都答唔到 真係唔好去 搞到慶祝唔到又掃興 垃圾餐廳 都已經做咗幾個月啦 咁少事都做唔好 個老細淨係識行左行右 話安排安排 幾班book咗1930既人全部都入唔到要企係到等 你咁樣做生意邊做得長 我唔介紹朋友去食 幾好食都無用

屯門嘅LUMOS餐廳，每晚現場音樂同埋精彩美食等緊你黎享受！🎶🍽️👉🏻 菜單亮點 🍗🍔🍤🍝- 脆皮炸雞翼裡面包住鱈魚子：香口脆皮炸雞翼裡面包住鱈魚子，絕對係雞翼愛好者嘅最愛！一啖入口，鮮美鱈魚子同炸雞香氣交織，令人回味無窮！- 和牛漢堡包：用上頂級和牛，配上新鮮蔬菜同特製醬汁，每一口都係絕對嘅享受！牛肉嘅鮮嫩加上多汁口感，絕對可以滿足到你嘅味蕾！- 大蝦意粉：新鮮大蝦同鮮味濃郁嘅意粉結合，加上香濃番茄醬汁，帶嚟一道令人難以抗拒嘅美食！每一口都充滿咗海鮮嘅鮮甜同麵食嘅滑順！LUMOS餐廳每晚都會有現場音樂表演，為你帶嚟動聽嘅音樂享受！快啲嚟LUMOS，品嚐美食同欣賞現場音樂嘅絕佳組合啦！🎵🍽️

食物好吃 。羊扒好美味 。飲品抵飲。紅白酒好介紹👍 。環境燈光好靚 。坐位舒適。招呼周到有禮。有音樂演奏🎶 。放鬆relax地方。非常滿意👍 下次可以再嚟食過👍👍👍

🔹️LUMOS Restaurant and Bar🔹️ 朋友介紹紅橋新開既西餐廳裝修設計得華麗高雅，以墨綠色黑色作主調座位寬鬆闊落，有音樂陪伴你用餐😆聽職員講晚市時段都會有LiveBand表現有機會會再來☺️同朋友聚餐Chill下 今一次我同朋友叫左兩Lunch Set🍝🍝▶️麵包，兩款都好鬆軟 ▶️蔬菜湯及雜菜沙律，餐飲配檸檬茶🍹 🐟香煎盲曹魚柳伴欖油蒜香辣椒扁意粉 ($138)香煎盲曹魚柳意外既大份毫不吝嗇☺️配有兩大塊魚柳魚皮煎到脆香而不膩，表層還放有蒜粒增加口感職員好細心幫我減低意粉既辣道，味道剛好👍 🐮坑烤紐西蘭一級肉眼牛扒配蔬菜及法式薯條 ($158)坑烤既肉眼扒一條條坑紋，賣相幾靚肉質軟嫩，加入牛油在扒面，更增添香味另外覺得蔬果薯蓉又幾好食喔☺️👍

既然今日去買草俾兔仔，順便過嚟呢間新餐廳試吓先🤭 好彩係飯後2:45分時間去，又啱啱有最後一張枱 😂 所以你哋嚟之前記得訂咗啊！因為呢一度嘅午餐同晚餐好受歡迎㗎，味道都唔錯，價錢又唔算太貴，環境同座椅都好舒服，好有空間感。今日叫咗牛扒，真係煎得好香好有水準 😋 另外仲叫咗個牛肉漢堡，裏面仲有大啡菇，真係好美味！呢度嘅午餐仲跟埋餐湯麵包同埋嘢飲，性價比都真係好高嘅一個午餐選擇👍🏻👍🏻👍🏻👍🏻

屯門有間新開型格酒吧，好友話相約Happy Friday Night 🙌🏻🙌🏻，果然幾Happy🤣。全店以墨綠色為主調，搭配落地玻璃及水晶吊燈，裝修非常華麗。調酒區設有拱形酒櫃，擺滿不同類型的酒瓶，配上橄欖型波波吊燈，非常型格。餐包麵包烘至微溫，非常軟熟。除了配黑醋及橄欖油，最特別是可搭配他們的香草蕃茄醬🤩。入口軟滑，淡淡的蕃茄味，配上微溫的麵包，真的非常好吃。澳洲封門牛柳 （250g） $228 （爆推🌟🌟🌟🌟🌟) 賣相極度吸睛🤩。邊位帶點微焦，肉質呈鮮嫩粉紅色❤️輕輕一按，肉汁已經流出😍。牛味濃但有油脂的軟嫩口感，好食到停不了手。所附的醬汁也很出色，相信店家有用酒去調味，令到牛柳的味道更香更豐富。配菜也很出色，薯蓉綿身軟滑，再配上爽口的薯仔沙律、蕃茄及煎香的蘆筍，口感十分豐富，亦中和了食大量肉肉的油膩感。燒老虎大蝦扒及意式蕃茄醬扁意粉配BB菠菜 $148 （爆推🌟🌟🌟🌟🌟) 虎蝦非常大隻，將其開邊，煎得金黃而帶點微焦。上枱時香氣四溢，食落爽口彈牙。意粉煮到恰到好處，有咬感，配上酸酸甜甜的蕃茄醬，非常好味😋紐約芝士餅 $72蛋糕口感非常綿滑creamy，芝士味濃，作為飯後甜品，一流。是

假日食brunch之選🥂漢堡有驚喜‼️📍地點：屯門🍽️菜式：西餐💰人均消費：午餐 HK$100~200🔖服務費：✅🧻餐巾/ 濕紙巾：✅ / ❎🪑座位類型：方枱 / 卡位📝落單方式：侍應生落單.午餐 set lunch：餐湯/沙律菜、主菜，餐飲【坑烤紐西蘭一級肉眼牛扒(200克)配蔬菜及法式薯條或扁意粉】💰HK$168牛扒要左medium well。表面有炭烤味，中間粉嫩，夠牛味。【澳洲特級牛肉竹炭漢堡包(芝士，燒蕃茄,烤大啡菇)配法式薯條】💰HK$148漢堡扒夠厚，有口感好多。佢肉汁超級多，一切開已經係咁流出嚟。煎得夠熟，牛煎過先夠香，但因為多肉汁，完全冇硬。.#foodcourt #foodxcourtx #foodxcourtxTM#屯門搵食地圖 #屯門美食 #屯門 #西餐.LUMOS Restaurant and Bar @lumos.restaurantandbar🏷️ 屯門井財街7號力生大廈地下13-14號舖

屯門區呢間靚靚西餐好吸引，餐廳空間大，裝修靚，令人感到舒適。午餐方面，佢哋嘅價錢好抵食，由$68起。午餐套餐包括主食、麵包、沙律或湯，仲有飲品，真係一個好豐富嘅套餐。佢哋嘅麵包熱辣辣。是日餐湯係忌廉湯，濃郁香滑。我哋揀咗法式寶雲酥雞扒伴自家製黑咖喱飯🍛$78。酥炸嘅雞扒配上濃郁嘅黑咖喱飯，黑咖喱味道香濃好味😋，雞扒嫩滑。另一份揀咗手撕燒烤醬豬肉絲配洋蔥🧅、蕃茄酸種麵包三文治，再加上法式炸薯條🍟$108。味道醇厚嘅燒烤醬豬肉絲同脆口嘅法式炸薯條，幾滿足。

❣️屯門紅橋新店推薦 墨綠主調的型格家居配上雲石桌面 每晚都有live band而餐廳是位於路旁 抄牌都可以即刻處理 同是室外座位是寵物友善係紅橋附近最靓的酒吧餐廳 新淨企理 食物質素亦佳非常推薦 live band唱歌係好聽但有feel 但喜歡非常安靜用餐的便不適合要Book位 星期一19:30去都full【澳洲封門牛柳$228】滑溜溜的薯蓉很出色 口感很幼滑 五成熟封門牛柳剛剛好 牛肉腍身、夠肉味【大啡菇黑松露忌廉扁意粉$142】大啡菇新鮮多汁 濃郁的黑松露香氣而且忌廉味好重 我喜歡扁意粉軟硬適中【炸墨魚圈$88】

屯門紅橋向來是美食及酒吧集中地，今天到訪位於井財街新開業不久的「LUMOS Restaurant and Bar」享用午餐裝潢雅緻用心呈現奢華感，座位用上高貴湖水綠配搭大體灰色雲石，加上玻璃反射跟光影的結合，感覺浪漫優雅；逢星期三、五、六及公眾假期更有 Live Band 表演，添加用餐氣氛----------手撕燒烤醬豬肉絲，洋蔥及番茄酸種麵包三文治配法式炸薯條 $108午餐附上餐包、餐湯/沙律及餐飲餐包富纖維及麥香，加上有鹽牛油很滋味；餐湯為黑松露忌廉湯，稀稠度適中，味道不錯手撕豬肉絲緊實富燒烤醬味道，配搭脆身酸種麵包、洋蔥及番茄，味道平衡而不膩----------坑烤紐西蘭一級肉眼牛扒 (200克)配蔬菜及法式薯條或扁意粉 $158午餐附上餐包、餐湯/沙律及餐飲餐包軟鬆細緻；沙律菜新鮮；肉眼牛扒點選7成熟，厚切緊緻帶淙淡牛香；扁意粉煮至剛熟保持口感，味道調得輕身不過鹹

約左屯門友出黎午飯，佢話我知呢頭好多野食，新開左呢間酒吧餐廳，拉埋我去食個快飯，響輕鐵景峰站行5分鐘就到。每人叫左個lunch set, 一人一碗羅宋湯，餐廳會預熱麵包，溫熱左方便搽牛油，麵包有兩款，都好鬆軟，仲有啲微甜。香烤杏仁，藜麥，無花果沙律配橘子汁$68沙律份量好多，呢個組合聽上來相當美味豐富, 香烤杏仁的烤焗香氣，加上美味無花果甜美多汁仲軟淋淋，仲有西柚同橙都好鮮甜，藜麥貴為superfood, 多吃有益，味道中性也增加沙律的口感。淋上橘子汁作為調味料，具有清新酸甜味道。香煎盲曹魚柳 伴橄欖油蒜香辣椒扁意粉$138半煎炸的盲曹魚柳魚肉鮮嫩，香煎後外皮金黃酥脆，份量巨多，唯調味稍為重手。扁意粉口感柔軟彈牙，加上橄欖油香氣和蒜香辣椒🌶️，與魚肉鮮美非常配合。餐廳屬型格裝修，食物質素不錯，晚上是酒吧，座位舒適又夠chill,☺️屯元天的朋友晚上有著落了。

Bread $0Spain Iberico Pork Chop $198伊比利亞豬黑毛豬扒, 燒得岩岩好, 好厚肉食落鮮嫩鬆化, 仲可以淋d燒汁落去, 另外伴菜仲有薯條同薯蓉Black Truffle Linguine $142黑松露意粉配大啡菇同流心蛋, 流心蛋黃一刀切就流出香濃蛋汁, 撈埋意粉來食, 加倍香濃Crispy French Fried With Black Truffle Sauce $55薯條熱辣辣Smoked Burrata Cheese With Grape And Sourdough Toast $78煙燻流心水牛芝士, 大細差唔多接近一個拳頭左右, 爆漿流心口感一流, 食落仲有奶香味! 碟上仲有無核紅提子同酸種麵包多士Cold Lemon Tea $38

今次黎到屯門紅橋附近一間餐廳，名字叫⭐️LUMOS⭐️,唔知大家有冇睇過哈利波特，LUMOS 係開啟魔杖頂端發光既一個咒語😛當我入去呢間餐廳，入面既裝潢簡直置身於法國咁，強烈時代感歐陸氣派。無論坐位設計，✨燈光設計，餐具顏色，完全係天衣無縫！Bar位吊頂櫃展現出強大氣勢，餐枱櫈位置亦都係精心佈局，每一個卡座上面都會有一支充滿時代感吊燈，簡直係無懈可擊！估唔到佢啲食物質素好高🙌🏻而且服務又勁好⭐️我諗如果咁嘅食物質素服務同埋個環境,我相信呢間餐廳應該排第一位, 因為喺屯門區真係冇邊間質素有佢哋咁高⭐️⭐️⭐️我哋叫咗兩個主菜❤️燒老虎大蝦蕃茄扁意粉🍝西班牙黑毛豬有骨豬扒🐷兩樣嘢都好好食😋個意粉熱到出晒煙, 上枱時Bur到我鏡頭矇晒😂😂😂除咗嘢食之外飲品都非常出色， 😎型仔Bartender嘅功力真係好犀利, 喺屯門區都飲到咁高質素嘅cocktail🍹真係冇得輸✌🏻而且每一晚仲有live Band添, 食完飯飲杯嘢聽吓歌真係好正❤️