樂意點心

Open Now

Now Closed

呢間位於尖沙咀嘅中式點心店，一向都超級多人，每次嚟食點心都要排隊，真係我都唔有超強人氣！我今日就帶咗一個喺外國返嚟嘅朋友試吓呢度嘅點心：⭐芥末鶴蛋燒賣/2 件 $20- 鵪鶉蛋燒賣好特別，有芥末嘅味道，有少少辣，口感好刺激⭐麻辣牛柏葉 $28- 牛柏葉肉質好嫩滑⭐蘿蔔絲酥/2件 $20- 朋友就最鍾意呢個蘿蔔絲酥，除咗餡料十足，而且外層酥皮非常松化，仲夠曬熱辣辣，咬入口要小心辣親😝⭐原隻鮮蝦腸粉 $38- 鮮蝦爽口夠新鮮，腸粉皮都好滑夠彈牙⭐龍仔蒜蓉龍蝦配帶子飯(半隻)$110- 呢個籠仔蒸飯一定係推介嘅食品，半隻新鮮嘅龍蝦家美味嘅帶子，熱辣辣嘅蒸飯，蒜蓉味好重，真係呢度嘅皇牌食品！🧋香芋椰汁紫米露$23- 香芋椰汁味好重，做飯後甜品一流！朋友食得好開心，覺得呢個中式點心真係好高質素，話離開香港之前一定要再過嚟食多兩三次！

尖沙咀漂亮又好吃的點心比我家樓下酒樓好吃 而且還要更便宜唯一就是很多很多人排隊不過我們5點來就不用排隊了還有下午茶88折優惠 哈哈（優惠是下午3-6點）但是下午也全場坐滿看到龍仔飯差不多每一桌都會點選了蒜蓉帶子飯是一顆顆的 不會蒸得軟爛 加上蒜、蔥、芫荽很香越式米網炸兩腸粉 裡面不是包油炸鬼的腸粉蘿蔔絲酥裡面爆多蘿蔔絲呀！！鮮蝦腐皮卷 雖然很脆 但有點太油了如果有張吸油紙會好點甜品不會太甜 料也多 半杯都是西米 香芋椰汁紫米露 & 楊枝甘露環境不錯人均100抵食

約咗朋友喺尖沙咀食飯，朋友介紹漢口道有一間超人氣點心店，食物質素高，而且價錢超值，所以今晚一於去試試，今晚就算6:00到餐廳都已經開始要等位，果然係超人氣芝麻蝦多士 芝麻蝦多士炸得香脆，外皮金黃酥脆，蝦膠鮮甜彈牙，滿滿芝麻鋪滿蝦膠表面，入口有層次感，再蘸上泰式甜辣味更加惹味珍寶帶子腸粉 腸粉皮夠薄夠滑，唔會過厚，帶子鮮甜嫩滑，整體清淡亦有海鮮嘅鮮味芥末鵪鶉蛋燒賣 燒賣肉質結實，唔會太肥膩，豬肉同蝦味幾濃郁，鵪鶉蛋蛋香十足，有微微嘅芥末香味令食起上黎冇咁漏花鵰蛋白臘腸蒸紅花蟹 配白飯 非常足料🦀紅花蟹鮮甜濃郁，肉質嫩滑，臘腸帶少少甜香味，花雕酒香同蟹香滲入蛋白之中，配白飯食一流楊枝甘露 芒果味香濃，帶少少柚子嘅清新，西米煙韌，整體甜度適中，飲落滑溜溜，食點心飲啖酸酸甜甜嘅飲品又幾夾📌樂意點心 (尖沙咀)地址：尖沙咀漢口道19-21號漢宜大廈地下C號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #

經過尖沙咀見到呢間好多人排隊，裝修幾靚，原來係食點心嘅😯我又試吓 果然有驚喜叫咗兩款蒸點：芥末鵪鶉蛋燒賣同三色小籠包🤩款式真係好創新😉 燒賣皮好透薄，芥末味嘅點心真係第一次食，唔會太過辣，味道幾特別。三色小籠包，值得一讚有黑松露，川辣味同 原味。一次過可以食晒三款口味，每個味都各有特色，小籠包入邊好多湯汁。我最鍾意黑松露味，非常好香濃🤩麥味雞蛋散：幾乎枱枱都會叫🤩非常大碟，十分吸晴。呢啲懷舊點心，唔係咁常見。而且做得好好👍🏻十分酥化🤩蜜糖味香甜😂芝麻蝦多士：多士底炸得好香脆，蝦滑加上大量芝麻😂好香口惹味仲要推介盅燉湯雲腿雞腳燉鮑魚，鮑魚好大粒，仲有螺肉，桂圓，瘦肉，金華火腿等，真係好足料👍🏻仲免收加一，好味又抵食，值得推介嘅點心小店❤️👍🏻

尖沙咀有間點心店，真係旺到爆，細細間但出品完全無得輸！好彩今日細枱不用等好耐，入到去坐下，見有遊客、本地人、街坊、上班族，食客種類多，而且排隊人龍不絕。首先試咗佢哋嘅招牌蒸飯——籠仔蒜蓉海蝦飯，海蝦夠鮮，還有蝦膏，蒜蓉同飯香味撲鼻。我見枱枱都有一籠蒸飯，好厲害。之後試咗幾款蒸點，傳統之中帶啲創意：龍蝦餃金黃外表非常吸引，內餡鮮甜厚肉；芥末鵪鶉蛋燒賣啲芥末唔會過猛，鵪鶉蛋啖啖好味。腸粉方面就試咗香茜牛肉腸粉，未見過咁厚的內餡，牛肉夠厚夠嫩，香茜味啱啱好。炸點有沙律蟹柳春卷，原來無蟹柳，但有隱藏版蝦仁同啲鮮果，沙律醬清新又唔油膩，絕對驚喜！最後仲飲咗佢哋嘅招牌水果茶，用新鮮水果沖，菠蘿、橙、藍莓、蘋果、火龍果，再加粒話梅，酸酸甜甜超級解渴，好滿足！

朋友喺尖沙咀上班, 介紹我有間好抵食又高質嘅點心餐廳. 今日去開尖沙咀, 順路試下先. 6:300pm 已經有人攞飛等緊位. 好好彩等左陣就有位. 原來餐廳有做下午茶15:00-18:00 時段88折. 剛好呢一輪埋單. 仲好好彩有卡位坐舒服.  餐廳雖然係小店但環境乾淨舒適！ 有卡位坐就更加分啦。叫左個白桃烏龍茶幾香幾好飲. 越式米網炸兩腸  用腸粉包住米網，內裡再包住大大粒蝦，一啖又3重口感好好食. 比起包油炸鬼嘅炸兩更好食. 芥末鵪鶉蛋燒賣  /2 件賣相好特別 綠色皮, 真係有芥末嘅微辣，包住鵪鶉蛋同豬肉, 爽滑食落更開胃麻辣牛柏葉 唔數好辣但好入味. 個川麻味幾惹味. 牛柏葉好爽口一咬就斷. 沙律蟹柳春卷 - 呢個真係有驚喜,  超酥脆春卷皮包住滿滿蟹肉沙律餡料 ,個沙律醬又多一口咬下, 又脆又清新可口, 必食之選!籠仔蒜蓉龍蝦配帶子飯（半隻）半隻龍蝦滿滿嘅蒜蓉入面重有蝦膏！肉質實淨彈牙鮮甜，飯中仲藏左好幾粒帶子真係啖啖肉 ！ 籠仔飯係呢度其中一個招牌菜式  ，  龍蝦帶子的鮮味加埋個蒜蓉撈飯真係一流！ 楊枝甘露 係杯裝上幾方便可以攞住飲， 好足料， 用呢個甜品作結好完滿。 

呢間港式點心餐廳位於尖沙咀 ISquare 附近，經常都排長龍，次次都要排隊先入到去食！因為佢啲點心全部都好特別，係師父自家制的點心🥧，出面一定食唔到！😋點心：蘿蔔絲酥蘿蔔絲酥外酥內脆，又甜又鹹，非常好味👍🏻啤梨鹹水角啤梨造型嘅鹹水角，出邊認真搵唔到，喜歡吃鹹水角嘅朋友不妨一試，入口很香脆可口，好好味😋，大推薦👍🏻芥末鵪鶉蛋燒賣芥末鵪鶉蛋燒賣與傳統嘅鵪鶉蛋燒賣不同之處是他的外皮是加入了芥末，芥末味不會太濃，唔會搶咗主角嘅味道。😋絕配套餐$68/位籠仔蒜蓉原隻龍蝦🦞飯籠仔飯用荷葉做底，加上原隻龍蝦🦞，飯🍚入面吸收晒龍蝦嘅汁，除咗有龍蝦嘅鮮味，亦有荷葉嘅香味，再鋪埋蒜蓉喺面超級香，簡直一絕。鮮蝦花甲粉絲湯大大隻蝦+上很鮮的粉絲湯，令整碗花甲粉絲湯錦上添花。川味麻辣青瓜🥒非常開胃嘅前菜小食，好快就俾我哋食清光😂😋甜品：香芋椰汁紫米露香芋加椰汁，簡直是絕配。唔夠飽嘅朋友不妨嚟多杯紫米露，食完認真夠飽😆👍🏻堅好味！下次經過都要黎食！📍樂意點心 (尖沙咀)地址：尖沙咀漢口道19-21號漢宜大廈地下C號舖

好耐無去樂意，今朝去開果頭，就諗住入去食嘢。我一個人，去到被安排左一張2人枱，剛叫了茶，點心還未柯打，佢就安排一個坐對面搭枱，一個咁窄嘅嘅安間，枱面大約只有3~4張A4紙嘅空間，竟然要同一個唔識嘅人Share。可見作為食店嘅賺盡思維。飲茶係一種享受，當變成一種忍受。不了，我立即最後起身離席。當時下食店支持不住，要倒閉時，往往會話香港人不支持本地消費。但當食店大多抱著要賺盡香港人每分每亳時，為何要支持你？結論，如無意外，這次係我進入樂意嘅最後一次。再入此店面，應該會是換新店名的時候了。

今晚去左超級多人排隊等位的中式點心餐廳。去到6:00已經有超多人等位。我和朋友叫左籠仔蒜蓉龍蝦配帶子飯（半隻）值得推薦之一龍蝦肉質鮮嫩，蒜蓉的香氣與海味融合，搭配帶子。飯則粒粒分明。適合海鮮愛好者。麥味雞蛋散（3件）超級大件，每一件雞蛋散都外脆內軟，雞蛋的鮮香味道濃郁芝麻蝦多士（3件）最好食就係呢個芝麻蝦多士，上面有好多好多芝麻，多士外皮酥脆，內裡蝦肉鮮甜，10分推介芥末鵪鶉蛋燒賣（2件）呢個燒賣好值得推薦，鵪鶉蛋與芥末微辣相互襯托，口感新穎香茜牛肉腸牛肉腸的口感扎實，每一口都帶來豐富的肉味楊枝甘露（凍）Tonight, I went to a dim sum restaurant that had a long line of people waiting for a table. By 6:00 PM, there were already many people waiting. My friend and I ordered:Steamed Lobster with Garlic and Scallop Rice (half a lobster)One of the recom

樂意點心尖沙咀漢口道19-21號漢宜大廈地下C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：咸蛋肉餅蒸紅花蟹配白飯$128，芥末鵪鶉蛋燒賣 $20，三色小籠包 $35，原隻鮮蝦腸粉 $38，蘿蔔絲酥 $20咸蛋肉餅蒸紅花蟹配白飯：紅花蟹肉質鮮嫩多汁而鮮甜，咸蛋肉餅的質地柔軟綿密，咸蛋的鹹香和肉餅的肉汁融合在一起，搭埋白飯一流！😄😄😄芥末鵪鶉蛋燒賣：燒賣的外皮柔軟滑嫩，包裹著鵪鶉蛋的鮮嫩多汁。芥末的風味與鵪鶉蛋的細膩形成形成豐富的口感，軟嫩滑順，令人滿足！👍👍👍三色小籠包：小龍包有黑、橙、綠三種不同色澤和口味，內餡餡料豐富多樣，入口即化，飽滿多汁，值得一嘗！😍😍😍原隻鮮蝦腸粉：腸粉包裝精緻，粉皮如綢緞般柔軟細膩，原隻大蝦鮮嫩彈牙，蝦肉碩大飽滿，鮮甜的滋味在口中化開，值得一讚！😋😋😋蘿蔔絲酥：外觀金黃酥脆，散發著陣陣誘人的蘿蔔香氣，蘿蔔絲入口即化，清甜爽脆，餡料鮮美多汁，飽滿豐厚，是水準之作！❤️❤️❤️

喺尖沙咀返工嘅朋友帶我去佢平日嘅飯堂—「樂意點心 」，最正係佢有個全日供應嘅飯餐，$68起，包一客籠仔蒸飯，及滋潤燉湯，啱晒無飯家庭。😇😎除咗抵食健康飯餐，點心都好有特色，而且仲好高質！🔸越式米網炸兩腸（$35）其實係越式炸春卷嘅變奏版！🥰越南春卷外皮炸脆，裏面餡料豐富，有蝦仁、紅白蘿蔔、紫椰菜等，面頭包上軟滑腸粉，層次感豐富。🔹三色小籠包（$35）賣相吸引😍，啱晒打卡📸！一籠有齊三隻味道：原味、川辣和松露，即叫即蒸，外皮唔會太厚，餡料鮮嫩多汁，值得一試！😏🔸芥末鵪鶉蛋燒賣（$20/ 2粒）‼推薦‼平時鵪鶉蛋燒賣食得多，芥末味真係第一次試。😂雖然$10/粒，但勝在個頭大，裏面有原粒鵪鶉蛋和原隻鮮蝦，芥末味唔會嗆喉，反而令味道更有層次。🔹蘿蔔絲酥（$20/ 2件）‼推薦‼香脆可口嘅酥皮包着軟腍嘅蘿蔔絲，外脆內軟，清甜美味。🔸籠仔蒜蓉龍蝦配帶子飯（$105）‼推薦‼有半隻龍蝦🦞，肉質爽彈，雖然未到好新鮮個種，😏 帶子幾大隻幾新鮮，不過如果多一兩粒會更好！好欣賞個飯超入味！蒜蓉🧄香氣四溢。🔹香芋椰汁紫米露（$23）‼推薦‼真材實料，味道相當不錯！☺️$23就有個甜品，好抵！💕既有香芋、椰汁的香

想食高質點心但又唔想洗太多錢 等小編介紹呢間尖沙咀平靚正嘅點心專門店裝修簡約時尚 環境企理舒服 食個茶都覺得心情靚靚位置就喺尖沙咀核心地段 極之方便龍蝦餃鮮味十足嘅龍蝦餡 夠哂彈牙皮薄餡靚 餃皮晶瑩剔透 軟滑有韌性麻辣牛栢葉香辣惹味 牛栢葉香氣十足 啱晒重口味嘅你原隻鮮蝦腸粉鮮蝦大大粒新鮮彈牙 腸粉滑溜順口淋上豉油更加香噴噴 芝麻蝦多士外脆內軟既多士 蝦茸餡料夠晒鮮甜芝麻香氣四溢 一食停唔到口籠仔蒜蓉龍蝦配帶子飯呢個係重頭戲呀 賣相好靚又好食原隻半邊龍蝦 蒜蓉香濃惹味配埋鮮甜帶子同軟熟蒸飯 完美組合楊枝甘露原來係飲品黎既 又幾得意清甜解膩 芒果味香濃 配料豐富

成日經過都排長龍，原來呢度除咗食點心之外，仲有蒸飯燉湯、小食甜品，多款選擇任你揀🤩 另外仲有特色點心添😍 籠仔蒜蓉龍蝦飯🦞籠仔飯係呢度其中一個招牌菜式，唔使問，我見到龍蝦一定揀佢🙈 仲要係原隻的！！估唔到都幾大隻，有驚喜。重點係有膏架😱 呢隻龍蝦真係勁高質👏🏻 龍蝦的鮮味再加上蝦膏蔥蒜，撈飯食一流😋芝麻蝦多士🦐🥪好少地方有蝦多士，呢度整到好似叉燒酥咁長方形，多士好鬆化，蝦好彈牙！越式米網炸兩腸唔係油炸鬼，係腸粉皮加米網，裏面包住大大粒蝦，仲有紫椰菜做餡料，一齊食嘅時候即刻減少油膩感蟹籽燒賣特別嘢試咗，當然要食返個傳統點心，大大粒燒賣，豬肉同蝦嘅比例好平均，好有咬口呢😙楊枝甘露🥭本身以為係糖水，但原來係一杯飲品咁上，芒果好甜好香

❤️籠仔蒜蓉龍蝦配帶子飯（半隻） 好大隻龍蝦呀！😍 龍蝦入面重有蝦膏😲！好好味😋～啖啖肉，肉質挺實鮮甜😋。飯落左蒜蓉一齊蒸，超香口😍！❤️碧綠叉燒腸粉翠玉瓜清甜脆口，配微甜叉燒，加上薄皮軟熟腸粉，口感不錯👍🏻。❤️芝麻蝦多士/3件芝麻多到蓋過蝦多士。炸得金黃香脆。蝦膠彈牙。點埋甜醬食更滋味。❤️麥味雞蛋散/3件 超大塊呀！炸得鬆脆可口，加上蜜糖甜甜蜜蜜～🥰❤️芥末鵪鶉蛋燒賣/2 件真係有芥末嘅微辣，食落更開胃🤤。嗌左❤️楊枝甘露（凍）同❤️樂意水果茶（凍），上枱時才發現原來兩者都是樽裝，飲唔晒都可以帶走慢慢飲，幾方便👍🏻。❤️茶芥/位$8幾平👍🏻。

平日夜晚去到都等咗一陣位舖頭入面嘅位置唔多有機會要撘枱咁啱我嗰晚旁邊就坐咗兩個日本人估唔到都幾多遊客識嚟呢度食點心😍🫖蟹籽燒賣 $19🫖麻辣牛柏葉 $28🫖珍寶帶子腸粉 $43🫖鮮蝦腐皮卷 $18🫖花雕蛋白蒸花蟹臘腸配白飯 $128🫖楊枝甘露 $23🫖茶芥/位 $8價錢方面唔貴以尖沙咀嚟講算幾平點心可以嗌兩件都幾適合兩個人嚟食少少地可以試多幾款唔同嘅嗌多幾籠味道方面都唔錯燒賣唔肥調味唔鹹腐皮卷即炸嘅入面嘅韭黃都幾香蒸蛋白臘腸配飯非常夾比我想像中少酒味最後食埋個楊枝甘露兩個人食好豐富😆