樂意點心

Open Now

Now Closed

💮好耐無食過點心，今日熊妹適逢阿妹一齊放假，又想去尖沙咀行吓🛍️，阿妹話食得西餐太多，今次想試吓食中式點心。特登上網搵到呢間位於漢口道的《樂意點心》多人評價又多人食過，仲要入圍《開飯熱店2024五十大外賣自取餐廳》🏵️，主要係喺尖沙咀地段點心嘅價錢好抵食，一於去試吓。📌下午茶三點嚟到，原來星期一至五下午茶時間3:00開始到6:00，仲有88折，全日唔收加一，難怪勁多人喺街度排隊🚶🏻🚶🏻‍♀️，攞飛等叫號都等咗大半個鐘，咪話唔誇張。📌終於入得啦，一坐低，店員就會問「想飲咩茶？香片、普洱、菊花、白桃烏龍、荔枝玫瑰？」做法好傳統點心店，不過引入了新式茶葉品種，裝潢又以暗花深綠色的風格，華麗時尙，傳統得來又切合尖沙咀的高尙地段，係新一派點心專門店💮。三色小籠包，$35招牌三色小籠包咁吸睛👀，梗係要試吓啦！三色即係原味，川辣同松露。三隻顏色真係好吸引，湯汁都幾多，就算放涼了一陣都仲有湯汁流出嚟，其中川辣味🌶️味道最為突出，辣汁滲入小籠包肉入面，味道好夾。松露味雖然唔算好出，但味道好特別。蟹籽燒賣，$19一籠燒賣有兩粒，大大粒燒賣剛蒸起，咬落好有驚喜，豬肉蒸到好軟淋，唔係實的的既豬肉，點埋豉油成粒啪真係好

We have been curious about this dim sum place for quite some time and we finally got to try it! There's always a queue outside this restaurant so, we arrived early and managed to get a table.All of the dishes here are so delicious. We would recommend to try their lobster garlic steam rice. You won't regret it!The lobster is huge, meat is juicy and not rubbery. The rice itself is infused with the lobster flavor and the soy sauce further elevates the flavor. The garlic is just best!Other dim sum t

尖沙咀漢口道有間食點心的餐廳，今日和朋友喺附近行完街過去試下❤️。❤️三色小籠包/3件有三隻顏色望來色彩繽紛好靚😍，點埋醋食味道一流👍🏻😋❤️原隻鮮蝦腸粉外層麵粉滑溜。蝦🍤夠新鮮。旁邊還有幾條菜心。天氣熱，嗌左杯❤️薄荷青檸🍋‍🟩梳打 （凍） ，清新消暑🥰❤️籠仔蒜蓉龍蝦配帶子飯（半隻） 改粉絲底半隻龍蝦都已經好夠👍🏻肉質結實鮮甜。龍蝦上有大量蒜蓉，加上紫洋蔥粒、蔥等，好香口好正！❤️荔枝蝦球/2件蝦球十分彈牙，加上外層脆粒口感特別。

黎到好多遊客打卡/精品賣嘅呢條街飲茶發覺點心價錢原來都唔算好貴茶味$8一位，傳統/新穎啲嘅茶都有～叫左香片，清新又解膩帶子菜苗餃 $30@2帶子大大粒又爽！餃子皮好煙韌，整體食落唔會淡茂茂/太鹹！而且呢個造型好有特色！原隻鮮蝦腸粉 $38入面嘅蝦大隻得黎都好彈呀腸粉皮又滑、配埋甜豉油好好食！蘿蔔絲酥 $20@2超酥脆嘅酥皮！食落都唔會太油蘿蔔一絲絲又帶點爽！熱辣辣好好味😋推薦！薄荷青檸梳打 $16勁清新解渴又唔會太甜籠仔蒜蓉龍蝦配帶子伊麵 $110好大隻龍蝦😍仲有好多蝦膏～帶子都有成3粒新鮮又爽口彈牙配蒜蓉簡直係完美組合！伊麵亦唔會煮得過淋！撈勻食好正啊🥹最後埋單都係人均百零蚊有特色之餘又好味👍🏻

難得早放工，一早去到間餐廳拎位，好開心2人位淨係等2 張慢慢越嚟越多人，員工小姐叫號入座，發現比竟然比我哋遲嚟嘅4人台都入咗去～ 2人台就一張都冇叫過😅問下個員工，竟然解釋係因為我前一張枱嘅2人台未齊人，所以就放左我之後嚟嘅4人台入去😓（而唔係放我入去🙂）然後黑面叫我再等下。好荒謬，睇嚟我前面張飛一日未齊人，後面個客人就永遠都冇得食🙂

喺尖沙咀搵到一間超正嘅港式精緻點心小店帶子菜苗餃真係鮮味爆棚！餃子皮薄而彈牙，帶子鮮甜嫩滑，菜苗爽脆清香，蒸得啱啱好，鮮味同蔬菜嘅清甜好平衡，食落好滿足珍實帶子腸粉超滑溜！帶子粒粒鮮甜，滿口海味。豉油汁香而不鹹，輕輕襯托帶子嘅鮮美，食落好順口，簡單但好有質感香茜炸粉果好香脆！外皮炸得金黃，咬落喀滋喀滋，內餡軟糯，帶點香茜嘅清新香氣同肉嘅鹹香，味道好有層次。熱辣辣食好過癮，當小食或者配茶都超正呢道菜係全場亮點！龍蝦新鮮肥美，肉質彈牙，蒜蓉醬香氣撲鼻，濃郁但唔搶味，搭帶子嘅鮮甜好夾。伊麵吸晒蒜蓉同海鮮嘅精華，軟滑入味，每啖都好滿足！食落好似喺高級酒樓咁享受，超正！青瓜蜆仔撈汁好清爽！青瓜爽脆可口，蜆仔鮮甜飽滿，撈汁麻辣好開胃。兩者混搭，食落清新又惹味。薄荷青檸梳打清涼到爆！薄荷嘅清香同青檸嘅酸甜混搭，氣泡喺嘴裡跳來跳去，飲落好似夏日微風咁爽。

📍      樂意點心（Log Ye Dim Sum）🌍      香港尖沙咀漢口道19-21號漢宜大廈地下C號舖📝整體評分：９ ／１０新派粵式點心為主打的餐廳，融合傳統點心製作工藝與現代化裝潢，老少咸宜～✿ 鮮竹牛肉球•  牛肉球軟滑彈牙，鮮竹筍增添清脆口感同清甜味，無腥味。✿ 珍寶帶子腸粉•  腸粉皮薄滑溜，軟綿透亮，最正係豉油，唔死鹹且帶淡淡甜味，突出帶子鮮味。✿青瓜蜆仔撈汁•  青瓜爽脆清新；蜆仔肉質飽滿，無沙粒感，特製撈汁以醋、蒜蓉和辣椒調製，酸辣平衡，帶微甜，非常開胃。✿ 香茜炸粉果•  粉果外皮酥脆，內餡鮮香，有豬肉、蝦仁和香茜，餡料飽滿，香茜增添清新草本味，突出又唔搶其他味，係油份稍重。✿ 籠仔蒜蓉龍蝦配帶子伊麵•  龍蝦肉質彈牙，帶子約2-3粒，鮮甜到爆，  伊麵滿蒜蓉汁和海鮮鮮味，軟滑不糊。

這間位於尖沙咀的點心店人氣極高，不論是遊客、本地人還是上班族，都對它讚不絕口。原本打算再嚐招牌的龍仔蒸飯，今天決定換個口味，改以粉絲為底——粉絲充分吸收了龍蝦與帶子的鮮甜，再加上香氣十足的蒜蓉，味道濃郁迷人，令人回味無窮。點了幾款點心，無心插柳竟成了一場全蝦盛宴。每一道都展現出廚師的手藝與用心，味道層次豐富，鮮味十足，無需逐一介紹，單憑味蕾已能感受到功夫與創意。搭配薄荷青檸梳打與荔枝玫瑰茶，清新解膩，為這頓飽足的點心盛宴劃上完美句號。蒜蓉龍蝦配帶子粉絲底（$110）龍蝦餃（$35）原隻鮮蝦腸粉（$38）荔枝蝦球（$20）桂花糕（$20）薄荷青檸梳打（$16）荔枝玫瑰茶（$8/人）

呢間餐廳點心選擇多，環境舒適幾好坐，我地叫左龍蝦帶子蒸粉絲食，龍蝦肉質爽彈，而且好抵食，粉絲份量都好多，配埋醬汁一齊蒸好夾。點心叫左一碟腸粉，腸粉份量都有三條，入面有大蝦，荔枝炸蝦球，呢個好有玩味，勁大粒荔枝樣既蝦球，造型好靚又好食。飲品叫左一杯薄荷青檸soda,飲落減低油膩感，呢度既茶都幾好飲小編叫左白桃烏龍茶，烏龍茶味幾濃郁，茶包都幾好飲。餐廳資料🏠樂意點心 地址: 尖沙咀漢口道19-21號地舖

🍴越式米網炸兩腸粉 $35腸粉係用個皮包住個脆蝦卷，起嚟有啲厚，米香唔算好多，不過比較偏煙靭，啲蝦加蔬菜好爽口，層次豐富不過偏鹹！🍴帶子蝦菠菜餃 $30個皮帶比較偏厚，帶子都正常有蝦肉同菠菜，味道係比較清新啲嘅？🍴牛肉球 $18都幾大粒，咬落去好軟滑嗰種，唔會太重鹼水味，都有啲馬蹄嘅，OK的。🍴蘿蔔絲酥 $20幾好食㗎佢個酥皮做到香脆嘅效果蘿蔔絲唔會太苦澀。🍴小籠包$35個皮都做得幾薄，有湯汁，就唔算好鮮肉，不過整體嚟講都唔會太肥膩OK嘅人🍴燒賣 $19食唔到原粒嘅蝦啦，豬肉肉好多，味道係比較偏鹹添！推薦指數： 7/10網上見到好多遊客同韓國人去食，星期日大概中午時分去到都冇人排隊，好順利就入咗，你到就正正常常，同普通手工點心差唔多味，有啲好食有啲就一般，唔會專登去尖沙咀食？但冇中伏嘅。

Lunch 一個人食諗住一個人可以快些有位 結果前面4個都係一人…等左20分鐘終於可以坐低 叫左白桃烏龍既茶 味道比較清 食完點心飲唔錯平時食蒸飯加飲燉湯 今日比較想食點心蘆筍蝦餃- 味道唔錯 皮薄餡靚 比較少係蘆筍做配料 又幾特別 點埋辣椒油 好食！蟹籽燒賣- 呢個食落有少少失望 入面既肉比較腍 可以唔洗叫麻辣牛柏葉- 麻辣味道唔錯 但略嫌太腍 overcooked 下次都可以唔洗叫荔枝蝦球- 好食！外型同荔枝一樣 有趣 外面既脆粒夠脆味道亦唔錯 又大粒 蝦球食落陣陣蝦味都算彈牙 值得再食！總括來講 樂意食蒸飯加燉湯餐比較好 點心可以食有蝦類既就比較穩陣 如果有時間可以等 值得大家去試！

每次經過漢口道都見到勁多人排隊.我好好奇, 究竟有幾好食先可以令到有咁多人排隊呢？今次我叫咗個絕配套餐再加咗個點心.依度嘅茶都幾多選擇.有傳統嘅香片、普洱、菊花.排咗咁耐就梗係試吓啲特別嘢啦.我揀咗荔枝玫瑰茶.另外嘅白桃烏龍都幾多人揀.荔枝玫瑰茶飲落幾舒服, 有淡淡嘅荔枝味.啲點心好快就上枱.碧綠叉燒腸粉 (HK$28)個皮唔會好厚, 味道正常.都幾多叉燒.絕配套餐 （HK$68): 鮮蝦花甲粉絲湯 (+HK$10)都幾多材料㗎.不過我就覺得個湯味道偏淡, 同埋啲蜆好似洗得唔係好乾淨.籠仔土魷肉餅飯呢個肉餅飯份量都幾多.味道都OK嘅.係個肉餅有啲散.奶皇包 （+HK10)個奶皇包係有流心㗎, 好好食.蟹籽燒賣 (HK$19)味道正正常常, 同普通燒賣差唔多.依度嘅點心係幾抵食嘅.除咗個湯, 其他點心味道都係唔錯.依間餐廳都幾多韓國人幫襯, 有冇人話到俾我點解呢？

在本次品嚐中，我有幸體驗到一系列精緻的點心，無論是外觀還是口感，都展現了廚師的巧思與工藝。燒賣的外皮薄而韌，包裹著鮮嫩的豬肉與蝦仁，口感層次分明，搭配少許的醬油，恰到好處地提升了整體風味。每一顆燒賣都像是精緻的藝術品，令人讚不絕口。叉燒包的外皮松軟，微微發酵的香氣令人垂涎。內餡的叉燒肉經過精心調味，甜中帶鹹，肉質鮮嫩多汁，令人感到無比滿足。巧手製作的精緻點心，風姿綽約，撩人心弦，滋味如夢般難以忘懷，回味無窮。

小弟在2025年一月份曾兩次光顧此食店，吃過以下點心：1. 蝦餃： －籠只有兩隻，味道ok! 沒有筍但有一些綠色清新小蔬菜粒（露筍？）用筍會比較好味。2. 燒賣: 一籠只有兩隻，味道一般，內裏是絞豬肉，不是手切豬肉，鮮味欠奉，可以不點。3. 芝麻蝦多士： 十分香脆，不油膩，好食。4. 蟹柳棉花雞： 味道鮮美，好吃！5. 豉椒蒸排骨：味道正常般惹味，幾大碟。6. 鲜蝦腐皮卷： 好脆好味，只有兩條，切開四段。7. 百醬蒸鳳瓜：味道正常。缺點： 1. 很多大陸及韓國遊客，等待時間比較長，單人顧客比較快入坐。2. 坐位及枱面面積比較細，枱與枱之間空位比較窄。總結：味道正常，水準高，性價比高。

今日終於一嚐呢間受遊客歡迎的食店, 但可能真是好野就要等耐點, 所以等太長時間, 令我個人對呢間食店扣了小小分數不過食物好食, 價錢也便宜, 如果唔介意要等待, 呢間都值得推薦比大家的.