得閒飲茶

Open Now

Now Closed

今日約咗朋友去 #元朗 飲茶，一齊去食啲特別嘅點心。一行四個大人兩位小朋友，想佢哋坐定定飲到下茶梗係要嗌有公仔嘅點心啦！#得閒飲茶 打破 #傳統點心，#真材實料，多種類揀又有 #燉湯 飲！🌟呢度啲蒸飯真係大大籠香菇章魚飯($36)同鳳爪排骨飯($36)4個大人2個小朋友都食唔哂😆😆勁夠份量香菇味不是太重，唔鍾意食冬菇嘅老公都接受，排骨鳳爪夠入味，食蒸飯落豉油才是重點，唔太咸，合格✅有公仔嘅點心叫咗:🌟黑豚肉脆脆豬$34岩岩炸起，內暖外脆，同咸水角一樣想食新鮮點心一定係食咸水角，一食就知！🌟豆沙QQ小白鼠$28晞晞一手就拎住咗擺入口，仲快過老鼠😨當然呀媽面就黑到一個點，佢就食得好鬼開心，椰絲配上紅豆又真係絕配黎嘅❤️🌟金牌流沙包$26，啲蛋黃汁流哂岀黎熱辣辣，食嗰陣小心啲🤫堅係好好食🌟蟲草花花膠灌湯餃($28)勁大隻餃足料，湯係無味精嘅👍🏻👍🏻仲要真係有塊花膠喺底 $28咋！你想點🤷🏻‍♀️🌟黑松露鮮蝦餃($27)第一次食，但係黑松露同蝦係幾夾，好食！有黑松露嘅味打破一般傳統嘅蝦餃👍🏻呢度每位茶錢$4 不設加一添😊

卡卡由細到大就跟住爸爸媽媽去飲茶，自己覺得陪住老人家去飲茶令到佢地開心，卡卡係好樂意做！要記住爸媽費盡一生來養育我們，陪佢地飲茶這麼簡單的事都做唔到的話，就認真抵打！.但係而家啲後生仔女就真係唔係太鍾意去飲茶(我指我d仔s)，覺得飲茶就係【老土】！尤其彥彥大仔成日覺得無嘢岩佢食，飲親茶都只係得叉燒腸粉和叉燒飽可以揀！所以每次卡卡話陪4大長老去飲茶時佢都耍手擰頭，不願意跟去....或者係被迫跟著去....為了改變他們對飲茶的態度及想法，岩岩個星期日我同卡佬帶左佢去新派創意點心餐廳《得閒飲茶》~希望令佢愛上飲茶~🤭 潛移默化地令他愛上飲茶，期望佢哋大個都會陪我哋兩老《得閒飲茶》！🤣.果然真係無帶錯，2兄弟好鍾意呀～仲食得好開心，呢度點心除了賣相特別及可愛之外，味道更是美味喔～即叫即蒸， 熱辣辣上枱，而家睇返d相都覺餓呀！而家即刻想再去過~🏃‍♂️🏃‍♀️.原籠鳳爪排骨飯 $36每次去飲茶都會必點鳳爪排骨飯， 粒粒飯分明， 配上鳳爪排骨嘅汁及甜豉油，真係一碗接一碗不停食，一籠飯足足有4，5碗飯！ 飯桶嘅你一定要點~.春風得意腸 $34軟滑彈牙嘅腸粉皮包住脆卜卜嘅油炸鬼及餡料，絕配！超好味！有d地

講開飲茶, 原來唔一定要去酒樓，上月尾見到一間新開餐廳，名叫: 得閒飲茶終於有時間同朋友一齊到訪，佢地好多特色點心，比起酒樓有過之而無不及添，等我都介紹一下啦，睇下menu就知選擇眾多1點入座，最後1張枱，原來好多人黎飲茶啊點心樣樣都好吸引，最後揀左以下足料湯水，上下半個月各有3款，味道夠濃又好味，唔係清淡好夠味好鐘意牛肚，唔係間間好食，今次味道係中上的啊叉燒腸味道香滑，下次黎要試埋蝦腸好可愛既奶皇包，加2隻眼已經唔同晒，流沙我最鐘意上枱仲以為黎錯，原來係蘿蔔糕，大愛，必叫之選，下次黎要再食，好特別又好味馬拉糕香濃好味，仔仔一見即刻想掂下，彈性夠，又軟熟，贊豬仔造型勁可愛，入口煙韌，唔係薄薄既一層，識食就知係好野呢個上枱已經半飽，芝士味唔太重，如果可以濃啲更好，可惜冇沙律醬配送，否則更加吸引個飯勁大啊，最後當然食唔晒，但雞件夠滑，豉油要求另上，但姐姐可能覺得奇怪不停話要即刻倒落飯... 冇豉油先食到最真實味道嘛，下次黎會試肉餅飯 好滿足既一餐，2個女的實在食唔晒，已經打算再去食，因為想再試其他點心，下次再分享

今日去左元朗 #得閒飲茶 晚餐🥣好正呀💓因為大埔無得咁夜食點心🥟飲啖茶☕️架食左好多未試過既新菜妹妹🤤勁開心呀，有得食 #卜卜脆既蘿白糕#春風得意腸粉 系一定要食口感好豐富呀💓最後仲食埋芒果布甸🍮收個靚尾😍大滿足既晚上🌃

得閒飲茶，查實唔得閒都可以試下，點心都幾好食，夠晒精緻，款式創新，味道有水準，值得推介的特別係灌湯小籠包，都係2幾元，啲皮夠晒薄，啲餡夠晒juicy,另外，我最欣賞就係蟲草花膠灌湯餃，好夠料，真係有花膠呀，2x價錢，就可以食到花膠，都算老闆有心整啲好野俾客人食，分分鐘好食過啲大酒樓，價錢又夠晒平民化，無加一服務收費，我兩公婆食個lunch,都係80元左右，啲位置都唔錯，食了一陣，已經開始多人，不過，好野真係多人食，下次可以再來。服務態度都唔錯，啲姊姊好好服侍，我諗我會食多啲點心好過食魚生，食落都安全好多。

同事gathering朋友介紹，去左元朗得閒飲茶食點心，我都好少飲夜茶，又幾有驚喜喎。呢度除左有平時酒樓叫開既點心，仲有啲得意點心，豬形咸水角，芝士蝦春卷都好食，下次可以再黎。

地點很方便，我點了八款點心，包括有香菇燒賣，山竹牛肉球，黑松露鮮蝦餃，蛋黃流沙包，龍蝦湯鮮竹卷，芝士蝦春卷，鍋巴雜果沙律，香菇章魚飯食物新鮮，有賣相，又好食。絕對值得一試，真係樣樣都好食😋，本人最愛芝士蝦春卷

元朗又有正嘢食呀。元朗多正嘢食，係人都知架啦谷亭街最近開左間點心專門店，得閒飲茶，lets yum cha ! 開早上7:30到零晨兩點，wa!都幾長時間下喎! 如果夜mama ,肚餓，去食消夜都得。多個選擇都好😋望下個餐牌，有專統點心，試左小籠包，xo醬素菜餃，食得出唔係工場貨點心。又有創意點心，龍蝦湯鮮竹卷，個汁幾正喎。千島醬蘿蔔糕都唔錯，平時食開煎蘿蔔糕，沾甜或辣醬。而呢個炸蘿蔔糕配千島醬又夾喎！以前係茶樓未食過，我個人覺得幾正，值得試下。🥢👍🥟

走到大馬路和谷亭街交界，原先打算去勝利牛丸食翻碗三拼河粉.....遠處看到一個綠色新掛招牌，原來是一家新開的點心店。貪新忘舊的我，頭也不回便直接衝了入去找位子坐我們兩個人點了5款點心，其中芝士蝦春卷最使我留下印象，它是用了大蝦和蔬菜混和了濃濃的芝士，其中有絲絲的紫椰菜最為突出，因為紫椰菜的味道竟然會跟芝士和蝦這樣融合生煎包亦是十分出色，外皮煎得香香脆腕，餡料中的京蔥散發出陣陣的香味，這個包在元朗必入三甲。竟然免收加一，十分公道

果日放假入開元朗(23號)諗住買知名老婆餅，見附近有一間點心專門店新開(得閒飲茶)，入去一試，出品快，食物水準高，價錢又大眾化，比起市區好多高級食府還要好，下次去元朗還會再光顧

看見門口擺滿花籃，原來今天是剛開業，作為一個點心控，當然不會放過。肚子不算太餓，所以祗點了幾樣點心，味道與份量都不俗⋯⋯食得出是老師傅手藝。燒賣用切肉，而不是機器絞肉。而且加入香香的冬菇，能夠襯托出鮮肉的美味。棉花雞用連皮及骨的雞件而不是雪藏雞柳/雞髀肉。看得出師傅門沒有貪方便，現今使用雞件做點心的師傅已經不多了。灌湯餃內的花膠，雖然不是大大件但味道和口感卻是一流.....元朗區內點心店林立，看來會有一番龍爭虎鬥⋯⋯實在是食客之福