玉葉甜品

Open Now

Now Closed

之前睇到有人推薦哩間門面頗有特色既粉麵、甜品店，咁啱經過就一於試下！因為啱啱食完lunch，就無試到佢啲粉麵，淨係叫左甜品。作為煙韌控，一定會叫糖不甩啦糖不甩有六粒，都幾大粒下。面頭加左椰絲、砂糖同花生碎粒，增加左咬口，但整體起到既作用唔大。個人對椰絲等興趣唔大，加上加左之後會更甜，最後都無食曬。上到台果陣仲係好熱，出曬煙～熱食果陣會比較軟同痴牙，無咩口感，淨係得糖水既甜味。煙韌控追求既煙韌口感要等糖不甩凍啲食先好會有，但係老闆娘眼神兇狠，驚你坐耐左阻住佢做生意咁，就唯有快啲食完所以無口感可言既糖不甩不是我杯茶眾所周知，糖不甩其實就係糯米粉整成既無餡湯丸，再用糖水浸泡，做法超級簡單。以製作糖不甩既簡單程度黎講，哩到既糖不甩十分普通。芝麻糊係個大伏！就咁睇都覺得冇咩野，一筆，哇！仲稀過啲水。一睇就知係開水沖既，即刻無曬期望。果然！睇真啲仲有啲顆粒狀既物體係底，沖得唔夠均勻味道當然唔洗再講啦，零芝麻味，得少少甜同苦澀味，質地同水相近，完全欠缺正宗芝麻糊應有既稠身質地雖然好大碗，但比啲質素咁差既食物我，性價比再高都無用。無食過佢啲粉麵，見人地食賣相唔差，但食完甜品中完伏之後，加上老闆娘態度奇

今日同朋友喺中環食完飯🙆🏻🙆🏻🙆🏻🙆🏻🙆🏻🙆🏻大家都意猶未盡想傾多陣 偈八卦下💁🏻💁🏻💁🏻💁🏻💁🏻所以就上網搵咗附近有咩糖水😍😍😍😍😍好想食中式甜品☺☺☺☺☺所以就嚟咗呢間玉葉甜品嚟到呢度感覺幾特別😆😆😆😆😆😆😆第一次係斜路上面食野感覺幾有風味🤓🤓🤓🤓🤓不過食物覺得有少少普通🤨🤨🤨 我哋叫咗凍嘅糖水但係佢本身煮嘅時候係熱嘅就咁放啲冰落去😳😳😳😳😳所以啲冰都未溶到有好多碎冰😣😣😣😣😣😣😣😣同埋糖水都好普通都唔算好特別

明天開始就是一連三天的假期，不少人到中環酒吧把酒言歡，而我和朋友當然不是這類好酒之人，比起酒精，我們更愛美食。朋友說飯後想嚐玉葉甜品，她說從未吃過玉葉甜品，我問她真的假的，她說真的，實在意想不到。看看現在玉葉甜品的甜品餐牌，各式甜品都只賣14元，超便宜。當然中學時代更便宜，大約是現在的一半價錢，現今在香港能用14元吃到甜品的地少之又少。我們分別點了一份糖不甩，一碗熱芝麻糊及一碗熱香草綠豆沙，在吃糖水的時候也跟朋友分享香港大排檔的小知識，當然我不是專家，基本小知識我是有的。朋友說我吃芝麻糊那麼快，不熱的嗎，我說暖暖的，不燙嘴，我叫她試試我的芝麻糊，她說真的比她的香草綠豆沙沒那麼燙，但芝麻糊味道偏淡，稀稀的。她的香草綠豆沙相對地足料，挺多綠豆和海帶於糖水中，入口清甜滋潤。全晚最重點的當然是糖不甩，糖不甩粉糰絲絲的薑汁味，煙煙韌韌的咬感，沾滿椰絲，芝麻，好不滋味，但糖不甩真是要趁熱吃，否則越久它就越黏身。

Ordered a cold red bean sweet soup dessert after receiving some of the typical rude local chinese service. Walked past and asked what desserts they had to which the response was to check the menu myself.I then went up to order and was waiting to pay and was then told to sit down and pay after. The sweet soup dessert itself was really nice, so as long as you can handle the typical rude local chinese service then give it a go!

The food was ok, but the attitude of the owners was not acceptable. I was waiting in front of the stall with my friend and asked for several dessert, and the male owner didn’t even ask whether we would like to take out or eat there but wrapped them all up swiftly in the plastic bag. And as we need to sit down for the food, we’re kicked out by the owners as they said “you can’t take the seat if you’re ordering take out!” And worse still, they’re making a scene which made us quite uncomfortable. T

糖不甩 ($13)評分：7/10.宜家呢個時侯 Post 嘢可能冇乜人睇，但見有好多小食儲咗好耐都未出到唔理咁多喇 ❤️ 中環石板街一帶有好多細細間嘅食店，一路行想去有啲仲保留住大排檔嘅食嘢格局，好有人情味嘅感覺 😀 呢間玉葉甜品平日其實開到好晏，如果系呢區食完野想食啲另類甜品去呢檔叫番份糖不甩其實非常抵食 😛 (佢哋嘅最低消費就係 $13，啱啱好系一份糖不甩嘅價錢) 仲有少少地道粉麵可以嗌糖不甩基本上係港式麻糬嘅代表 😙 暖笠笠咬落淋淋哋口感 👍👍 夠晒煙韌，雖然冇餡料，但簡簡單單嘅糖漿同椰絲都一樣好食，同埋其實都幾飽肚，因為真係粒粒都好大粒架

不嬲支持老店，買少見少，總怕佢地有一日會變晒回憶。。。呢間鋪係中環半山，好特別成間鋪都係鈄既滿心期待去試個聞名的芝麻糊，不過真係幾一般。。。芝麻味唔夠濃，有少少杏仁味，完全唔特別，好彩夠平：$14絕對可以話係食佢既懷舊風味，唔係食佢食物既美味。。。不過，公平啲講，我同朋友都淨係食咗芝麻糊啫，可能有其他食物好食既，但佢啲粉麵賣得唔平啊，淨牛腩仲要$100一碟，同甜品比真係貴好多。。。總結：一般啦，去影下相試下啲懷舊野ok既

同麻辣君食完飯，見時間尚早，搵個地方食個糖水，幾經辛苦爬上斜路終於搵到，第一次黎到唔知到底坐低定係行去檔口點餐，我地企係枱邊望緊餐牌，有個肥女人喝我地叫我地過去點野食，我行過去同肥女人講，佢又忽然間咆哮話返埋位先（個刻我唔知佢同邊個講野，一定唔係我），我同佢講左兩次食咩，佢用背脊對住我，根本無望過我，原來肥女人見到麻辣君行緊埋黎，所以命令佢坐低，然後肥女人終於擰過黎（唔代表佢有望我）問：你地係度食定外賣？我地話堂食，又喝我地要坐低先。最後當然係未食就走啦，我又唔係做無理要求，未食就先受氣，要完全絕對聽旨令，行就行企就企，態度極差劣，就算攞三星我都唔會黎

咁啱喺附近經過，就比呢啲地度特色食店吸引左坐底叫左碗牛腩粗。一黎到，碗麵熱辣辣，上面牛腩同牛筋各佔一半，好冧好入味，粗麵吾會太軟，有啲咬口，每一啖都撈埋腩汁，真係好正

兩個人途經呢檔野諗住吃碗糖水糖不甩做宵夜，食緊已經聽到老板娘不停咆哮鬧啲客，人地細聲又喝人，賣晒問多句又比佢鬧。好喇，叫咗紅豆沙，綠豆沙同糖不甩，黎漏咗糖不甩問下佢又鬧，話我冇叫。好喇食完話收26蚊，我冇為意找完錢就走人，跟住突然老板娘追出黎話計漏，叫我比多13蚊，我當然冇問題，即時比返佢啦，但佢居然話:"你做咩唔出聲話我知嘅？！" 我話:"我冇為意啊，都唔知道！"佢又話:"你點會唔知姐，咁平，廿幾蚊三樣，你做埋我果份啦！"我就慶慶地:"好啊，你唔好做等我做啦，明明自己計錯，重將責任推落客人度！"佢跟住就不停鬧不停鬧，直到我過對面街重鬧緊。平心言論，食物質數很差，紅，綠豆沙只有死甜，糖不甩只能算合格，很想支持一下香港本土僅有的食肆，但如果以這樣的態度和服務質素，真的不敢恭維了， 我想這是我最後一次光顧吧。

經過這間鋪，覺得幾特別就入左去試態度差環境差都算，但真係好難食！老闆老闆娘啲態度超級差，講晒粗口。係又鬧唔係又鬧，可能壓力太大精神失常。在中環想食個甜品都咁艱難～講返食物，真係超級難食芝麻糊唔知點解有杏仁味，糖不甩煮到爛晒完全不是其他openrice說的「香港最好食」随便在其他店吃一定比这个好真係唔知點解這間店還在中環間店係中環咁多遊客，態度差食物差影衰香港以後不會再去，非常失望。P.S. 千萬不要拍照會被罵

偷工減料，又惡得無道理！夜晚路經，諗住買外賣氹屋企人開心，埋去當口同老闆娘講：「有冇糖不甩啊？」冇人應。轉問老闆：「有冇糖不甩？」過咗半分鐘都係冇人回應我，心諗唔通佢哋係聽唔到野嘅？最終就比老闆鬧：「你堂食定外賣架？排隊啦！！！」環顧四周，沒有隊。前面一筆外賣交易已經完成。就算我唔識佢哋嘅規矩，都唔使咁樣姐。買咗一碗椰汁西米露，和一份糖不甩返屋企。盛惠$27。打開蓋，椰汁西米露沒有椰汁味，用匙羹把西米不上來，西米大半都是散開來的。可能是浸了一日，已經化粉。吃一口，冇椰汁味之餘，仲一陣膠味，只可說是買白色的甜水一碗。老公食一啖，佢話呢種叫做鹼水味。講下個糖不甩，溫度好，口感彈牙，大小等方面，都是可以的！糖粉內有椰絲和白糖，還有少量芝麻。老公又看，問：「為何這糖不甩沒有花生碎？」我才恍然大悟原來....怪不得就是甜而不香！西米露倒了之後，仲發現一隻小昆蟲。如果唔係想到出嚟睇吓啲西米嘅狀態，都唔會發現昆蟲，好彩冇食到！希望老板珍惜這香港僅餘的小檔！

經過玉葉見人少少，話咗減肥嘅我又又又抵擋唔住誘惑啦。聽聞事頭婆惡惡哋，原來係真㗎😂。搞到order嘅時候都有啲驚驚哋，好細聲咁講，點知事頭婆即刻好大聲咁彈咗句「咩啊？」真係嚇鬼死，係就係大聲咗啲，不過唔咪惡嘅，下次嚟食要有啲心裡準備啦😂😂 - 糖不甩（$13）開頭對糖不甩都唔抱好大希望，睇賣相平平無奇，除咗比以前食過嘅糖不甩大粒啲外，仲有我最憎嘅椰絲啊.... 救命啊.... 食咗粒跟住就食唔停口啦，口感估唔到會咁煙韌咁軟身，可能係全香港最好味嘅糖不甩！！！！！！ - 海帶綠豆糖水（$14）個海帶綠豆糖水大半碗都結曬冰，啱曬夏天食嘅，消暑good choice 呀。味道就OK啦，不過不失。 - 椰汁西米露（$14）哩個西米露無下次，就係椰汁加西米露，味道好齋lorrrrr。

中環雖然係一個人來人往車來車往商業區, 但係一D唔起眼的角落,仍然會搵到不少與CBD 景色 截然不同的人與物、人與事。玉業甜品是位於中環蘇豪伊利近街的一條斜路上, 附近酒吧/中上等價錢餐廳林立,這個街口卻有一檔粉會傾斜, 人也跟著斜的大牌檔。老闆跟老闆娘聞說很惡, 無親眼見過都唔信, 去到就100%信 (當然大家都係做生意組),今天天口有點熱, 為免吃得慢大汗dup 細汗, 還是叫了一碗冷的西米露就算。西米露西米很多, 椰汁也涼透心。可能是冷的關係, 感覺不算太甜, 很好。以14元中環地段的價錢, 我無野可以挑剔。然後, 我吃完我的西米露, 付錢走人。老闆仍然照舊很惡的在一條斜路上賣著會傾斜的粉, 而吃的人也跟著斜。

今日自己一個中上環一帶古蹟遊, 去完PMQ 玩, 再諗住行去擺花街買生煎包之際,諗起都好耐無食過玉葉, 心諗都好耐「無比老闆兇過」, 於是就去左坐一陣。結果一埋去真係又比老闆「兇」。講番個地方先, 玉葉係一個大排檔, 係係條斜路上, 所有檯凳都係斜的,所以碗粉/ 甜品上黎時都係斜的。今日叫了芝麻糊, 呢到既芝麻糊係有杏仁味的,都幾濃杰, 係有少少甜ga la, 叫得芝麻糊點會唔甜, 都幾真材實料既, 食完成棚牙都烏卒卒 XDBtw, For those who are concerned, 食得玉葉就要預左老闆好惡好惡gam 兇你,但係中環仲有13、14蚊糖水, 仲食到「香港舊時的味道」, 我唔會有要求囉, 除非我係係IFC 食~