老掌櫃東北菜館 (海之戀商場)

Open Now

Now Closed

今日去咗海之戀呢間「老掌櫃」食東北菜, 性價比真係好超高!價錢平之餘, 食物又有質素🥰先講個白菜豬肉餃,有10隻，咬落去有嚼勁，餡料塞到滿一滿，白菜清甜夾埋豬肉好香口，點少少醋已經好正😋跟住叫咗半隻北京填鴨，師傅片皮手勢唔錯，皮脆肉嫩，脂肪唔會過多, 用塊薄餅包住青瓜絲同甜麵醬，一啖咬落去，鴨油香同醬香撞埋一齊，滿足到暈❤️個四川擔擔麵都有驚喜，麻醬勁濃郁，辣度啱啱好，仲有肉碎同花生碎增加口感，撈勻之後每條麵都掛到汁，食到停唔到口🥰最後嗌咗高力豆沙做甜品，外層炸到鬆軟，入面豆沙餡熱辣辣又唔會死甜，幾岩我口味😝呢餐夾埋都係三百蚊，真係好抵食👍

第一次黎荃灣海之戀商場🤪 因為親戚附近返工 呢間又出名大件夾抵食😏就黎一於約埋佢試下東北菜喇！星期一黎晚餐都full 晒滿座！建議book 位唔洗等🤗茶位每位$10～ menu好多菜式選擇！1️⃣北京填鴨（半隻）$168我地兩個人 當然只叫半隻🤣🤣menu寫明半隻係20塊 但實際上係好似唔止! 感覺即刻覺得好抵😍我地仲以為係得塊皮既片皮鴨🪿 但好驚訝原來係啖啖肉！好香必須讚👍🏻2️⃣京燒羊肉 $138 呢個係超好食！！更加係必點既東北菜！羊肉夠SO🐏🐏 外脆內軟！大家放大幅相睇下個layers 😋😋3️⃣蒜蓉炒時菜 $68 有四/五款菜可揀🫛都係一樣價錢～我地揀左油麥菜！炒得好靚 唔過分油膩～兩個人食咁多野真係超飽😆😆

香港出名大件夾抵食既東北菜人均兩百多，食飽飽既東北小館，份量大份得驚人！肉三鮮餃皮薄餡足，韭菜、豬肉、蝦仁比例完美，蘸點陳醋一口爆汁，$52有10隻既價格平絶全港！花膠鮑魚紅燒肉煲驚喜之作，濃油赤醬燉得膠質黏唇，花膠厚實、鮑魚彈牙，紅燒肉肥而不膩，性價比炸裂。 京燒羊肉外皮酥脆帶蜜香，羊肉嫩而不羶，香口有羊味。蝦蛋炒飯鑊氣十足，蝦仁爽脆，雞蛋包透米粒，但建議店家唔落三色豆，用蔥花更好。豆沙鍋餅現點現煎，外脆內綿，皮夠薄，紅豆餡微甜不膩！ 環境雖樸素，但味道扎實、價錢親民，飯堂之選。

今晚的胃，被荃灣「老掌櫃東北菜館」的濃濃鍋氣與地道風味徹底征服！三款經典，款款精彩，分享給同樣愛紮實美味的你：🦆 **「北京填鴨 (半隻)」：脆皮多汁的經典演繹！**片鴨師傅手勢了得，鴨皮烤得晶瑩透亮，**脆如薄紙**，入口瞬間化開豐腴油香，卻**毫不膩口**！鴨肉緊實飽滿，**嫩滑多汁**，肉香十足。最驚喜是搭配的荷葉餅，**蒸得熱乎軟韌**，包裹著鴨皮、鴨肉、青瓜條、甜麵醬與蔥段，一口咬下——脆、嫩、甜、鮮、辛在口中完美交響！**鴨香四溢，層次分明**，絕對是讓人停不下筷的必點之作！🍜 **「蔥油肉絲拌麵」：香氣撲鼻的樸實誘惑！**一上桌，**濃郁的蔥油香氣**就霸道地佔據嗅覺！手擀麵條**粗細適中，口感極其Q彈筋道**，掛汁力滿分。炒得火候剛好的肉絲，**嫩滑入味**，帶著醬香與鑊氣。靈魂的蔥油熬得極香，均勻包裹著每根麵條，**鹹鮮中透著蔥的甘甜**。簡單一碗，卻將蔥油拌麵的精髓發揮得淋漓盡致——**香、彈、潤、鮮**，吃得人大呼過癮！🍖 **「紅燒肉燉粉條」：濃油赤醬的暖心慰藉！**這道絕對是下飯神器！選用**肥瘦相間的五花肉**，燉煮得**酥軟入味，入口即化**，肥肉部分**

真心ok 喎呢間東北菜！片皮鴨$168份量好多，皮薄得黎仲有油脂香，雖然有啲位鞋咗少少，但整體ok！芹菜豬肉餃香，麻醬冷麵都幾好～ 🤍北京片皮鴨 $168 - 份量超足，2-3人share都得 - 皮薄脆身，油脂分布平均 - 附送薄餅同醬料，包住食好正 🤍芹菜豬肉餃10隻 $52 - 皮薄餡多- 芹菜清香中和豬肉油膩感 🤍麻醬冷麵 $66 - 麻醬香濃但唔會太膩 - 麵質彈牙，夏天食好清爽 - 可以叫店員額外比麻醬🤍茶位 $10 - 有熱茶無限refill - 環境乾淨

老掌櫃一向高CP值聞名，部分座位仲享有海景，真係好舒服，唔怪得要排隊等位。酸菜鴛鴦（鱸魚拼牛肉）酸菜湯底夠酸爽，魚片嫩滑，牛肉也入味，吸飽酸菜湯汁後特別開胃，配飯一流。分量足夠2-3人分享。如果食唔到太辣，可以一開始挑起上面的辣椒，辣度巖巖好。煎韭菜豬肉餃 餃子也是必點之一，煎得金黃香脆，內餡飽滿多汁，韭菜味濃郁，一口咬下去，滿嘴都是肉香和菜香。還貼心地提供了醋和辣椒油，可以根據自己的口味調味。豆沙鍋餅 鍋餅外皮酥脆，內餡豆沙綿密香甜，建議搭配茶水一起享用，可以解膩。

荃灣Donki隔離竟然有間咁正嘅東北菜！$44起就有午餐set，仲要望到少少海景🌊超抵食！我點的🥔土豆燒牛肉，牛肉好腍，薯仔吸晒啲醬汁，甜中帶啲八角香。朋友點的🍖秘製杭州骨，啖啖肉嘅排骨掛滿酸甜汁，咬落有少少脆邊。 兩款菜式都超好送飯，配醬汁清晒成碗都得！加$18 🍄四喜烤麩，東北小菜！烤麩索盡麻油香，木耳同冬菇爽口，甜甜哋好開胃～ 加$12🌶️酸辣湯，飲一啖即刻醒神！醋味夠衝，仲有筍絲同豆腐！

去海之戀行街，行完街係到食埋晚餐，，見到呢間，都好耐無食東北菜，就決定食呢間🤗環境幾開揚舒服，仲會望到海景，上菜速度好快，夠哂有效率😆北京填鴨，半隻都係$168，真係好抵食，片皮鴨皮脆肉香，加埋摩摩皮夾蔥同青瓜🥒食，味道夠地道😋仲叫左一個主食，四川擔擔麵share食，花生香氣幾足，麵既份量好多，2個人食都好夠叫多個菜，木耳炒津白，好香甜creamy，木耳都夠哂爽口，整體全餐都快靚正，幾滿意👍🏻🤣

今晚同班friend殺入荃灣海之戀商場，專登嚟試呢間人氣爆燈嘅「老掌櫃東北菜館」🔥。裝修簡約得嚟有啲懷舊feel，但重點係——啲餸真係有料到！😋🦆 北京填鴨（半隻）一上枱已經聞到陣陣鴨香，鴨皮燒到金黃香脆，咬落去「咔嚓」一聲，脆得誇張！🤤 皮下油脂啱啱好，唔會膩，仲帶少少焦香。片皮功夫唔馬虎，鴨肉連皮切得靚仔，配埋甜麵醬、青瓜絲、京蔥，再用薄餅包住一啖咬落去——簡直係幸福嘅味道！💥🍜 秘製牛奔刀削麵呢碗麵真係大到嚇親我哋！😳 麵條刀削得厚薄適中，煙韌彈牙，吸晒牛肉炆汁精華。牛肉份量唔手軟，件件都炆到入晒味，鬆化得嚟又唔會散，牛味濃郁得嚟唔鹹，食到最後一啖都唔覺heavy。💪 加埋啲蔥花點綴，香氣再升級！白菜煎餃（10隻）煎得金黃香脆，底部脆卜卜，咬開見到白菜豬肉餡料滿滿，唔係得個樣！🌱 餃皮煙韌唔會太厚，餡料清甜唔油膩，仲有啲湯汁滲出嚟，配埋辣油一齊食，正到飛起！🔥💰 價錢親民，份量足，味道正宗，難怪日日都爆場！😎 無加一服務費，CP值爆燈💥。下次一定要試埋佢哋嘅酸辣湯同高力豆沙！

餐廳致電確認訂座後，要求顧客到場報電話號碼，並取消Openrice的訂座。另叫顧客提早到達，然而，顧客依約提早抵達，卻被告知無枱可用，需在旁等候。令人不解的是，後來到的顧客竟優先入座，完全無視等候次序。向店員查詢原因，僅得「errr」回應，毫無合理解釋，顯示安排極其混亂，反映店方管理不善，更凸顯服務態度欠佳，完全漠視顧客感受。如此糟糕的體驗，讓人對餐廳的專業度大失所望，實在令人失望，難以再次光顧。

今晚同朋友去咗荃灣呢間「老掌櫃東北菜館」試吓佢哋嘅招牌菜，沒有華麗裝修但食物水準極高， 難怪晚晚爆場北京填鴨（半隻）：必叫！鴨皮燒到金黃脆卜卜，一咬落去「咔嚓」聲，油脂香爆出嚟，但唔會膩。師傅片皮手勢唔錯，連住少少鴨肉，蘸埋甜麵醬夾青瓜絲、京蔥，用薄餅包住食，食到停唔到口。宮保蝦仁：蝦仁份量都幾多，爽口彈牙，個汁調得幾好，酸甜微辣好開胃，仲有炸到香脆嘅腰果，撈飯一流！不過如果多返啲乾辣椒爆香就更惹味啦。 高力豆沙：甜品控要試！外層蛋白泡芙口感超鬆軟，入面係流心嘅豆沙餡，熱辣辣上枱，咬開仲有少少煙韌，甜度剛好。

餐廳係海之戀DONKI隔離，佢既總店出名食上海菜又平又好食，價錢唔貴好合理，仲要無加一服務費，難怪平日夜晚都幾乎坐滿!!!!餐牌好多選擇，全部都好吸引好想試，選擇困難症，揀左一輪，終於揀到。紅燒肉燉粉絲紅燒肉好淋好入味，肥瘦適中，但汁甜甜地好惹味，送飯一流千層醬豬耳呢個前菜好開胃好好食，放左醋同GARLIC，好醒胃，天氣熱時食涼菜開胃！豬耳好爽口，完全無雪味東北農家炒飯炒飯都炒得幾好，好大碟，配料都多

荃灣西海之戀｜$168食片皮鴨🦆價錢實惠 估唔到都幾有質素🤍佢哋熱炒有鑊氣，即叫即炸，味道幾正宗！★ 北京填鴨（半隻） $168個人鍾意肉多個皮嘅片皮鴨🤣依個就啱晒！份量都幾多，兩個人食得滿足！不過個捲皮如果有蒸籠裝住會更好，就咁樣好快凍曬～★ 肉三鮮餃（10隻） $52有10隻好抵食！有蝦、豬肉、椰菜，餡料大粒，唔重味精味，唔知係咪自家製，個皮幾煙韌！一定要配埋辣油食勁香🥹★ 糖醋魚片 $86呢個竟然係MVP 💗魚片即叫即炸，熱辣辣外皮好脆！糖醋酸甜好開胃，好似食緊咕嚕肉😍用魚片入面嫩滑質地，口感更豐富！

好耐冇黎呢間餐廳食飯😂最近又想食片皮鴨，即刻又諗起呢間。因為價格真係比出面抵，半份已經夠曬2個人食，仲免收加一，係咪好抵😂片皮鴨（北京填鴨）每一次都好大塊，又油潤，我覺得鴨肉直情唔使點汁，因為已經夠香夠味😝中間果排以鴨皮為主👍🏻油份十足，鴨皮脆口，係好正宗嘅片皮鴨口感。旁邊就係鴨肉切片，冇咁肥膩，鴨肉亦鮮嫩，食多幾塊都唔怕太油膩。北京填鴨呢個菜，餐廳每枱都幾乎會叫😂果然係人氣菜式。 另外仲叫左份鍋包肉😍好大一碟，份量十足。 表皮炸得好香脆，個汁有少少酸甜味，幾惹味開胃。豬肉薄薄一片，好易咬又好鬆化。呢間真係會再食🤗因為價錢唔貴，份量又足，又唔收加一👍🏻抵食

同朋友行完donki,二樓出口見到呢間紅色嘅大招牌餐廳一推開門就被全落地玻璃震撼到，海景靚到以為去咗郵輪食飯🚢 今次試晒招牌四大天王，碟碟都大過塊面： 🍵 迎賓茶 未坐低先上一壺暖粒粒玄米茶，未食主菜已經清咗半壺 🥟 京蔥羊肉餃 東北巨無霸餃王駕到！每隻飽滿到透出蔥花綠，咬開羊肉汁多到要用匙羹接住，羶香混搭京蔥甜勁過癮 🍜 雞絲蔥油拌麵 上枱即刻聞到靈魂蔥油香！手撕雞肉鋪到睇唔見麵底，每條麵都掛滿金黃蔥油，加埋炸到脆卜卜嘅銀絲，食完成個嘴油亮到反光 🦆 北京填鴨（半隻） 震撼級片皮鴨山！師傅片出大盤鴨件，鴨皮脆到似食薯片，連埋煙韌手工餅皮、京蔥同青瓜條，捲到塞爆個嘴先叫合格 🥧 高力豆沙 甜品界乒乓球挑戰賽！咬開脆皮會有流心紅豆沙突襲，熱辣辣甜度剛好，食三個都唔膩 兩個人搏命食都剩半枱餸，最後要問侍應攞外賣盒。望住夜景同埋閃閃發光嘅船慢慢打包，埋單仲唔使三百蚊，抵到爛！