老掌櫃東北菜館 (海之戀商場)

Open Now

Now Closed

已經第三次黎呢間餐廳，招牌片皮鴨食過兩次，今次就試下其他菜式～有水煮牛肉、酸菜魚、各種小菜、甜品麵食，重點係全部都大大份✌🏻✨孜然蔥爆羊肉羊肉鮮嫩多汁，有洋蔥、京蔥，孜然重口味，勁岩送飯～✨砂窩雲吞雞（半隻）$148份量十足👍🏻一窩都夠4個人食，雞湯底清甜，有娃娃菜同小棠菜鋪底，雞都夠滑雲吞皮薄餡多羊肉餡，好濃郁羊肉和蔥香氣✨螞蟻上樹（$76）粉絲夠哂入味，幾辣香口惹味，不過偏油✨推介指數：8/10

半隻北京填鴨份量比我想像中多🫨青瓜、京蔥等配料的份量亦夠充足😇北京填鴨皮夠白脆，鴨肉比例頗大，肉質雖未至於嫩但亦不會乾柴👌🏻唯一問題就是一上碟鴨肉和餅皮都已經放涼😕相信熱辣辣的話會更加吸引🥸酸菜魚份量同樣十分多🐟魚片無骨啖啖肉，肉質亦夠嫩滑😋留有少許鮮味。酸菜味道未會太濃，湯汁酸度適中，比較溫和😝辣度就十分輕微，不愛辣人士應該都能接受🤪炒飯夠乾身，外觀上看似濃味但其實味道偏淡，表現算中規中矩🫡雲吞肉餡飽滿，雞肉經煲煮過後非常軟滑但未至於爛🥰雞身外觀仍然非常完整。唯雞湯偏鹹，若然調味能清淡一點就更好，太重口味反而會令人卻步 😶‍🌫️萵荀本身水嫩，未有太多調味之下，更能突萵荀的清甜。———————————————————————雖然老掌櫃的中物都未有太大驚喜，但老掌櫃一向主打平價中菜😀今次光顧的確能體現到何謂「大件夾抵食」🤩

老掌櫃東北菜館喺荃灣海之戀商場，除咗提供經典嘅東北菜，仲有意想不到嘅靚景可以慢慢欣賞！我哋夜晚到達，見到戶外區冇乜人坐，想靜靜地傾吓計，所以特登叫職員安排咗露台位。行出去一刻即刻被驚艷，竟然可以欣賞到海景夜色，呢個景觀絕對係額外驚喜，邊睇景邊食東北菜，氣氛一流！-北京填鴨 (半隻)因為怕食唔曬，所以淨係點咗半隻試吓。鴨皮烤得香脆焦香，每一啖都感受到滿滿油脂嘅香味，配埋薄薄嘅餅皮、清爽嘅青瓜、京蔥同甜麵醬，一啖包埋一齊食，味道層次豐富！以百幾蚊嘅價錢嚟講，呢份北京填鴨絕對抵食，性價比非常高，值得推薦。-紅油抄手呢款紅油抄手表現唔錯，餛飩皮薄滑，包住嘅豬肉餡鮮嫩多汁。紅油調得恰到好處，唔會過份油膩，辣度適中，帶出少少麻香味，非常開胃。-老醋海蜇頭海蜇頭非常爽口彈牙，每一啖都帶有清新的醋香，開胃又清新。不過，配搭嘅青瓜略嫌冇乜味道，少咗啲驚喜感，喺整體表現上扣咗啲分。-高力豆沙呢道甜品係我嘅驚喜發現！外層炸得金黃酥脆，表面均勻沾滿砂糖，咬落去帶少少煙韌口感，內層嘅豆沙餡甜度控制得剛剛好，唔會過膩。

以前想食片皮鴨就會去大角咀分店，原來而家荃灣都開咗一間，呢度地方都幾大，坐落去舒服啲又唔使排隊！🦆E01 北京填鴨 (半隻) $168呢個價錢食到片皮鴨仲想點？鴨外皮夠香脆，呢隻鴨好有肉地，唔會只得皮，肉份量都好多，肉質唔算肥膩，配合經典青瓜同埋京蔥，加埋一齊食中和咗烤鴨嘅肥膩，必點！🦟🌲H14 螞蟻上樹 $76 🌶️一上枱已經熱辣辣勁香，呢個入面加咗好多蒜蓉，上面仲佈滿香蔥，炒得比較濕少少，味道好濃郁，入口就勁多肉碎，嗰種味道好似係魚香茄子嘅肉碎咁，如果鍾意食濃味嘢嘅人就會鍾意！❤️K02 高力豆沙 $ 13 (件）呈現黃金色大大粒，上面佈滿砂糖，豆沙餡都好大粒，除咗豆沙嘅香甜，仲有少少微酸嘅果皮味，食完超級大滿足！✨價錢真係超值，平時要一堆人先食到鴨，呢度兩個人都可以食到北京填鴨同其他菜式，爽！ 🥲枱面有少少黃豆粉，清潔可以再做足少少!

喺呢度食咗幾次，今次真係背脊骨落。點左兩個菜，一個上得好快，另一個等半個鐘都唔上。問個女侍應，話就快到，又等多10分鐘。都係未到，結果唯有取消。如果多人嘅話，都理解，但事實係有一半位都係吉嘅，等咩？如果你哋冇呢個菜就直接講，點解要客人等咁耐？要人等咁耐一句，唔好意思都冇句。最後取消咗，連原因都唔講。俾錢嗰陣仲搞笑，企我哋後面嗰個人等咗1分鐘都冇，個職員就同佢講：唔好意思要你等咁耐。我哋等咗咁耐，佢哋好似應份要你等咁。呢間嘢真係差到痹Blacklist!京葱牛肉之前食過，有wok氣，覺得唔錯。不過今次來食，試左孜然葱牛肉，孜然味完全蓋住wok氣。

晚上飯點時間座無虛席的東北菜，性價比超高，適合扶老攜幼來飽吃一餐！🦢北京填鴨半隻半隻只需要$168，包20塊餅皮、青瓜韭黃絲和醬料，好抵食。鴨皮香脆，有別於酒樓，烤鴨年帶厚厚一片鴨肉，飽足感十足。🥩鍋包肉東北菜必點！豬肉切片，裹粉漿去炸，再以酸甜醋汁做澆頭，又薄又脆又下飯。🍛欖菜肉鬆炒飯有鑊氣，不想吃白飯來點顏色香氣，點這個🤭🥟芹菜豬肉水餃一碟十隻，從餃子皮看得出是手工揉麵的餃子，餃子皮口感很好。餃子包著滿滿芹菜豬肉餡，一點都不「削」。🍅🐟松鼠魚（龍脷柳）平日去酒樓吃這道都要200多元，訂餐廳為了符合平民價格，採用了無骨的龍脷柳，以糖醋魚的方法去制作。美味依舊，價錢卻減半😍。🍠🍬拔絲地瓜必必必必點！黃心蕃薯下糖漿煮，過冷水後如冰糖葫蘆一般，有甜絲絲脆卜卜的糖衣。不過一定要趁熱食，否則糖衣都會黏在碟子上。

🇭🇰荃灣海之戀老掌櫃東北菜館 百幾蚊片皮鴨物超所值環境方面，餐廳乾淨企理。今次我哋點咗幾道菜，以下係詳細介紹：1️⃣ **水煮牛肉** ($118) 🥩 - 牛肉底下有紅薯粉，辣度適中，唔會太辣，剛好刺激美女。牛肉雖然唔算大塊，但口感味道都不錯。2️⃣ **北京填鴨（半隻）** ($168) 🦆 - 鴨肉唔會太肥，每個人口味不同，我同先生都鍾意呢種口感，百幾蚊食到呢個質素真係物超所值！3️⃣ **鴨兩食茄子炒** ($60 加) 🍆 - 鴨肉骨比較多，不過茄子吸收咗鴨肉嘅香味，味道非常好，搭配米飯剛好。4️⃣ **高力豆沙** ($13 一個) 🥟 - 高力豆沙外皮煙煙韌韌，甜度剛好，味道非常好，作為飯後甜品非常適合，值得推薦！片皮鴨咁抵食，高力豆沙出色❤️有機會會再來試下其他菜式！🚩荃灣大河道100號海之戀商場2樓2006-2008號舖#海之戀 #老掌櫃 #荃灣美食 #東北菜 #水煮牛肉 #北京填鴨 #茄子炒 #高力豆沙 #香港美食 #食評 #聚餐 #餐廳推薦 #美味 #輕食 #中式料理

今日休息，訓醒已經到下午饑腸轆轆去左荃灣海之戀商場激安旁邊的老掌櫃東北菜館北方一般食水餃，雲吞，包子，鍋包肉等等酸辣湯麵麵質較硬酸辣湯中有木耳絲，蛋絲非常足料羊肉湯麵必食推薦羊肉涮一涮湯底濃郁麵質夠淋最岩秋冬補身紅油炒手皮滑餡多純肉紅油微辣螞蟻上樹一定一定要叫辣味非常惹味醬汁被粉絲索晒肉粒好彈牙松子龍利柳炸得香脆配上五柳夠開胃高力豆沙一人一粒飯後甜品餐廳招呼好上菜快碗筷乾淨大把棒場客埋單唔洗$370食到飽飽去左激安行

練完琴要醫肚啦～襯未到晚飯時間早早搵咗呢間京式餐館用餐(好彩嚟得早咋🤣一到食飯時段見滿座到要拎籌等位)～打開餐牌突然好想食片皮鴨🤝🏻拿拿臨即刻落單～如果坐戶外位置仲可以邊食邊飽覽海景添🌉✨.✨北京填鴨 (半隻) $168賣相一啲都唔比大酒樓輸蝕👍🏻👍🏻油潤亮澤嘅鴨皮香口卻唔肥膩～鴨肉滿滿鴨香美味～以軟熟麼麼皮包裹住爽口嘅京蔥及青瓜條🥒加埋甜甜哋嘅填鴨醬～一口咬下好滿足😋.✨黃金四季豆 $80每條四季豆都包覆住咸蛋黃🤗🤗非常邪惡！鑊氣夠唔會炒到成碟油～完美結合清爽嘅四季豆～好滋味！.✨高力豆沙 $13@熱辣辣！脹卜卜香酥外層沾滿咗砂糖～好吸引🤩內餡有甜而不膩豆沙餡！經典京式甜點🫶🏻🫶🏻.✨凍豆漿 $10香甜順喉～有豆味😀.✨茶芥$5@✨免加一

中午落荃灣 海之戀商場揀咗一間向海食肆.... 總覺得其實環境， 空氣，陽光都係我精神食糧嘅一部分，一路望住海景一路食嘢真係 無敵嘅感受 ( 我影咗相㗎喇大家可以睇下我嘅插圖)。 以前都食過但係而家佢地丹準好似差咗， 兩個冷盤前菜一個係 粉皮， 粉皮嘅食材都算唔錯幾好但可惜麻醬質素比較差，食落去好似唔多配撘； 烤麩嘅質素真係差咗好多， 唔算難食，不過咁樣嘅質素比起以前真係跌咗 watt 一大舊 😫 最有水準嘅就係羊肉餃子今日做得唔錯 ，不過如果嗰個粉皮能夠薄少少就更好； 再叫咗個 四季豆 手工一般啦以前就覺得佢哋抄得香啲。 希望佢哋努力進步啲如果唔係就好難同其他食肆爭㗎喇。

我們於30/10（三）約中午十二時半左右到達餐廳，地方挺大，用QR code下單。❶京蔥羊肉餃10隻 （$48）：最後一道菜上，以為係湯餃，原來係淨水餃🥟，京蔥就見唔到覺，羊肉比較靭，有筋，沒有羊騷味，但就唔覺得係羊肉🤣❷蔥油肉絲拌麵 （$44）：麵都幾大份，面底好多「色水」，肉絲足夠，自己撈埋一齊，食落就甜甜地，好得意😊有一些蔥粒，不過發現有蔥就冇切粒😂就比較硬❸雞絲粉皮（+$18）：是麻醬雞絲粉皮，有青瓜絲🥒，雞絲反而比較靭，好彩唔係好大塊埋單不用加一，只可俾現金💰店內的音樂幾搞笑，居然係播迪士尼樂園內的音樂🤪

早排去DONKI 買野經過咁啱搵地方食lunch見到佢人少少唔洗排隊就試下….Lunch野食還可以，正常啦。今日無啦啦心血來潮，想試吓佢廣告牌嘅片皮鴨就叫APP外賣自取去到現場，問櫃檯光頭呀叔呢個Number有未，之後佢擰頭一粒聲都冇出過，然後我戇居居企喺度等咗幾分鐘，等下等下唔對路，就去睇吓嗰張外賣枱，原來個外賣一早已經喺度。。真心o嘴。。。服務業咁嘅嘴臉，西口西面唔想做好心就唔好做啦 。。冇下次！😡

老掌櫃東北菜館 • 荃灣荃灣呢一間東北菜餐廳我自己光顧過幾次，幾次都坐滿人，原因我諗係菜式性價比高，款式亦多，而且亦都好適合一大班朋友聚會。✅ 煎餃(肉三鮮) 🥟肉三鮮即係豬肉、蝦仁、韭菜。餃子粒粒飽滿，入面有肉汁，我冇點醬汁同醋食，因為個人覺得味道已經足夠✅ 醉雞 🐔清香嘅紹興酒味，徹底滲入雞肉入面，雞肉肉質嫩滑，而且我呢一份基本上係雞髀位置，擔擔酒香增加食慾👍🏼✅ 蔥爆牛肉 🐮京蔥加上牛肉一齊爆香，香味十足，牛肉嫩滑，簡單嘅配搭，但做出嚟嘅味道唔錯，相信冇人唔鍾意✅ 秘製牛犇麵 🐮揀咗呢度菜式嘅其中一個原因係因為俾個名字吸引，其實佢材料係牛腩，牛腩帶點筋位，湯底係胡椒湯，胡椒味濃，一個普通麵嘅價錢，但份量足夠二人食用👍🏼✅ 家常餅 🫔帶點煙靭嚼勁嘅薄餅，亦有蔥油香味

❤️欖菜肉鬆炒飯欖菜為炒飯添上微鹹。炒飯內有粟米粒🌽、紅蘿蔔🥕粒、豌豆🫛等，十分豐富，口感十足～😋飯粒粒分明炒得夠乾身有鑊氣👍🏻。❤️紅燒肉燉粉絲條內有黃芽白和粉絲。紅燒肉燜得很軟腍入味～😋有少少肥膏，邪惡得黎好好味🤤。粉絲質感像薯粉，口感煙煙韌韌～❤️清炒萵荀十分爽脆清甜😋切成條狀不是切成絲，口感十足！❤️韭菜豬肉餃（10隻）皮薄餡靚～韭菜入口好香，豬肉夠新鮮👍🏻點埋醋食更滋味～🤤

荃灣人都知道海之戀中有幾間擁有海景的抵食餐廳之一，其中這間東北菜更是聚餐首選。一班人想食中式菜又想特別一點都會選擇老掌櫃。鍋包肉 $96東北菜必食名菜，豬肉炸得好香脆，即叫即炸，配上甜甜酸酸的汁，一啖接一啖停唔到口宫保蝦仁 $86蝦仁有微炸過，加上醬汁好香口，連埋炸香的花生，配飯一流紅燒肉燉粉絲條 $86東北的燉菜也很出名，粉絲條可以代替主食，唔洗成日食飯咁悶，亦是美味之選高力豆沙 $13/個這個甜品唔係周圍都有得食，而且呢間做得好出色，豆沙唔會太甜，蛋白炸得好鬆軟，配上外層沙糖的口感，必食之選