瀾之茶居

Open Now

Now Closed

灣仔 太原街 瀾之茶居純粹打卡！未去已查了食評，Not Great! 不過，我是王家衛 Fans，它貼了滿屋都是王的電影 posters, 咁我點都要捧捧場嘅，食物: 唔係咁啱口味。海胆燒賣: 十分反高潮，個名就好聽嘅！燒賣純豬肉，冇蝦。嗰 D 鋪在上面的所謂海胆，如果盲試，一定唔知係乜物體。蝦米腸粉: 本來應該零失手。衰在唔熱。但上枱時卻煞有介事蓋上膠罩。冇提供甜醬麻醬，鼓油又冇乜味，要求了辣醬，亦係唔算好。叉燒包: 逐隻計。每隻 $12 。差不多每枱都叫。算 OK。不過都係唔啱口味。普洱茶: 無特别。但收得 $20 ，客人有期望，可惜冇乜茶味。這裡很神奇的竟然可以叫㗎啡奶茶。餐廳走懷舊情調，但很雜亂，卻亂中有緻。樓底很高，掛了幾′盏高貴的吊燈，營造了氣派。音樂在播 80 年代的粤語歌。整體氣氛都幾開心。

見佢新開張，所以放lunch就去試下。餐廳推介嘅叉燒餐包，可能由於唔係即叫即做，所以個皮唔夠脆，叉燒餡比較少，不過味道還可以。叉燒腸同一般酒樓嘅冇分別，而且價錢更貴煎蘿蔔糕幾好食，蘿蔔味道突出北菇滑雞蒸飯相當出色，雞肉嫩滑而且入味，飯底亦有少少似煲仔飯嘅口感，唔會太淋或太硬松露蝦餃可以一試，松露味道同蝦嘅鮮味互相配合，但唔算特別好食奶茶係咁多嘢食入面最失望嘅，茶味雖然濃，但相當苦澀，比一般茶餐廳嘅更差總括而言價錢偏貴但品質對唔住價錢，去過一次唔會再去

「瀾之茶居」灣仔 太原街 - 懷舊港式茶居 用心嘅設計 同時食物質素十分高份量並非大 但價錢非常合理是日嘗試晚飯 下次可以試吓一盅兩件以及甘哥叉燒包！ 「瀾之茶居」地址：灣仔太原街8號海源中心地下A及B舖

上次食完灣仔「瀾之茶居」念念不忘，特登周末早啲起身去飲茶。餐廳裝修勁懷舊。呢個環境食物非常有感覺！飲茶當然叫點心，佢地有懷舊味道亦有fusion 選擇︰🦐「松露蝦蛟」 - 皮薄餡靚，蝦蝦新鮮彈牙，滿口松露香💫「海膽燒賣 」- 好味嘅，但唔太食得出海膽味🫔「瑤柱蔥花蝦米腸 」- 熱辣辣正呀，口感少少煙靱🌟「香煎蘿蔔糕 」- 正常水準，好味🥯「甘哥叉燒餐包 」- 逐個買，係菠蘿包皮，都幾香軟，但叉燒餡太少 兩個人食五樣點心都夠飽，佢地嘅小菜都好正架，一定會再去食！

灣仔街坊有口福了，「瀾之茶居」嚟到太原街喇~~日日行開灣仔街市，某日突然發現多咗間裝修勁懷舊嘅餐廳。一問原來老闆係舊物收藏家，入面好多公仔，甚至掛牆鐘同電視都好有歷史全部堅野！係呢個環境食物非常有感覺！新開唔算好多人，有人晚夜收工九點幾佢仲開，就去咗食。叫左幾樣小炒，非常有驚喜！！！🌽 黃金粟米 $48真係好~ 好~ 食~ 冇諗過真係一粒粒粟米咁有心機。每粒粟米都有鹹蛋黃香，脆口！🐄 煲仔乾炒新鮮牛河 $99好有鍋氣，香噴噴，牛肉嫩滑🧡 拔絲咕嚕肉 %128堅拔絲呀~~ 粒粒肉都拉到絲出嚟，個皮仲要脆卜卜，人間美味呀！ 平時咕嚕肉好多地方都有，但呢度真係好出色！好味之餘上菜仲超快，非常有水準！下次午市一定要再去飲茶食甜心。

一試無妨嘅心態，但係真係只此一次！首先裝修係走懷舊路線，但係感覺係亂放一通😅不過是但啦！試吓啲點心，想食啲正常嘅點心例如蝦餃燒賣，但係只有松露蝦餃、海膽燒賣（原全唔想試）只好食鵪鶉蛋燒賣（我覺得發揮正常都唔錯）叉燒腸粉（粉比較“鞋”一般）香煎蘿蔔糕（冇乜料蘿蔔較少）鹹水角（非常奇怪裏便係蝦餃）外皮都不好食！煲仔乾炒牛河（吵得唔乾身不合格）臘腸排骨飯（呢個係最好食嘅一款👍🏻）總括嚟講，食物嘅質素很一般！

💙 瀾之茶居📍灣仔太原街8號海源中心地下A及B號舖------------------------------1️⃣ 松露蝦餃 $42推薦指數：👍🏻👍🏻👍🏻👍🏻👍🏻蝦餃皮晶瑩剔透🥰 又薄又煙靭 蝦很新鮮爽口 還有淡淡的松露味☺️2️⃣ 鵪鶉蛋燒賣 $36推薦指數：👍🏻👍🏻👍🏻👍🏻👍🏻燒賣食餡香而多汁 配上鵪鶉蛋 絕配😍3️⃣ 陳皮牛肉球 $30推薦指數：👍🏻👍🏻👍🏻👍🏻牛肉應是餐廳自家出品 有淡淡的陳皮及芫荽味 味道不錯😋4️⃣ 鮑魚糯米雞 $52推薦指數：👍🏻👍🏻👍🏻👍🏻👍🏻糯米雞真材實料 餡料豐富💕真的有鮑魚和雞 糯米軟綿 調味恰到好處😍5️⃣ 蜜汁叉燒腸 $36推薦指數：👍🏻👍🏻👍🏻👍🏻👍🏻腸粉皮透薄 滑捋捋😋 配搭蜜汁叉燒 十分美味6️⃣ 甘哥叉燒餐包 $12/@推薦指數：👍🏻👍🏻👍🏻👍🏻餐包上面有甜甜 脆脆的酥皮☺️ 叉燒餡鹹鹹甜甜 餐包微暖7️⃣ 酥皮蛋撻 $12/@推薦指數：👍🏻👍🏻👍🏻蛋撻微暖 酥皮微脆 蛋撻餡甜度適中 普普通通😆8️⃣ 順德籠仔蒸雞飯 $98推薦指數：👍🏻👍🏻👍🏻👍🏻雞肉嫩滑 飯和肉蒸得剛剛好 惟飯較濕😂9️⃣ 飲品推薦指數：👍🏻👍🏻👍🏻👍🏻正味古樹普洱(十五年) $20/@正味鐵觀音 $2