瀾之茶居

Open Now

Now Closed

上年來過幾次飲茶食點心，雖然價錢有點貴，但食物質素唔錯，cp值還可以接受。但前兩日再帶媽媽來飲茶，點心質素已大不如前，曾經是必食的叉燒餐包，今次再食不但餡料已比之前少了 😢，而且只是微暖。其他點心都好一般，媽媽話可能是轉換廚師了。今次飲茶另一問題係不斷傳來微微的異味，可能我們坐近廁所和出菜位，氣味可能是由廁所或後巷那邊傳入。雖然不是很重氣味，未必人人聞到，但明顯連店舖衞生都退步了。上年還覺得唔錯很有懷舊特色的灣仔小店，今年再來各方面都大不如前，覺得有點可惜 。

早上約了家人行山，同行四人初試此店點心早餐，一進店內感覺環境舒適優雅，很有六七十年代阿飛正傳小店feel，早餐套餐自選一至三款點心配飲料、也可點腸粉早餐，點心即叫即蒸，新鮮熱辣，點了蝦餃、燒賣、叉燒包、鮮竹卷、牛肉球、腸粉，味道不錯，特別推介叉燒包，跟外邊煮法不一樣，值得一試！<因為趕時間，忘了拍照>覺得整體環境、食物水準不錯，每人平均消費不用$100，會考慮與家人晚餐再幫襯，位置很近灣仔地鐵站，如大家經過也可以試試，支持小店

非常中規中矩的意思是這裡比舊式快餐店的環境好，但不會選擇此店作閑談或長時間的茶聚。大概店主的定位也是以上班一族為中心，既然用膳時間不長，因此裝修佈置雖然有主題，但座位並不舒適。餐廳有中式的葉茶和港式的飲料提供。食物方面，有套餐和多款單點點心、小菜及小食。茶水本來不會評價，但滾水不請自來也要收費，感覺微微不良。飯蒸得剛好，粒粒分明，肉餅不是絞肉而是大粒大粒的切肉製作而成，相信大廚是想食客清楚肉餅內的肥肉很少和肉餅是自家出品，個人意見，在肥肉少的情況下若然肉粒切得幼細一點，肉餅才不會太粗實。同蒸的有兩條非常粗的蝦乾，顯示老闆落足本錢，蝦餃皮薄透光，蝦肉爽甜彈口，松露味亦非常突出，與蝦餃非常相襯，有點石成金的效果。燒賣的海膽份量很少而且鮮度不足。因為有輕輕的阿摩尼亞的味道，才想起有海膽在燒賣之上。九肚魚的份量和味道還可以，只是炸漿有點厚，影響了口感。

都不是第一次留評，以前食物都維持到，但愈來愈差，而且沒想到比前差很多很多，特別是蘿蔔糕，假日去服務態度也劣，差到收銀亂發脾氣，叫東西又溜單，等了半個鐘，聽到櫃面當眾埋怨，好餐廳很多，永不幫襯。

灡之居茶個包真係perfect 🤣🤣🤣仲要$12一個 🤦🏻‍♂️🤦🏻‍♂️🤦🏻‍♂️ ，真心不如去添好運好過，有個包響你面前不過都係要食風。 你要客人，麻煩檢討一下個質素。 灣仔都已經算係貴，但係啲人唔會覺得你個包係值得買，加上你個位置喺濕地街市，啲人就會覺得應該更加平。

太源街兩旁擺滿檔攤，多次經過瀾之茶居門口都冇留意係一間餐廳，直至有一次經過見到門口既餐牌，原來係一間懷舊風既茶樓，決定搵日黎試試午市時間都要等一等位，係店入口係水吧，就聞到好香奶茶味而店內都有唔少懷舊電影海報，一d懷舊既潮物等等，都幾有feel午市套餐可以揀有一款飯麵，一個點心，同一杯飲品，另外再叫左幾款點心叉燒包，雪山面，叉燒份量適中，味道都唔錯口水雞，呢個醬汁我地都覺得非常之好食，要將件雞醮滿晒甜甜辣辣咁加上花生粒，裡面仲有青瓜片，同呢個醬汁一齊食都好夾黑松露蝦餃，蝦餃皮好透薄，見到一點點既黑松露，食落好香而且蝦肉都飽滿，幾爽口海膽燒賣，燒賣加海膽都係第一次食，本身既香菇豬肉餡味道都好濃，海膽算係錦上添花，味道都幾鮮甜鵪鶉蛋燒賣，呢個反而冇咩特別，豬肉餡都好味，純粹係一款懷舊點心蒸排骨同蒸排骨飯亦都係正常水準，飯既份量比一般茶樓細份dd椒鹽九肚魚，炸得幾酥脆，亦都唔算厚粉，我地醮埋口水雞d醬，都好好味唯獨是九肚魚比較細件，食落唔夠過癮而一入門口好香既奶茶，我個人覺得都幾香滑整體味道都唔錯，不過價錢就貴左些少，份量亦都唔多，性價比就爭d，食點心黎講比較奢侈

一排無寫食評唔係自己食d嘢都幾悶就係掛住食無影相🤪哩間太原街口嘅茶居其實睇住佢開但成日都人頭湧湧咁未有機會試今日終於有位可以一嘗環境懷舊得嚟其實有d亂龍不過香港嘅舊文化背景其實就係咁中西合璧咩都放埋一齊真嘅偽嘅懷舊併併合合呷下15年熟普味道又唔差茶錢$12但成大壺飲飽飽攪事menu你條…腸粉定粉腸咩人睇咩嘢啦午市慢一步都無位啦鵪鶉蛋燒賣唔係度度有松露蝦餃全部點心都熱到出煙非常好味道也不錯😙👍環境好食物好服務也親切值得回頭啦

這幾年朋友移民的移民，走的走，留在這裏的也不見過有多喜愛這片土地。但我想不約而同的是大家懷念90年代香港最輝煌的時候✨走進瀾之茶居，一種懷舊的氣息迎面而來。有墨鏡王的電影海報、哥哥的唱片🪩，配上昏黃的燈光🌃彷如走進花樣年華中梁朝偉和張曼玉相對而坐的場景。我們兩個人叫了四道菜：七味豆腐、黑松露雞粒炆飯、松子魚和乾炒牛河，連茶位480。（p.s. 其實兩個人食太多🥲）七味豆腐 （💵$48）味道是小學時常食嘅媽咪麵味粉，感覺重回兒時，同環境一樣復古且讓人懷念。豆腐上的粉十分薄，火候剛剛好🔥入口鬆軟，有豆味。黑松露雞粒炆飯🐓（💵$98）口感像Risotto，米飯是長身而有嚼勁，與意大利pasta追求的al dente有異曲同工之妙🍝黑松露味唔會太出，同菇味相輔相成雞粒數量偏少，存在感低。整個飯食畢碗底偏油。松子魚🐟（💵$168）好幸運，侍應告知我點的是最後一條松子魚。魚肉剛剛炸起，糖醋汁掛係肉上，酸酸甜甜，沒有令脆的魚皮變淋，入口香口且魚肉脆嫩✨食的時間必須細心，因為魚中有細骨🦴松子灑在魚肉上，軟糯的口感配搭魚香脆嘅外皮層次好豐富。這道菜份量頗大，和傳統松子魚有些許分別，肉上看不到有很多剖花的

今次來了這家充滿老香港味道的餐廳食物來說不會說特別出色，比較普通但地點在灣仔近地鐵出口，方便突然想吃點心的朋友 (就像我 🤣🤣）價格還好，兩個人點了5個點心/小吃，一共兩百多港幣瀾之茶居 (灣仔)灣仔太原街8號海源中心地下A及B號舖

#出差食好嘢系列 呢個系列又更新啦，是日來到灣仔區工作，灣仔美食眾多，响咁多間餐廳中選擇咗《瀾之茶居》飲茶食個包❣️瀾之茶居算係茶餐廳形式既酒樓，飲茶都有得叫套餐，好新穎😊即使一個人飲茶都可以盡興🎶餐廳無論外型或內裡都行走懷舊復古嘅路線，最有特色係店內設計，沿用了多張舊式電影或品牌海報及，例如「戰大球星」、「捉鬼敢死隊」、「虎標八掛丹」等等⋯除左海報外，其他佈置都令人懷念，舊式收銀機、五六十年代燈制～睇得出老闆好花心思設計😍😍早餐、午餐、下午茶，甚至晚市的撐枱腳套餐，不再局限於普通飲茶的飲杯茶食個包，而係飲杯咖啡或奶茶，再食番籠蝦餃燒賣😋😋是日因工事嚟到灣仔，兩人都品嚐左瀾之午市套餐：一盅蒸飯配一籠點心再嚟一杯熱飲，額外加一個鎮店之寶—甘哥叉燒餐包。🔸一盅蒸飯：蝦干肉餅飯、臘腸排骨飯兩款蒸飯的白飯都軟熟，排骨同肉餅都好Juicy ，小妹叫嘅蝦干好大條唔會乾柴柴，再配埋甜豉油撈飯，超正😍🔸一籠點心：松露蝦餃、蠔皇鮮竹卷點心們均皮薄餡滿😋，蝦餃外皮薄得嚟又煙韌，係小妹喜歡既口感；對於蠔皇鮮竹卷平時印象係好多油同脆的，但係瀾之茶居的鮮竹卷係完全相反，唔太油且好似無咗油炸既步驟，反而更好食🤤每啖

通常同朋友都是假日早晨來飲茶，食物質素之高港島中無可比擬。今次閒日食午，set價錢估唔到楊州炒飯很好味，本人試過無數楊州，吾油，飯粒分明，而且义燒肥瘦適中，多蝦，$100再叫多個蝦腸粉，一流，服務態度好。

米芝蓮香港懷舊點心 呢度裝潢好有心思，好有舊香港香味，貼滿2046的poster及復古舊傢具，來打卡係可以一試既我本身好鐘意食叉燒餐包，呢度既「甘哥叉燒餐包」真係好好食，外層脆脆菠蘿皮， 皮薄叉燒餡又足料，不過就係唔夠熱，如果夠熱就真係100分蒸飯麵幾好食，另外其他點心都不錯，不過麵係同一個問題《唔夠熱》呢度既服務態度都好好因為係米芝蓮香港懷舊點心 所以好想上呢度裝潢好有心思，好有舊香港香味，貼滿2046的poster及復古舊傢具，來打卡係可以一試既我本身好鐘意食叉燒餐包，呢度既「甘哥叉燒餐包」真係好好食，外層脆脆菠蘿皮， 皮薄叉燒餡又足料，不過就係唔夠熱，如果夠熱就真係100分蒸飯麵幾好食，另外其他點心都不錯，不過麵係同一個問題《唔夠熱》呢度既服務態度都好好，不過上菜都偏慢

同個外國朋友去，叫左2個餸1個湯，冇一樣食物係合格椒鹽九肚魚-麵粉多，魚肉極少，又炸得唔脆小炒王-無鑊氣，料又少，我都唔知自己食左d乜燉湯-好似飲例湯咁…淡而無味，連個湯叫乜名我都冇印象了總括：價錢唔平，食物質素差，服務員ok,環境好岩打卡*呢度晚市係冇點心

🌷國慶日是我假期，老公返工前與我出外吃早午餐，揀來一間位於灣仔的《瀾之茶居》，食店裝修以懷舊為主題，將一些舊物放滿整間店內，牆上面貼了舊時的海報，個人覺得有點亂。😅😂🌷食店點心收費一般，但茶錢真貴，以為一壺茶收一個價，原來是按人頭計！無奈埋單先知道！兩個人點了幾個點心。芋絲春卷$30芋頭蓉包春卷，脆口瑤柱蔥花蝦米腸$38腸粉較淋陳皮牛肉球$36陳皮味淡蠔皇鮮竹卷$36汁液惹味鵪鶉蛋燒賣$36燒賣爽彈正味古樹普洱@20茶味不太濃我的用餐體驗一般般

睇住呢間茶居開店, 當時係門口到餐牌就被嚇到. 一直都過門而不入.直到有天午飯路過望下, 原來lunch都有兩款套餐. 其中一個有個盅飯連一個點心再加一杯飲品都係$98左右, 不用加一. 所以決定搵日黎試下. 平日路過以為無咩人. 原來都唔係. 入去拎左張飛就係門口等, 不過好彩好快就有得入場.一入到裡面先被懷舊的裝修加埋哥哥的poster及黑膠碟所吸引. 整個裝修令到呢間茶居成個感覺昇華左. 我地三個人黎真係剛剛好, 因為佢地的點心好多都係三粒. 所以叫左三盅飯加三個點心. 松露蝦餃一黎到已經望到d松露醬係個餃裡面. 食落口時好爽口兼有淡淡的松露味. 推介. 果然貴得有道理. 個燒賣等左比較耐先到. 黎到時有粒重訓底左. 由於咩都食晒爭佢所以好快就食左, 完全忘記左有海膽...到同事食時, 佢居然話食到有海膽的味道.  証明海膽係好新鮮.雜菌素餃對佢無咩大期望. 以為就咁一隻素餃,  居然出乎意料之外好好食, 成個素裡面的料都谷到好飽滿. 三個盅飯. 就咁真係睇唔出邊個打邊個, 所以我地決定拎開d菜再分黎食.北菇滑雞飯有兩件菇. 雞好滑但有骨的.   飯已經落左豉油. 好想講佢的豉油