蘭芳園

Open Now

Now Closed

同女友行開tst肚餓，見到裝修唔錯，入嚟試下，價錢偏貴就預咗始終座落喺旅遊區，但嘢食都唔該畀番少少質素呀， 叫咗個豉油皇蔥油雞扒飯啲薑蓉完全冇味，成個飯淡到女友叫咗個雞扒米粉 ，又係好似白烚咁樣成間餐廳啲嘢食好似煮熟完就算冇作任何調味不知所謂全部員工好似行都行唔喐咁，落單又好似撞籠，態度又差， 有個阿嬸員工喺側邊大大聲高談闊論緊啲客，冇錢唔好入嚟食，哇，真係惡慣㗎喎成班老弱殘兵就唔好學人做生意你sell懷舊啫但係使唔使連員工都懷舊埋呀喺老人院招聘員工嫁？冇效率態度差嘢食又差除咗環境冇樣掂但係我入嚟食嘢唔係入嚟睇嘢呀我要睇嘢我唔好去博物館？畀你不知所謂嘅餐廳，矇下遊客就得，試一次都覺得浪費， 有得比0分我一定畀0分

久仰佢大名好耐終於的起心肝試左嗌左我最愛既蕃茄薯仔豬扒米男友則嗌左個芝士龍蝦汁雞扒撈丁一人一杯港式絲襪奶茶 仲嗌左件西多share終於試左既評價就係奶茶好滑好香好順 西多好有蛋香蕃茄米湯底係中式個種蕃茄薯仔湯既味 正係龍蝦汁撈丁冇咩龍蝦味有啲小「漏」整體都滿意 不過堂食坐得係逼啲 但尼種冰室本來都唔係sell環境逼先有港式情懷既 係咪咁講先

蘭芳園應該好多香港人都唔會陌生，我記得都去過好多次，包括中環及上環分店，尤其是蔥油撈面，但近呢幾年真係感覺愈來愈差。劣評最主要原因都係因為好多旅光顧，不單只大陸，都有好多韓國客特登黎，變左香港本地客好似唔係好受歡迎咁，香港人又麻煩又比唔起錢咁。我自己嗰次食係呀姐寫錯左張單，叫佢改一改，佢意思係幾蚊都要佢改過咁.......oh no.....另外部份食物水準還可以，有部份水準好似 drop 左好多。門口泊滿了旅行箱。豬扒包的豬扒夠入味，亦煎得好香口。奶茶水準都還可以。豬扒飯感覺好似 hea 我咁。

3年前在这吃过一次 当时态度不好，食物其实平均水平，大多数游客慕名而来也只是为了体验香港当地人的食物。3年后又来，态度更差，我们2个人入座，男店员看没位叫我们坐了4人位。结果又来了4个一起的客人（本地人），一个人老女人连吼带骂的叫我们换位 做到后面去。第一，不是我自己选的位置，第二我没说过不让座，只要你好好问我。不说服务如何，这种态度还开什么店呢？我们是来消费的，受不起这个气。再见！垃圾店！不推荐任何人来！

鎮店之寶⭐️蔥油雞扒撈丁（$57）🐥🍝-自家制蔥油極香，比街外的多了份鹹多了份香，與一丁中的醬油碗合得天衣無縫。煎得香脆的雞扒更加是互相揮鹹檸七🥤（跟餐加$6）-鹹酸度濃，而7up的酸甜與其無縫接軌。凍奶茶🍹（跟餐加$3）-奶香茶滑，口內仍有餘韻。

今日約好係重慶大厦試吃蘭芳園，因為之前朋友一直推介，說是打卡熱點喎🙄。不知是否太紅或生意太好，所有侍應都面黑黑，無論有無位置都叫你坐埋一邊，怕你霸佔空位似的，而店內多數都是外地和大陸客，我們叫了心多多撈丁和喇沙豬肋骨米線套餐，本想試飲他們出名的奶茶，當考慮凍或熱時，問多兩句便給那男侍應黑面無曬心情。 喇沙豬肋骨米線內有椰菜、鹵水蛋半隻和兩嚿豬肋骨，可惜湯底沒喇沙味，椰菜有點硬、米線太淋，幸好豬肋骨軟硬適中夠味……還可以，但朋友吃完那心多多撈丁之後，回家途中不停投訴難吃，不會再來喎。

做完瑜伽🧘‍♀️之後又喺尖沙咀搵嘢食，大家都係想食啲有湯濕濕地嘅嘢，有個friend提議食蘭芳園！大家即刻舉腳贊成！去到蘭芳園，等位等左差唔多20分鐘，仲有好多大大小小嘅行李箱泊咗喺餐廳出面，裡面好多內地遊客！🍅🥔蕃茄薯仔豬扒通粉✨湯底好足料，姜味重，仲超多薯仔！✨🐽扒亦煎得好林好香✨整體黎講真係好好味！脆豬唔夠脆，味道普通咋！侍應落錯單，借啲易落左兩個脆豬嘅價錢，黎就黎一個.....仲一黎就同我地幾個講普通話，服務差啲囉！

蘭芳園係香港多年老店，源於中環擺花街。近幾年開多左兩間分店，分別位於上環同尖沙咀。今次去左呢間尖沙咀店，中午時間極多打工仔幫襯，周末就好多遊客慕名而來。今次叫左招牌菜 - 蔥油雞扒撈丁，蔥油好香口，雞扒脆口，肉汁豐富，撈丁加左蔥油十分惹味。😋😋😋另一個係蔥油雞亦撈丁，雞亦好淋入味。不過我鐘意雞扒多啲，啖啖肉。😋唔夠飽可以試埋奶油豬，亦都係另一個招牌菜。😋😋最後一定一定要飲最出名既奶茶，冷熱飲都好好味，不過最近天氣熱，所以嗌左凍飲。茶味香濃，奶同茶比例較得非常好，好好飲，強烈推介。😋😋😋😋😋

🤔我還記得我第一次食蘭芳園係中環舊店， 行行下街發現的， 原來當時只有一家別無分店，我見到佢地門口留番個個幾十年前的檔仔幾有特色， 細細間仲要有人龍排隊入去食， 咁我又排下。 入到去都真係好細， 坐得唔係咁舒服， 見到咁多人叫奶油脆豬， 招牌熱奶茶， 咁我又照叫一樣試下， 點知一試💕愛上呀。 好在而家尖沙咀都有間分店， 仲要又大間又企理， 我就可成日去食。 除左心多多撈丁同埋蔥油雞扒撈丁係我常點之外， lunch 時段我好多時都會叫個喇沙豬扒湯米， 跟餐配埋個熱辣辣的奶油脆豬， 仲包埋招牌熱奶茶， 簡直無得頂呀。

約咗朋友在尖沙咀食 Tea，行到去地鐵出口，見到烏天黑地，狂風暴雨⚡☔，根本沒辦法再向前行， 只好待在地鐵站等雨勢稍緩再行出去吧！好彩我們等了十五分鐘便稍有緩和，馬上跑去醫肚。港人都知「蘭香園」是一間老字號的茶餐廳，由1952年在中環發蹟，現在尖沙咀亦有分店，其絲襪奶茶，更是香港美食代表之一。正因為這點， 每隔一陣子便會掛住他們的出品!😁朋友點了葱油雞排撈丁，雞排嫩滑, 薑蔥蓉淋在出前一丁麵上，香口惹味。另外配上杯馳名的絲襪奶茶，茶味濃郁，沒有苦澀味，奶和茶比例恰到好處。我就㸃了個粉麵餐，有豬肋骨米粉(喇沙湯底)、奶油豬和凍檸檬茶。兩大件豬肋骨煮得好淋，但同時亦食到豬軟骨的爽脆。幼米粉浸在濃濃椰香喇沙湯底，吸收了甜香味，可口😋奶油豬焗得香脆，再加上煉奶和牛油，真是絕配。凍檸茶的檸檬好香，茶味香醇，又能解去油膩。正!!另外，友人可能太肚餓，食完上述食物之後，還要點一份蛋治烘底，方包烘得好鬆脆，但美中不足的就是蛋啦！只是煎了ㄧ只蛋夾在中間，口感欠奉。

去之前一定要睇食評，睇過你就知龍與鳳一個人講可能係假，個個都係咁講，你就自己諗下如果你有着神一般的精神，你就去試吓食物唔好食，都算，態度簡直神級...差服務態度惡劣，理你都多餘九成以上大陸人，奇景 只服務大陸人，入去就同你講普通話 如果你係香港人就唔使去 ，隨便一間茶餐廳都好過佢一佰倍 如果你係大陸人，呢度可能確實啱你，感受一下香港生活，香港精神 遊客區就係遊客區，你懂的! 唔係什麼KOL，只係普通人，表達一下情感 !

同朋友叫咗兩個撈丁同一份西多士。 食物嚟嘅時候, 個阿姐將碟西多「飛」落張枱度! 嗰件西多由隻碟度飛咗出張枱度...成枱都係醬同牛油... 個阿姐仲要話：「 冇所謂啦! 隻碟仲有好多醬!」 然後用手推返件西多落隻碟度, 跟住想即刻走! 跌曬啲食物落枱度, 然後用手推返落隻碟度就算!!!我同個朋友完全O咗嘴! 我哋話好唔衛生可唔可以換過件? 個阿姐仲要發脾氣, 鬧我哋一輪! 最後先肯換過件!真係離曬譜!!! 千祈唔好去!!!! 真係好恐怖!!! 

第一次試呢間野入去都擔心態度吾好開頭點餐都ok,野食普普通通不過不失凍奶茶都吾錯 茶味同奶幾夾都最後就黎料啦食完吾夠一分鐘 唸住飲埋兩啖野就走點知有個短頭髮女人兇神惡殺走過黎汁枱汁枱都算 一直將個人系甘迫系甘迫過黎連杯奶茶未飲完都比佢汁走左當堂真心嬲左我個樣都吾系好似遊客姐比百幾蚊貼錢買難受幾好食呢世都吾會再去幫襯。

服務差，環境差，食物普通今日去蘭芳園食好耐無食過嘅蔥油雞扒撈丁，點知同兩pair講普通話嘅遊客搭枱，其中一pair已經食緊野，另外一pair都係剛坐低睇緊餐牌，我就問侍應叔叔可唔可以俾多份餐牌我，點知個pair遊客一放低，個叔叔就話搶啦，咩都要搶啊，跟住佢就搶左過黎俾我😤終於有野食，只能說無咩特別，特別只係一路食會不停俾人撞背脊、遊客轉身背包撞到你個頭等等... 終於食完啦 杯野都未飲晒 仲有1/3，個阿姐即刻順手收左我，我即刻話未飲完，佢就揼返低俾我😤同埋間鋪全部侍應都好似奉指態度差，大家如果唔想受氣，就唔好去食啦。

男友未食過蘭芳園、剛好身在尖沙咀，於是去食，首先叫order時個阿姐已經黑口黑面，搣order紙仲鬼咁大力，差D整跌我們枱的餐具，之後我們對面坐了對國語男女遊客，有個男侍應幫佢地落單，好有禮貎咁，落完仲要多謝個客，以為佢係店內碩果僅存有禮貎的人（因為店內的侍應基本上也是黑面）於是我男友想問佢D嘢，佢立即變臉，態度超差咁問我男友做咩。。。之後答我們的問題嘅態度也好差。。😡心諗有無攪錯，對本地人嘅態度就咁差，對遊客就落個單也多謝人，真係天同地嘅分別，之後我們明明叫龍蝦汁蟹籽雞扒撈丁，佢無啦啦嚟個好似係薑蓉雞扒撈丁嘅嘢來，打算問個侍應e個係咩來，佢放低完就已經好快走了，叫也叫不住。於是問其他侍應，D人又覺得我們好煩咁，最後幫我們攞走咗，之後終於出現我果個所謂嘅龍蝦汁蟹籽雞扒撈丁了，但。。來到的只是芝士汁蟹籽雞扒撈丁。。。說好的龍蝦汁呢。。😨根本犯了商品說明條例😡有D人就係因為唔鍾意食芝士先叫龍蝦汁㗎嘛，豈有此理，仲話譚校長推介🤬呃人的，身為本地薑真係以后唔洗指意我再幫襯😡