蘭芳園

Open Now

Now Closed

可能因為我戴住口罩order嘅所以店員將一杯奶茶聽成兩杯然後上佐兩杯，雖然應該算店員的過錯，但我還是用這個理由幫佢解佐圍。佢竟然答我：咪再講了，再講我就要發脾氣了！（系個矮肥仔）我：？？？我身為顧客都未發脾氣，仲畀台階你落你竟然恩將仇報？？？再也不會來這裡不僅態度差食物亦做得好差！豬扒包嘅豬扒又乾又柴奶油豬唔夠脆雞脾飯嘅雞脾一樣好柴仲儂佐，可以把雞脾肉整柴都算系一個＂本事＂奶茶就一般般，無功無過～

以前由中環食到上環再到尖沙咀嘅大排檔茶記回憶。。。係咪首創撈丁🤔已經唔記得，總之撈丁、咖央多士、豬扒包、奶茶☕️、咸檸七。。。係佢必食推介✨尖沙咀舖嘅裝修絶對係懷舊茶記feel。。。門口有拉鐵閘、之前牆上貼滿懷舊歌星海報。。。是日例湯。係我至愛之一《蓮藕湯》😍我哋好鍾意飲佢嘅湯，好好味又足料，冇味精。。。好有飲住家湯嘅感覺😋蔥油雞扒撈丁抗疫期間每人加送多一隻蛋🍳心多多撈丁（多蔥油）🤣好鍾意❤️食蔥油抗疫期間每人加送多一隻蛋🍳啱晒我呢啲心多多有選擇困難症嘅人💕絲襪奶茶☕️必飲之一❤️💯夏天推介佢嘅《咸檸七》我都有買定樽咸檸檬🍋喺屋企，方便隨時自家製《咸檸七》《龍鳳可樂》🤣p.s.疫情期間更推出咗優惠嘅外賣餐，俾我哋呢啲打工仔。。。如果你哋當日午餐有《叉燒雞髀🍗飯》嘅話記得要試吓💯係我必食推介之一過咗幾日後再去🍀

周六近關門時才幫襯。。姐姐快手介紹有咩餐抵食 (因無下午茶餐供應), 又快落單因佢驚廚房收爐又兼好好服務，又遞水洗餐具，又遞埋辣椒油話必試！真係窩心！叫咗 沙爹牛肉通同回鍋肉通，兼加咗 $5轉奶油豬！嘩，個奶油豬真係不得了， 脆卜卜好好味！通粉正正常常！個絲襪奶茶又香濃又幼滑！真係老舖先有咁嘅水準！$50樓下一個茶餐，係尖咀地方算係咁！一定會再支持老舖！

唔知點解好中意食茶餐廳，朋友話呢間係賣懷舊情懷嘅叫我要黎試吓，唔食得都望得咁話行去搵餐廳嘅時候成個地庫好多店舖都執得七七八八，覺得好唏噓啊。餐廳入面嘅佈置都幾精緻。未食之前心情都已經幾好朋友係熟客，佢推薦我食喇沙，所以我就叫咗個喇沙雞扒米粉。佢嘅喇沙湯底有好香嘅椰香味，但係唔會話太濃味都清清地嘅。雞扒烤得好特別，唔知點解我食到有一陣淡淡嘅咖啡味，有三大件好夠食！好鍾意佢啲配菜仲有埋蘑菇，好得意。蛋有啲煙燻茶味食落好香，就咁一碗米粉都有咁多味餸，好評我個人來講就唔太鍾意食豬仔包，所以叫咗全走，淨係食包都幾香幾脆㗎！熱奶茶就不過不失冇外界講得咁好飲。

上次過黎無開到今日過黎食個lunch其實個商場已經乜都無晒...得番幾間餐廳...之前食過豬扒包今日食個窩蛋免治肉碎飯好少出面係好生雞蛋，通常都係太陽蛋賣相幾靚不過啲醬同飯比例吾係好啱，太多醬😅不過好食嘅之後仲嗌左個蛋治普通，雖然個蛋都厚身但係無蛋味🤷🏻‍♀️係無味...

假日lunch time唔駛排隊。一坐低就order, 上菜速度都好快。叫左葱油雞扒撈丁（$58）我地覺得味道唔錯，雞扒香口，調味幾好，肉質唔會嚡，仲有肉汁添，而且葱油唔會太咸，不過價錢有啲貴。凍奶茶幾好飲😆奶味比較重。平時飲開濃嘅茶底，呢款唔算好濃，但飲落順滑。珈央西多士（$26）味道正常，但都係鍾意花生醬多啲，呢款食到後面會覺得有啲甜😅

早餐時段只有10:30-11:30。不過叫左個全日都有既餐～餐廳裝修好有風味 都幾適合打卡！🦁 蔥油雞扒撈丁 ($58)麵既質地岩岩好 唔會太淋有咬口 加埋蔥油好惹味！雞扒味道同肉質都正常 好食不過價錢稍稍偏貴🦁 絲襪奶茶好香滑 茶味好出！ 果然係必飲既絲襪奶茶 而且熱比凍好凍喔 冇加糖反而味道仲出仲健康-🦁 蘭芳園 (尖沙咀)尖沙咀彌敦道36-44號重慶大廈地庫WK廣場26號舖🦁 人均消費：$58 ｜推介：❣️❣️❣️❣️🦁 總結：早餐黎講算貴 不過好夠飽～ 值得一試既老字號

是日來到充滿懷舊feel的蘭芳園，圍著圓枱座，感覺比較擠迫，防疫意識亦做得不太好。🤔食物方面：可能沒有叫最出名的撈丁餐，所以感覺食物質素一般。😐🔻福建炒飯，可以入口，很多配料肉和汁，味道正常，份量不算太大。但不是最好的。🙃有進步空間。🔻叉燒煎雙蛋飯，質量麻麻地不推薦，瘦叉燒，沒有特別，其他餐廳質素都更好，有待改善。唯獨要稱讚是 某位姐姐的服務態度真的很好，很熱情❤️和有禮貌，加分！介紹我地食其他野，只是比較肚餓所以沒有跟她介紹的吃。這些服務態度在茶餐廳很少有了。另外，奶茶冇得輸，很香滑有餘香，推薦

住左尖沙咀大半年，第一次來蘭芳園之前由於疫情，都有一段時間冇開而家開番，諗住試一下佢哋標榜的招牌食物1. 絲襪奶茶唔夠熱，同一般茶記冇分別2. 番茄薯仔湯雞蛋豬扒通粉湯唔夠熱係一大敗筆，番茄薯仔湯冇薯仔 (可能已經溶晒)，啲豬扒仲有啲凍，通粉係細粒，但厚；番茄湯落太多糖，有啲甜 . . .3. 豬扒包不過不失，但，豬扒唔夠熱，而且有啲甜. . . 另外，點解豬扒包冇洋蔥嘅 ？4. 服務態度澳牛伙記果隻，大家明白的 . . .依餐$82，抵唔抵見人見智，但，總括黎講，名過於實，做傻仔，一次就夠，冇回頭

很久以前（大概7-8年前）朋友帶我去一家茶餐廳，好像在中環石板街附近，覺得蠻可愛的，一個綠色好像鐵皮的東西，外面放著一張長木凳，還有幾張像給小朋友坐綠色小腳凳，有人坐著，有人站著喝奶茶/鴛鴦/咖啡，有一個叔叔就在「鐵皮屋」裡面拉奶茶☕️... 記憶猶新呢！上星期跟老公去尖沙嘴逛逛時，經過一個不多起眼的商場，留意到在牆上面寫著「蘭芳園」三個字，立馬停下腳步，拉了老公下去看看... 剛好是下午茶時間，就在商場找找看這家「蘭芳園」，商場很靜，沒有很多人，店也不多，我們走著走著，都懷疑是否已經不在了... 就在商場最尾尾的一個角落，就看見「蘭芳園」。裝潢很有懷舊風，牆身和地下綠色和黑白小階磚，都是記憶中一般茶餐廳的顏色，可是這些都是特意做出來的，跟真正舊式茶記不一樣，因為這個商場很新呀！但我也欣賞老闆想在這區給遊客們嚐到香港舊式茶記滋味，所以我給一個讚👍🏻！這裡的奶茶和鴛鴦的確好喝，他們這裡說他們的豬扒包是「金牌豬扒包」，所以點了試試。豬扒是很鬆化的，包裡面還有一片蕃茄和沙拉醬，沙拉醬好像多了一點，但總的來說都是好吃的。以前我在中環店吃過他們常餐的沙嗲牛肉通，可是今天因為已經吃過午餐，就試試他們

究竟我同肥仔要食幾多次蘭X園😂印象中蘭字開頭既店都食過2間了😂肥仔肚餓唔理啦 照入去啦 我地叫左2個tea set 我諗唔到食咩 所以比肥仔發板 咁我地分別就叫左個皇牌豬扒包同咖咉西多 咖咉西多食落口有少少甜 都有椰香同斑蘭既味道不過都係得個少少 唔算香濃 可以既話唔洗再加糖漿都ok 豬扒包略嫌細個😂 我覺得同幅餐牌圖有出入 不過佢就一上枱就切開左一半 我同肥仔share 咁就方便返我地 個豬扒醃得入味 個豬扒煎過黎較香口 再配埋蕃茄同沙律醬中和返D肉味 成件事好夾 唔錯！👍

趁住端午節和關住杯奶茶去佐尖沙咀蘭芳園。叫佐個招牌葱油雞扒撈丁。本來滿心期待，但比較失望--嗰麵太腍和唔夠熱！友人叫了個义燒雞脾飯。雞脾係夠大隻，不過唔入味兼好干！其他如奶油猪仔包還算可以，而絲袜奶茶也好飲，但已算不上有驚喜！疫情下，好處係唔洗排隊兼可以坐上一段時間。不過還是希望老闆和伙記能重拾專業和高水平的食物。畢竟幫襯了30年，加油！

-✨✨茶餐廳系列✨✨好久沒有吃過茶餐廳了，這次就來吃香港最地道的最受歡迎的茶餐廳🤤..❤️奶油脆豬 (套餐附送)😋首選推介😋作為最出名的鎮店之寶當然是名不虛傳啦🤩外脆內軟，奶油多得非常邪惡🤤😈..❤️喇沙牛脷米粉 HK$58-喇沙湯味道較淡，勝在牛脷醃製時間夠長，互補不足！米粉浸透湯汁爽口入味..整體而言，室內懷舊復古，重拾八十年代風味！加上由於疫情關係，旅客偏少，用餐時間可以慢慢享用，不必倉猝.推薦程度:⭐️⭐️⭐️.📍 蘭芳園 (尖沙咀)尖沙咀彌敦道36-44號重慶大廈地庫WK廣場26號舖

家姐特別推介說這家餐廳的蕃茄湯底是無敵的，身為蕃茄控的我當然不想錯過。我便跟著家姐叫了一樣的下午茶餐。蕃茄和薯仔都非常林身，蕃茄酸味重，薯仔吸了蕃茄的味道，融為了一體，湯底非常濃烈的蕃茄味，到最後我把湯都喝乾🤪跟餐可選通粉或米粉，米粉是幼米粉，能夠吸盡濃湯的味道，與蕃茄湯簡直絕配。中間有厚切豬扒，真的非常厚身，說是我吃過最厚的豬扒一點都不誇張，雖然厚身但肉質依然嫩滑，而且醃得很入味,像是香茅的味道。還有煎蛋是中間流心的，不會有很乾的感覺。奶油脆豬是這裏出名的，跟餐也有這麼大件👍🏼不過脆豬不太脆，勝在皮薄內軟，奶油夠香。奶茶奶味濃，而且香滑，可惜茶味不夠特出，如果你喜歡茶味的苦澀，這會令你失望。這個下午茶份量十足，整份吃完連晚餐也吃不下呢！

今日去左內地網紅強烈推薦既蘭芳園，叫左個套餐：蔥油雞扒撈丁配絲襪奶茶（$58） 可能因為疫情關係無咩人又坐得疏，環境無相像中迫👍🏻野食方面就都唔錯，雞扒Juicy,奶茶都唔錯，睇住師傅即沖，有晒視覺享受！總計都4/5分員工服務都好好，有不停推介我食咩又介紹下啲咩最抵食！Recommend You To Go Try Try!Near at TST East Metro Station and not crowd during Saturday lunch hour