蘭芳園

Open Now

Now Closed

520那日去百老匯電影中心揀到兩張好鐘意嘅海報，有一張仲要剩低Last一張，用牛皮紙袋好好包住，一直用手拎驚整巢佢，之後就去蘭芳園吃個豬扒撈丁加凍奶茶，老實講，佢啲奶茶已經好難飲，但係吃咗好多年，有份情懷搭救，好難拋棄。之後埋單走咗先發現唔記得攞嗰兩張海報，前後唔夠十分鐘，返到去問，個執臺嘅夥記話:嚇？你仲要㗎？然後就去摷垃圾桶，若無其事咁遞俾我。佢拆咗我個牛皮紙袋，兩張海報上面全部都係廚餘，溼到軟瀨瀨，點都救唔番。我簡直想喊。我問點解要拆咗我嘅嘢？個夥記完全唔理我就行開咗，講真，兩張海報好平，但問題唔係呢度。我呆企幾秒鐘，擺低嗰兩張爛紙走咗。我以後都唔會再去蘭芳園。

今日起重慶站整完指甲，老公剛好放工星期六番到1點半就梗係食番個lunch先回家啦知道度度都多人要等位近近地就去附近間蘭芳園食😜平常都係起中環食開最大分別就係遊客啦。。。尖沙咀真係好多蘭芳園起一個地下商場入面入面好耐無去過，而家轉哂做賣波鞋行到最入就見到一條長長人龍lu店員仲係用排隊方式叫枱入分左邊右邊 一邊係等一位同兩位，一邊係3位以上開頭等好多大枱走。。。入哂d 4位呀5位咁所以等左15分鐘先入得 都幾亂入到去坐圓枱（都好過坐卡位，卡位好窄仲要兩個人坐一邊)難得星期六都有餐 50幾蚊我覺得可以接受😊落完單都好快手就有野飲雖然明知自己飲奶茶會反胃，但係d奶茶味實在太香，忍唔住叫左杯凍奶茶老公因為感冒就叫左熱檸水凍奶茶真係又滑又香😋😋今餐最好食之選係跟餐嘅奶油豬😍😍😍開頭以為跟餐一定好hea，點知係一大個仲要多油又多奶，好大方又脆卜卜😋😋😋跟奶油豬嘅餐就係呢個喇沙湯底嘅豬扒米粉豬扒夠淋都煎得幾香不過個湯無咩椰奶味，有d啖。。。如果再濃一點就完美喇最有名氣嘅撈丁。我喜歡葱油呀個雞扒係炸嘅，好似d舊茶餐廳d生炸雞脾咁嘅味，炸到剛好Like👍🏻👍🏻👍🏻快落單快上菜快食快走走那時候都仲好多人。。

尋日去咗呢度食Tea，叫咗個皇牌雞排烏冬加奶茶，真心覺得吾錯。呢度D雞排似豬排，口感有肉汁，而且煎出黎係香D外脆內軟，D烏冬夠彈牙，湯底都吾錯。而且好快就上菜，10分鐘以內。另外，熱奶茶都好好飲，值得一試

好耐都無食過蔥油撈丁,甘岩黎開TST覆診, 泊完車仲未夠鐘睇醫生,就食碟撈丁先再去睇,次次都必定叫蔥油撈丁多蔥油,今次叫左雞翼蔥油撈丁,雞翼SIZE唔會話好細隻,撈丁既丁份量相信都無咩變,因為都應該係一包包甘煮,拎過黎既時候已經嗅到香噴噴既蔥油味,蔥油真係成碟野既精髓,咸香得黎又好正,再加埋一杯凍檸樂真係無得頂既下午茶,老公叫左豬扒蔥油撈丁,豬扒唔會太硬,又唔會太乾身,煎得唔錯,仲有叫左份餐蛋治,但講真D餐肉真係超薄,食完都無咩感覺甘,所以下次都係叫豬扒包算

今次叫咗龍蝦汁蟹籽雞排撈丁，D雞排整得好有心思，應該煎出黎，好香，而且肉感吾鞋，份量十足，D汁似芝士加忌廉，送面一流，不過個人諗為D面喊咗D。不過整體而言，真係吾錯。另外，叫咗凍奶茶，口感一流，一D都吾馬夫，奶同茶既比例剛剛好，而且甜度適中，值得一試。

尖沙咀食野到到都貴，連碗車仔麵都唔係平！不過蘭芳園都比較出名，一於試試。我要左魚腐春卷，紫菜，貢丸，粗麵，濃湯。貢丸就質素同平時差不多，不過呢隻比較上重菇味。魚腐春卷都幾好食，夠彈牙，唔會腥，偏咸。紫菜幾特別，好少食到咁冧既紫菜唔會腥。湯底太咸，咸得好誇張。價錢偏貴，味道正正常常。

雖然住尖沙咀，但係一直都無試過蘭芳園。以前一直都聽過佢個大名，話佢既奶茶係全城最出名。今次試過，其實好失望。同朋友兩個人叫左一個晚餐-黑松露大蝦拼牛柳同龍蝦汁蟹籽雞扒撈丁，兩杯凍奶茶。個牛柳我就食唔到有黑松露，不過朋友就話有少少。無論係個汁定係塊牛柳都係好普通既貨色，味道比花園餐廳仲差少少，但係個大蝦係ok既。不過咁樣盛惠90大元又貴左少少。講到個撈丁就把幾火，龍蝦汁呢？蟹籽呢？我淨係見到豉油同薑蓉。坦白講，係香港有少少名氣既餐廳要收50幾蚊一個撈丁我都唔覺得合理，人工鋪租都要錢呀。但係你做咩要呃我有龍蝦汁同蟹籽？我真係因為個龍蝦汁而想試。極度失望。因為我鍾意飲奶茶，所以都試過好多地方既奶茶。比較之下，我覺得公司pantry姐姐每日拉既仲好飲。大家唔好抱太大期望，試過下，打左卡就算啦。呢啲「名牌」都係留返俾遊客慕名而來啦。

星期六下午，同女友趕住去isquare睇戲 . 於是近近地黎左對面，重慶大廈側邊呢個地下商場，入面既蘭芳園食野啦！一去到見到都有十個八個人排緊隊，目測大部份都係旅客。然後行前少少，發現仲有間舖係蘭芳園架喎，但呢間舖就只係食車仔麵同小食，無得食撈丁果啲，舖名叫做牛記笠記。女友唔太餓，就叫左個豬排包食。24 蚊。一黎到，有啲失望，包只係漢堡包既芝麻包，而唔係豬仔包，豬排都夠淋夠入味，無骨，包入面有塊蕃茄，但醬就太少了。問侍應有無茄汁，點知呢邊舖竟然無，佢要過隔離舖拎。貼心既係預先切開一半，方便share 食。另外就叫左車仔麵，有張紙自己圈既，叫左牛腩，牛肚，魚蛋，河粉。加支可樂，43 蚊。牛腩夠淋，食完唔痴牙，牛肚係一格格果隻，正！ 魚蛋夠彈牙，整體都唔錯。最後食完經過返蘭芳園，人龍無曬，入面仲有吉位添。

蘭芳園聲名顯赫，以蔥油雞扒撈丁、豬扒包、絲襪奶茶、自家製鹹檸檬等港式美食打響名堂。除食物出色外，中環總店以舊式牌檔形式經營，坐在小巷裡享受美食，別具風味。成名之後，開分店是理所當然。尖沙咀店位於WK廣場，這裡前身是活方商場(Woodhouse)，小店林立，後來被允記集團全面收購管理，眼下盡是允記旗下的運動用品店舖，只剩蘭芳園一支獨秀。位處旺區，加上各大媒體力捧，尖沙咀店被遊客攻陷是在所難免，而當中大部分操噪音級普通話也屬意料之內。不過，終究還是快餐，而且店員充份發揮「搭檯再搭檯」的港式文化，所以等候時間沒有太長。比起澳牛的「光速餐」，這裡算是悠閒多了，最多也算「音速餐」。店員雖有第一時間要求下單，但在我選擇過程中也沒有黑面，以一般茶餐廳的服務水準來說，感覺良好。蔥油雞扒撈丁的靈魂是出前一丁，不要小看平凡的出前一丁，因為出前一丁能夠整得好食都唔容易喎，《食神》都話「越簡單嘅嘢越難整吖嘛！」。這裡煮麵的時間恰到好處，麵質爽滑，不會過淋，能夠將出前一丁的美味發揮得淋漓盡致。雞扒煎得香口，略嫌蔥油配豉油過鹹，吃完後要狂灌兩大杯水。鹹檸檬七喜選用自家製的鹹檸檬，店內亦設小瓶零售。鹹檸檬夠大粒，真

大約在5，6年前，蘭芳園在某次帶台灣朋友食地道菜而認識！還記得那時被'心多多撈丁' （有雞翼、五香肉丁、煎蛋）所吸引！好耐無食過了...昨日要去重慶大廈唱$，就近近地揀左呢間食！今次點了'蔥油雞扒撈丁'+招牌絲襪奶茶！雞扒表皮剪得脆脆唔會油，平時唔食皮既我都忍唔住食！基於我都偏愛蔥油，就示意要多d，哥哥好好比左勁多我而面又唔會淋&太硬！奶茶又滑又香！邊飲邊望住周圍環境，雖則在尖沙咀購物區，這裡總帶一點懷舊的感覺吧！

一行入來就比成屋嘅校長望住我喇，好喇，是譚校長嘅照片，企地絲襪奶茶咁出名梗係要試下喇，其實真係日日都飲緊奶茶喇，不過都係真心覺得企地奶茶唔錯，很滑，有D偏苦，我係鐘意飲甜奶茶嘅人，都覺得企地奶茶苦得有道理，覺得果杯奶茶就係應該係咁嘅味。豬扒包正，豬扒外脆裡嫩，醬汁夠味。麵包很鬆軟，配上兩片番茄，嗯～熱熱的肉的扎實入味加上麵包的鬆軟和涼涼的酸甜可口的番茄～咬一啖豬扒包，飲啖熱奶茶、這感覺不是文字可以形容嘅、想知嘅話就真係要試過先知。仲有企地嘅西多士唔錯，外面脆脆香香裡面鬆鬆軟軟，加上甜甜的牛油煉奶、好滿足！

今日下午嘅時候肚子好餓，可能同中午無點食野有關喇，於是啦啦霖去附近嗌啲野來食。蔥油雞扒撈麵我之前真系未試過，唔知點解好像食麵，於是點咗撈麵，應該系用麻油一起撈勻嘅，麻油味本身就好好味，霸道得黎又唔會令人覺得抗拒，入口麻油味同蔥油味勾人食慾，雞扒都好多塊，每一塊都幾大下，霖咗啲蔥油，味道更加好食。麵條都好入味啫，一般麵條都唔會好吸味，但系呢個蔥油雞扒撈麵嘅就特別有味道，可能我鍾意重口吧，岩我。食完之後先覺得飽翻喇，最後嘆翻杯奶茶，人生真系太完美喇。一餐落來，只需要百蚊港紙未到，抵食!

經常來這裡吃飯，不覺得位置難找，店鋪上的“蘭芳園”三個字真的超大的。若是想買老店模型，在門口就有賣。店門口有不少人拍照，估計很多都是大陸來的遊客，倒是蠻熱鬧的。店裡有譚詠麟的相片，看著是很久遠的年代。不過不讓觸碰。還有發哥照片，鐘鎮濤也提了詞。不過，不是我們來這裡的目的啦。對明星不感冒呀。嘗第一口菠蘿油時不覺得怎麼樣，不過慢慢吃下去會覺得越來越有滋味。雖然不比其他吃過的一些店鋪好，但是整體還是不錯的。算是很值。鹵水豬排撈丁，味道也OK。不過不宜多食，很容易膩。說下店鋪的環境，有一些些擁擠，空間不是很大。不過，因花費也不高，對環境也就沒那麼高要求啦。

開嘅地點極奇怪，喺間疑似地庫大型允記嘅最入入，入到去又無指示，成個場又無啦啦得佢一間餐廳，真係一路行一路覺得自己去錯地方。但因為咁，少咗街客同遊客，難得呢啲咁遊客嘅扮懷舊餐廳唔使排隊。其實係遊客朋友要去，我是推薦她去中環老鋪街邊檔嘅，咁先夠風味，但那邊晚上沒開，只好先來這邊試試味。我自己是蠻抗拒這種扮懷舊嘅餐廳，那種虛假的歷史味道。價錢比一般茶餐廳貴一點點，撈丁餐$50、焗飯餐$68、包類多士$18左右、散叫熱奶茶$18, 尚可接受，至少比翠華太興平。油蔥雞扒撈丁雞扒唔鞋口，嫩滑，雞皮香口，但整體沒有特別出眾，油蔥也沒有特別配，$50有點overprice. 相比之下反而飯餐性價比更高。熱奶茶一向無特別好奶茶，但唔落糖都好順喉香滑，無一般嘅茶記嘅苦澀味，果然係鎮店之寶。包類唔多得，朋友點了豬扒包同沙嗲牛肉包，size好細，豬扒包係用平時超市都買到嘅袋裝嘉頓漢堡包, 薄薄嘅豬扒加片蕃茄同沙律醬，不論賣相同味道都同啲cheap雞麵包鋪賣嘅豬柳包相似。而沙嗲牛肉包size就同麵包鋪賣嘅迷你包相近，$19，有點貴。之前睇其他食評話服務好差，但親身嚟過又唔係，雖然侍應們全是長輩級，但全部都有禮有

喇沙湯底豬排通粉+奶油脆豬=$50=抵食！講下個通粉先，個湯底味道偏淡，對於啲平時中意食重口味既人可能會有啲唔慣，通粉一般般，無話特別爽口的，但個豬排真係好得不讚！個豬排好嫩好林好入味又大份，正個奶脆豬，個包本身有少少咸味，再加埋入面啲甜味。好好食！味道好夾，不會好似平時果啲咁甜！而且仲熱烘烘的黑椒牛排撈丁！面係比普通公仔面幼少少，不算爽口也不會太林，中規中矩的，牛排都係好林好嫩，好好食最估唔到呢到啲肉類會整到咁有心機咁好食！下次會試埋個奶茶！