蘭芳園

Open Now

Now Closed

雖然住尖沙咀，但係一直都無試過蘭芳園。以前一直都聽過佢個大名，話佢既奶茶係全城最出名。今次試過，其實好失望。同朋友兩個人叫左一個晚餐-黑松露大蝦拼牛柳同龍蝦汁蟹籽雞扒撈丁，兩杯凍奶茶。個牛柳我就食唔到有黑松露，不過朋友就話有少少。無論係個汁定係塊牛柳都係好普通既貨色，味道比花園餐廳仲差少少，但係個大蝦係ok既。不過咁樣盛惠90大元又貴左少少。講到個撈丁就把幾火，龍蝦汁呢？蟹籽呢？我淨係見到豉油同薑蓉。坦白講，係香港有少少名氣既餐廳要收50幾蚊一個撈丁我都唔覺得合理，人工鋪租都要錢呀。但係你做咩要呃我有龍蝦汁同蟹籽？我真係因為個龍蝦汁而想試。極度失望。因為我鍾意飲奶茶，所以都試過好多地方既奶茶。比較之下，我覺得公司pantry姐姐每日拉既仲好飲。大家唔好抱太大期望，試過下，打左卡就算啦。呢啲「名牌」都係留返俾遊客慕名而來啦。