蘭芳園 (Closed)

相信蘭芳園既蔥油撈丁好多人都食過,但我食過覺得味道都不夠濃,所謂既蔥油不夠味,不論蔥香和咸度也不足.今次係上環搵早餐食,見到貴店有早餐食,就隨意買個$29 薯仔鮮茄湯腸仔煎蛋湯通粉上船食湯底當然又係類似羅宋湯既口味,但呢度既口味比較清,沒有死咸,食到蕃茄香,薯仔亦夠粉夠軟.亦有半隻茄可以比你咬下.煎蛋和腸仔足足加埋有4件,加上索哂汁既通粉,何其咁豐富呢.重點係放係船上食都穩如泰山,一條毛都無飛過出來,好合適帶上船食

同朋友去到蘭芳園，必食既當然有豬扒蕃茄通～雖然豬扒唔算太厚，但幾入味～一咬就咬得開，唔會太韌湯底茄味都幾濃，偏甜，入面重有少量薯仔同蕃茄肉味道不錯，但價錢較貴友人因為好想食包，我地兩個人竟然叫咗3個包食2個奶油豬同1個豬扒包，脆豬仔包烘得好鬆脆，豬扒餡比較乾身，豬扒如果厚d會無甘淡口而奶油豬因為有牛油煉奶中和反，所以比豬扒包好不過香港人對於懷舊冰室/茶餐廳，總有一種獨特既情懷，雖然係好普通既食品，但門外經常都會出現人龍～

去澳門前諗住黎食個午餐, $52 一個四寶飯連凍飲, 四寶飯餐牌寫有九樣野,但就任佢執四樣野比你, 結果係雞鵝紅腸咸蛋, 當然這個可接受,但係d鷄鵝極差,全部係一舊皮跟一浸肥膏同骨,完全冇肉,冇一舊係食得架,結果四寶飯變兩寶飯,食左一半飯已經食唔落去,因為冇哂餸。我已經好耐冇寫食評都忍唔住要寫,睇番蘭芳園所有分店食評都係好一半壞一半,似乎經營架人完全冇再擺heart落去,咁樣遲早唔掂。

身在中上環工作，蘭芳園的早餐一度是我的最愛，但不知怎的，有一段時間水準下降得非常嚴重，讓我不得不卻步，在其他地方另覓選擇，但由於前幾天要到澳門工作，又喚回我到這個曾經熟悉的地方吃早餐。蕃茄薯仔火腿通粉蕃茄的味道帶甜，是因為用了茄膏的原故，所以味道偏濃，不會有前幾次像開水的淡，我最愛的是真材實料的薯仔，大大件的，很有滿足感。奶油多麪包烘的金黃，大大件的，很有滿足感。奶油豬奶油豬的皮不夠香脆，有點過淋，有一點失望。茶走少甜以絲襪奶茶作招來的蘭芳園，奶茶雖算得上幼滑，但入口帶澀，幸澀而不苦，不算突出。雖然食物質素仍是不過不失，但在我心中還是有挽回不少分數的，有時候我們吃的，除了是味道外，還有一份回憶。

繼昨天吃過至愛的粵式點心後...為了繼續彌補我的辛勞差旅...今天睡飽後...忽然懷念港式奶茶，就想起了蘭芳園，這家以凍奶茶加茶冰著名的傳統港式茶廳，一直備受港人及旅客們的喜愛，在中環擺花街的老店，週末的時候，門外總有一條人龍，後來得知他們在港澳碼頭的信德中心亦開了分店，人沒舊店的多，今天就決定去分店試試!!!怎麼是茶冰....話說幾年前當我慕名第一次去蘭芳園時，就點了著名的凍奶茶及雞扒撈丁，老闆問我要不要茶冰，我問怎麼是茶冰，老闆說是用原味奶茶來製成的冰塊，放幾塊在凍奶茶裡，溶了的茶冰不會溝淡原來的奶茶味道，這是他們創新出來的飲法，說成本很高，所以只是限量，每天估清即止，我聽後馬上說要，這就是我的第一杯凍奶茶跟茶冰了。下午2時多到達信德中心二樓的蘭芳園，店舖比老店要大很多，枱與枱之間空間廣闊，還擺了個以前士多用的汽水櫃，現在已經變為古董了，看看他們的摺櫈，都寫著一個"蘭"字，相信這分店是以港式懷舊茶餐廳作賣點，為了吸引遊客來吃，總要在裝飾上加點懷舊色彩吧!!今天不想吃撈丁，就點了個雞扒喇沙米粉、凍奶茶及西多士。在老店亦吃過他們的喇沙，湯底味道不錯，有少少辣味之餘，亦有香郁的椰香味，雞

午餐叫左茄子牛肉反$47，待應又大聲又飛碟, 牛肉爛到冇牙都食到，仲有唔知梳打定鬆肉粉味，D汁好油，食完要買香口膠去味！一張圆枱6個坐，走時仲左右都出唔到，要叫人起身比我出！

午餐經驗：1. 排左15分鐘，入到去坐，非常擠迫，枱面求其抹。2. 叫餐，5個人5個餐。黎左5杯飲品，4個餐飯陸續上到，欠一遲遲未到。3. 漏單好正常，催單好谷氣，足足催到大家放慢吃飯速度都食完，都仲未黎last個飯。4. 取消，個waiter 搓左個$47, 寫 $18...5. Ok, 飯唔到，浄收我奶茶錢，明白。總結：冇乜野好食既野推介，冇期望，仲飲左杯$18既凍凍地既熱奶茶。

印象中好似好出名，難得經過就試下，每人最低消費$20 而豬仔包、多士$16左右，所以我們兩個人被逼叫佐3樣野，豬仔包，豬扒包，鮮油多士。服務員態度非常差！叫及5理！講野又串，就因為d服務員，我5會去第二次！講返野食，豬仔包好正 包脆，奶油好香，多士牛油都幾大舊，反而豬趴包令我非常失望，豬趴非常一般，亦有d硬，可惜d服務員真係有令我想5食的衝動，否則我會為佐豬仔包繼續幫襯

西多士料少，亂做！龍蝦汁蟹籽雞扒撈丁，雞扒太乾，龍蝦汁只是芝士，言過其實，不好吃！豬扒包，更是極其欺騙食客，包小豬扒味普通。奶茶！最失望，極差！如果大家要光顧，請三思！

講到蘭芳園, 第一時間會想到什麼? 奶茶? 鴛鴦? 西多士? 菠蘿油? 還是什麼牛尾湯通呀?? 不過自從吃過這次之後, 我可以肯定我的答案一定是"私房菜"! 個人來說, 從來進出蘭芳園都是速戰速決的。可是就從未知道原來上環信德的這家蘭芳園卻有家貴賓房, 每天晚上都可招呼到一圍的客人。然而這次因親愛的友人與之稔熟, 所以才可來這裡一路相約朋友酒聚, 一邊品試其手藝。不到七時半入席, 貴賓房居中一張大圓枱, 能坐15-16人。房中其他位置依然寬敞, 大家可在旁桌放袋之外, 活動位置也不少, 自由走動的限制不多。入座不久, 餐廳便端來這個乳豬全體。我只能用上一個不太專業的用詞來形容這個, "這隻乳豬很大隻!" 事實乳豬真的比平時吃到的大隻約20%, 皮下的肉層也厚吋多, 所以吃下有啖啖肉的感覺。然而可幸的是當中吃不到有雪味, 而且肉質吃來彈性口感也可以。外層皮故然脆口, 脂肪適中, 感覺亦沒有油膩與滯口感, 然而更有少少的焦香, 感覺不錯。接下來的是一個蒜蓉粉絲蒸扇貝, 餐廳用上較為大粒一點的。相對, 蒜蓉粉絲則較少, 整體也不會太鹹。可是扇貝火候時間有點過火, 肉質雖厚重, 但是整體質感有

去澳門之前，路過蘭芳園，見人不多，於是入去嘆個早餐！我叫咗個F餐，薯仔蕃茄火腿通粉，跟厚身多士，再加「茶走」。多士微烘鬆脆，鋪滿牛油，不錯！通粉甫上桌，先呷一啖湯，蕃茄味一般，茄湯不稀，薯仔頗腍，坑紋通粉夠咬口，但略嫌火腿絲太少，少得可憐！這裏出名是「絲襪奶茶」，「茶走」上場，感覺不外如事，略嫌奶味不夠，少澀，一般貨色，其他茶餐廳可能冲得比「它」還要好！整體來說，並不是甚麼特別貨色，只是其他人吹噓出來罷了！

基本的熱奶茶無茶味,是杯熱花奶水...超失望!蕃茄薯仔湯通粉, 變左係熱茄汁水通粉再另外加白水煮薯仔同蕃茄皮.飲左啖所謂熱奶茶同食左兩三匙湯通粉, 真係頂唔住...比錢走人. 比完錢同收銀既女士反映, 佢話:哦...係呀!蘭芳園...你成功啦! 又少一個香港人會幫襯你.

已經多年沒有回到中環的蘭芳園, 工作辛苦只為可以吃一頓舒適的午餐, 但蘭芳園座位太窄吃都吃得不自在, 不過它的奶茶是做得不錯的, 間中經過都忍不住要一杯外賣。今日去澳門上船前就到這裡吃早餐, 來到已經坐滿人, 好在仍有兩個位, 然後我叫了標準的多士腸仔蛋加火腿通。朋友就要了蕃茄通加奶油豬仔包。腸仔蛋就是一般吃到的。奶油豬仔包內有滿滿的奶油, 賣相吸引。通粉是買少見少的坑紋通粉, 很懷舊的, 也特別。湯底味道濃淡適中, 不錯。 加上一杯熱檸茶, 就是一頓豐富的早餐。

蘭芳園於1952年由林木河創辦, 是香港一間歷史悠久的茶餐廳, 首創港式飲料「鴛鴦」，首創以茶袋沖製、俗稱絲襪奶茶的香港式濃滑奶茶  今次就試下  港式奶茶 - 又香又滑，容易令人上癮, 這裏的奶茶我意見是中上, 不是最好  喇沙豬扒通粉-  喇沙湯底和典型喇沙不同, 很少椰香及味道比較鹹  奶油豬仔包 - 在我食過應該是最好的,比上市茶餐廳好, 好脆及內裏比較軟, 味道及口感一流, 到蘭芳園一定要試   

在信德中心開的蘭芳園，環境比中環店的潔淨和舒服，店內有一邊的牆壁整齊地貼滿了譚校長的黑膠唱碟封套，我有同事以為譚校長是老闆，但有報導指老闆是校長的粉絲。今朝叫了蕃茄火腿薯仔通粉配多士早餐。這兒的多士烘得外脆內軟，趁熱吃覺得暖笠笠，塗在上面已溶化的牛油為多士添了點鹹味，好吃又滋味，我和同事都邊吃邊讚。蕃茄火腿薯仔通粉的蕃茄湯並非鮮茄湯，但有一兩件鮮蕃茄，伴通粉吃頗美味，通粉有咬口，加薯仔幾特別，但火腿絲的份量就略嫌少了點。近日天氣乾燥，濕度只有百份之三、四十度，所以沒有叫奶茶咖啡，加了$3 要了杯熱菜蜜，味道不太甜，鮮檸味又醒神，最緊要是夠滋潤呢！