女人街食飯公司

Open Now

Now Closed

又係朋友移民前想食嘅香港嘢～ 大牌檔小炒可能係得香港先食到，不過想食得舒服啲，我哋就揀咗去旺角嘅「女人街食飯公司」，裝修懷舊有特色，枱櫈都係大牌檔/舊式酒樓style，但就有冷氣，而且座位闊落啲～ 我哋4個女仔就只係叫咗4個餸，份量唔算超多，啱啱好食得晒～整體食物質素唔錯，不過價錢就稍貴一啲～ •🥢 瑤柱招牌走地雞 $158 （半隻）雞上面放咗大量蔥絲、炸紅蔥頭同埋瑤柱碎，旁邊仲有兩款醬汁：薑蔥豉油同埋辣醬，配搭都幾豐富～ 走地雞好厚肉，而且唔會好肥，雞肉仲好嫩滑👍🏼 加上調味足夠，單食雞肉已經帶少許鹹香，但連埋配料/點埋醬汁就更有層次～ 個辣醬有啲似配海南雞飯嗰款辣醬，帶輕微酸味，但辣味都幾嗆🫢•🥢 黑椒蜜餞薯仔牛柳粒 $168黑椒薯仔牛柳粒真係大牌檔必食😍 呢到個價錢嚟講，份量就略嫌細份啲🫢 但比例上，牛柳粒同薯仔都各佔一半，而且牛柳粒都唔會太細粒，口感軟腍～薯仔炸得好透，咬落有啲啲外脆內軟，配埋黑椒嘅辣同埋蜜餞嘅甜，真係超夾！👍🏼•🥢 鳳梨懷舊咕嚕肉 $118咕嚕肉整得唔錯，炸皮唔會太厚，而且上咗咕嚕醬都仲保留到少許脆皮口感～咕嚕醬亦都調得酸甜適中，好開胃🤤 但係主角之一嘅鳳梨🍍

走進呢間餐廳，巷弄內嘅裝潢帶我穿越返去昔日香港，一種懷舊氣氛撲面而來。第一道出場嘅係黑松露鮮蝦多士，外皮炸得鬆脆，咬落去卡滋卡滋嘅聲音令人心情大好。🍤鮮蝦夠彈，同黑松露嘅香氣撞擊，真係諗起都興奮！然後個黑椒蜜餞薯仔牛柳粒，每粒牛柳都柔軟入味，入口即溶💓，搭埋一啲微辣微甜嘅蜜餞薯仔，這組合驚艷到我。講起港式味道少不了滷水，屋邨三鮮一點都唔馬虎，豬腸腍滑，雞腎過爽，好味到我諗住當下再叫一碟！講到失望就一定係豉椒大蜆，其實醬汁勁正，啖啖豉香，但蜆啲沙多，吃落有啲礙啲。不過金沙脆鮮魷就正中下懷，撲鼻嘅鹹蛋香令人停唔到口，咸香酥脆，插電一樣離唔開筷子！🦑總體點評，餐廳呢啲港式街頭美味，仲有啲唔錯嘅選擇。有時懷舊嘅香港味道，唔一定要食得好貴才叫正，平民化嘅選擇一樣夠哂味！再來一次，揀啲自己鍾意嘅嚟食，都算係一場不錯嘅回味旅程。🥢

宜家新式大排檔有好多，但要兼顧摩登同傳統好難，而呢到兩者都平衡到～ 環境整潔同新淨，而喺裝修就選擇還原↩️八、九十年代既懷舊風格，有各式各樣既霓虹燈招牌、舊式鐵閘、舊式鋪頭既牌面，同埋傳統酒樓既喜宴金龍，感覺幾有feel👍🏻 野食方面全部都充滿大排檔風味，夠穫氣又夠香口，惹味得黎唔會好鹹同好油～(5 😍 係滿分，🤩係半分）黑椒蜜餞薯仔牛柳粒 ⚫️🥔🐮 - $168 (好味指數：😍😍😍😍)薯仔牛柳粒🥔🐮係經典既大排檔小菜，所以就叫黎試下🤤 果然幾有鑊氣🔥 薯仔粒🥔有走過油，炸過🔥之後金黃色帶有少少燶邊，表皮酥脆，裡面口感綿密，味道香口，解釋到點解一向薯仔🥔比牛🐮受歡迎😂 不過其實牛🐮都唔錯，口感幾嫩滑唔會韌，醃得入味，配埋香口又有少少辣既黑椒粒⚫️，味道惹味又有穫氣，燈籠椒🫑味道爽甜～ 如果全部可以切細粒啲就更加有feel～紐西蘭蟶子皇 🇳🇿🦪 - $136 (好味指數：😍😍😍😍🤩)小編好鍾意食蟶子🦪😍 所以就叫黎試下🤤 一上枱已經見到啲蟶子飽滿肥美，肉質厚實，爽脆彈牙唔會韌，加上用左香濃惹味有鹹香既蒜蓉🧄黎調味，夠晒香口同有油香，亦有提鮮既效果，味道幾鮮甜～黑松露鮮蝦多士 ⚫️🦐🍞 - $84

雖然而家政府推緊夜繽紛，但旺角開得夜既食肆都仲係比以前少好多🌝🌝10pm呢d 尷尬時間都唔係咁容易搵好嘢食！朋友就推介食女人街食飯公司一入黎個裝修幾新潮，又有香港大排檔特色#招牌杏汁燉豬肺 👍🏻勁足料 豬肺配杏味勁好飲😍🤤🤤兩個人一大盅份量真係over左，但好難唔飲晒😂😂#xo醬馬拉盞芥蘭煲 👍🏻蝦乾大隻好味 可惜偏油#鮮蟹肉桂花銀絲 👍🏻真係有啖啖蟹肉小炒來講，價錢比較進取，但係足料既不失為旺角晚飯宵夜好選擇😆

又係時候同兄弟們慶祝十二月之星生日啦，兄弟們最鍾意就係食有鑊氣既小炒，同時啤一啤佢，咁先夠happy!食過好多唔同大排檔，今次揀呢間女人街食飯公司都算最特別啦，佢位於旺角商廈樓上舖，但係室內仿大排檔裝修真係好有大排檔風味，而且仲比街邊大排檔乾淨好多，呢度營業時間至晚上十二點，同朋友傾夜啲都唔怕。今晚試左幾樣招牌菜，份量唔算大，但樣樣都好食，餸飯餸啤酒都好正。黑松露厚蝦多士黑松露香同蝦膠味道好夾，蝦多士炸過之後好香口，配上沙律醬味道更加豐富。瑤柱招牌走地雞雞皮黃到金，色水好靚，可能因為係走地雞，肉質比較好食，夠熟雞骨唔會見紅，但雞肉唔鞋仍然好滑。黃金鴛鴦蒜粉絲蒸蟶子王蟶子好大隻新鮮，肉質爽口彈牙，粉絲吸收晒啲鮮味，同埋蒜味，淋埋鼓油，差啲好味過蟶子。黑椒蜜餞薯仔牛柳粒呢味餸我認為係今日最正，醬汁好好味，牛肉粒size剛好一口，juicy又不靭，薯仔表皮焦香。金沙脆鮮魷鹹蛋黃味香濃，下飯神器。風沙九肚魚外脆內軟，餸啤酒一流。

✨黑松露厚多士鮮蝦厚多士被炸至金黃酥脆，配上黑松露別有一番風味。✨黑椒蜜餞薯仔牛柳粒牛柳粒嫩滑，薯仔入味，黑椒蜜餞調味剛好，鹹中帶甜，非常惹味。✨風沙九肚魚風沙九肚魚被炸得皮脆肉嫩，佐酒一流。✨瑤柱招牌走地雞走地雞肉質嫩滑，加上瑤柱和秘製醬汁，風味十足。✨金沙脆鮮魷魷魚新鮮，肉質煙靭，外層炸至金黃酥脆，充滿鹹蛋黃的鹹香。✨金鴛鴦蒜粉絲蒸蟶子皇原隻新鮮蟶子皇，配以蒜蓉醬汁令鮮味進一步提升。😋😋😋

#女人街食飯公司，旺角大排檔風味，諗起就會想食🤘🏻大排檔風、香港味道，不論裝修定餐牌，超有懷舊感覺❇️舒服坐位，餐牌好多不同既大排檔菜式、手工菜、加港式心思💯啫啫沙鍋鱈魚腩煲，沙鍋上枱一開蓋，啫啫啫啫啫🌋好吸引，成個風味出晒黎，醬料加薑蔥超香，鱈魚腩外皮香脆，超惹味😍個皮已經好正，魚肉非常嫩，口感好好，底個啲燶燶地仲正🤤加枝百威配埋戰鬥碗，個排檔味出晒黎，正到爆🤘🏻💖鍾意食葱好似我咁既，食葱送酒=正🤗蒜蓉粉絲蒸蟶子皇，傳統瓦碟蒸見到已經好feel♨️好香蒜味，蟶子好好肉，真係好大隻，口感味道都幾鮮，粉絲+葱蒜同海鮮汁，爽☺️XO醬海鮮小炒皇，超大碟好足料，XO醬有大大大蝦乾，仲大過隻蝦，好濃味⭐️韮菜加白飯魚脆正，海鮮都好好味，高質小炒皇🌸係懷舊排檔既味道！仲要加埋超班既手工菜式，開到十二點，可以慢慢飲飽食醉🍻

嘢食係好，但員工態度就真係麻麻，有時你尊重人時，人就會尊重你，語氣好少少，客人食得都開心啲，食完餐飯唔開心，就算幾好食，印象都會扣分～嘢食係有火喉，加埋個環境，係更有風味，不可否決，但一間餐廳係咪只有嘢食ok就得？只能靠大家判斷～

旺角樓上大排檔，店內擺設80年代香港舊街景，霓虹燈、鐵閘、理髮店，充滿舊香港情懷🍞黑松露鮮蝦多士 ($28/件)極力推介😆👍🏻這款多士表面金黃酥脆，內裏鮮蝦肉質鮮甜多汁，黑松露香味獨特，口感豐富。雖然有啲貴💸🥔黑椒蜜餞薯仔牛柳粒 ($168)炒得十分入味，牛柳粒鮮嫩多汁，搭配黑椒蜜餞，甜鹹味道十分平衡🏘️屋邨三鮮($88)｛墨魚、雞腎、生腸的港式滷味｝滷味的湯汁非常入味，讓每一口食材都能夠充分吸收其中的美味。墨魚的口感非常鮮嫩，吃起來不膩，而雞腎和生腸也都煮得很熟透，口感非常爽口，沒有任何的腥味或膻味🦑金沙脆鮮魷 ($108)鹹蛋黃的外皮香脆，內裏魷魚鮮嫩彈牙，味道香醇🐚豉椒炒大蜆 ($128)蜆沒有太多肉、而且有好多沙😣但豉椒醬汁味道鹹辣適中，帶出蜆的鮮味

今日突然間好想食小炒/大排檔野食，然後諗起女人街食飯公司🥹想約好多人好多人去食可以食多d野😬食物質素唔錯之餘又乾淨又唔難book！就咁叫個套餐都已經好滿足，尤其是個麻辣魚皮都好開胃！最緊要咩，氣氛好燈光好點影到靚🫶🏻豉油雞出奇地嫩滑，松露蝦多士脆口彈牙！連燉湯都好有heart🤍不過千祈唔好嗌個脆麻花😆☝🏻

前年拍野來過女人街食飯公司，覺得這裡的裝潢格外別緻，像回到七八十年代的香港一樣，那時才知道原來旺角有這樣一間室內大排檔，已暗暗把這裡bookmarked。今天跟移民外國的朋友飯敍，三五知己來這裡就最適合不過了。朋友看見店內的裝飾都非常興奮，尤其是門口那個迷你版的龍和鳳，大家都七嘴八舌說小時候見過。每個角落都是打於位呢蒜蓉蒸蟶子蟶子非常大隻，簡單以蒜蓉蒸已經非常鮮味，吸收了所有精華的粉絲是極品呢走地雞（半隻）賣相很吸引，有大量蔥和炸蒜舖面，雞肉肥美嫩滑。附上薑蓉和泰色酸辣汁，可以一雞兩味👍🏼尖椒炒鵝腸鵝腸頗爽口，加上豉汁和尖椒辣得非常過惹，送飯一流。蜜椒薯仔牛柳粒這是我到大排檔的必吃item，上枱時已聞到陣陣美極醬油味，很地道的風味呢！牛柳粒頗嫩滑，薯仔炸過所以有微微外脆內軟，加上蜜糖和黑椒令我完全無抵抗力。雜菜煲每次聽到餸菜在煲裡吱吱作響，霧出一陣陣煙的畫面都覺得非常療癒。滿滿一煲的雜菜，還有大大隻帶鹹香的蝦乾提鮮，怪不得湯亦如此鮮味，菜吃光了大家還在喝湯。大家都很滿意這頓飯，還約定下次再來

多人聚會必食，惹味鑊氣小菜，人均二百頭抵食好飽，已回頭食店🍲！・・・・・・・・・・・・・・・・・・・・🦐 黑松露鮮蝦多士 HK$28/件 (3件起)・味道：鮮蝦爽脆，多士脆口，黑松露味濃郁，有畫龍點睛。不過要趁熱食，凍咗可能會成口油(亂估)～・口感：個醬係普通黑松露沙律醬，味道上嚟講可以唔使落XD，但濕度上有佢會好好多，因為個多士偏乾。🦑 金沙脆鮮魷 HK$118・味道：鹹蛋黃味濃但可以更濃，個人鍾意去到起沙口感嗰種腎虧鹹蛋黃(＾Д＾)ﾌﾟ，但鮮魷係新鮮的～・口感：鮮魷脆口夠彈，不過呢個價嚟講份量有啲少。🐤 麻辣煎焗雞煲 HK$158・味道：exactly係麻辣雞煲，好惹味香口，重口味人士會大喜。・口感：雞件嫩滑，雞皮俾煲嘅餘溫煎到有微微脆口焦香，好食😋🥬 鹹肉野菌炒雜菜 HK$98・味道：純粹係本波同班friend想心理平衡啲懶健康叫嘅菜，但菜夠鮮冇草青味。・口感：脆口菜菜子desu🥛 八味脆豆腐 HK$62・味道：errr，就是炸皮包一口豆腐，個豆腐好嫩嘅。不過冇咩特別，個炸皮都係得鹹味，以為有炸蒜味但食落係冇的，裝飾用only。喼汁配佢唔算好夾，不過好似大排檔/菜樓叫呢道菜都係配

地方比街邊大牌檔乾淨好多，亦無咁嘈吵，環境佈置都到位，充滿香港特色，帶外地朋友嚟都不失為一個好地方。食物方面都非常有驚喜，用心做，每碟份量都唔太大，可以叫多幾樣尼試。黑松露鮮蝦多士 — 好鬆脆，又香口，必點！秘製蔥油雞 — 雞肉超級嫩滑，加埋蔥油，無得頂。金沙脆鮮魷 — 鮮魷又係非常軟滑，外層脆卜卜，包滿咸蛋。風沙九肚魚 — 魚肉較大條，但魚骨都相對明顯，要食得好小心。薑蔥頭抽珍寶蠔 — 肥美珍寶蠔，好惹味。砂窩臘味豬油撈飯 — 配料簡單但真係好香呀。青芥沙拉骨 — 味道唔錯，但排骨唔太腍，骨都較多。蛋白杏仁茶 — 唔太甜，好潤〜古法脆麻花 — 薄脆麻花加類似麥芽糖漿，好食，有驚喜！另外提提大家如果想打電話去book位的話，要係中午時間，或者晚上9.30後打〜

平日經過經常人頭湧湧，好旺場。裝修好有港式風情，有好多經典港式霓虹燈裝飾。營業時間開到凌晨12點，適合收夜的人。秘製蔥油走地雞大大隻雞，肉質白滑又嫩，豉油蔥絲同雞肉勁夾。蒜蓉粉絲蒸新西蘭蟶子皇同帶子，超大隻蟶子同帶子，肉質彈牙，粉絲煮到剛好，粉絲索晒豉油精華，又係送飯之選。風沙九肚魚新鮮炸起，好熱辣辣，九肚魚肉白滑，外層炸過後十分蘇脆，但內層魚肉保持了鮮嫩多汁的口感。脆炸鮮魷鮮魷片有一層薄薄的酥脆外衣，口感極佳。表層有少少椒鹽調味，過癮。頭抽海蝦海蝦大隻，蝦殻和蝦肉都沾滿頭抽香噴噴。

其實小編都幾鍾意去大排檔，但係而家真係越黎越少大排檔🥹，以呢間餐廳就好似大排檔一樣嘅裝修而且同大排檔一樣咁有人情味，餐廳裝修好有懷舊香港🇭🇰特色而且仲有代表性既霓虹燈招牌鐵閘等等😍-食物方面都叫左幾款特色小菜，例如秘製蔥油雞🐔蔥油香好濃味，而且雞好嫩滑，份量都好多。虎皮尖椒豉蒜爆鵝腸真係好好送飯因為用油爆香味道好出，唔會太鹹。