LAB ZERÕ

Open Now

Now Closed

同朋友去開尖沙咀見到呢間靚靚Cafe又唔使等位就入咗去食個Tea 。我哋分別叫咗個牛肉多士同芝士通粉（唔係好記得佢個實際名，不過入邊嘅成份就係咁上下啦）個牛肉多士，勁牛肉偏生，我估係一整塊牛，然後再切細嘅，所以中間嘅部份只有兩面就比較生，有啲難咬開。上面醬汁應該加咗芥末所以同牛肉好夾。芝士加澱粉係冇得輸嘅組合，上枱嘅時候熱辣辣好惹味，美中不足嘅係通粉係相對比較大條嘅，就唔會好似Mac can cheese咁黐汁，有時要食兩啖再點啲汁先至有味 。奶昔做得唔錯，唔會係化學味嗰種，唔記得咗影相，但整體嚟講，環境，以至到所有菜式都幾靚好適合影相打卡 。

叫左兩個意粉一個薯條加三杯野飲，本應開開心心想食個生日飯，點知一黎個薯條跌左一條落枱，個男侍應見到，執起左，正常以為佢會拎去掉，但佢竟然將佢擺返上碟野度，真係世界級，咁既餐廳就算幾好食，比我都唔會再去，完。

尖沙咀小清新工業風Cafe，佈滿可愛雲朵打卡一流!!主打日本直送冰磚的綿密日式刨冰及特式咖啡，絕對值得一試!!☁️- 特濃香蕉朱古力 HK$118 🍧🍫🍌超驚喜刨冰!!超濃朱古力味刨冰佈滿朱古力脆皮，綿密輕盈口感加上雙重可可香氣超好食!!刨冰中間加入朱古力脆餅及牛奶雪糕，香甜又層次感十足!!- 晴天雨天 HK$57 🌥️🌨️超可愛主題咖啡!!綿花糖白雲造型襯晒店主題，晴天使用蝶豆花藍天，微微清新香氣!!加入溫和順口竹炭咖啡，立即變成雨天超好玩!!- 薄荷朱古力鮮奶咖啡 HK$53 🍫🌱薄荷朱控必試!!香甜朱古力奶中，散發濃濃咖啡甘香，後勁帶有清新薄荷香氣，非常有層次!!- 慢煮封門柳玫瑰醬扁意粉 HK$138 🥩🍝超嫩滑封門柳!!肉質非常柔軟，滿滿牛肉香氣!!濃厚玫瑰醬忌廉奶香超濃，微微香辣與蒜香特別惹味!!- 避風塘單骨雞翼 HK$70 🧄🐣超惹味!!香脆單骨雞翼非常香口，強勁辣道加上炸蒜食得超過癮!!

LAB ZERÕ 📍尖沙咀金巴利道68號地下B號舖雲朵cafe☁️初初一開要排晒隊，唔鍾意排隊嘅我緊係等到散水先去打卡，真係只去打卡好喇📸，唔好對食物有任何其望🍧糖蔥餅刨冰可以自己加花生粒小丸子，焦糖脆餅，同埋煉奶醬一邊淋一邊食，刨冰入面有糖蔥餅+黑芝麻倒煉奶之後d冰溶得好快，最後好似飲糖蔥餅水，只食到一半🍦開心果雪糕開心果味道唔濃，同白玉唔夾

如果想chill吓打吓卡食吓甜品，來呢一間都唔差。門口位設有一個打卡點成個環境都算舒適。食物質素都唔差價錢的話都係一般香港嘅Cafe價錢。試過咁多種刨冰，今次特別想同大家分享下佢嘅芝麻刨冰。用嚟打卡都唔差。芝麻刨冰呈現出典型的黑灰色，唔單調但又充滿東方特色。第一口入口，芝麻味尚算濃厚。刨冰係非常綿密的質地，好似融化既雪花咁柔滑。芝麻既天然微苦配上輕甜的糖漿，味道層次豐富又唔會過甜，芝麻既香氣一直殘留係口腔。

走進天空中的Cafe - Lab Zero半空中浮沉的雲朵、寬敞舒適的坐位、淡淡的美食香氣，這是CK走進位於尖沙咀的 LAB ZERO 時的體驗 ! LAB ZERO 已經開業一週年，CK一直都想來Chill一下及打卡，這次終於有機會了 ! 看著餐單上那些精緻美食，難免有點相逢恨晚的感覺。坐下的第一時間，當然先要來一杯飲品！無論是呼應餐廳雲朵設計的「晴天」、富有港式風味的「脆皮抹茶」，還是帶有氣泡的「美式咖啡」或「凍朱古力」，每款都非常吸引。CK選了賣相精美的凍士多啤梨乳酪奶昔，看著加入粉紅色士多啤梨雪糕慢慢溶化在奶昔之中，猶如一幅自然圖畫！然後再以豐富的招牌雞肉沙律開胃 ! 雞胸肉﹑牛油果﹑新鮮無花果﹑鮮粟米粒﹑小菠菜﹑車厘茄⋯⋯材料種類及食材配色豐富，也是健康首選，CK忍不住一口接一口的吃掉這碟藝術品 !另外，LAB ZERO 再度與 THE BAKERISM 聯乘，以單份甜品形式帶來 THE BAKERISM 招牌口味蛋糕，你可以在餐廳內一嚐從未以件裝發售的「抹茶麻糬蛋糕」、「焦糖脆脆蛋糕」、「開心果蛋糕」等。各位甜品控，從此又多了一個朝聖點！Lab Zero地址 : 尖沙咀金巴

在尖沙咀發現了一間超有氛圍的cafe，真是打卡必去！這裡的裝潢充滿設計感，尤其是門口右手邊的升降雲，超級可愛，讓人忍不住拍個不停。店主供甜品和咖啡都很不錯，尤其是他們的刨冰，口感滑順，味道清新，絕對是夏天的不二之選擇。雖然這家店的生意相當火爆，特別是在工作日下午，客人絡繹不絕，但可惜的是，服務有些散漫，讓人感覺稍微不夠舒適，不過，環境和甜品的優勢還是讓我願意再來光顧。總的來說，如果想在尖沙咀，想要找一個放鬆的地方吹水，這裡絕對值得一試。

Visiting 🇭🇰Cloud Cafe on a sunny day☀️捉住夏天的尾巴去夢幻雲朵cafe打卡～呢間主打冰品的cafe自開業以來人氣一直高企極簡輕工業風裝修配上吸睛嘅☁️雲朵吊燈同埋綠植🪴啱晒同friend一齊打卡✽宇治金時刨冰 ʜᴋᴅ98✽聽聞刨冰冰磚全部由🇯🇵日本直送使用香甜抹茶糖漿與茶粉🍵最驚喜係刨冰中心有糰子🍡同埋紅豆口感同其他刨冰店相比唔算太綿密份量夠2人share嚟食✽蒜香明太子櫻花蝦配珍寶帶子意粉 ʜᴋᴅ138 ✽openrice人氣之選🍝炸蒜片配軟身培根🥓呢個配搭正正常常味道偏鹹口✽鮮果北海道雪糕杯ʜᴋᴅ68 ✽軟雪糕牛乳味唔算濃🐮上層係爽口嘅士多啤梨🍓中間有芝士蛋糕同曲奇碎因為要影相融左少少食完有少少腬🤏=∞=∞=∞=∞=∞=∞=⁣✦ Lab Zerõ ✦📍 尖沙咀金巴利道68號地下B號舖☎️ (852) 5720 4888🕰️ Mon-Sun 12:00-20:30🦀 ᴏᴠᴇʀᴀʟʟ ꜱᴄᴏʀᴇ 6.5/10 ⁣味道6/10｜環境7/10｜服務6/10｜回頭 ✖⁣ꜰᴏʟʟᴏᴡ ᴘᴜᴜ ᴇᴀᴛꜱ🦀 @sake_krd 食勻全世界🌍✈️🔎相同菜系及地區: #K

上網睇了介紹最近好hit既糖蔥餅刨冰 X 雲朵cafe在openrice book唔到但walkin都有位的我夜晚8點到8:30會last order所以果個時間都唔算多人即刻叫左心心念念既《糖蔥餅刨冰》本人本來就好鐘意食糖蔥餅～其實佢另有一個《海鹽焦糖脆脆刨冰》都好吸引我全部都係我最愛既甜食！《糖蔥餅刨冰》好得意真係估你唔到會咁樣整旁邊伴有花生粒小丸子 同煉奶醬一邊淋一邊食的刨冰入面係真係有糖蔥餅仲有d黑芝麻味道亦好好食唯一缺點係要把握好每次倒煉奶既量倒太多會好快唔夠 d冰亦溶得好快倒太少會冇味另叫了《熱焙茶鮮奶》食刨冰要配熱飲！最後店內的打卡位d雲係識郁的 裝置藝術咁

朋友之前食過話呢間啲甜品唔錯 所以經過尖沙咀我就同屋企人嚟試啦見到有幾款刨冰都好吸引 但我地想食芋頭 就叫咗個個芋圓冰 上到嚟佢有啲似日式刨冰 比起韓國個種刨冰 個人覺得日式刨冰好食啲！啲冰都幾重奶味 唔會淡 芋圓煮得都幾qq 唔會好硬或者夾生分量嚟講兩個人食剛剛好 食完真係透心涼 真係幾消暑 然後仲叫咗兩杯奶昔 一杯士多啤梨同朱古力香蕉都唔錯 香蕉味係有 士多啤梨都唔係個啲好假嘅香精味見到佢角落頭個到都有個雲朵🌧️打卡位可以影相 但我地趕時間就冇去啦 下次再試佢其他野！

今日去咗一間近年打卡度好火熱嘅Cafe,餐廳環境，以灰色水泥牆壁及仙人掌做主題，天花板上面嘅雲會浮下浮下，非常有趣。Ms C生日,齊齊去朝聖大蝦冬陰功耳朵粉 $118非常有驚喜,只係小辣，蝦好大隻同好爽，冬陰功同埋芝士汁掛上每一顆耳朵粉，好好食避風塘小食拼盤 $128小食拼盤分別有雞翼，雞軟骨同薯條，食物沾滿爆香嘅蒜末同辣椒粒，非常脆口惹味。晴天雨天 $52造型別致，打卡度好高嘅飲品模仿藍天白雲嘅牛奶，配上黑過墨斗嘅黑雨咖啡但係飲落就普通咖啡，冇乜特別，純粹打卡開心果蛋糕 $78蛋糕係Bakerism出品開心果咪濃郁，香濃幼滑，每一啖都有果碎唔會太甜，非常好食🩷糖蔥餅鮮奶咖啡 $55鮮奶咖啡,面層有啲糖蔥餅碎杯邊圍住啲椰絲但係呢杯飲品味道好古怪，好似有浸保濟丸嘅味，有啲難飲😓

🔹炸海苔魷魚 $68魷魚不錯👍🏻 炸粉唔會太多 表面炸得脆又唔會太厚 咬落去魷魚煙煙韌韌🦑冇overcook 再配Wasabi醬 做小菜一流😚🔹明太子帶子意粉大大粒帶子加磨菇🥰醬汁好香明太子味 亦掛到上意粉 唔會太杰太漏 缺點就係細碟 一個人食其實都唔夠飽👉🏻👈🏻🔹開心果糖不甩刨冰✨😍 $128一上到枱已經係睇得到啲冰夠綿 每一啖都好濃開心果味 🥰🥰食到中間會有啲白玉 即係糖不甩 再食低啲仲有雪糕 🍦刨冰好大個 真係兩個要兩個人食如果訂位嘅時候寫左慶祝生日，而又叫左甜品嘅話，會用朱古力醬寫happy birthday喺個餐盤到🤣

之前見到有好多唔同kol和網站介紹佢地嘅開心果刨冰，一直好想試，今日終於可以去試下啦。行到餐廳，預左要排下隊嘅。天氣熱，排左10分鐘，已經大汗淋漓，但安排座位唔係太好，唔跟次序，後來的人先入座，仲要排多10分鐘，令我有啲不開心。環境係幾靚，白雲裝飾，但座位較迫，坐得唔太舒服。鹹蛋黃雞翼好香鹹蛋黃味，色澤鮮黃，而且唔吝嗇，份量多多，沾滿每隻雞翼。雞翼比較香脆，熱辣辣，但偏油。開心果冰開心果味一般，唔濃味，開心果碎唔多，口感一般。雪糕偏少。為左佢排咁耐隊，就要自己諗下值唔值了。

喜歡這店的環境, 有落地大玻璃, 既可採自然光, 又可外望街景。店內裝橫簡約, 水泥牆加雲朵燈飾, 部份雲朵燈飾更可升降, 飄浮著帶點可愛。是日光顧為的是吃刨冰, 由於這店提供主食和甜品, 設加一收費, 相對於不收加一的刨冰專門店, 價格相對偏貴。Extreme Coffee&Toffee $118 + 10%刨冰款式不多, 選了特濃咖啡拖肥口味。店員送來時飄來香濃咖啡氣味, 十分提神。刨冰面頭有 Lotus 餅乾, 餅碎和啫喱作點綴, Lotus 餅乾餅碎焦香味濃, 啫喱為咖啡味, 雲朵造形, 貫切可愛風。刨冰細緻綿密, 融化速度比預期中快, 中間有稠密的牛奶雪糕, 咖啡味啫喱粒和餅碎, 口感豐富。另備有特濃咖啡一杯讓客人自行添加。值得一讚是, 店員送來時細心提醒, 咖啡待吃到一半時才落, 以免刨冰立即融化。

食環境的網紅店之前經過過幾次㗎啦，見到佢D裝修幾得意，但門口太多人排隊就作罷。今次咁啱喺隔離拎蛋糕，又排頭位只需要等一陣，就滿心歡喜咁入去試啦❣餐廳門口個打卡位就唔俾人坐嘅，但可以過去影相，裝修行小清新風格，啲雲既裝飾會上下郁動都幾可愛；但有條好高嘅木梯就放咗喺餐廳當眼位置，感覺有點奇怪。食物方面：🌟 $98 | 蜂蜜海鹽焦糖脆脆牛乳幾大個下，但無水果口味選擇，食完感覺有啲滯🌟 $72 | 酥脆鹹蛋黃雞翼單骨炸雞翼，無吸油紙跟上，每一啖感覺都有D油必出黎，肉不多 😅🌟 $40 | 泡沫咖啡🌟 $46 | 抹茶鮮奶咖啡就一般嘅咖啡，飲落冇乜特別印象食物整體唔算好食，餐牌入邊無一樣嘢係屬於清爽類，食完感覺都比較滯住，但又唔係太有印象食過D乜咁😅 😅 😅店員服務比較急促同冇笑容，因為都不停有客人，我哋坐咗入去之後條人龍又開始變長了～總括嚟講如果上嚟影相就冇問題嘅，但係食物質素一般，下次未必再黎了。🏠店名：LAB ZERÕ🚘地址：尖沙咀金巴利道68號地下B號舖