手作功夫茶 (Eldo Court Shopping Centre)

Open Now

Now Closed

近日，我光顧了一家知名珍珠奶茶店，但卻遭遇了店員不好的服務態度。甚至沒有微笑。當我詢問關於產品的問題時，店員的回答也是冷淡和不耐煩的。這種不友善的態度讓我感到非常失望和不舒服。我認為，作為一名店員，應該對每位顧客都保持禮貌和熱情的態度，給予他們良好的服務體驗。我希望這家珍珠奶茶店能重視顧客的感受，改善店員的態度，為顧客提供更好的服務。

功夫茶港九新界都幫襯開飲品質素一向都有保證一直都冇對呢間店有特別負面的印象但今晚真係覺得兩位店員工作態度極度低劣令人整個幫襯過程都特別反感！點左杯愛玉百香多多愛玉好多，酸酸甜甜係好味既！百香果味亦濃但我整個focus都被店內一男一女職員影響晒（當時店內3人，唯獨其中一男一女極度不知所謂）1. 男職員non stop用極大聲語氣同女職員打鬧（當中包括無限多的粗口！）大聲到好遠都覺得極嘈、極低質2. 我一邊落單、等俾錢，男職員面向我，但仍極大聲對住後面女員工爆粗，女員工都有大聲回應，但冇爆粗3. 杯野整好，男職員就咁放檯面，冇叫號，因為要繼續打鬧整整10分鐘冇停過！我都檯頭望一望招牌，以為自己去錯地方！整個感覺係非常失禮！本人前往日期：2024年1月6日(星期六)時間：晚上8:29

功夫手作茶，茶味濃，水果茶無得輸，飲完茶仲有水果可以食。而每次我必點既38奶霸非常推介鐘意有咬口既你，內有珍珠，又有仙草。不過今次已叫微糖，但系對於我黎講都算甜。

以前飲開大牌子，天仁茗茶嗰啲😆但越來越多朋友話手作功夫茶好好味，所以就比次機會佢啦！今日一試，果然相當唔錯！佢嘅烏龍茶茶底好好味，有時已經飲染咗天仁茗茶嗰種茶味🙈試吓其他店舖的烏龍茶反而覺得幾新鮮，叫咗少甜味道啱啱好，而且佢都幾大杯，同朋友share就最好不過！😊

又黎到雅都食野，本來諗住去樓下LC TEA買野飲，但原來已經無做，search一下，附近有功夫茶，都好吖未試過，成日聽日講佢好甜，試下係咪真。同朋友一人叫左一杯野飲，店員問使唔使袋，其實都係拎上food court 飲啫，想答唔使個陣，朋友口快快就話要，要收膠袋費之餘又浪費…一杯係奶茶，另一杯係鮮奶，朋友問點解佢個杯咁細杯，不嬲鮮奶都係用呢種矮杯，其他店都係㗎啦…講完先知原來叫左鮮奶，佢話想叫奶茶，哈哈。自己杯鐵觀音珍珠奶茶叫左無糖，淨係珍珠嘅甜味已經好甜，等到啲冰溶埋就啱啱好，茶味唔錯，除左甜啲之外其實幾好飲。朋友杯黑糖珍珠鮮奶要左少冰，奶味極濃，黑糖香甜，呢杯飲起上黎又唔覺好甜喎，可能黑糖系列都預左係咁味。整體黎講都幾好飲吖，無糖甜度就啱啱好，飲得過。

Happy Friday 補Ot，提早咗收工。行返屋企嘅時候發現開咗手作功夫茶。4點呢個時間點無乜人。即刻走過去買返杯飲下先平時多數會叫鐵觀音珍珠奶茶或者係茶王。Happy Friday 就試下啲未試過架啦睇咗menu一陣。我決定叫蜂蜜檸檬蘆薈以我多次喺某間分店買開嘅經驗。。就算無人排隊都要等成二十分鐘先會有。。。我真係好想飲呀！我等！！俾完錢行埋一邊發下呆點知4、5分鐘後，我就聽到店員叫號，我仲以為聽錯。個店員望住我，再叫一次。嘩！好驚喜5分鐘內可以拎到。讚！！我張單16:07，我拎完杯飲品望下電話睇住剛剛16:11跳到16:12，店員手腳好快！講返呢杯蜂蜜檸檬蘆薈。一個字，正點解覺得正？因為由我開始飲到飲到底都有蘆薈！真心好足料酸甜到又剛剛好，好快唔駛十分鐘我就chur哂成杯先講明，我唔係口渴。真係飲完一啖就想飲第二啖值得推介

天氣三十幾度🥵🌡，同小朋友行完街經過見到間台式飲品店新舖開張， 就買兩杯試吓。 自己就 order 咗芝士奶蓋鐵觀音🧀🧋，小朋友就order 咗水果茶王，飲品入面有西柚、蘋果🍎&橙🍊。之後等咗大概四分鐘。鐵觀音茶既底唔錯，茶有厚度。 杯芝士奶蓋鐡觀音 order 咗少甜&少冰，味道啱啱好。水果茶試飲左一啖，小朋友嗰杯冇特別叫少甜、亦冇太甜。飲完之後仲有半杯水果食🤣，都幾低飲。下次經過會再試埋其他款。