功夫點心

Open Now

Now Closed

中午和朋友三個人午膳，分別叫佐餐牌上的三款湯水，冬菇腳雞，豬𦟌雪耳，唐排xx,以及煎魚餅，流心奶黃包，咸水角，濃湯浸菜，上湯小籠包，生煎包煎環境企理，干淨，價錢實惠，但食物質素普通，生菜可能系上湯加佐花奶，菜面漂浮白色泡沫，味道雖然可以，但賣相倒胃口。咸水角同煎魚餅細細品嚐之下有少許油益味。小籠包冇汁，好處是蒸後亦可夾起，沒有穿底。但湯汁欠奉。只可飽肚，離美味還有一段距離勝在價錢實惠，免加一，連茶位人均70元。

功夫點心,號稱真功夫靚料製作用心既專門店我地今次就黎挑戰一下佢既功夫先!一個人食午餐,即點即蒸,一客XO醬金錢肚,一客豉油排骨飯茶位另計,大約十分鐘上菜,阿姐仲服務好好幫比個口罩袋我用一客飯都係$27,幾抵食,XO醬金錢肚$23連茶位費一個人消費$60左右牛肚墊底既係蘿蔔片,佢既味道偏辣,用XO醬去醃完再蒸,香辣,厚切牛肚好爽口!排骨飯賣相幾靚仔,排骨位係骨細肉多,仲搭幾條水煮青豆點綴下淋埋跟飯既甜豉油食,飯粒爽身唔會太濕,排骨夠嫩啖啖肉,數埋都有八件排骨份量價錢成正比,食物唔錯評分7/10平均消費$60北角渣華道98號地下1&2號舖Shop 1, G/F, 98 Java Road, North Point

星期六2點半去試，叫左個荷香牛仔骨飯，等左15分鐘，左右兩枱客都上到滿桌食物（佢地同我同時入坐兼落單），我問紅眼鏡阿姐個飯仲要等幾耐，佢話我果個係即叫即整，應該就有，仲叫我下次唔清楚就問佢地啲職員邊樣唔駛等！😑佢講完呢句就即刻上個飯俾我，牛仔骨又韌又柴又死咸，淨係食到成口味精，飲晒成壺茶都無用，最重要係個飯又油又生米骨！😑另一枱落order，紅眼鏡阿姐用勁清楚聲線話「呢個係即叫即整，唔好催我呀下」！隔5分鐘仲鬧另一個女食客，又勁勞氣咁同個客講話自己「好聲好氣」😑😑當日天氣34度，個場冷氣完全唔覺有開，仲望到我張枱既防疫隔板上全部都係千年污漬😑😑😑總結：服務態度差，環境污糟，唔衛生，難食，熱

因就朋友office，約咗這裡晚飯。去之前看了食評，沒有什麼期望。但進店，員工們精神斗斗，招呼服務尚算可以，制服清潔也整齊。叫了蝦餃、燒賣等幾款基本點心，都是熱辣辣出爐。蝦餃做很好，餃皮彈牙，餡脆口而飽滿、蝦和其他材料比例做得非常之好。煎蘿蔔糕好有心機，面煎得均勻的淺啡色，內香軟，少油，蘿蔔份量夠，不是一舊粉的蘿蔔糕。因之前沒有期望所以沒有拍照。最後叫了流沙包，包大大個入口滑，餡料也足。驚喜是女洗手間重本裝有一家很清涼分體冷氣。很舒適。還要改進就是，筷子可能落得太多漂水來清洗，有些黏黏的感覺。對集團式來說，覺得已有誠意改進。好應分享他們新的狀況。

每次嚟北角返工一定會幫襯呢間餐廳，蝦餃，魚蓉炸兩腸，奶黃包，牛肉球，土魷煲仔飯，煎糯米雞都係必叫美食，4個同事一臺，未等影相，已經食曬埋單都係二百零蚊，超抵食最緊要疫情期間，新鮮熱辣現蒸點心食落更加安心

噪音：收銀同樓面不斷好大聲講嘢。高分貝到我耳仔wing wing 聲。我知茶樓係噪，但係好少係d員工咁噪。衛生：另外係最重要嘅衛生問題。d點心都未到客枱，個龍已經打開咗，仲問隔離枱係唔係佢地嘅。人哋食緊野冇帶口罩，答咗你，之後又問我地，究竟係冇衛生意識定係只要快不要衛生。（唔係有字寫明枱號咩？）點食呀？食物味道：食物質素比一般茶樓好，係即做。價錢：亦比較平。總結：但係我不會再來了。唔衞生，同埋耳仔受罪。

今朝11:00想去飲茶，見嗰場冇物客，好笑叫幾個啊姐執枱都當你透明，更好笑是好似一個管理層女仕問你做物，然後叫你等陣，唔睬你，咁嘅市道咁嘅態度？激氣即走，啊姐先問你幾位，間嘢執得，高層好心想生存到就留意下以下食客留言，我永不幫襯功夫點心門既啦！

今天在北角的時候看到有功夫點心，由於天后的分店水準很高，所以二話不說進來吃午餐。進去店鋪非常多人，幾乎全場爆滿，很多老街坊已經在吃午餐。北角分店的店鋪比天后分店大。但服務嘅卻很遠，可能人手不足，點心紙要10多分鐘才有人收取。點了蝦餃和鳳凰煎糯米雞。先說糯米雞，裏面完全不熱，口感和天后分店差很遠，完全不好吃。蝦餃等你約20分鐘才來上菜非常慢。不過即叫即蒸味道還是可以的。兩個點心連茶錢最後47元。整體不過不失吧。

隻餃咬咗面嗰層已經係生嘅🙃我淨係影咗我lur出嚟嗰啖皮加少少蝦肉入面成粒生蝦shashimi，不過冇影到就比呀叔收咗喇有冇人想清腸胃？可以去功夫點心試吓佢嘅招牌生蝦餃

環境：餐廳地方闊落，我喺星期一夜晚八點去食飯，一個人坐四人枱。食物：點心質素一般——春卷太油，餡好少。蝦餃夠大件，但餃皮口感好粉，一啲都唔透明。黑椒金錢肚，牛肚尚算入味，但蘿蔔就唔入味。燒賣份量夠大，個餡有冬菇有蝦，都幾彈牙。章魚肉餅盅飯，塊肉餅得5mm 厚，一啲章魚味都冇，好彩肉餅都冇乜肥肉，有少少馬蹄，有啲到個感覺冇咁差，但係都真係好一般😥服務：真係冇乜，茶記Standard，有得揀開咩茶，有少少酒樓feel。價錢：同一般點心店差唔多，但質素比較低。總評：點心推介燒賣同金錢肚，冇得揀之下去食都可以嘅，至少坐得舒服。

好耐都冇出街啦⋯⋯好耐都冇出街食飯啊⋯⋯實在太悶啊⋯⋯頂唔順一定要喺街食下野！位於北角的💁‍♀️功夫點心🥧🧆既經濟又實惠而且最鍾意佢嘅蝦腸同埋蝦餃🙆‍♀️尤其蝦餃熱辣辣超大粒🤤蝦餃皮非常煙韌而且蝦肉非常彈牙新鮮！蝦腸每一次都係唔係咁夠熱⋯⋯希望可以改善😬但係都好好味！最主要啲蝦肉新鮮！但係最令我失望就係流沙奶皇包！每次去到都一定食流沙奶皇包！今次質素偏差！麵包同內涵都變咗！材料完全變晒！希望佢可以用返原有嘅材料去做流沙奶皇包就好啦！

每次在北角都一定會去到功夫點心因為價廉物美⋯⋯雖然位置坐得唔係咁好！要搭枱！但係咁嘅價錢我覺得已經係超值！蝦餃必食推介！蝦🦐肉爽口彈牙而且非常大粒！超水準！牛肉腸粉最愛佢係免治牛肉！牛肉非常鮮味！而且熱辣辣！春卷外皮炸得非常香脆⋯⋯而且有三條！以上都非常經濟！咁嘅價錢咁嘅味道⋯⋯超值但係以下介紹奶黃流沙奶皇包！有啲失水準！之前有流沙現在沒有！而且包質都變咗！希望有待改善⋯⋯如果回復返之前！🙆‍♀️我覺得咁嘅價錢就係超水準啦⋯⋯

今晚行經北角，見到功夫點心，諗住入去試下，坐低見到張菜單，想食大路既鳳爪（平時紅紅地色個隻），但張點心紙搵極都唔見蒸鳳爪，只見到個鮑汁鳳爪，於是搵左個姐姐問：係咪即係平時食紅紅個隻。佢話：係呀。點知叫左，上到黎。係滷水鳳爪。我未食既情況下，問佢唔係你講個隻，想換。佢即刻話整左無得換。我無奈咁食完。只係想建議鋪頭加返多d圖，服務員唔清楚都唔好是旦敷衍客人就算。

嗰日揸車肚餓去到渣華道，真係好難停車。就見到呢間野試吓啦。入到去啊姐係串串地，但唔緊要。佢真誠。仲話我擺部車門口要喺後門望住，如果唔係會趕唔切抄牌。咁我就喺後門望住自己部車，佢老闆，真係抄牌。立即嘢都唔識就衝出去，我哋都識做放低$100先。嗰條黃腳立，串過碼頭咕喱，一定要開車走，我就要直行到去東方油站右轉行返英皇道去返堡壘街，行咗一個大運先返到黎。返到嚟我叫阿姐即刻打包，為咗抗議，我特登特步泊，造成一下交通擠塞，吹漲咩！說認真有車唔好嚟呢間，好難做！

今日公司放飯，好多餐廳都排晒隊唔知食咩餐廳好，經過天后嗰條食街見到有間點心鋪就入去試吓。價錢都OK兩個人食咗大概$100。 叫咗個流沙包流沙包入邊有好多汁，過呢我嫌佢汁太杰啦所以食完有啲喉嚨痛。另外都叫咗個皮蛋瘦肉粥$14，瘦肉粥比較hey， 不過$14呢個價錢都OK啦。不過呢食咗佢一個豬肉腸粉，呢個真係唔多得啦 ，雖然佢係嗰啲好好食好滑嘅皺皮腸，不過個腸粉完全冇味道。豬肉同腸粉分離。就算落咗好多豉油同辣椒油都改變唔到佢唔好食嘅事實。