權記粉麵茶餐廳 (Closed)

都好耐未黎過位於金魚街嘅權記粉面。呢度嘅牛腩係好出名㗎，幾乎每個入嚟嘅客人都會嗌牛腩食！各行各業都變得電腦化，權記都唔例外，職員已經改用手機apps去落單啦!今日我嗌咗個牛腩米，望落去感覺都冇上一次食咁好食。飲一啖湯，果然係...湯頭偏淡而且好多肥膏浮面牛腩分量已經冇以前咁多啦。牛味都有但係味道就一般，唔似以前用咁多香料去煮，總之味道就不一樣啦......米粉份量都係一般，其實食完都肚餓。試咗佢哋嘅辣椒油，未至於香辣，感覺一般。我對面坐左一對父子，佢地叫左咖哩牛腩飯。我見佢哋嘅咖喱牛腩飯份量都偏小，絕對唔夠男士食啦

每次去金魚街買魚，都忍不住去權記，吃一碟牛孖根飯。它的牛孖根飯雖然賣相普通，但味道十分出色，牛腩汁味散發着陣陣香料的味道，包括花椒、八角、香葉、豆蔻等，層次豐富，而牛孖根製作得相信淋滑，入口即溶。去開金魚街的朋友，不妨留肚試一試。

以前權記牛腩的確係好食，不論牛腩或放在牛腩下面的蘿蔔同樣好食，見佢最近裝修完，就去幫襯一下，食返個超正的牛腩飯，去到地方的確靚左，坐低，再叫個牛腩飯食下，一黎到見到賣相都唔同左，就開始食，點知一食就知出事，和以前的牛腩完全唔同，不論口感和味道都比以前差，之後再食蘿蔔，蘿蔔好大舊，一樣和以前唔同，以前蘿蔔炆得好淋好入味，現在變了一舊襯托牛腩的普通蘿蔔，以前的招牌牛腩飯都已經變成過去式，我今晚食完後，已經唔想再去食，心裏覺得好食的食物又少左一樣。

前排見關左門，以為以後再無得食。原來係番新左。番新左之後，價錢都無咩變，反而仲多左個下午茶粉麵送熱飲。好實惠。講返野食，我叫左個牛筋水餃河。牛筋炆得好淋，好入味! 水餃好足料，好爽口。飲埋湯都唔口乾。是次消費$38，雙拼包熱飲。

前幾日覆完診經過太子，突然好想食牛筋牛腩🙈🙈🙈所以就入左去好耐無黎既權記😆之前食過呢度既炸醬麵都唔錯，不過今日係衝住筋腩河而黎所以坐低就可以即刻叫個“筋腩河走青，凍檸茶少冰呀唔該🙌”牛腩無之前咁淋，今次嚡口左啲！但牛筋依舊咁正，有膠質之餘但唔會糊口河粉係較幼身嗰種，爽滑份量夠，男仔食一碗都夠飽🙊凍檸茶就正正常常，無乜特别啦~~不過喺度既價位都偏高架，亦無乜服務可言😅😅一碗粉連凍飲埋單要hkd49🙊但味道係唔錯既，食完滿足就夠啦

一個事忙的晚上，難得地晚上十時多還在街上流連，想起有朋友說過這間「權記粉麵茶餐廳」的出品挺不錯，便和同樣地晚餐沒吃多少東西的老婆仔來到這兒食宵夜。 雖然太子是自己經常路過的地方，但這間「權記粉麵茶餐廳」，我雖然多次經過，卻總是過門而不入，這次還是第一次來到，那就叫一碗大堆頭，大製作的「招牌牛三實河」（$43）吧！牛三寶，所指的是牛腩、牛筋和牛肚，牛筋是不錯的，膠質重，口感腍；牛肚不過不失，正正常常，我不旭形容它差，但也找不出它特別比人優勝的地方；牛腩可是最失望的，肉質未至於粗嚡，但極瘦，根本找不到任何肥的部分，完全缺少了脂膏的牛腩，試問又怎會好吃呢？而且牛味也不甚濃，確是令自己頗為失望，不過這河粉份量不少，湯底也算可以，還有大量青蔥，整體來說都算過得去。 也許，我這次是來得太晚吧，好的牛腩都已給早前的客人吃了；也許，我應該試試友人曾讚好過的牛雜吧！

金魚街是水族迷的聖地，這天陪老公購買陸龜用品後，便到這家權記粉麵開餐。老公極力推介的這家，是金魚街唯一的麵店，水準卻是同區數一數二的。街坊麵店的格局，除粉麵外也有茶餐碟頭飯，集麵店茶記於一身。老公每次必點招牌牛腩河拼雲吞($39)，肥瘦勻稱的牛腩帶一點牛脂，鬆化軟稔，牛味亦相對較濃，而雲吞則食味平平。腩汁五香味不算明顯，勝在牛味濃郁，配滑溜河粉同吃確是不錯。不好牛腩的我，選了金牌牛什河($31)。牛什份量不少，牛肚、牛肺、牛膀炆得稔滑入味，有一定水準，有一、兩片粉腸帶點苦澀，是不太新鮮之故，敗筆。兩碗粉麵搭配油菜，才不到八十元，價格實在是親民得很，不失為水族迷的開飯首選。

牛雜的鹵水五香料足味, 燘煮得夠火喉及入味，牛肚諗中帶爽、腸不太肥膩, 其他內臟處理得頗算乾淨, 沒有異味, 整體賣相感覺尚可,  而麵條都彈牙夠爽，湯底的味道夠濃夠熱, 但稍嫌略帶咸。

星期六同朋友去了旺角, 食晏時候諗住去附近的餐廳, 點知俾那惡劣環境嚇退了, 朋友突然話不如去食麵, 咁就行左過嚟呢間茶餐廳呀.12點幾都好多人, 我們坐卡位, 見有牛三寶, 諗住叫呢個, 但朋友提議不如每人叫一個牛孖寶, 撈埋一齊咪變左牛三寶囉, 仲可以每人慳了三元. 我叫牛腩拼牛肚, 朋友就食牛腩拼牛筋, 同樣跟米粉. 另外, 我叫左杯凍檸樂添.好快到, 碗麵好大碗, 蔥另外用匙羹上. 夠細心. 牛腩我沒有叫肥的, 不過都肥肥地啦, 好淋身, 好好味呀, 牛肚都爽口, 朋友俾左D牛筋我, 都好爽口呀, 好味道. 個湯都好入味, 好香, 唔算好濃. 凍檸樂分開上的, 一罐可樂, 然後成杯凍及幾片檸檬, 夠晒凍呀.

聽朋友介紹話呢間牛腩好食，真係名不虛傳喎，牛腩很濃味，啖啖肉又夠林，吾太肥吾太瘦，麵質又彈牙，果然好好味，係我食過之中最好味o既牛腩，以後食牛腩都會黎呢到，下次可以試牛腩飯呢

呢間權記粉麵食物質素幾好環境一般,茶記隔局吾好有期望,食物上得快我點左炸蝦丸,同腩什河炸蝦餃出面好鬆脆,入面熱辣辣得黎充滿蝦同豬肉,點沙律醬好正腩什河,湯底牛味好入味,河粉若粗身D更好,牛腩同牛什都醃得好正,好爽口入味,推介而且份量都算OK多,十分滿意若果話邊樣一定要試,我會同大家講係牛腩

牛腩，很多人的至愛食品之一，但好吃的愈黎愈少啦。推介呢間不起眼的茶餐廳先。 呢間牛腩係食過數一數二的，一個招牌牛腩盛為 50元加凍飲，價錢任何時間都一樣的。不便宜啦，但真的好吃。牛腩之外仲有很多蘿蔔，滿滿的，女生會吃唔晒，牛腩蘿蔔都好入味。牛腩是有點肥，咁先香口，怕肥的話可只肉的部分。 奶茶水準也好，有茶味不太澀不太甜。當然叫得茶餐廳，環境好一般，哈哈

看完電影後便四周逛逛四點還吃不了晚餐所以點了些不會很飽的食物.叫了個牛三寶河河粉一到.估唔到咁大碗,三寶的份量都幾多裡頭有牛腩、牛肚、牛筋,這個牛三寶超好吃的牛腩肉汁豐富,一入口是濃濃的牛肉香,牛筋都滷得很軟嫩可口牛肚是金錢肚也是脆有咬勁,配合鹵水汁的香濃,鹹中帶甜湯底都好好,香濃既牛腩汁很鮮甜不油膩,河粉切得幼, 好滑呢間小店比我既感覺真係幾好食! 下次經過都可以再食~

上網睇食評話d牛腩好味，就去試下，叫個牛腩粉，賣相 ...嚇死人,亂放幾件肥到死既牛腩，肥膏與肉既黃金比例，8：2 ,失望，還收$26，不知所謂，超味精湯底，喊到呢..... 見到隔離有人叫咖哩牛腩飯，一睇 ，好彩無叫 ，咖哩汁似水，牛腩幾舊，要$3x,試過就算，無下次

我的评价标准（5分最高）：模式 》 茶餐廳环境/装修 》 3环境/感觉 》 1味道 》 4对比同行特色 》 1服务 》 2.5性价比 》 4.5简评： 最高手的牛腩，原來在這裏愛吃牛腩，九記令我駡娘，新仙非常不穩定，最近有食壇高手說權記有料到。。。諷刺是，就在我家附近，我時常經過看到那一堆一堆的牛腩，都覺得有料到，但就沒有去試試。。。這裏牛腩才$25一碗，跟30多40多的市場價格嚴重脫節，然而，這個是感覺有料到的一部分。。。叫了簡單的招牌牛腩+河粉，牛腩分量合理，而且肥瘦兼備，其他名牌店又韧又嗤牙的瘦肉，這裏又軟又綿，那幾塊肥瘦夾雜的，天，牛味脂肪味源源不絕，我終於吃到夢中的牛腩了！下次試試更招牌的牛三寶，如果試三次都水準穩定得話，這裏可以封王了。顶尖的高手，一般都不是武林盟主。****************************今天第二次光顾，叫了招牌牛腩饭，要柠蜜，$42，二次评价如下：1）牛腩分量非常足，到了吃不完的地步2）仍然很软，但是小鞋，不过，你几十块的餐有这样的水平，重想点先？3）瘦中有肥，仍然很有牛味水准稳定，暂时封王，时常来吃！