孔夫子 (旭逸酒店．銅鑼灣) (Closed)

放假搵地方飲茶，在OpenRice訂位，有折扣。地方整潔，景觀開陽，枱與枱中間有相當距離。上菜速度快，店員招呼周到，上枱的食物夠熱度。隨脆炸蝦卷上的小碟沙律醬裏有一條頭髮，放棄沙律醬，沒有反映給店員，希望以後注意一點。整體滿意，只是大部份點心都偏鹹，希望下次再光顧時，鹽的份量輕手一點。推介食物：煎墨魚餅，桂花燉雪梨。

只能說好大差別跟觀塘店(已到過2次非常好的體驗好食服務又好)今次試灣仔鋪, 竟然咁惡劣!!! 還未出LIFT有位女侍應已經"安心出行安心出行安心出行"你DO左未你DO左未........ 差一步才出Lift呀小姐~ 已經扣分!結果還被安排坐在全店的角落 ~ 已在OpenRice訂座時Remarked ~ 你話盡量安排, okok~ 做不到!!! 我們一行3人當日入座為下午2時, 2時15分女侍應表示本店 2時30分截單, 可以"放寬"我們坐到3時半 (係呀佢話"放寬"呀, 咩事飲茶也要你"放寬"咁大件事?) 點了10款點心~ 當中的炸物油到不得之了~ 每款也試了一件再不能吃下去, 太油! 蒸的點心還可以~ 由於時間太緊迫(心理上) 那就快快手吃掉部分就算數了~ 男侍應準時3時就遞上結單 (但他好好禮貌地表明你們慢慢坐飲多啖茶也可) ........但是.......我在OpenRice 訂明要貴鋪最出名既"鮮果拿破崙千層酥"呢?? 你說看不到remark!!!又算數~ 最後不得不稱讚你們完美地破壞母親大人的生日午茶!  一個坐在暗黑角落的午餐!!! 

孔夫子環境清靜，裝修清雅，菜式精緻，小菜和點心俱佳，服務周到。三人行點了兩位套餐再加鮑翅和一些點心，份量剛好。順德生拆魚蓉羹 非常出色，上桌熱騰騰，濃魚湯夾著啖啖魚蓉，正! 咕嚕黑毛豬 肉質鬆化 用鮮菠蘿炒 酸甜醒胃;甜品是楊枝甘露 滿是芒果肉 絕冇欺場。鮑翅足料有圖為證 ，我就不在此多說了。至於其他點心樣樣都好食，蝦餃燒賣新鮮足料彈牙，啤梨鹹水角裏面樣樣有鮑魚豬肉粒，金剛鵝肝鮮蝦卷配薯仔沙律醬 鵝肝唔係幾覺有 但相當脆口惹味。

歡送好友聚餐🥰姊妹推介於旭逸酒店內的中菜"孔夫子"🤨睇番網上介紹才知道原來是(山東)新派孔府菜🤔究竟吃什麼呢？有機會一試🤗在點菜之際，經理好熱誠地推介特別菜式😒筍殼魚湯🙄前菜冷盤鮑魚...🤭仲話包你哋吃到"嘩...嘩...聲"🙄即管試試看...😏😳😳😱又真係冇講錯🤭看著經理送上菜式親自料理，像在表演雜耍的...果然枱上傳來“嘩...嘩...聲"😆👏🏼👏🏼🤣大開眼戒😁其實有好幾款菜式都係啲gimmick嘢👀吸睛📸🎞📽 雖然有啲菜式價格太高... 經網上訂位全單八折優惠🧐折扣後平均價晚餐價錢又差不多😅整體而言...用餐體驗感覺良好😊餐廳服務不錯，只是場內燈光比較暗而且枱數不多，食物質素都ok..好味道😋餸菜大件兼飽肚😂只是略嫌甜品...糖水(茶杯size)份量過少，價格太昂貴🤔公道說句...都好味嘅😋🤤❤推介生磨合桃露湯圓👍🏻👍🏻🤤

位於灣仔摩理臣山道嘅旭逸酒店，其實位置唔多方便，不過今日經過附近見開咗間新中菜館，就上去試吓！黑毛豬叉燒包餡料比較甜最初見到竉蝦餃上枱嘅時候，以為啲皮好厚，點知食落去層皮厚薄適中而且蝦肉好爽依家好多酒樓都有呢類造型點心，呢個鹹水角啲餡OK，但外層太厚，食完一粒都覺得飽瑤柱灌湯餃都幾足料上湯牛肉球比較有驚喜，牛肉做到彈牙嘅口感加上湯感覺冇咁肥膩埋單兩個人食咗三百幾蚊，食物質素普普通通，不過員工服務態度很好，會主動為顧客添茶，亦會問顧客對食物嘅滿意度。

我們選擇了$388的套餐，在OpenRice預訂有七五折。四扣碗有陳醋水晶肴肉，黃金鍋巴，黑毛豬叉燒，深山小雲耳，前菜係每位上一份的形式，黃金鍋巴好有蛋黃味好香，叉燒好淋。三套湯，呢個湯既飲法比較特別，係用紫砂茶壺倒落一個小杯享用，有點奇怪不過入鄉隨俗，就試試呢個喝湯的方法。不過用一個小碗來喝的確要花一點時間，加上佢係你食完每一道菜先會上另一道，我地都倒左差不多八次先喝完這個湯。如果可以湯品仍在枱面，再每一道咁上菜會更好。終於飲完湯，佢上第一道菜，係翡翠桂魚球，魚煎得十分香，不錯。第二道菜式是咕嚕黑毛豬。只可以說咕嚕不是我喜歡的那種脆脆的口感，但是整體味道也很好味。第三道菜式是蟹肉扒菜苗，係用菠菜加蟹炒的，蟹肉十分鮮甜。第四道菜是蘆筍黑松露炒絲苗。這個一上菜的時候有很香的黑松露味，而且飯粒粒分明。最後是香芒玉露，我覺得這個香芒玉露係整個套餐令我留下最深刻的印象，因為店員話係用全生果來製作的，並沒有糖及添加其他東西，例如花奶等等。最後店員收起甜品的時候說原來甜品也有加蜜瓜去製作的。OpenRice買卷有七五折，所以我覺得這個套餐是值得一試的。

今日同一班同事加大老闆一齊食lunch，原本冇咩期望，反正都係老闆俾錢，我哋想食咩都冇得揀，但由上第一個點心-蝦餃開始，就已經令人喜出望外，之後每個點心同每道菜都好好食，無論賣相或味道都無可挑剔，坐我隔離位嘅同事都話見我食得好開心😆最後到甜品芒果露都一樣正，甜度啱啱好！由於每樣嘢都太好食，掛住食😝，我一張相都冇影到，但真心推介👍🏻。一分錢一分貨，價錢係偏貴，但無論食物同環境都好高質，服務亦唔錯。好少可打咁多字，但呢間值得花時間推介！

山東省 我曾去過數次 對魯菜 印象沒有 川菜 粵菜般好 在港更從未嘗過 近日灣仔 旭逸酒店 新開了 山東菜食府 孔夫子 昨晚便去試 名菜 點了個套餐 每位$588+10% 算是餐牌上 最貴的餐 💰💰黑毛豬叉燒 艷影大蝦球 🦐🦐叉燒調味適中 肉質軟糯 但稍微有少少咬口 但我喜歡這樣的 太軟反而沒有口感 🐷🐷大蝦球 外皮酥脆 鋪上 檸檬味醬汁 却不會搶去 蝦球鮮味 上桌時熱燙的 超正 🦐🦐銅鍋火山石爆荀殼魚 🐟🐟算是店家招牌菜 用火山石春 燒熱後 放銅鍋內 再放生的 筍殼魚肉 再倒入已淆好嘅魚濃湯 即時渣渣聲 湧出大煙 再加蓋焗一會 即成 湯頭濃郁 魚肉嫩滑 極致美味 喝後也沒口渴感 😋😋翡翠花菇扣活鮑 😋😋這道菜必須讚賞 看名稱應理解為 新鮮鮑魚 入口時像 炆了久久的 乾飽一樣 還有糖心的感覺 花菇也是頂級的 非常入味 🍄🍄雞㙡菌炒帶子桂花蚌 🫑🫑雞㙡菌味道 比茶樹菇鮮甜 帶子鮮嫩 桂花蚌爽脆 廚子手工了得 調味恰到好處 👨‍🍳👨‍🍳花膠絲浸菜苗 😍😍將花膠 雲耳 切成絲 配上幼嫩 菠菜苗 用上湯煮起 感覺清新 🥬🥬菌皇炆伊麵 秘製陳皮燉雪梨 🍊🍊伊麵炆的入味 不太咸 不太油 甜品雪梨

之前去過孔夫子的觀塘分店用膳,  覺得很有特色及環境坐得舒服, 食物質素不錯, 所以知道它的銅鑼灣分店開張, 趁著有開張優惠, 就去試下先. 它是在旭逸酒店.銅鑼灣一樓, 由銅鑼灣地鐵站時代廣場出步行約十分鐘左右便到. 因為巳經訂座, 一入去就可以坐下, 不用等候. 這間餐廳比觀塘那間細, 男女廁所各有一格, 但都一樣整潔, 坐得舒服. 要讚一讚的是侍應的服務態度良好,  招呼周到. 例如見到茶很濃, 就主動幫忙加水. 另外, 它的茶壺下有火去燒住, 不怕水涼了要搵侍應加熱. 這裏出名的是烤肉小菜, 當然要點個黑毛豬叉燒品嚐(價錢係貴了一點). 除了各式小菜, 還有點心, 甜品及套餐可供選擇.  點餐後不用等太耐就有得吃了. 首先來個鮮蝦菜苗餃, 蝦好鮮甜, 裏面有很多菜苗, 份量十足. 之後上的鮮茄勝瓜魚片魚湯烏冬, 味道配搭不錯, 魚片非常滑溜, 一點都不"鞋口", 烏冬就彈牙爽口. 至於蒜蓉炒時蔬的那道菜, 白菜很嫩又有蒜蓉味, 一點都不油膩. 跟著上的黑毛豬叉燒, 肥瘦適中, 入口很軟熟, 加上有火在碟下面燒住, 就算放上一段時間都是暖暖的,  叉燒那麼惹味, 當然要叫多籠黑毛

朝早响酒店前轉巴士，發現酒店開咗間中菜廳，個名幾特別，叫「孔夫子」。趁開張就一家人黎試下。環境ok, 不過地方唔大，有一面特色牆，好似古裝書咁刻咗論語。另一面大玻璃，好光猛。諗住飲茶食點心，不過點心嘅選擇實在非常有限。叫咗蝦餃、燒賣、义燒包和排骨，仲有煎腸粉。食物質素ok, 不過無咩驚喜，但價錢亦唔算平。特別啲係銅盤生焗桂花魚球飯，成盤攞出黎上枱先煎開上面嘅鍚紙，夠晒熱辣辣。桂花魚球蒸得剛剛好，好滑！係成餐最出色啲食物！整體來講，中價酒店價錢，點心款式有限，食物質素ok, 環境幾好，服務都ok. 可是，呢個質素，再加上呢個價錢，附近實在有太多選擇，响宜家時勢開業，真係要加把勁，努力提高競爭力先得啦！🤣