孔夫子 (Club East洞天) (Closed)

收爐午飯梗係要食豪啲！９個女仔叫咗一大枱點心，第一時間就係影低「壯觀景象」小妹應為呢度係觀塘區性價比最高的酒樓，因為　１）枱與枱之間空間十足，採光度高，感覺好舒服；　２）點心即叫即蒸，六角型蒸籠比傳統圓型蒸籠更易擺放，而且用油不算多；　３）價錢不高，什至比鱷魚恤大廈那些還要便宜。今次點心外加了些風味菜。。。＊醋汁水晶餚肉，醋味剛好，肉質結實＊孔門烤豬件，皮下沒什麼脂肪，皮脆肉軟，必吃＊沙薑雞飯，雞油不足，香味不夠，今天唯一吃剩的菜

七點半入場，俾張枱已經夠細，仲要係唔穩嘅，要即場用紙仔平衡返已經好難睇食飯仲激氣，叫完半個鐘得一個餸到，一個鐘之後主食都係未到，追單時員工同你講，你張枱放唔落，所以飯啊面啊都係未整架!?真係多謝你咁關心張枱放唔落令到我坐左一個鐘都未食飽囉最後全部野食係起一個半鐘之後先到齊，我極懷疑呢間野嘅好評都係買返黎，未決定嘅人，推薦去第二間食啦

－連兩日共打８通電話訂枱，全部冇人聽｡留言又唔回覆｡到walk-in食晚餐，又問你有冇訂枱？？？冇訂枱唔好意思，冇枱喇｡我忍唔住問：其實点先訂到枱呢？打親電話都冇人聽！佢仲好意思答你忙緊嗰陣我地係唔聽電話架｡我話，咁你地都要复留言架！！！電話唔聽，留言唔复，walk-in黎到第－句就問你有冇book枱架？我都好想知點先book到張枱呀！而家我成家人有老有嫩係apm其他餐廳成個鐘都未有枱食飯，真係多謝晒孔夫子呀！

大年初三約了全軟人茶聚，唔想搵啲連鎖酒樓，就上網搵咗呢間工廈區🏭附近嘅酒樓！呢間環境同服務口碑都唔錯，打電話去訂位，早一日會有店員打電話確認！準時到去到門口真係幾驚喜，簡約中式裝修一啲都唔俗氣，新年裝飾都唔會好娘，桌椅唔迫，細節位竹簡卷軸📜裝飾！幾舒服又唔嘈吵！點心同平時見嘅之外，仲有啲特色款式！分幾次人齊點餐，即叫即做茗茶（$12/位）叫了香片同普洱，都好香濃，而且唔夠味，店員可以沖過一壺！生拆鮮蝦餃（$50/3粒）無食！6角形蒸籠幾得意！上海小籠包（$38/3粒）皮比較厚，湯汁都幾多！味道清甜，豬肉餡幾滑！好味！鮮蝦豆苗餃（$38/3粒）賣相幾靚！無食！孔府招牌腸粉（$42）賣相靚，另上豉油濃香，腸粉皮軟滑，好粗碌，入面有炸脆網脆脆口感，加上爽脆蔬菜絲，炆得入味嘅冬菇絲！好味XO醬煎腸粉（$58）索晒甜豉油味，腸粉煙韌好味！黃金鍋巴（$46）鍋巴香脆，鹹蛋黃沙沙的薄薄包裹鍋巴，唔知點解食嘅時候有牛油曲奇嘅味道充滿口中！好味脆皮茄子（$46）金錢形狀，炸漿薄脆，茄子軟身，少少彈牙，有南乳醬，鹹香好味！脆炸南乳肉（$43）船形竹籃幾靚，炸漿薄脆，鹹肉片鹹香有肉汁！好味！孔門抄手（$46

☆附上當日影片手機版(有可能)看不到, 如要睇片可坐定定在大電腦前收看☆ 時間差不多兩個月今次再訪專誠是為來吃晚飯,老人家臨近生日、所以 家人早早已預訂一枱，來一個生日家加團年飯的晚上。。。 可能由於星期日,加上年近歲晚六時左右已開始人潮漸起、 被安排於餐廳的內堂， 感覺上有點點兒焗、 不過由於近日實在寒冷，所以這個感覺很快就隨之而消失~ Ipad落單已不是今時興起的事， 簡單方便不過為何沒有一條龍直接落單？ 感覺上內地的飲食潮流更勝香港~ 晚市比午市更為講究， 每位都有一張接得細心餐巾、 點菜這個重要任務 ,通常我只會翻一翻就會遞給身邊人 、而我這個小人物只會帶上一張嘴來吃便已足夠~ 一碟細小的麻辣鍋筍HK$46. 前菜揭開了今餐的飯局, 面頭爆過的花椒樣貌雖然嚇到人 、但其實夾上底層煎鍋筍， 麻辣度比想像更低 、香而不麻 ，味道上算適合大眾化~ 這碟鈴鐺丸子HK$92. 講真我真是吃不出它的好味與否， 硬要描述的話只可說是(香口)的一味食物~ 京蔥羊肉HJ$128. 京蔥加上羊肉 配上鑊氣滿滿的手勢， 哪有不好吃的道理？ 上次中午時間來到只剩餘 一份的孔門烤豬件HK$148. 今

觀塘區，有名嘅貴價酒樓不少，工廠大廈嘅特色餐廳亦蠻多，但偏偏喺工廠大廈而走高格調嘅酒樓，就只有「孔夫子」。聞其名，都覺得有點與眾不同，是否食孔府菜？我也沒有深究，不過點心確實非常精緻，令人賞心悅目！😌 份量少少，幾位女士，就可以多點幾款來試試，但如果一大班人呢，就連炒粉麵也細得不夠分了⋯⋯另外，這裡抽風系統，真係要改善一下，這次用膳，後面有一枱食廚師在旁即炒的東東，頓時周圍都充滿油煙味🤢⋯⋯ 令本極具格調嘅地方，即刻降’呢’！

聽型仔老闆推介呢間餐廳好耐，終於可以試下啦⋯⋯為左呢個飯局我獻出我嘅第一次......😅😅😅寫食評.........其實觀塘商業區都變左唔少，多左好多商厦，我已經唔認得路。路痴嘅我跟住幾個型男，由港鐵站行過去大約要5分鐘路程！成晚嘅人客都多，不過又唔會好嘈吵。所有嘅食物都妤好味⋯⋯總括，「孔夫子」係一個好好嘅同三五好友聚會既地方👍🏻👍🏻👍🏻👍🏻

朋友介紹話好食，所以同老公二人來吃晚飯試食，因為想找間菜館同家人做節。不知是否點錯菜。只覺得一般般。菜有點咸，魚上枱已不太熱而且超多骨，不太建議點，而且除了有點花椒味外，基本上無味。小吃沙薑五香豬膝肉質煙韌,味道不錯。甜品試了，酒釀桂花湯丸🍡都算不錯，夠熱有酒釀桂花糖水味，湯丸也很好吃！下次還會再來，若仍是一樣，應該不會再幫襯了。

《食玩焗煮遊世界》孔丘，後代敬稱孔子或孔夫子。生於魯國，為魯國的教育家與哲學家。魯菜是中國四大名菜之一，用孔夫子命名確實相當適合。什麼是孔府菜？ 小妹都係第一次食。麻辣萵筍，少少辣、少少麻，最難忘係萵筍既爽脆。黃金鍋巴，咸香脆剛剛好。黑毛豬做既叉燒，肥瘦適中。片皮鴨則平平無奇。孔門牛肋排不得了，煮得好淋，肉質鬆化，肉味好香。順德魚蓉羹都好好味。最失色是咕嚕肉，粉多過肉。overall, 7個人，$1300埋單！😱 平過大排檔#孔夫子 #魯菜 #孔府菜

上班地區附近的中菜廳不多，坐得舒服就更少。遇著年尾老闆請整team人吃午飯，有預算當然選間好的，新開的孔夫子似乎大家都有興趣，就訂了張十多人大枱。孔夫子位於Club east大廈，裝潢十分氣派，餐具都別出心裁，環境方便絕對沒有令人失望。黃金咸蛋窩巴、沙律蝦脆筒點了近十多款點心，其中一道較特別的就是黃金咸蛋窩巴。香口的脆米沾上咸蛋漿，作為餐前小食，嘆一口茶就很不錯。新式炸點之一的沙律蝦脆筒也挺好吃，沙律醬更混了些wasabi，不消一會便被掃清。XO醬煎腸粉、蜜汁黑毛豬叉燒包煎腸粉雖不是什麼特別點心，但這裏的做得的確不錯。外皮沒有煎焦同時腸粉能保持柔軟，XO醬也沾得均勻。叉燒包也不普通，醬汁不會咸甜度平衡，叉燒粒肉味特別濃，吃得出與平時普通茶樓的有明顯分別。生拆鮮蝦餃皇、孔夫子特製腸粉不得不讚的是這裏的鮮蝦餃，內餡紮實程度是近來吃過最好的，蝦肉和豬肉分配平均，吃一顆絕對不夠。孔夫子特製腸粉的餡料特別，有脆炸、紅心蘿蔔絲和筍絲，看起來別緻，吃起來都層次滿滿。片皮鴨本是只有晚市提供的片皮鴨，亦可以特別提前預訂午市享用，並提供二食選擇。鴨皮件當然是即場原隻刀片，可是侍應刀工稍欠，成品賣相不行。鴨

開開心心地與家人飲個2018年元旦茶！每年都太遲訂枱，反而造就了我們試新餐廳。今年來到觀塘區的孔夫子。食物環境都不錯，空間寬敞，個別侍應服務到位。要挑剔的話就是室內回音較大，有點嘈雜，可能是樓底較矮的關係。* 生拆鮮蝦餃皇 * 外層少許油光，餃皮Q彈，煙韌度適中。餡料中規中矩。味道不錯。* 帶子豆苗餃 * 餃皮與蝦餃皇一樣。餡料鮮甜。可以一試。* 腿茸蘿蔔絲酥 * 酥皮鬆化，蘿蔔絲餡調味適中。綜合口感很好。* 櫻花蝦煎鍋貼 * 正正常常。櫻花蝦沒有加太多分。* 陳皮牛肉球 * 普普通通，吃不出陳皮味。* 孔府招牌腸粉 * 大讚。滑溜腸粉皮加上脆脆餡，口感一流。* 流心奶皇包 * 流心餡不過份稀，味道濃，不錯。* 黑蒜蒸燒賣 * 每一粒燒賣有一小塊黑蒜，因為黑蒜較甜，所以大細剛好。相比一般的燒賣，味道新奇。* 合桃馬拉糕 * 眾多點心中，這個較為遜色。沒有馬拉糕的口感，而且很油膩。* 爽清薑汁糕 * 薑味濃度尚可，個人喜歡更薑一點。糕身不削，夠煙韌。

在觀塘這個人煙稠密之地，酒樓多位置多不見寬敞。唯獨這兒不同，空間感十足，令人能好好享受邊吃點心邊和同事聊聊～　孔夫子雖是鲁菜館，中午供應的可是頗有特色的廣東點心。賣相美美，味道不俗，能做到－　賞心、悅目、飽腹！＊麻辣萵筍：扭麻花賣相討好之餘亦增加萵筍的脆口感，麻辣亦是點到即止，是一道清新的開胃菜＊千層素鵝：的的式式如一口酥，鹵汁味十足，沒油膩感，亦是推介的前菜＊黃金鍋巴：人總是不能抗拒邪惡分子的誘惑，鹹香的蛋黃包裹著脆炸的鍋巴，誰能不要這夥金磚＊「炸兩」：一時間忘了名字，內有很多素菜，包括紅菜頭，一試無妨。並他熱點心是用六角型的籠子盛來，好像能在桌上砌走一塊七巧板似的，很好玩～不能不是，午餐時段也不忘把餐巾摺成荷花模樣，茶壺採用長咀設計，不易倒翻茶水，足見餐廳的細心　

☆附上當日之影片☆一年容易又過冬, 今年選擇上觀塘區之一間商 業大廈來共膳、 當親人給我發地址時已感覺甚為吊腳， 幸好有偉大的google GPS帶路、 難道接近零 ，所以學鬼婆話齋我可以唔要老公、但唔可以唔要Google。。。上到酒樓一開𨋢門給我的感覺便是裝修完全落足心思與功夫， 枱與枱之間完全冇擠迫度、 視野更為廣闊， 由於早已訂位所以完全冇等位之需要、 一圍八席中午飯就這樣開始~由店家名稱可以構想得到, 全面以中式裝修 入目 、所以設計上亦都感覺到不少一些心思擺位, 好了齊人準備開餐。。。孔府招牌腸粉HK$38. 聽其名不知其物，故此要來試試原來是一個素腸粉不過頗有心思、 入口腸粉皮內包上脆脆的炸皮，恍如網紋春卷皮蠻特別~至於另一款鹵水豬腳仔HK$68 就鹵得相當入味， 肉地非常之稔 、席間老人家非常喜愛~生拆鮮蝦餃皇HK$48 其實吃在口中亦都不知是生拆亦或是一批批交來貨色， 不過爽口度絕無質疑、 如果要挑剔就可能是蝦餃皮部分較為厚身一點~這份黑毛豬叉燒包HK$32. 絕對可以算為有讚冇彈內餡肉香味美, 選擇上之肉質部份亦不過於嚡口~這份孔門烤豬件HK$138. 就可算是全枱最

誤打誤撞行左去熟食市場附近，但因為太多人所以朋友提議到對面睇下有乜食。本身想試試4樓西餐廳，但咁啱被包場無得食～結果就變左食中菜。呢度裝修德體，擺設貼合菜館主題，但價錢卻同外面酒樓單點菜差不多。呢樣都唔係重點⋯重點係：味道唔錯，擺碟有誠意，服務亦很好。四個人叫左八樣野，食到好夠飽⋯ 我已經打算下次家庭聚餐會建議來呢度食第一樣來到既係這 素卷 三小件。 味道算中上。惟獨是不太夠熱。本身叫左叉燒（聽講好好味），但沽清轉左燒豬，但都好好味！ 皮脆脂肪爽口又香，配搭青瓜供解膩，很貼心我都唔記得左菜名。 但幾好味 外皮酥脆，內裡不油膩，醬汁同主體都match。（連旁邊黑醋沙律菜都好味）魚肉羮，好像濃郁版魚湯一樣，有鮮甜魚味。每啖都會有配料，有口感。呢個 牛肋排 真係超級驚喜，炆得夠淋，醬汁夠味。加埋上面配料，十分美味！ 推介仲叫左個蒜炒白菜仔同乾燒伊麵，味道中上，賣相無乜特別所以無影相最後，甜品有 薑汁紅棗糕 同 黑糖糕兩隻糕點都好夠口感，我個人比較喜歡紅棗糕的甜度。黑糖糕似厚實版白糖糕，都幾好味，但略甜。整體來講，呢餐我都幾滿意

12/12/2017第一次俾評語，因為朋友們生日佢地都中意食中菜，睇open rice介紹見到哩間餐廳，見到環境幾好同d菜式唔錯就去試下。因為我帶左兩個旦糕去，所以一去到已經問帶位既職員切餅收費，個職員都唔係好清楚見佢問左其他兩個同事，最後就同我講切兩個都係收$150。野食方面都覺得幾好食，係D較精緻既菜式，環境唔錯，可能新開，眼見唔超過10台客，所以都好靜可以慢慢同朋友傾計，不過無咩冷氣太焗。最後埋單既時間，見到張單收左$300切餅費，就再問其他職員，因為帶位個個應該收左工，之後佢地個經理出黎同我地講話切旦糕之前已經問咗我哋清唔清楚有切餅費， 咁我話當然清楚啦，因為我一入嚟嘅時候已經問咗佢哋職員， 跟住個經理仍然不停同我喺度爭拗， 因為我係一個孕婦， 同個經理交接期間 個場太焗我已經出曬汗， 我唔想繼續同佢爭拗，所以我話算啦咁我俾$300切餅費，咁我埋咗張單佢，佢最後就減咗我$150切餅費。其實如果一開始帶位嗰位職員同我講清楚就唔會有咁嘅誤會， 佢餐牌亦都說明有切餅費係明白既，但冇清楚說明每個， 最嬲嘅係我叫個經理無打電話問清楚個同事， 處理方法欠佳， 因為懷孕容易出汗嘅關係，落到樓