棋子燒鵝 (平田商場)

Open Now

Now Closed

Good services ,Nice Chinese roasted goose @Prince Edward..I went to a restaurant called "Ki'son Roasted Goose"(棋子燒鵝)located in Shop 202, 2/F, Ping Tin Shopping Centre, 23 On Tin Street, Lam Tin藍田安田街23號平田商場2樓202號舖..this restaurant specializes in various chinese BBQ protein."Roasted goose "燒鵝（例牌）HKD$148.The signature dish of this restaurant.the skin is crispy and crunchy.with a nice hint of smokey flavour.with scrumptious,luscious fat between the skin and meat..can pairing with the vermicelli or

今日試左位於藍田平田商場嘅棋子燒鵝廚窗掛起隻隻燒鵝燒味，望落已經令人垂涎🤤套餐內容豐富而價錢吸引二人套餐只需$218，相當親民👍🏻棋子燒鵝例牌店員表示可以選擇上莊或下莊，因為想食燒鵝髀所以選了下莊燒鵝色澤油亮，入口即嘗到油脂香味，表皮略脆，帶點炭火或荔枝木的煙燻風味燒鵝髀肉質結實啖啖肉，十分滿足🍗鵝腩部位較多油脂，味道更為濃郁豐富燒鵝整體口感與味道都相當有層次😋店面亦有提供酸梅醬，以酸甜味道配搭燒鵝單拼叉燒叉燒色澤均勻，肥瘦適中入口時叉燒仍然微暖，蜜味較重厚切但口感軟腍，肉質嫩口唔乾🥬郊外油菜(菜心)平時食燒味較少留意伴菜但今次食到的菜心頗為爽甜無渣，令伴碟的蠔油顯得多餘總結而言，燒鵝優質好味，套餐份量十足，價廉物美、值得推薦❤️

今日同屋企人去左～棋子燒鵝～食晚飯，呢度嘅豐富二人餐真係非常豐富，我地加多個小食手撕雞，3個人食到好飽。棋子燒鵝同燒味，例牌既份量好足，賣相超吸引。燒鵝外皮酥脆，肉質嫩滑多汁，香味濃郁，係我食過既燒鵝頭幾名。叉燒肥瘦均勻，色澤金黄，切片均勻。油菜菜心，蔬菜爽脆，營養健康。啲餸餸飯一流。早知試埋佢個例湯啦，叫左先見到隔離碗湯好精神。鴛鴦手撕雞，雞肉鮮嫩，配上兩款不同嘅醬，一款少辣一款鹽焗香，滋味十足。一定會再黎食😋。

棋子燒鵝 主打燒鵝臘味🪿今晚來左食晚餐晚市除咗有燒味之外、更有小炒、粉麵提供來到當然要叫返個五寶飯跟有燒鵝、叉燒、油雞、紅腸、鹹蛋一次過可以食幾多款自家製燒味最喜歡個燒鵝皮夠香脆肉嫩💗叉燒炒滑蛋飯厚身叉燒配上即炒嘅滑蛋～撈飯一流另外仲叫咗個燒腩仔🐖肥瘦均勻～超香脆香辣手撕雞🐓係唔錯嘅選擇👏🏻惹味又開胃飲品叫左凍奶茶、凍咖啡🤩跟餐仲送左足料例湯📍藍田安田街23號平田商場2樓202號舖#相机食先 #手机食先 #美食博主 #香港美食 #香港探店 #香港旅游攻略 #香港旅游好去处 #香港美食推荐 #香港旅游攻略 #棋子燒鵝 #燒味 #藍田 #尖沙咀 #香港美食 #香港燒味

棋子燒鵝有好多間分店，一直都好想試，今日順道一試。有例湯送，熱辣辣仲有原隻🐔雞腳添。二人餐 $218🔅棋子燒鵝 例牌識食嘅當然叫鵝髀下庄，外皮酥脆，內裡多汁，入口鵝肉的香氣係口腔縈繞，令人回味😍單拼燒味 例牌🔅燒腩仔🐷個皮金黃色，一睇就知好脆，肉質半肥半瘦，啖啖肉香，令人垂涎😋🔅郊外油菜菜心翠綠鮮嫩，配蠔油最好食🤤。☕️個餐仲包埋飲品熱檸蜜熱奶茶食完咁多肉，梗係要返杯清新解膩嘅熱檸蜜啦。

今日去藍田探朋友，去左佢樓下一間餐廳進食，一入到去已聞到陣陣香噴噴的燒味味，烍餐廳裝修新净，座位闊落，坐起來好舒服。而且餐廳好光猛，新淨又舒服。我地叫左個套餐，價錢$218。＃精選套餐$218：套餐包含好多嘢，非常豐富，好啱叫嚟做晚餐。棋子燒鵝例牌咁嚟到依度梗係要食燒鵝啦，因為餐廳係自己燒嘅，非常新鮮好味。燒鵝外皮好脆，卜卜一片，而且充滿油分，鵝肉非常滑，好香味，食落陣陣鵝油香。我最鍾意同覺得棋子燒鵝最特別就係嗰浸炭味，非常之特別。單拼燒味例牌咁呢單平燒鵝例牌我哋就叫咗豉油雞，豉油雞都整得好好。雞皮爽彈，雞肉好滑，充滿油香，叫埋薑蓉食簡直一流。郊外油菜今日提供嘅菜係菜心。菜心綠油油，好新鮮，面頭有啲蠔油醬，味道已經好鮮甜。白飯／瀨粉／米粉兩碗咁煮食選擇都好豐富。大家可以揀白飯、瀬粉或者米粉。老火例湯或冷熱飲品我哋要做一個老火湯同個熱Horlick。老火湯好味，材料好充足，煲得好出味。

下午時間同家人去食燒味，靚燒鵝朋友話呢間一定要食下棋子燒鵝主打煙燻燒鵝，自設鵝場，以皮脆肉嫩，味濃油香突圍棋子燒鵝位於藍田平田分店都好多街坊支持燈光及座位都舒服環境下午茶又平又抵仲有好多餐選擇有1人/2人/4人 或6人餐可選 點了一個二人套餐 $218有兩款燒味一碟菜選了一飯一米粉非常之抵食有主打叉燒/燒鵝/切雞/油雞/燒腩仔每樣都好食最有名氣就是既招牌煙燻燒鵝燒鵝例牌上庄比較多肉，又白又靚又大份白灼菜心好淋甜又翠綠單併燒味（油雞）雞皮鮮嫩爽滑，肉質有彈性入口好嫩滑配有薑葱好滋味油雞色澤金黃燒鵝表層脆皮，油脂甘香而且仲啖啖肉來到充滿煙熏氣味，而入口亦不會覺得油膩既燒鵝下午茶餐雪菜肉絲米粉餐 米粉夠多爽口軟身肉質每條也不錯套餐飲凍檸茶轉凍飲+$3不得不讚，餐廳姐姐服務態度非常好入來及下單都充滿笑容藍田安田街23號平田商場2樓202號舖

這家餐廳位於藍田站附近的一個商場內。餐廳裝修新，內部環境清潔。 下午茶餐36元，奉送咖啡或茶，桶子油雞米粉的油雞皮帶有豉油味，雞肉有嚼勁，米粉爽爽地，湯味沒有過咸。原隻燒鵝脾飯106元，奉送咖啡或茶，燒鵝皮香，燒鵝肉多汁惹味，飯粒軟，醬汁甜，很滋味。棋子叉燒(例牌)88元，可選擇半肥瘦叉燒，脂肪部份甘香，瘦肉部份嫩，味道甜。郊外油菜20元，菜心顏色翠綠，味道鮮甜。熱檸茶味道正常。熱奶茶的茶味香，奶味適中。

👧🏻😋👅🍽✨靚燒味大眾食堂😆-棋子燒鵝 🇭🇰 藍田安田街23號平田商場2樓202號舖 🇭🇰-🔥 六點前入座, 姐姐就提醒六點前有下午茶, 但晚市送時令靚湯, 我地當晚餐想食飽啲就揀主餐牌🔥 新年前後特別多人斬料加餸, 燒味去得好快, 但過半個鐘又新鮮出爐☺️-🐖 棋哥叉燒(例牌) $88💯叉燒爽口又有燶邊好唔錯, 麥芽糖甜得黎唔會涸喉-🐷 脆皮腩仔飯 $50✨腩仔肥但唔會油淋淋, 脆皮鹹香, 肉都唔係死鹹好高質-🐓 桶子豉油雞瀨粉 $50 轉雞髀 +$12💯雞髀冇加錯, 超級滑又冇碎骨食得好爽; 豉油味甜甜地更顯雞肉鮮味-🍗 鹽焗手撕雞(小食) $28✨半隻$75, 估唔到小食份量都算好多, 雞肉好滑, 麻油好香, 另可揀麻辣味-🍞 奶醬多 $15💯多士有奶醬油可三揀二, 多士厚身好鬆脆, 奶醬份量則好啱我口味-🍹 飲品✨燒味飯餐包熱飲, 凍飲加$3, 叫左凍檸茶同凍菜蜜

今日幫朋友攞啲嘢嚟藍田，搞掂就過嚟平田商場食晏。心血來潮想食燒味，朋友推介 2 樓嗰間「棋子燒鵝」。餐廳專營港式燒味，而家喺九龍區有 6 間分店，每間店都自設工場，燒味食品全部都係現場製作，保證新鮮！我哋點咗👇原隻燒鵝髀瀨 ($106)，燒鵝髀好靚仔，大大隻，立立令，離遠都已經聞到陣陣香味，非常吸引。鵝皮酥香脆口，鵝肉鹹香適中，肉嫩而不乾身，有肉汁和香料氣息，配酸梅醬同滑溜的瀨粉吃，風味十足。另外碟燒腩仔油雞飯 ($53)  賣相亦非常誘人，腩仔皮脆肉嫩，肉質鬆軟，入口完全沒有豬羶味；油雞滑捋捋，豉油味香而不膩，味道恰好，送飯一流！ 棋子叉燒 ($88/例牌)  叉燒半肥瘦，厚度適中，肉質鬆化，入口帶點焦香，鹹甜比例亦啱啱好，就算放耐咗肉質都唔會變硬，值得推薦。點燒味飯奉送咖啡或茶，轉凍飲+$3。

叫左兩個飯，义燒油雞及燒肉燒餓，啲飯好難食，煮到一pat pat，似杰撻撻，超級難食，送的例湯難飲到咩，仲要係雞頸雞腳。完全係夜晚賣淨的燒味煲的湯。都唔明咁食評話好食，假到爆。

見平安夜免外賣運費，選了大半個小時，終於敲定這間跟油塘很接近但絕對不會特意行天梯去食的地方。叫了燒鵝脾叉燒瀨粉，配眉豆瘦肉例湯。燒鵝脾真是沒叫錯，皮薄如A4紙，底下幾乎沒有肥膏，微微脆口，咬下去有肉汁，卻沒有油膩感。適合喜歡皮薄瘦脾的人呢，非常推薦，日後也會再叫。叉燒則是劣到核爆，其中最大舊的一件是100%肥膏，根本應該拎去掉，而不是放到我的食盒去湊數。每件都是切得很大而不規則，肥膩而沒有蜜香，感覺上隨便買貨隨便亂烤隨便亂切，毫不講究極了。少數登上我的黑名單的地獄級叉燒，想來想去都沒有想到更差的，做到咁難食，建議不如從餐單刪除。眉豆瘦肉例湯還不錯，味精當然免不了，勝在很足料，細細的碗就有三大塊肉，所有肉和眉豆都吃光了。只可惜湯渣多的話，湯的份量就相對減少了。瀨粉和湯底都有各自分開來放，沒有泡在一起，這點挺細心。份量對我來說剛剛好，不過如果可以選擇扣底或加錢增加份量會更佳。

好耐冇食過燒味飯，呢間唔錯！煎雙蛋燒腩仔飯，燒腩仔外皮好脆，唔會太肥，亦唔會太鹹，味道岩岩好，兩隻雞都係半熟，個蛋汁撈飯好正😋燒鵝燒腩仔飯，同樣燒腩仔都係好脆，都係唔太肥唔太瘦，另外個燒鵝肉汁一咬滿口都係，同其他地方食的燒鵝有好大分別，起碼食完都唔會成口油，真肉汁，不過如果有酸梅醬就完美。

姨甥女嚟食飯，細路女鍾意食义燒，所以去棋子買咗半斤义燒試下掂唔掂，點知返到屋企打開盒义燒先見到好鬼肥，义燒雖然肥，但肉質不見得軟腍，下次都係去返樓下間快餐店買算

終於等到星期五，原本辛勞工作了一整天，諗住快快食完休息吓，跟住煲吓劇，叫左燒腩飯及奶茶外買，點知一肚氣，返到家打開，全部都係肥豬肉，街坊生意唔老實，最後走落去退錢，無下次