皇廷酒家 (Closed)

今日去MegaBox行街，附近（國際交易中心）見到呢間野嘅外觀都幾好，入去試一試，叫咗嘢食等左20分鐘,嘢食都未到,以為新鮮製造,上第一樣野，先至係中伏嘅開始。煎薄撐 ,夾落去軟林林，煎到又太燶，好似煎左好耐番熱咁。口感嘔心鮑汁鳳爪，重衰，好似煲左好耐咁，甩皮甩骨，醬汁好似鹽水咁。芋絲XX外面又係煎到好燶，一夾就散（裏面水份太多）味道太鹹煎釀青椒，好似油浸咁，軟瀨瀨。以下呢張相,係我哋走之前影，好似完全冇食過咁差啲講留咗個燒賣 ,衰過$10蚊5粒街邊貨。仲有個灌湯餃，啲湯味道好似拖地水。點食呀 🤮🤮真係好嬲，最後俾咗$207, 走人 太可怕啦為咗唔好有其他人中伏，特此打呢一篇食評。最後最後 ,職員服務態度極差，我叫咗個侍應來反映食物質素並要求cut單，佢話落左單之後冇得cut,冇禮貌地離開。

喺公司附近如果唔想去MegaBox，又要坐得舒服，可以選擇嘅酒樓，其實唔係話太多。所以依一間質素唔錯，味道唔錯，價錢OK嘅，就成為左我哋嘅飯堂。一般想飲茶，唔想行，都會嚟呢度。今日同同事嚟飲茶，例牌嗌左個午市套餐，最抵食。佢係可以揀一個前菜，我哋當然係揀咗海蜇。再黎兩個點心，燒賣同埋菜苗餃。然後兩個小菜或者飯粉面飯，就要左個蠔仔泡飯，同埋我最鍾意食嘅翠玉瓜炒花枝片。另外再補多一兩樣點心，雞扎，牛肉咁，就好夠喇。佢哋雖然只係午市套餐，但係小菜同飯麵嘅份量，都非常多。小菜其實幾乎係比其他嗰啲酒樓晚市嘅炒出嚟嘅份量，仲要多，個人心水，豆腐斑腩煲同通菜炒牛肉都唔錯。所以我哋成日都嚟捧場，環境都可以，坐得都算舒服，所以都唔少人。

本想去MegaBox飲茶，但星期日停車場排隊打蛇餅。看見附近有一個商場有得停車上邊有一間酒樓叫皇廷酒家。裏面都很多人。酒樓裝修應該是在結婚用的所以到可以。食物方面不是有太多點心選擇，反而炒粉麵飯比較多。另外有+1服務費。我們點了幾個點心，其中流心奶皇包是沒有流心的。服務態度都一般。食物60分。但此酒樓居然有outdoor位可以坐! 場內有獨立電視。九龍城也有很多酒樓，所以我應該不會再來了。除非下次沒有車位吧～ haha

之前到訪國際交易中心上課，有時都會惠顧皇廷酒家，貪酒家地點方便，要不然我們一般都往MEGA BOX 方向去找餐廳，因為MEGA BOX 的酒家都比較便宜。如X 香等。今天因約了位客人在九龍灣見面，打算找個環境比較好的酒家進餐，所以便選擇了皇廷酒家，都明白價錢可能會比較貴，但買地方舒服同食物質素都不差。但今日卻比之前的失望。點了燒賣，到桌上時竟發現是凍的。叫經理待為跟進，卻等待了接近半小時先跟進到。實在太離譜了。失望透！

以前呢間皇廷酒家唔錯㗎，唔駛等之餘，點心都算中上，價錢亦合理，唯一地點唔太方便，不過揸車就唔係問題，仲要通常都俾泊車券免小小泊車鐘！而家，點心味道變差：鮮蝦菜苗餃個皮超厚、潮州粉果個皮仲衰，入口變漿糊！😖叉燒腸粉又係皮厚，啲叉燒係無燒烤過，好似普通豬肉、福建炒飯就又陣油味，不過已經係最好果樣！兩老食到咀歪歪🙁（我真不孝😞）。埋單諗住叫佢俾泊車券，點知個部長話要食過$350先有優惠！一般4人家庭响呢啲中價酒樓飲茶未必飲到呢個數呀！你個場嘅優勢係吸引泊車人士，泊車無優惠就已經大打折扣，再加上食物質素變差，我哋即時同埋單嘅阿姐反映食物奇差之餘，泊車優惠都cut 咗，點叫人再幫襯呀！😡

去完九龍灣出面的商廈開倉買波鞋俾 B女，趕時間的情況下來不及回去地鐵站上蓋商場開餐，附近又實在沒有太多選擇，只好隨便找一間，結果來了《皇廷酒家》。來到時候尚未到中午12點，酒樓剛剛開門，我們也是第一枱客人。酒樓隸屬於皇上皇飲食集團旗下，由於地點比較吊腳，點心的價錢並不算特別貴；周六周日的午市時段及下午茶時段，更加有全單八折，實在十分抵食。由於九龍灣新發展的商業區遠離地鐵站，這個價錢也是正常的。總共叫了六款點心和小食，無獨有偶，除了馬拉糕之外，全部都是廚師推介，應該穩陣吧？脆皮BB鴿（$40）外表好像對辦，實則肉質粗糙、乾嚡，沒有肉汁。本來不打算寫這篇食評的，甚至已經食了一隻；但水晶鮮蝦餃（$29）的賣相及味道實在太差，不得不補拍照片。已經不研究每隻蝦餃是否大小一致、澄皮是否夠薄、有沒有工整的摺紋；只要求最基本的兩項條件：味道及完整性，也完全不合格。即使還沒有挾起蝦餃，仍然放在竹籠內，蝦餃已經皮肉分開。再談味道，完全沒有鮮味，蝦肉也完全不爽口彈牙。懷舊馬拉糕（$23）本來是小公主至愛的廣東點心，但嘴刁的小公主只吃了兩啖。原來不夠香甜、缺少了庶糖的濃香，糕身也不夠鬆軟、有啲「散㪚地」。蟹籽

同事farewell一齊聚首皇廷酒家，美味點心源源不绝。蚝汁叉燒包，大大隻，用半肥瘦叉燒令包包更為好味。蟹子炒飯，用料十足，用大蝦和蟹子混炒而成，味道鲜甜不腻。XO酱炒萝卜糕，經過油炸的萝卜同XO酱混合一起，带出酱料和萝卜的鮮辣味。最後送上红豆沙糖水，各人都十分滿足。

今天老友生日, 我們一早訂了位, 選了一間裝修美觀, 優雅, 樓底較高又光猛, 座位闊落的酒樓, 是九龍灣的皇廷酒家.  中午一同吃一個豐富午餐來慶祝.值得讚是不收紅酒開瓶費, 也不收切生日餅費侍應生有禮, 招呼友善.头盤我們叫了兩款:   燒煵仔, 肉質好, 皮脆而不肥. 好味.海蜇, 爽甜味, 薰蹄好肉質.點心，我們選了很多款:蝦餃，蝦肉大粒又爽口, 皮薄餡靚, 夠大隻蟹籽燒賣, 燒賣飽滿，肉香四溢，面頭有點點蟹籽作點綴，豬肉打得彈牙不死實，混內爽口蝦粒，Good牛肉腸粉: 皮薄但較軟, 內餡牛肉飽滿, OK.炸春卷。皮薄香脆, 不太油膩. 內餡有冬菇銀芽肉絲.潮州粉果, 外皮柔軟, 晶瑩剔透, 略带韧性，裡面的餡料很豐富，但是美中不足是粘牙。油菜不太多油，菜新鮮爽甜.蝦伊麪, 很多蝦, 鮮甜, 伊麪 炒得好, 多汁.生日朋友愛吃麫, 所以多加一碟炒伊麫, 不太油, 炒得好味！愉快的一個生日午餐.

又有朋友結婚, 嘩, 今期好多白頭到老呀.....揀左在呢度擺酒.一入o黎, 地方都幾好, 豪華裝修, 好靚.佈置都幾特別.是晚都係standard 的婚宴; 由乳豬食到炒粉麵;由於飲了不少, 冇邊食邊take note d 菜色;比較特別有印象好食有蒸魚, 魚靚, 生熟剛好;炸雞皮脆又唔油又唔乾, 肉滑;翅也夠味道.

本身諗住同媽媽星期六朝早去附近問君x飲茶，因為見食評都唔錯。點知入到去冇人理，落單叫嘢食，等咗15分鐘個櫃面阿姐先叫人蒸點心。谷鬼氣走佬。就係咁，同媽媽兩個行咗去對面商場，誤打誤撞咁上咗三樓呢間酒樓。11:30am先開始營業，擺明唔做早茶。入到去得一枱人，加埋我哋兩枱，我同媽媽都心諗：「唔係呀？」Anyways，開茶坐低又睇吓點。叫咗六個點心，分別如下：灌湯小籠包：好多湯汁，皮都算薄。不過當然要趁熱食啦﹗蜜汁义燒包：媽媽好鐘意個餡，話d汁唔會杰都一pai pai。我覺得都好味道，唔會太甜。好怕d义燒包得個甜字﹗津菜滑雞扎：我平時食雞扎係唔會食舊雞，因為覺得冇味同好鞋。但係呢次我食哂同埋覺得舊雞好滑。唔知係咪冰鮮，唔識分，不過好味﹗芋粒素粉果：呢個埋埋。 個餡料唔係好夾咁同比較淡味，可能素粉果係咁掛。鮮蝦波菜餃：好得﹗好好味﹗蘿蔔絲酥：d蘿蔔絲好爽好新鮮，唔係煮咗好耐，仲食到d草味。可能有d人唔鐘意，但我覺得好fresh﹗大中小點一律$17，埋單總共$130。待應照呼好，到12點幾都好多人到。總括嚟講會再去﹗

今日經理請食lunch, 我地去咗”皇廷”(皇上皇Group)食。9:30am打去訂坐, 無人聽。我打到成11:30am先有人聽, 唔通佢地唔做早市?!?! 我地都係第一次去呢間, 一入去就有好”壯觀”的wedding decoration。出面reception果個姐姐仲係夢遊一般, 帶位果個行到蟻咁慢。D侍應除咗”著得”比較高級果幾個年紀大d之外, 其餘果d侍應就勁young, 有D迷茫, 不過就好有禮貌。嘢食叫咗好耐都未嚟, 嚟果陣就每次都係嚟一樣嘢, 已經唔算多人, d嘢食要三催四請先到。最終漏咗一樣嘢食無嚟, 我地唔再催, 一來太飽、二來已經夠鐘番公司。(商務孖寶) 燒味併盤 + 雲吞雞：燒味併盤要三催四請先到, 不過味道ok, 叉燒半肥瘦、燒肉塊皮係脆的。雲吞雞唔見雞, 雲吞ok啦。牛肉餅：好dry, 好少肉, 個面好油。燒賣：正常嘢。炸雲吞：正常嘢, 個汁唔夠味。叉燒飽：ok好食。鮮蝦腐皮卷：好食、多蝦。雷沙湯丸：我無食。馬拉糕：正常嘢, ok。豬肉酥：好dry, 好少肉, 好多麵粉。雞札：我無食。大、中、小點都係$13.8, 都ok啦。食物質數唔差, 不過出菜實在太慢,

我就不太同意樓下兩位食家的意見，皇廷這間分店的法式裝潢幾有格調，一點也不娘呢而且，算是一間幾特別的酒樓，有一個室外的小花園，還加有一些噴水池、庭台等法式建築如果用來擺酒婚宴，單計裝潢是頗合適的可是這店最大的弊處，一如樓下其中一位食家所言，面積太細、三尖八角一個「L」型的舖面，不夠開揚寬闊....今晚參加友人的婚宴，吃了一餐食物質素算是中規中舉，一貫喜宴的水準與質素罷了最令我留下印象，反而是通常最不起眼、最後送上的一道菜---甜品小白兔棉花糖很是可愛，實在不忍心把妳們吃掉呢！

昨天吳小肥建議來此新茶居飲茶。來到見到此處的法國宮廷式裝修，已經覺得有D娘。不過當晚依然有人book左擺酒。証明唔怕你娘唔怕你呆，只怕你唔來。服務同食物款式都OK，有雞絲粉皮算有些特色。而且點心上桌時都係熱辣辣。不過食物質素麻麻地。家父話以咁既價錢食咁既野唔值。隔鄰Megabox內的酒樓都可以放心，此店不足為患。

Happy Friday 見皇上皇集團係九龍灣exchange tower 開0左間皇廷，就一行11同事一齊上去試新野。食完大家小聲四起!!!首先打去book 位已經打個突，有一名遊魂亞姐聽電話，迷迷糊糊幫我book 0左位。上到去，呢間野擺明係做酒席生意，力圖升呢ok做到個場懶靚，不過極娘，唔討好，而且個場三尖八角，擺酒唔得體，最抵食我地係前面食野，佢就係度裝修個台，沙麈滾滾，欠衛生。講番食物，先唔講好唔好食，最基本食物熱同上菜速度已經做唔到了，而且作為一間係commercial area 0既酒樓，如果做唔到0的野食出得快，點吸引到0的趕返工0既朋友去食呢?再講食物質素，可以稱得上係曳，個咩鬼野魚蝦蟹炒飯，收HK$78，三催四請先0黎到，0岩晒0的有病0既人食，因為完全冇味，最頂癮所謂0既蟹係一條條蟹柳，完全冇誠意，如果係茶仔食，咁0既質素你收我30蚊我都忍你，大佬，你叫到自己貢勁，魚蝦蟹炒飯竟然係爛鬼蟹柳無味炒飯，咁你預0左我一次無回頭。另外其他野食，流沙奶皇飽走0左流沙，蛋散無味……仲有無限漏單，不過埋單時，所有無出現過0既野食照計入單，所以要睇清楚。此外，唔知係咪新開，係有好