鬼金棒

Open Now

Now Closed

肉有渣，同我想像中有出入，可能期望愈高失望越大，太多人吹捧了。且環境有點吵，打鼓聲好煩。拉麵幾好食，味玉都係，但140有啲貴。且湯底不是想像中濃。總括而言，塊豬肉好柴好黐牙，不建議。

尖沙咀呢間過江龍拉麵，好耐都冇食過了，今日要回味一下🐖增量叉燒辣麻味噌拉麵 $120 +味玉 $15 +芽菜 $15 -橙紅色湯底可以選擇魔鬼、大、中或小麻及辣 黑蒜醬油增添香味 湯底濃濃豬骨味 中辣嘅辣度唔算勁 好惹味 加上蔥花、芽菜等配料增加清爽口感 芽菜落鑊爆炒過 毫無草青味 漲卜卜有水份 麵底幾粗 彈性足夠又掛到湯 叉燒為厚切五花腩 一層肥肉一層瘦肉 相當分明 肉與脂肪交合令到口感帶嫩及腍 入味十分🐖🐖增量叉燒x2辣麻味噌拉麵 $140-叉燒份量多一倍 勁肚餓都係啱啱好食得哂😂總括嚟講，味道繼續保持水準，唔錯

至好味拉麵｜鬼金棒三訪鬼金棒啦，第一次食既時候一試就試佢鬼增辣（見圖），點知食唔到，第二次試佢嘅中辣中麻沾麵😋終於食到佢嘅味🥹今次就食無定辣😂鬼金棒最大特色就係可以自選無、小、中、大、鬼增等辣味同麻味，好彈性！但無論辣定唔辣都真係一樣好好食！全日正價餐牌🍽人均：$100-$150🕰時間：12:00（⭕️walk in但記得要齊人先可以入座）🍜 味玉辣麻味噌拉麵 $105口感同味道唔錯🍜小麻小辣都好夠味。叉燒又肥又厚，真係好好食！🍜 增量叉燒辣麻味噌拉麵 （無辣無麻）$120今次食無辣無麻，但係都唔係淡味，蒜香味噌都好出！增量玉米筍 $30煎餃 $45第一次食鬼金棒嘅煎餃，估唔到都幾出色！Bible rating: 7.5/10📍地址：鬼金棒 (尖沙咀)尖沙咀金馬倫道20號地舖

湯底超濃郁的鬼金棒拉麵聖誕節去尖沙咀去試一試貴金棒拉麵！點咗一碗味玉辣麻味噌拉麵同埋增量叉燒辣麻味噌拉麵！原本超期待嘅辣，叫咗中辣都係唔辣。有點失望！鍾意食辣嘅朋友可以叫大辣。味道方面，湯底超濃郁！而且麵條是比較粗身的拉麵條，食落好有口感。叉燒比較像東坡肉款，大大嚿，好入味同埋都好淋！ 讚讚讚！PS ：湯底比較油，食落會比較油膩，如果可以改善油呢個問題就更加好。

雖然呢間拉麵出名係食麻辣拉麵，但自問係食辣野方面係廢J🤣所以叫左走麻走辣嘅增量叉燒拉麵每碗麵都可以揀辣度同麻度走左麻辣之後，成碗湯底其實都有好濃嘅豬骨湯味而且有好多細蔥，所以好惹味增量叉燒就係厚切版嘅叉燒，食落啖啖肉😋中間嘅肥膏入口即溶，而且有好濃嘅醬油味食完一舊都飽左一半🤣非常邪惡朋友叫左芫茜辣麻味噌拉麵一上檯俾芫茜嘅份量嚇親🤣相信茜味勁濃🤣🤣特製辣麻味噌拉麵勁碗啲湯都紅卜卜咁又麻又辣咁，呢排咁凍，食一碗就暖晒啦👍🏻菜式：- 特製辣麻味噌拉麵：$125- 芫荽辣麻味噌拉麵：$115- 增量叉燒辣麻味噌拉麵：$120味道：🤤🤤🤤🤤/5性價比：🤤🤤🤤/5

湯底超級濃郁的鬼金棒！聽朋友講呢間貴金品拉麵嘅係非常辣。經過尖沙咀見到就試一試。點咗一碗味玉辣麻味噌拉麵同埋增量叉燒辣麻味噌拉麵加餃子。湯底超級濃郁，會不自覺飲好多湯。而且麵條係比較粗身的拉麵條，食落去好有咬感！唔錯唔錯。叉燒方面，比較像東坡肉，非常厚同埋大。而且非常入味同軟，讚讚讚。有一點失望，一點都唔辣，已經點咗中辣同中麻。但完全一點都感受不到辣同埋麻！希望可以改善一下。 PS：湯底雖然非常濃郁，但食落會有一點油膩。希望改善埋油膩呢個問題會更加好！

鬼金棒👹見近排咁凍，除咗打邊爐，一碗熱辣辣嘅拉麵🍜都係唔錯嘅選擇，今次就揀咗鬼金棒拉麵店，貪佢哋有軟腍腍大大嚿嘅叉燒，夠晒好食😋😋😋！ 見天氣凍咗，我今次就決定挑戰味玉辣麻味噌拉麵(中辣, 中麻)$105，平時我係食開小麻小辣既，中麻中辣嘅辣度果然係更加滋味！😝😝另外，我啱啱都提到佢哋嘅叉燒非常出名，所以好似我朋友咁係一個食肉獸嘅話🦁🐯，嗌增量叉燒就一定冇錯啦，佢就叫咗增量叉燒x2 辣麻味噌拉麵(中辣, 中麻)，另外再加多一份豆芽菜，加咁多嘢價錢都只係$155，比起坊間其他拉麵舖頭都算性價比高！💯💯重點係佢哋嘅叉燒真係大大嚿、啖啖肉，而且非常入味，仲要軟腍腍，真係值得推薦㗎！🐷🐷由於實在太辣啦🌶️🌶️，忍唔住嗌罐可樂🥤，一罐價錢係$15，都算合理啦！

不下五次重臨的出色日式拉麵店🍜來自東京過江龍拉麵店主打獨特麻辣湯底配搭彈牙拉麵麻和辣嘅程度有唔同級別「小、中、大、鬼增」俾你揀超級惹味超級重口味❤️配料好有特色 流心日本蛋簡單一絕食上癮到經常想回訪麻跟辣都是恰到好處～～好飲到最後無哂湯底.◆ 味玉辣麻味噌拉麵 | $105味玉必食必食必食吸引的橙黃色蛋黃流心蛋出色到呢濃郁既湯底有蒜蓉、蔥花、芽菜～～好正呀！梅花間竹既日本叉燒60%肥40%瘦肉浸入湯底索哂味.◆ 增量叉燒辣麻味噌拉麵 | $120 食肉獸可以直接揀呢款厚身叉燒超大條啖啖肉（普通size的兩倍）同樣入味又軟腍好似扣肉講番麵條先～～麵條屬於比較粗身又容易掛湯推薦小麻中辣🥰.◆ 煎餃子 | $45 六件豬肉及雜菜餡爽口而底部夠酥脆可口咬開入面夠juicy另外酸酸地的醬汁的確出奇地襯.◆ 小食配料 日本厚叉燒、流心蛋、玉米荀、芽菜～～營養十足！我中意追加一碗$30玉米荀

今次第一次到尖沙咀<鬼金棒>試試佢既特色拉麵，唔鍾意食拉麵既我都覺得有點驚喜，不論是環境、服務、種類同味道都有驚喜，有機會都會再去食佢既拉麵😋莞荽辣麻味噌拉麵（小辣，小麻）因為未食過呢間拉麵，所以唔敢挑戰，簡簡單單食過小麻辣，湯底味道唔錯，不會太咸，淡淡的麻辣味，配上莞荽，幾有特色。而拉麵爽口，整體不錯。特製麻辣味噌拉麵（中辣，中麻）喜歡辣的朋友，可以再加一點辣，中辣不是太辣，但有麻味。最欣賞拉麵配上的蛋同粟米仔，兩樣都好好味，流心蛋紅紅的蛋黃，一流，而粟米仔爽甜好味，正。煎餃而煎餃則較為普通，沒有驚喜😂最後要讚讚細心的店員，見到我著白色衫，送上麵時即問我需唔需要圍巾，送上圍巾比我，以免我整污糟件衫👍👍

｡✩*:ﾟ･⑅*॰¨̮♡中意食辣但又唔係好食得辣嘅朋友有福了 鬼金棒有得自選辣度同麻度 可以因應返自己食辣嘅程度揀適合自己辣度嘅拉麵🍜⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 增量叉燒x2辣麻味噌拉麵 小辣小麻 加味玉 $155兩舊叉燒都好大舊 肉量偏瘦不過好淋 如果唔中意啖啖肥膏呢個就啱晒口味 玉米旬燒過好香 麵體係粗麵 好煙韌 冇醶水味 而且份量多 男仔一定夠飽 另外加左隻蛋 半熟流心 好香蛋味 必食 湯底唔會好油 食完唔會口渴⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 辣麻肉碎拌麵 $105 呢個好驚喜 個人偏好拌麵多啲 配料嘅肉碎同芽菜都有好多 食到最後都夠餸撈 入面有啲芝麻醬 整體味道濃過拉麵 有啲台式拌麵嘅feel 小麻令成件事更香 建議大家拉麵拌麵各叫一個開心share⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶📍 鬼金棒 (尖沙咀)尖沙咀金馬倫道20號地舖

落單係用手機 scan QR code拉麵湯底可以按個人喜好揀要幾辣同幾麻🌶️辣同麻都係可以揀: 無、小、中、高、鬼增餐廳以鬼怪為主題 周圍有唔同擺設舖頭環境有吧枱座位同一般位 而燈光就比較暗 ✨特製辣麻味噌拉麵(💰$125+$15要芽菜)叫咗大辣同大麻 湯飲落幾香麻味 但就唔係太辣🤣拉麵係粗身啲 食落有口感啲 而且幾掛湯🍜配料有厚叉燒 溏心蛋 芽菜 玉米旬 份量都幾多✨芫荽辣麻味噌拉麵(💰$115+$15要味玉)朋友叫咗呢個 叫咗唔辣同小麻 估唔到湯底唔辣但就咁麻 都幾好味🤣鍾意食芫荽嘅 食呢碗麵應該幾滿足🤣配料同上面個碗差唔多 只係溏心蛋要+$先有coke zero(💰$15)

呢間鬼金棒一早已經聽朋友講過有啲朋友話好食有啲朋友又話好一般搞到我而家都未食過今日同朋友喺尖沙咀周遊遊見到呢間嘢朋友就話想試吓今次終於有人同我食啦入面啲座位好迫要搭枱坐得唔係好舒服打開個Menu睇全部都係辣嘅湯底仲係我唔鍾意嘅味噌味OMG…我order咗個特製麻辣味噌拉面舊叉燒勁厚勁淋勁入味仲有隻蛋 蛋就一般喇我走咗蔥 佢話呢啲係韭黃一路食一路流鼻水麻辣味噌湯底對我呢個平時淨係食豬骨湯嘅人嚟講其實都幾特別為咗舊叉燒我諗我會再幫襯

今日同友人去咗旺角行街，見到鬼金棒係旺角開咗分店呀！！之前係去開尖沙咀個間😈即刻入去食先店舖裝飾都係同尖沙咀一樣，走暗黑路線😈😈掛滿咗唔同嘅妖怪面具👺切合返鬼金棒嘅主題！同舊舖一樣啦，都係有吧枱可以睇住廚師煮拉麵🍜同埋都係有普通嘅餐枱嘅🫶🏻今日就唔係特別肚餓，所以就淨係同友人點咗一人一碗拉麵同埋一個小食我哋大家share😋我呢就揀咗味玉辣麻味噌拉麵（小辣），呢碗小辣嘅辣麻味噌拉麵令人驚艷😍湯底超濃厚辛香嘅辣味同濃郁嘅麻感相得益彰拉麵彈牙有嚼勁再搭配的配菜豐富多樣，為整體口感增色唔少。叉燒係厚切嘅😍肥肉一層瘦肉一層！再加埋流心味玉，食落去超滑嫩，再連埋啲湯底一齊食。一個字友人就點咗玉米筍辣麻味噌拉麵🍜佢話玉米筍食落勁清脆，同埋啲辣味噌湯底真係啱啱好，勁香勁辣。個湯底唔單止辣，仲有麻味，食落去啲層次感超足。如果你係辣味愛好者，呢碗麵絕對唔會令你失望！煎餃子🥟都係令人驚豔，外皮煎得金黃酥脆，咬一口，湧出豐富的肉汁。搭配上麻辣粉嘅點綴，帶來一陣麻辣風味🌶️🌶️每一粒餃子都係口感同味道嘅完美結合！👅👅呢個就係餐廳提供嘅麻辣粉，職員話如果唔夠辣都可以自己落去個拉麵🍜 不過唔食辣嘅朋友都唔使擔心可以揀冇

朋友👩🏻‍🌾話佢鍾意食比較濃味嘅日式🇯🇵拉麵，問我有乜好提議，我只係諗咗2秒鐘，就決定帶朋友👩🏻‍🌾嚟呢間拉麵店🍜開餐🤣我哋叫咗兩碗麵🍜，一碗係 $105「玉米筍辣麻味噌拉麵」，加 $15「豆芽菜」；另外一碗係 $105「辣麻肉碎拌麵」， 加 $15「豆芽菜」、 $15「玉米筍」、$20「芫荽」、$15「溏心蛋」🤩麵嘅 麻同辣嘅 程度可以分開選擇，拉麵揀咗「小辣小麻」拌麵揀咗「小辣中麻」😆「玉米筍辣麻味噌拉麵」湯底濃郁好味😋「辣麻肉碎拌麵」撈咗好多豬肉碎同花生碎，香口惹味😆芫荽🌿非常香玉米筍🌽爽脆亦都幾幼嫩叉燒肥瘦適中肉質軟熟炒豆芽菜 新鮮爽脆麵條較粗身有啲啲咬頭

今次又去鬼金棒食拉麵喇，一諗起想食辣就會過去食，尤其係佢既濃湯掛起哂係d拉麵到，好惹味味玉辣麻味噌拉麵既辣麻味好過癮，味道軟硬適中，而且你可以揀調味濃度，將溏心蛋夾穿流心到拉麵上一齊食，口感非常好，而且增加味覺體驗。餐廳環境佈置有特色 ，而且衛生方面都非常整潔，提供紙質圍裙可以使用，避免濃湯彈到衣服上👍🏼👍🏼另外芫荽拉麵成碗都充滿綠色材料，好吸睛，鍾意芫荽既朋友應該覺得好吸引，而且味道好香！