肯德基家鄉雞 (Closed)

1)很鞋因這是胸部(看照片能確定)下次要上脾/下脾啦2)超細是正胸,因切割.下次要上脾/側胸啦

上兩個禮拜係中環肯德基食野,食完後想係OPENRICE 打文章.個日,首先一上樓梯,竟然有一篤痰係度,好核突.嗌左個黑椒雞扒餐,包一個磨菇飯,同一CUP 可樂.我以為磨菇反用發寶膠盒上,原來用一個小正方型碗上,但份量竟少了一半,特登食黑椒雞,唔食平時我最鍾意食既雞皇反...點知極難食,一係無黑椒味,唔香,不如自己另外加黑椒好過,二係脆皮鬆散,裡面勁油膩,無肉汁,D肉唔入味,仲有磨菇反,竟然有2,3舊反係一舊舊,唔係一粒粒,唔知佢地點煮反. 另外服務員無笑容,其實要D服務員成日笑都好辛苦,但係假設皮膚黑又唔笑就好礙眼,好似黑面咁.中環既雞皇反,無出以前15蚊個隻小份量反盒,我唔係咁鍾意食正常餐大反盒,因為D白汁無咁濃, 淡D.希望肯德基加油啦,最近美心,大家樂的菜,和反,也很好.唔進步,就會退步架啦.

O.................................依道地方超舊!!!!!!!應該無得救!!!好彩個收銀員服務幾好,好似係經理.野食都算ok!!

於家中點KFC的外賣, 6件雞的套餐都只是$80左右, 真是便宜, 雞記的外賣真是改善了, 到達時雞還是暖暖的, 雞皮仍可算是帶點脆，吃的時候雞油還慢慢地流到手上, 真肥呢!!!! 雞肉很鞋呢, 而且雞的size也細了很多, 到底他們從哪裡找來這些“迷你雞”呢??吃完之後, 口渴得很, 而且十分熱氣, 真真難頂~~~

2007年6月13日。下班後與另一半一起再去肯德基，因為上次食唔到野生牛肝菌汁雞扒扁意粉餐。今日去了中環肯德基。又係用贈卷。唉！這裏的環境和衛生好唔掂。冷氣唔夠、冷氣槽口、風口又汙糟。湯、沙律賣相又差。意粉唔熱。扁意粉少得離譜。意粉腍。配菜的西蘭花又黃o西。本來個野生牛肝菌汁係幾香架，但唔熱，加上以上各樣，攪到我食胃口都大減。唔得o啦。日我會間乾淨D肯德基再食呢個餐。

(8/6/07)天黑黑大家都唔想落街,十一點幾叫外賣。十二點九/一點送來。等左二十分鐘...半個鐘...四十分鐘,同事創打去鬧人,答得無零兩可,都唔知去左邊!!?兩點喇....!最後唔理,成隊人落街買第d野食!咁大間連鎖餐廳,竟然會有咁既事情發生,有無攪錯呀!!!

我好認同其他人所講，呢度既環境真係超唔得：成日有D野飛來飛去2.地下, 桌面, 什至個"拓"盆都非常之"立"，好倒胃口，至於服務質素好似有D問題，個MANAGER同我落ORDER, 執左D雞同薯圈，只係淨返個薯容，之後佢行左入去KITCHEN, 我等左成分幾2分鐘都唔知咩事，係整緊定係咩？佢由我白白係度等，又唔同我講咩事.....食物方面亦非常唔掂，D雞完全唔辣，最慘係我覺得好勁雪藏味(佢就覺得係"叔"味)！LUNCH唔會再來了

first of all, there were flies flying all over the place! so annoying and ugly...then the service was even uglier, when we asked the ladies to clean the table politely, they freaking gave us attitude!!! what a piss-off. If you don't want to clean tables, then don't work there!!!!!!!!!!!!!!!!!!!!!!!!!!!anyways, food was a bit dried but acceptable. but there's no need to go there and have a bad time.

中環正午時間通常都人頭湧湧, 想快快吃完一頓飯, 跑到Page One 打書釘, 要找間不用等位的食肆, 似乎比較困難. , 看來唯有KFC~~~買了個日式Curry 雞扒飯+ topicana orange juice..首先...sales姐姐好像吃了10擔豬油... 慢條斯理..好不容易才找到個位, 地下一大塘水...坐下, 開動啦....塊雞, 炸都乾了; 咖哩汁, "杰tat tat", 白飯開始有變冷飯的跡象...整盒飯都不熱..整餐飯唯一不乾的, 是orange juice!

想不到，會有朋友推介我吃KFC。也想不到的是，我真的去試。而最想不到的是，一向對垃圾食物反感的我，卻又覺得味道不錯！不過，作為吃遍中西港外KFC的朋友千叮萬囑，要吃到好的，就要依下列方程式：1.要巴辣味道2.要雞上脾3.要即場吃抱半信半疑的態度，要了個「一人獨享」的套餐。友人推介的當然要試，也想比較一下其他的，就除了要一件辣脆的雞上睥外，也要了辣脆的雞鎚，一件普通味道的雞上脾，一支粟米，及蘑菇飯。先吃友人推介的巴辣雞上脾，吃第一口，皮厚且脆，不大吃到雞肉，第二口才見真章。雖然明知是雪藏雞肉，但卻是炸得熱辣辣又有肉汁，意想不到的不錯。雪藏肉，沒有多大味道，但辣味就剛好彌補了這個缺點。這件辣脆雞上脾，平心而論，味道不錯；巴辣雞鎚皮不脆，肉不嫩滑，肉汁差不多全流失，絕對不是雞上脾的一回事；普通味道的雞上脾，味道不及巴辣的好，肉質也不及其好，棄之可惜；粟米白烚的，味道不可能差到那裡，當然也不會很好；蘑菇飯是一大片杰杰的啡色磨菇汁和著飯，必定飽肚，不過我寧願去買多一件巴辣雞上脾吃算了。果如友人所言，KFC什麼也不用試，只有這個巴辣雞上脾是最好吃的！我想，閒時也可以買一件，一邊行一邊吃，也不錯。後

27 December 2006 (Wed) - 晚飯呢日本來係想去Hardee's食，因為係佢既結業日，但係我去到排咗一陣之後，就有人走出黎話已經賣晒，叫我哋唔駛排．．．　唉，好唔開心，想食多次～～由於一心諗住食熱氣嘢又食唔到，所以走咗黎KFC頂住癮，叫咗兩隻雞，一個粟米，同雞翼，都係一般水準，但呢度最唔好係啲哋方好痴立立咁，枱同地下都係，我都唔明喺中環既KFC都可以咁污漕．．．．唉，如果地方可以keep得好啲，佢會更受歡迎！

一星期起碼有二至三天來這裡買早餐....因為這裡的鬆餅實在係太好食啦.....其他雞扒同腸就冇咩特別lor...不是佢早餐d雞扒好食過午餐同夜晚既雞..

我呢個唔係食評，只係想講清楚我之前畀KFC喊面既原因。因為本人驚見有D無聊人走黎鬧我「就算佢俾錯. 你都知自己腸胃唔受得. 就唔好飲啦!自作自受. 冇其他野揀就飲滾水啦~」咁係咪即係佢畀錯我都要笑住多謝佢？請留意佢地係「三番四次」畀錯，根本就冇心聽我既order。難度我唔飲得奶茶係我既錯？叫我唔好飲仲話我自作自受，你倒左佢浪費食物就真係因住自作自受喇。重申，我畀喊樣係因為佢畀錯野，唔係因為我肚痛，我係因為無啦啦畀人鬧心生不慣驚再有人誤會，所以特此澄清，如造成任何不便，敬請原諒。

叫左個茶餐, 棒棒雞跟葡撻個棒棒雞一D都唔好食, 乾到好似柴皮咁~仲有, 呢度D收銀動很好慢, 耐性少D都會激死... call白車呀唔該

真係好激氣囉！！已經試過好多次ga啦...我好多時都會去呢度買早餐take away，一定係飲熱檸茶既，唔知係佢地成日都冇熱檸茶定係佢地個個都聽力有問題，幾次都畀錯熱奶茶我囉....佢畀錯熱咖啡我都冇咁嬲，問題係我呢世人最最最憎飲奶茶，每次飲完唔知點解都會肚痛，次次拎左上公司，拎杯野出黎聞下就知大鑊又畀錯，但係唔飲又冇其他野可以畀我飲....簡直令到我今朝既心情差晒....我已經講得好大聲ga啦，咁都會畀錯既....早知就飲可樂算啦....嗚....本來都唔想畀喊面，不過真係太過份，我太嬲。