金子半之助 (奧海城二期)

Open Now

Now Closed

以前做飲食記者嗰陣啱啱聽到呢間天婦羅店喺香港插旗當時其他同事去報道 所以就無緣一試直至佢喺奧海城開咗分店某日早放工 見門口冇人排隊 就衝咗入去了～一早已經聽聞佢哋被譽為「日本第一天丼」香港分店嘅秘方醬汁更加入鏗魚花乾提鮮今次叫咗兩款套餐「江戶前天丼」上枱滿滿一碗即炸天婦羅有日本星鰻、海老、墨魚乾貝海鮮餅、溫泉蛋、海苔等天婦羅炸物脆漿好薄 入口油而不膩 而且相當酥脆比想像中好好多！而且佢哋醬汁入口輕身 帶有微微麻油香 真係唔錯！除此之外 我哋仲試咗「迷利天丼+稻庭烏冬」呢個套餐可以一次過試兩款隨烏冬送上一大盒配料 任你自由配搭內有溫泉蛋、蔥花、乾木魚碎、海藻等我個人建議大家 第一次嚟食可以試呢個套餐可以試匀佢唔同食物～整體而言 好驚喜 天婦羅的確出色 而且價錢合理難怪可以於世界各地開分店～整體性價比：🦖🦖🦖🦖

今日係奧海城行街，聞到好香既麻油味😂😂原來係有個日本天丼係度😅成個商場都係個陣炸味🙈 見唔使等太耐位就決定入去食。。餐廳用Qr code落單，餐單選擇都唔少，有烏冬/天丼等。。🥢松葉蟹天丼 $158叫左呢個最新天丼，包括：松葉蟹、海老、小柱魷魚天婦羅餅、莢豌豆、海苔、溫泉蛋。食落口真係可以用驚為天人形容😂一入口啲天婦羅係幾乎溶入口，之後松葉蟹一咬係爆汁，外脆內軟，仲要食到個鮮味！小柱魷魚天婦羅超特別，一粒粒咁，餸飯真係一流。。🥢上天丼 $118朋友叫左個簡單版，但都唔惹小，有：赤甘鯛、海老、小柱魷魚天婦羅餅、莢豌豆、海苔、溫泉蛋。炸溫泉蛋一整開佢撈埋個飯，又滑又好味，加上其他炸物，好好食！最正係加左個秘製麻油，令到全部材料都又香又好味！。每個天丼都配味噌汁及漬物，另外亦有免費黑豆茶。如果叫野飲既可以另叫，啤酒汽水都有，我地叫左「Suntory premium malts $28」同「檸檬茶 $13」野飲價錢都算合理。

最近同事去完日本旅行，跟我說吃了非常好吃的天婦羅⋯ 令我念念不忘的想去吃😋記得在奧海城新開了這家天婦羅丼的日本餐廳，便拉着老公跟帶剛完成自行派位面試的大女去試試當慶祝。全店的menu就只有3款丼跟一個期間限定，和配烏冬的定食。幸好這裡有大女最喜歡的溫泉蛋和冷烏冬，所以她也吃得很愉快😂喜歡那小柱魷魚天婦羅餅，配上絲絲柚子，很清新。喜歡日本飯的我，也好喜歡那醬汁再加溫泉蛋拌著吃❤️相反那期間限定的松葉蟹天丼則不是非常特色。因為那松葉蟹腳不是很鮮甜，而且太幼了😂我認為我吃的上天丼已足夠😋 當中滿有特色的是店內提供的黑豆茶，有去濕熱的功效，喝上去有炒過的黑豆味道，也不錯呢。

金子半之助被譽為「日本第一天丼」，在日本連續7年榮獲全國天丼金賞，2019年起在香港開設分店，至少仍經常大排長龍。到底有甚麼特別呢？🍤🔺 「期間限定」松葉蟹天丼 ($158)天丼食材非常豐富，包括松葉蟹腳、海老、小柱魷魚天婦羅餅、莢豌豆、海苔和溫泉蛋，飽腹感滿滿。天婦羅炸得十分香脆，炸粉厚度適中，可嚐到食材的鮮味，且加入秘製醬汁後更加惹味。回頭率：🌕🌕🌕🌕🌕🔺 迷你天丼配稻庭烏冬 ($118)這不僅是味蕾的享受，更是儀式感滿滿的一個選擇，店員會端出一個大木盒，大家可以按個人喜好添加蔥花、鰹魚花、海藻等配料。迷你天丼同樣用料豐富，有海老、菌類、南瓜、海苔、莢豌豆和溫泉蛋，再加上口感彈牙的稻庭烏冬，份量十足。回頭率：🌕🌕🌕🌕🌕🔺 黑豆茶 (免費)除了主食，還有一樣必須推薦的，是免費的黑豆茶。除了茶味又濃又好喝，更有不同保健功效，如補益止汗、滋潤肌膚、抗衰老等。回頭率：🌕🌕🌕🌕🌕

呢間日本過江龍,一直都好想試下，呢一日自己一個食飯見到難得無人排隊就入左去。🐷迷你天丼&稻庭烏冬(溫）$118因為又想試飯又想試烏冬，叫呢個就兩樣都有；食物好快就黎到，野食唔係熱只可以話係暖；份量唔少係值得一讚既，天婦羅有菇，南瓜，海老，海苔，莢豌豆同埋溫泉蛋。可惜炸漿略嫌厚，而且因為只係暖所以唔夠酥脆，食多幾啖就會覺得好油膩。至於烏冬就中秩中矩，無咩特別。總結黎講都幾令人失望！！🙇🏻‍♀️

之前同老公來食過真心覺得好味，我哋今次食過返尋味，再來享受獨特嘅天丼天婦羅香口味道。金子半之助使用古早秘傳醬汁，使江戶時代風味重現眼前。傳統做法的天丼會把新鮮炸起的食材放在飯面，然後再均勻淋上天丼醬汁，而天丼的天婦羅並不像一般天婦羅脆口，所追求的是每件天婦羅都能適量沾有醬汁。期間限定，松葉蟹天丼～松葉蟹天丼，包括松葉蟹、海老(蝦)、小柱魷魚天婦羅餅、莢豌豆、海苔及溫泉蛋，連續七屆榮獲日本全國天丼金獎。上天丼~赤甘鯛、海老、小柱魷魚天婦羅餅、溫泉蛋、海苔及莢豌豆，赤甘鯛肉質柔嫩，蛋白質含量高，鮮味中略有甘甜味道，有甘美之味之稱。各款天丼都包括味噌湯及漬物。金子半之助採用日本特製高級胡麻油，胡麻油製成的天婦羅芳香撲鼻，色澤會較深。

（每項5💛為滿分）食物份量💛💛💛🤍食物種類💛💛🤍🤍🤍性價比💛💛💛💛🤍餐廳環境💛💛💛💛🤍 📍金子半之助 (奧海城) (大角咀)大角咀海庭道18號奧海城二期地下G29-G30號舖係東京嗰陣已經想食但太飽冇食到好彩香港都有分店 菜單選擇唔算好多主打天婦羅同烏冬😋松葉蟹天丼套餐有漬物前菜蘿蔔同生薑非常開胃丼入面除咗松葉蟹肉之外仲有海路、小柱魷魚天婦羅餅、莢豌豆、海苔同埋溫泉蛋炸得非常香脆但唔會覺得油膩 食到成口油咁食飯嘅時候記得吉爆隻溫泉蛋mix埋一齊食😋稻庭烏冬（冷）烏冬份量都幾多 稻庭烏冬雖然較扁身但都非常爽彈 Mix埋蔥花、wasabi同麵汁食 凍凍地辣辣哋非常適合夏天食

每次係大角咀做完運動都心絲絲想食嘢又想食又驚做完運動食會好肥雖然本來都肥🤪🤪😂 Anyway今次終於無忍住走左去奧海城食好西😆之前食過金子半之助已經好欣賞佢個醬汁佢個醬係古早秘傳醬汁夠晒咸香鮮味🤩佢沿用傳統既天丼做法，將新鮮炸起既天婦羅放上飯面之後先再均勻咁淋上古早秘傳醬汁。雖然咁做令天婦羅無咁脆口🤔但每件天婦羅都沾到咁好味既醬汁都係另一種既滿足☺️松葉蟹天丼，係期間限定既天丼喔！(松葉蟹、海老、小柱魷魚天婦羅餅、莢豌豆海苔、温泉蛋)用日本特製高級胡麻油新鮮炸起既天婦羅有種獨特既香味，顏色較深又均勻一上枱已經令人食指大動🤩件件天婦羅都夠晒新鮮足料，唔會食空氣🤪迷你天丼&稻庭烏冬(温)小妹上次黎都係食佢，覺得佢勁有誠意😂首先個迷你天丼都係咁足料都有菇菌、海老、南瓜、海苔、莢豌豆、温泉蛋成六種天婦羅😆新鮮度不減，一樣係每件都沾滿醬汁同正常size天丼同一standard👍🏻另外，唔好見個稻庭烏冬上枱個陣咁寡餐廳會跟埋個配科盒比你自己DIY好玩又好食！🤪

金子之半助的丼飯是令人垂涎欲滴的。丼飯選擇亦不少，江戸前天丼、松葉蟹天丼、上天丼,、天丼、迷你天丼、稻庭烏冬 。丼飯的特色在於選用了優質的海鮮和蔬菜，再配以香噴噴的珍珠飯和特別調製的醬汁。松葉蟹天丼松葉蟹的口感非常豐富，肉質肥美，蟹腳有獨特的彈性和嚼勁。溫泉蛋蛋漿拌勻令飯粒更惹味。上天丼的海鮮部分包括蝦、魚和魷魚天婦羅等，保持鮮嫩口感。蔬菜則有豆，搭配上海鮮，美味可口。丼碗亦是別具心裁，碗底部份特意做成空心設計，為更能保持碗中食物的溫度。特別調製的醬汁則是丼飯的另一大特色。口味濃郁香醇。然後再均勻淋上天丼醬汁，目的是要每件天婦羅都能沾上醬汁。日本特製高胡麻油，採用日本特製高級胡麻油，胡麻油製成的天婦羅芳香撲鼻及色澤會較深。總之，金子之半助的丼飯令人回味無窮的，絕對值得一試。

喺日本返嚟香港冇耐，已經等唔切要繼續食日本嘢！想食呢間天丼店好耐，今日放工就同👩🏻‍🦱去食。大約七點開始已出現人龍，好在👩🏻‍🦱早少少去，等咗一陣就可以入座。平時綠茶、麥米茶、原味茶就飲得多！呢度提供嘅係黑豆茶，好特別！黑豆味甘溫平，具有補益止汗、滋補腎臟、補肝明目、滋潤肌膚、抗衰老之功效，並可除濕熱、解痰、提神化痰及消水腫功效。啱晒食完天丼飲！佢真係有一粒黑豆係個杯入面㗎😆個Menu好簡單，睇你點揀以下呢兩樣——➡️天丼 or➡️天丼 + 烏冬👩🏻‍🦱係蟹迷，食松葉蟹天丼$158，睇佢個碗好似份量唔算大，但食落就知道係幾咁大滿足，絕對夠飽！有松葉蟹海老、小柱魷魚天婦羅餅、莢豌豆、海苔同溫泉蛋。炸得非常酥脆香口，而且食材新鮮！加上秘製醬汁，別有一番風味。Menu 教享用天丼小秘訣：食用一半後，再將炸半熟的温泉蛋戳破，恰恰好的溫泉蛋蛋液包裹著每一粒米飯。估唔到佢溫泉蛋都有炸一炸，入邊仍然係流心㗎，好高質。蛋汁再加埋佢嘅醬汁撈飯真係一流！迷你天丼&稻庭烏冬$118，啱晒我呢啲貪心想食晒兩樣嘢嘅人！呢度嘅烏冬質感似蕎麥麵，比較薄，但仍然有日本烏冬嘅口感！原來食烏冬仲有配料提供，佢捧咗個木製嘅盒上

在奧海城 shopping 的時候見到有期間限定的松葉蟹天丼，即刻入嚟食個飯先再逛 ~~松葉蟹天丼 (HK$158)真係有松葉蟹腳，唔係蟹柳嚟架 ~~飽滿多汁的蟹肉包在酥脆的外衣內加埋海老、莢豌豆、海苔、溫泉蛋和小柱魷魚天婦羅餅再配上帶點甜味的醬汁，真係超滿足 ~~冬天是品嚐松葉蟹的季節一定要食番碗期間限定的松葉蟹天丼佢仲要係連續七屆榮獲「日本全國天丼」金賞** 以上分享是以我的口味、體質和情況作出分享及感受，一試 / 合用與否請自行決定

呢度係日本過江龍天婦羅專門店，開咗咁耐，終於有機會嚟食。餐廳提供黑豆茶，非常健康！黑豆味甘溫平，具有補益止汗、滋補腎臟、補肝明目、滋潤肌膚等等功效。呢度有多款天婦羅，當亦有烏冬。見到有期間限定嘅松葉蟹天丼，叫咗一個。另外再揀咗個相當豐富嘅上天丼。▶️松葉蟹天丼$158天婦羅有松葉蟹、海老、小柱魷魚天婦羅餅、莢豌豆、半熟蛋、海苔。天婦羅本身有啲醬油，所以味道鹹鹹地。新鮮炸起加咗醬油、熱氣咁相對地減低。松葉蟹夠大條，蟹肉鮮味。海老爽口。小柱魷魚天婦羅餅粒粒口感有魷魚香。▶️上天丼$118天婦羅有赤金鯛、海老、小柱魷魚天婦羅餅、半熟蛋、海苔。赤金鯛外脆內軟，魚質幾滑。鍾意天婦羅海苔味好香。整個天婦羅丼好豐富，食到飽飽。兩個丼飯都包味噌湯及漬物。

奧海城行街又見依間，早前先食完，估唔到朋友又話想食又再食，這裡的天婦羅係做得出色，價錢經濟，一碗天丼足以滿足一晚，而環境光鮮，令人坐得舒適。這裡的天婦羅不像一般脆口，主要是會把新鮮炸起的食材放上飯面，然後淋上天丼古早秘傳醬汁，目的是要每件天婦羅都能沾上醬汁，品嚐到江戶時代風味。而丼碗運用了源自江戶時代的陶瓷工藝，佐賀有田燒來製作，碗底部份特意做成空心設計，更能保持食物溫度。上天丼 $118天婦羅放得滿滿的，望見開心，配料有兩條彈牙的海老、軟嫩的赤甘鯛味道甜美、小柱魷魚天婦羅餅、莢豌豆、海苔和溫泉蛋，將溫泉蛋蛋汁和醬汁撈飯食好好味。松葉蟹天丼 $158見係期間限定就試試依款，配料大致和上天丼差不多，唯一唔月係赤甘鯛換了松葉蟹腳，蟹腳兩條都好大件的，肉質細緻味道鮮甜，口感綿密而多汁，滋味滿足值得一食。

今晚去咗奧運搵朋友食飯，佢帶咗我去金子半之助，話午餐時段成日好多人排隊，所以好奇想試下。佢叫咗迷你天丼&稻庭烏冬餐，雖然叫迷你天丼，但配菜都有菇菌、海老、南瓜、海苔、莢碗豆、溫泉蛋。我同朋友都好欣賞蔬菜嘅天婦羅，感覺冇咁邪惡又比較少食到。稻庭烏冬啱哂我朋友口味，味道清淡加埋啲配料，口感十分彈牙爽口。正準備品嚐之際，侍應突然放低一個木盒。原來餐廳仲提供加配料俾食客自由加入烏冬，分別有蔥花、海藻、鰹魚花、天婦羅碎同埋溫泉蛋。我就叫咗松葉蟹天丼，套餐有漬物前菜，蘿蔔帶有少少柚子味，加上生薑辣辣地，非常開胃。除咗松葉蟹肉之外，仲有海路、小柱魷魚天婦羅餅、莢豌豆、海苔同埋溫泉蛋。蟹肉好飽滿有蟹味，蝦肉質結實，口感極佳。丼加了柚子皮，味道更加獨特。溫泉蛋外面煎香，入面流心，食到咁上下嘅時候，可以篤爆佢撈飯食，令到白飯更加濕潤之餘帶有濃濃嘅蛋香。我哋追加咗穴子，味道同質感都同鰻魚好相似，用炸嘅食法更為新鮮，點埋餐廳嘅秘製醬汁一齊食味道出奇地匹配，令整道菜的味道昇華。餐廳仲提供黑豆茶，根據佢哋嘅描述，有補益止汗、滋補腎臟、保肝明目、滋潤肌膚、抗衰老嘅功效， 亦都非常好飲。

係香港要食到傳統得黎又夠正宗嘅日本菜真係唔多,最近聽朋友介紹呢間日本嘅天丼食店好似真係唔錯咁就黎試一試!松葉蟹天丼期間限定嘅松葉蟹天丼!!適逢冬天係蟹盛產嘅季節,名蟹中嘅松葉蟹一向出名肉質鮮甜嫩滑.將松葉蟹製成天丼再配搭其他經典天婦羅食材令整碗天丼更豐盛更吸引.傳統天丼雖然無天婦羅咁脆口,但用上金子半之助古早秘傳醬汁,更突顯出一陣江戶時代嘅傳統風味.天丼內每件新鮮炸起嘅食材均會均匀地淋上金子半之助古早秘傳醬汁,令天丼味道更香甜惹味.除左古早秘傳醬汁外,金子半之助以日本特製高級胡麻油製成的天婦羅,令天婦羅同普遍相比色澤較深且味道更香醇.底下嘅珍珠米粒粒飽滿且吸晒秘傳醬汁,再配上流心天婦羅蛋,蛋漿沾到珍珠米粒之間,令珍珠米吸收晒整碗天丼嘅精華.迷你天丼&稻庭烏冬除左招牌天丼外,店內亦提供烏冬作選擇.對於想一次食晒2款食品嘅人,呢個配搭一定滿足到你嘅要求.迷你天丼同樣有炸流心蛋,蔬菜部份會更多,但丼內嘅炸蝦同樣香脆彈牙.稻庭烏冬有分熱食或冷食.選擇熱的話店員會係送上set嘅時候再送上一個烏冬配料木箱.內裏一共有5款配料(蔥 | 海帶 | 炸嘢脆| 木魚絲及半熟雞蛋,感覺充滿儀式感之餘亦可以按