Video
Introduction
有「日本第一天丼」美譽的日本過江龍天婦羅丼飯專門店，連續7屆榮獲日本全國天丼金賞。食材、醬汁等均是日本進口的。店舖主打江戶前天丼，提供鳳尾蝦、帆立貝、魷魚天婦羅餅等各種配菜。
continue reading
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
*Last order 21:15
Above information is for reference only. Please check details with the restaurant.
小鬼請食飯說要帶我去食好好味日本菜，滿心期待終於到達目的地「奧海城」金子半之助。門口美女姐姐非常有禮貌又親切帶我們入座，還為我們介紹了餐廳獨有黑豆茶。🍵黑豆茶補氣明目滋潤抗衰，女生們要多喝了。小鬼發辦我可免決擇煩惱，細心欣賞一下店舖裝潢，全日系風格潔淨齊整，開放式廚房可以欣賞到每位廚師匠心之作。🫶🏼🫶🏼🍴半之助沙律我哋沙律上的海葡萄吸引到心心眼，海葡萄營養價值非常高，入口帶微酸爽口好食，沙律菜新鮮爽甜，咬一口海老熱部辣外脆內爽口彈牙簡直回味無窮。🍴辣味鮭魚他他拌蛋黃非常別緻前菜，炸香的紫菜帶點微辣，拌上角切吞拿魚同三文魚刺身，再加上青瓜及蛋黃醬，口感非常豐富。🍴海老天押壽司壽司軟糯配上微辣海老，入口暖暖帶微酸辣，越食越開胃。🍴 牡蠣迷你丼配熱烏冬牡蠣肥美肉質柔嫩有豐富牡蠣汁，夾上外層薄薄脆漿同樣越食越想食，熱烏冬可以玩自家配搭，加蔥加木魚加脆脆加海帶盡情享受。直得一提我平時甚少食飯，這碗丼先放溫泉蛋，再加點醬汁撈勻，飯的酸香配上蛋香這碗丼簡直人間美食，不自覺地整碗吃掉。🤭🍴迷你天丼配凍稻庭烏冬天婦羅脆漿薄薄的，入口無比香脆而且不油膩，內層海老肉嫩汁風焦點秘製天婦羅醬汁，滋味簡直去到天花板，另外是南瓜、菇菌外有特色。🍴日本清酒雪糕用北海道鮮牛乳配獺祭純米大吟釀酒粕做成，感覺我腦袋在說 ：你唔係唔食呀嘛🤭🤭🤭香濃幼滑牛乳，啖啖清香獺祭清酒味，還有粒粒酒粕實在太幸福啦！😍😍非常滿足一個晚上
continue reading
朋友約我收工去奧海城既新春市集睇下買下野, 所以我地就揀左我地兩個都鐘意食既金子半之助食好野入面既環境都日式為主, 有回到家鄉日本既氣氛, 令我地更有胃口食飯今次我地好認真咁睇下個餐牌, 發現除左我地食開既天丼之外, 其實都仲有好多野可以試下, 咁次我地決定要SHARE新野黎食!半之助沙律-$48D個沙律竟然係用餐廳個名黎命名, 睇黎係佢地既信心之作, 食完就知我地冇叫錯, 沙律菜好新鮮, 口感好好, 而且個甜酸酸甜甜咁, 好開胃, 上面仲有幾隻金子半之助成名既天婦羅蝦, 食完又健康又滿足!車海老壽司卷-$108用壽司飯做外皮去做成壽司, 我鐘意D個口感, 而入面仲有一隻保留到脆度既炸車海老蝦, 口感好豐富, 令人不自覺咁一啖接一啖咁去食燒鹽麴鮭魚&迷你天婦羅御膳-$148友人好鐘意食燒三文魚, 而我都係好想食下金子半之助既天婦羅, 咁我地叫D個SET就岩晒啦, 個燒三文魚既魚肉仲KEEP到好嫩滑, 魚油味好香, 好送飯, 另外仲有個迷你天婦羅, 基本野都齊, 對我黎講最緊要就有隻蝦, D個SET都幾多野食咁, 幾抵食食下見到有張紙介紹下丼碗, 丼碗的碗底部份係空心用來保溫, 我睇我自己個碗好似又唔多覺, 真係唔講唔知係咁!總結, 金子半之助除左食開既天丼外, 其他既食物都好唔錯, 令我地有更多的原因再黎金子半之助食野
continue reading
2024年11月20日 星期三今日放工後突然間好想食天婦羅丼，所以就同老婆去左奧海城二期既金子半之助食最正宗既天婦羅丼位置好方便，由地鐵奧運站行過嚟只係十分鐘內，全程室內，打風落雨都唔怕，餐廳一行出邊又有巴士站，而且我哋一去到就可以入座，唔洗等位餐牌比起之前食嘅時候更新咗，多咗好多款唔同類型嘅食物，除咗天婦羅丼之後，仲有前菜同壽司提供，所以我同老婆每人叫咗一個set，再加沙律同壽司另外只要每人加$13 ，就可以有任飲放題，可以任飲餐廳提供嘅水果汁同水果茶等咗一陣沙律就首先送到，係半之助沙律，同一般嘅沙律好唔同，除咗有蕃茄同生菜之外，仲有天婦羅蝦同炸脆脆，令到口感即時提升，食落去脆卜卜，又唔會太過油膩，同沙律醬都幾配合呢個係我要既燒鹽麴鮭魚加迷你天婦羅御膳，鮭魚整得好嫩滑，食得到鮭魚嘅鮮味，又唔會太鹹，上面仲有三文魚籽，一齊食口感更加豐富老婆就要左一個天丼，同之前食過嘅水準一樣咁高，炸漿唔算太厚，咬落去脆卜卜，蝦天婦羅嘅蝦肉好彈牙，蔬菜天婦羅炸完仍然有水分，醬汁用嚟送飯一流最後有海老天押壽司，壽司壓成長方形味道更加集中，醬汁食落去酸酸甜甜，同醋壽司幾夾，每一件壽司裏面都有炸蝦，完全唔覺得油膩一貫嘅水準加上舒適嘅環境，令到呢一餐飯食得好滿足！！
continue reading
金子半之助，一如傳統的日本餐廳乾淨整潔，侍應服務殷勤有禮。半之助沙律 - $48好大碟，有新鮮翠綠嘅蔬菜同車厘茄，炸得金黃嘅蝦天婦羅，配上沙律醬同吃，感覺清新開胃，海老天押壽司 - $88係蝦同紫蘇葉，混和了秘製醬汁，一件件好似壽司咁，上面香脆，下面鬆軟，紫蘇葉的香味搭配着炸蝦，味道超夾，迷你牡蠣天丼&稻庭烏冬 - $128餐廳會送來其他配料可以自己自由配搭，有蔥花、海藻、鰹魚花和天婦羅碎，天婦羅炸物炸得超酥脆，呢間嘅天婦羅炸物有特殊嘅胡麻香氣，比起其他天婦羅專門店係做得特別出色，稻庭烏冬超滑溜，爽滑彈牙啱啱好，仲有個天婦羅炸溫泉蛋，勁正，篤穿個溫泉蛋之後，裏面嘅蛋液流出嚟沾滿着每一粒飯粒，充滿着蛋香，炸白身魚 - $28 & 帆立貝魷魚天婦羅餅 - $28天婦羅白身魚外脆內嫩，從側面看可以看得出很厚肉，帆立貝魷魚天婦羅餅炸得剛剛好酥脆又惹味。
continue reading
今晚專誠去大角咀奧海城, 第一係 約了朋友在 [金子半之助] 食晚餐. 第二就係看看俏熊貓 . 商場設計得好靚, 店舖多, 地方闊落, [金子半之助] 餐廳好容易搵, 奧海城站直出行兩分鐘就到, 餐廳日本裝飾, 好有日本風味. 客人坐滿吧枱, 坐近師傅, 用餐更方便.我們訂了卡座方枱,整齊優雅, 傾偈食嘢係一個好地方. 侍應送上日本黑豆茶及 餐牌, 我們一齊點餐, 先點了開胃前菜, 半之助沙律. 賣相擺設吸引, 好新鮮. 沙律菜翠綠, 車厘茄紅卜卜, 還有沖繩島特產海葡萄, 天婦羅大蝦 好香脆, 混上蛋黃醬, 醬汁酸酸甜甜, 醒胃又清味蕾. 車海老壽司卷壽司餡料滿滿, 望落去好隆重, 上面鋪有三文魚籽, 令人食慾大增. 六件排列得好整齊. 配秘製醬汁. 內餡有天婦羅蝦, 青瓜, 蟹籽. 天婦羅炸蝦好香脆, 蝦肉爽甜, 有點像中式點心.....春風得意腸粉, 內脆外軟. 配上醋飯, 沙律醬, 再沾上秘製醬汁. 真正美味.御膳, 鹽燒三文魚 & 迷你天婦羅. 我們加了$20 由海老轉為 軟殼蟹. 一盤子送到, 小食味噌浸漬茄子, 麵豉湯, 鹽燒三文魚, 迷你天婦羅, 白飯, 好豐富, 給人好印象.味噌浸漬茄子, 茄子好入味, 伴有木魚絲. 三文魚有兩塊, 厚肉, 魚肉嫩滑, 魚油豐富燒得香, 還伴有大大粒魚籽.天婦羅. 先吃軟殼蟹, 口感香脆可口又惹味. 迷你天婦羅, 用鐵網乘載, 無油脂積聚, 又可散熱即食, 真好. 我喜歡吃枝豆天婦羅, 南瓜天婦羅, 好鬆化. 天婦羅菇菌, 菇味濃. 海苔天婦羅味道脆爽, 外面有層薄薄炸衣. 吾油膩, 炸得好鬆脆. 吃口白飯又飲味噌湯, 又飽又暖胃. 內有海帶豆腐, 這個晚餐吃得好滿足.餐後看看俏熊貓, 節目吾錯.
continue reading