K2 Kitchen (Closed)

今晚又約咗女神去觀塘，係呢一帶已變咗一個美食小天地，幾乎每座大廈都會有食肆，放便咗一班上工一族去食好嘢，由街頭小吃到高級美食，係呢度都會食得到夠晒方便，所以間唔中都會來呢度尋找美食，早排又來左呢度開飯，去了呢間人氣餐廳享受一餐美味晚餐餐牌上已有一系列菜式提供，視乎大家想食乜口味，平時比較少食羊因為怕嗰陣味道，其實係烹調方式處理不好，先會發生呢種事情，至不過都唔係間間係咁，就今次點了呢款三色果仁焗紐西蘭B.B羊仔鞍、檸檬芥末，唔知食落味道又如何由於主菜係獨立點，所以都升級轉套餐（頭盤、湯、甜品同飲料）有齊以上，先有頭盤燒有機紅菜頭伴羊奶芝士、北海道帆立貝、檸檬泡沫食落好特別，又估唔到羊奶芝士咁香滑，帆立貝口感彈牙鮮甜再來係是日餐湯入口好香濃輪到主菜羊仔鞍賣相精緻，因為係焗已聞到陣香味四溢，當然食落會更香嫩，又食到果仁金黃又香脆，羊鞍切開已見肉質細嫩帶點脂肪，食到滿口肉汁夠晒滋味再飲番杯熱檸水，食埋精美甜品，開開心心又食一餐美味晚餐。

豬仔今日同朋友出觀塘決定順便去工業大廈覓下食係APM後門行出去冇耐就見到而家K2 kitchen係食西餐嘅 於是就諗住同朋友入去慢慢食一餐順便吹下水餐廳內部環境都幾大 黑色格調為主都幾適合慢慢食餐飯傾吓計下晝有lunch set 我哋每人叫咗一個set一點完餐就即刻上左麵包條兩條長 兩條短裹著醃火腿 田園沙律/是日餐湯甘筍薑湯同朋友都揀左湯 湯質感幼滑 帶少許薑味 好特別肉眼扒配雜菜肉眼扒七成熟肉質軟綿 面上有磨菇 配上汁 好好味同友人都覺得有驚喜雜菜種類多 有淡淡牛油香味帶子意大利飯好多帶子粒 又鮮又軟味道好特別 同友人都覺得好味道飯粒粒都沾上汁嘢食好食之餘環境都唔錯推晏黎慢慢食一餐或者夜晚黎一個浪漫嘅晚餐都合適呀

K2 Kitchen內部裝修走黑色型格路線是日比較遲出來食lunch，燒豬梅肉和燒羊肩已售罄，唯有選擇其它。我們尚在考慮選哪個set時，侍應已送來法式小點-三文魚伴青瓜。椰菜花茸湯濃稠，估計是放了薯仔一同烹調，喝後有澱粉質的飽肚感贈送的長麵包條蘸湯吃也不俗輕煎日本刺身帶子露筍南瓜意大利飯充滿芝士香，食落creamy。飯中還加入洋䓤、黃椒粒、紅椒粒和杏仁片，增添了咀嚼感。日本帶子呈半熟狀態，軟腍又帶微微焦香。我也試了友人的香煎鯛魚柳配柚子香草醬，脆漿下的魚柳肉質嫩滑，柚子醬汁清新出色。煎魚柳配搭的蔬菜加了$10要了一份Oreo芝士餅。沒想到這麼便宜也有精緻擺盤。甜品質素是比得上賣幾十元一件的餅店，友人也很讚賞。

這裡絕對係我嘅不二之選，位置就在大商場後面，好似要行多兩步，但如果要係個商場內等嘅時間，位置座得較迫嘅情況，我就會去呢到食，價錢合理食物質素高，而最好嘅地方係有套餐選擇或主菜加錢變套餐嘅自由，萬一套餐唔合心水，還有其他選擇！今晚我都係以肉為主，試吓主力食肉可否攞套炭水化合物嘅減肥方式，厚切美國黑安格斯肉眼$198，加$58轉套餐，有沙律、湯、甜品、咖啡或茶，轉個頭就先上個燒有機紅菜頭伴羊奶芝士、北海道帆立貝、檸檬泡沫沙律，個沙律一啲都唔hea，看得出個份認真，係塊鮮甜軟滑嘅帆立貝上加了個檸檬泡沫，令人入口清新開胃，而下面就有健康高纖嘅紅菜頭，真係開飯前嘅一道美食！跟住上就係個蟹肉栗米茸湯，湯內有蟹肉配埋個香濃栗米茸湯入口，味道鮮甜，而個湯夠熱，所以份外暖胃！飲湯後，就跟住上今晚嘅主角厚切美國黑安格斯肉眼，未食之前就見到廚師為它識心打扮了，在碟上畫了不同嘅線條，十分之美！當然全都可以入口！而塊肉眼本身係厚切，所以份量十足，五成就剛剛好，一切開會見到由外至中嘅色澤分明，外面燒得香味撲鼻，內裡充滿肉汁，入口軟熟嫩滑，在口中嘴爵時感受到肉汁在口中嘅濃郁，正！飽嚐了份厚切肉眼後，店員就上埋個點品

我地去個日係星期六,餐廳是位於觀塘工廈,就大安指意 無book 位. 諗住唔多人去到剛剛好有2個位但我們一坐低,陸續好多客人到，我地算好彩,個刻覺得呢間餐廳質素應該唔錯我同老公點了2人餐$588食物質素的確真的不錯 海鮮冷盤 ..新鮮好食白酒煮蜆....個汁好正蘑菇燙...普通主菜 牛柳 非常juicy主菜 蘑菇意粉..普通甜品 蘋果批雪糕...普通包2杯野飲正體黎講 呢個質素 呢個價錢非常超值8點前結帳仲有9折我會再支持

最近因為要去觀塘工廈睇傢俬， 所以多咗喺附近樓上鋪頭搵食，今次食 K2 Kitchen 唔多唔少都因為佢係又抵食又有質素。室內裝修頗有格調，座位坐得舒服，侍應keep住有 attention! 就算星期六日都記得一定要訂枱因為會 full。之前朋友都同我黎食過，覺得晚餐抵食！醬燒美國豬仔肋骨 $148，加 $58 便可以轉為套餐。Full set 咁食10分滿足!首先上係精美頭盤 焗車打芝士、煙肉大傘菌。size 幾大件的大傘菌，上面鋪滿煙肉，然後再用車打芝士焗，香濃美味!然後今晚嘅餐湯係我最鍾意嘅粟米湯，而且入邊仲有蟹肉添！creamy 口感很好。醬燒美國豬仔肋骨 烤得很好，廚師火喉掌握得好，醬汁夠 juicy 而且非常入味，骨肉分離,入口柔軟細膩。肋骨肉質又唔會太乾，而且最緊要就係容易切開，不費吹灰之力! 我個人就覺得味道惹味十足，旁邊仲有燒汁作為補充，值得一試！中間我仲追加左一個小食，炸薯條黑松露醬 $42，正！餐茶嘅凍咖啡一樣濃厚滋味！最後甜品係綠茶蛋糕，驚喜的是擺設成長方形的玫瑰花，果然好有心思！唔怪得全場有一半人都係慶祝生日吹蠟燭啦！

在觀塘返工的好處就是日日可以搵到好西食。今日就搵到K2 Kitchen食好西。十二點鐘到達，未算多人，但到了十二點半，人流就開始多啦，所以最好預早訂位。餐廳裝修簡單，以黑色為主，皮座椅，座位闊落舒適。一坐底，waitress 已經送上小食餅乾條及提子配芝士餅乾Lunch set 有8款選擇, 配上餐湯/沙律及飲品今日餐湯係甘筍薑湯，少有的西餐，打得幼滑，有少少薑的辣，幾特別。沙律係黑醋沙律，黑醋酸咪咪好開胃，沙律菜夠新鮮。主菜我選擇了溫泉蛋蟹肉三色螺絲粉($73)，三色螺絲粉令整體變得更加colourful，螺絲粉唔會煮得太淋，溫泉蛋一篤，蛋汁湧出，配合蟹肉碎, 芝士碎同撈一齊食，味道十分好。朋友選了馬來風味彩椒海鮮意大利飯($73)，多數食的意大利飯是由白汁,蕃茄或黑松露做底，但這個是西式同馬來西亞既fusion 菜，用了馬拉菜的咖哩來煮意大利飯，幾特別幾惹味。食西餐配上一杯咖啡，很不錯。朋友叫的伯爵茶是一壺的，waitress 還會好細心幫你refill 。最後還加了$10 要是日甜品，令整餐飯更加完滿。是日甜品為芝麻豆腐mousses，上枱好驚訝呀，廚師在甜品碟上畫上好精美既圖案

今天放假，去了找妹妹吃午飯，妹妹在觀塘上班，她帶了我去K2 Kitchen 吃，真想不到原來工廈內，都有水準那麼高的餐廳🍴這裡的午餐是套餐來的，我們點了日本刺身帶子龍脷卷配黑魚籽忌廉汁，及烤羊扒伴虎蝦，除了主餐外，還配法式精緻小點、餐湯或沙律、跟餐配有機糙米飯或蔬菜，和多種款式的餐飲。法式小點很香很脆口，而南瓜湯很有南瓜陣陣香味。日本刺身帶子好正，很鮮甜及有𡁻口，龍脷都很有口感，羊架肉質鮮嫩及很juicy，烤得剛剛好，虎蝦很大隻，啖啖肉啊！至於甜品芝士蛋糕，美到像一幅畫，有些不捨得吃呢！蛋糕亦很軟很香。整體而言真高質，下次一定會再來

女朋友訂了枱，又試試一間工廈的西餐廳，價錢拍住街上的餐廳，裝修都幾華麗，很多對情侶到訪。而店員都服務周到，除了主動介紹餐牌，又不停換碟，加水。今晚每一點了一個主菜再加58元升級做套餐，基於身體又過敏，不能吃牛，又不想吃很多海鮮，點了客鹿兒島有骨黑豚豬鞍，伴楓糖芥末籽青蘋果茸。豬鞍煎得外皮微脆，而內裡剛熟透，鎖著濃濃肉汁，滋味無窮，腍軟度適中，真的值得吃。而伴碟的蘋果茸不太甜膩，是不錯的配搭。頭盤一片片燒有機紅菜頭甜得來中和了檸檬泡沫酸味，帆立貝幾彈牙爽口，而羊奶芝士味道有點淡。蟹肉栗米茸湯餐湯，吃到一粒粒粟米肉也有不少蟹肉。甜品再加58元轉了脆皮心太軟，大個心型，外邊果然有點像曲奇般香脆，而中間又保持到流心狀，造型味道都一流，不會過苦，甜度適中！主菜和心太軟最最最出色，值得比呢個價錢來食。

透過openrice訂了在觀塘很出名的工廈高級西餐廳，七時仲有很多位，到八時已經滿座了。環境幾熱鬧，燈光昏暗，適合情侶又適合朋友聚會。頭盤先試了自家制煙燻三文魚伴西柚伴青檸蜜糖乳酪，份量原來很大，可3-4人分享。三文魚厚切和西柚形狀差不多，整舊啖啖肉，咸香煙燻味十足，撈沙律菜一起吃很開胃！巴馬臣芝士煙肉蛋黃醬意粉醬汁稠簿，有微微白酒味道，芝士白汁味出奇濃厚，配大量煙肉碎簡直令人上癮的吃。加了$58轉套餐包前菜、餐湯、甜品和飲品。焗車打芝士煙肉大傘菌很多汁，煙肉和洋蔥加重了味道，不錯不錯。是日餐湯是牛肝菌湯，味道很濃郁，不過偏甘，不易入口，合我口味。甜品是檸檬芝士蛋糕，裝飾得很精緻，士多啤梨醬最美味！鮮奶朱古力有厚厚的奶泡，明顯看到一層奶脂在浮面。食物果然一分錢一分貨，難怪平日晚上都坐滿了客人啦。

兩兄妹食飯，補祝阿妹生日，牙妹系觀塘放工，又話要食西餐，好彩一早book左k2依間餐廳，喺觀塘地鐵站行10分鐘就到，非常方便！上到去環境都幾大，而且座位幾寬闊，服務員好有禮貌！今晚頭盤有兩款選擇，燒有機紅菜頭伴羊奶芝士，北海道帆立貝、檸檬泡沫，紅菜頭好新鮮，而帆立貝煮🉐️唔會太熟，正，個檸檬泡沫好過癮另一個頭盤係焗車打芝士，煙肉大傘姑，姑烤煮適中，好香姑味，而且個大香姑汁湧曬出嚟添。餐湯係牛肝菌湯、如果喜歡飲蘑菇湯嘅人一定好鍾意，因為非常香濃牛肝菌味道，而蟹肉粟米茸湯味道好清新既粟米，主菜：烤紐西蘭有骨肉眼12安士$318，叫了五成熟，控制火候啱啱好，牛味好重丶肉質鬆軟三色果仁焗紐西蘭BB羊仔鞍，檸檬芥末$248，叫了七成熟，個羊仔鞍肉質嫰身，正，可以加$58頭盤、湯、甜品係檸檬芝士蛋糕，餐茶，滿足

朋友系觀塘放工，又吾想食APM嘅餐廳，佢就有一個提議不如去工廈食好西，可以傾吓計，就不如食西餐，上到去覺得個環境幾大，而且座位幾寬闊，服務員好殷勤又有禮貌，逐一介紹餐牌裏邊嘅主菜！頭盤有兩款選擇，燒有機紅菜頭伴羊奶芝士，北海道帆立貝、檸檬泡沫，紅菜頭好新鮮配上羊奶芝士好夾，而帆立貝煮得啱啱好唔會太熟，檸檬泡沫好特別另一個系焗車打芝士，煙肉大傘姑，大姑烤煮適中，外少少烤香，好多姑汁湧出嚟！餐湯係牛肝菌湯、非常香濃牛肝菌，而蟹肉粟米茸湯味道好清新而且食到粒粒香甜粟米，主角主菜：烤紐西蘭有骨肉眼12安士$318，order五成熟，控制火候啱啱好，牛味重丶冇筋。三色果仁焗紐西蘭BB羊仔鞍，檸檬🍋芥末$248，七成熟，本身羊仔鞍肉質嫰身，吾So，配合酸甜嘅醬汁好開胃！可以加$58頭盤、湯、甜品（是日甜品係檸檬🍋芝士蛋糕🍰）、茶，我另外轉左個甜品，雲呢拿雪糕配自家製蘋果批，個蘋果批推介之一，蘋果批係外脆內鬆，香甜鬆脆，一層層酥皮，冷熱口感！

前排經過朋友嘅極力推介下,試左同一集團旗下嘅i kitchen,食物質素令我相當滿意,所以決定同男朋友試埋依間K2 kitchen,果然冇令我失望。廚師餐湯係帶子薯仔煙肉湯,薯仔已經煮得徹底溶化,飲落綿密帶有煙肉香氣。豬扒非常之厚被煎得金黃色同焦香,而且帶有香脆口感。一切落去肉汁已經澎湃地湧出,而且食落軟淋得黎帶有咬勁。特別係帶有脂肪嘅位置更添一份油香。配上意大利黑醋酸酸甜甜嘅味道可以解膩,越食越開胃。肉眼扒選擇左五成熟,煎得啱啱好同我所要求嘅熟度符合。肉質軟淋配上黑椒得啱啱好。連餐飲都非常之高質,我所選擇嘅凍鮮奶朱古力,朱古力味濃厚。只要加$10就可以享用甜品每日嘅甜品款式都唔一樣。當日咁啱就係檸檬芝士蛋糕,味道非常清新。最值得一讚就係佢嘅伴碟畫,非常之有心思,令人賞心悅目。未品嚐甜品就係見到半碟已經好開心。

喺觀塘放工， 諗緊食乜嘢好 ，見到openrice有好多個正面食評， 又有折扣， 就試咗呢間餐廳。點左巴拿馬火腿蜜瓜，鵝肝蘋果同沙甸魚多士 為前菜， 火腿夠味， 蜜瓜又多，正鵝肝煎得脆口， 但分量偏細多士就冇咩特別， 沙甸魚似係罐頭湯就嗌咗甘筍湯，淡味d煮菜點咗龍蝦天使麵同牛柳鵝肝龍蝦大隻和鮮甜, 配忌廉天使麵， 醬汁濃郁， 賣相一流， 份量剛剛好牛柳叫咗5成熟， 嚟咗次7成熟， 肉味濃，唔算好靭， 但得3細塊， 而且唔知咩配菜有三款顏色， 醬汁冇味道比較稀， 賣相偏差。價錢唔係特別平， 味道冇想象咁好食

兩人點了鵝肝牛柳(HKD207)和龍蝦天使麵(HKD170). 鵝肝OK但牛柳我點的是5成熟但來的是全熟。我覺得你就算5-7成熟都算了，全熟！！！不能接受。牛柳幾成熟應該是西廚大概可以掌控的東西。5成跟10成都分不到有點...龍蝦肉頗un. 我不懂分龍蝦種類，但我對龍蝦肉的印象是彈牙，而不是un 到刀都切不可。份量小小女生OK。男生應該覺得不夠。它是在工廈樓上，樓下沒有水牌，上樓需要登記，我覺得去個餐廳食飯都要登記身分證實在太麻煩了。以這個價錢，我不會再來。