Video
Read full review
2017-08-23
12201 views
美心系嘅中菜一向都覺得唔錯，水準穩定，而服務始終有一定嘅水平，加上依間「翠園」晌地理位置好，最近又收到信用卡推廣，有啲抵食嘅套餐供應，所以，一班成年半無見嘅團友仔搞局聚一聚，第一時間就諗到嚟依度。大家確喺好耐無見，傾到雞啄唔斷咁，有朋友更啱啱去完東非肯亞，跟大家分享咗唔少趣聞逸事，讓大家渡過一個相映成趣嘅晚上。唔知喺咪好似啲人所講，零售、飲食都有啲寒冬，是晚星期三嚟到翠園，正值晚市時段，都喺約八乘滿，以尖咀黃金地段，都唔算高入座。相反，我哋就覺得更舒服，客少啲，環境就清靜啲，再者，安排咗張近窗口角落嘅大枱，可謂自成一角，更應自在。講到明信用卡嘅推廣套餐喺揀呢處嘅部份原因，所以，都無乜點睇個餐牌，但就知佢哋做緊個「食在老廣州」嘅經典巧手菜系列，但同朋友傾偈，都無點留意有乜巧手菜。至於我哋打算點嘅「冬瓜盅 ‧ 龍蝦尾 ‧原隻鮑魚宴」，都幾抵食架，我哋一行7人，女多男少，點半圍照樣好夠食。星期一至五，半圍只賣$1,060，包6位茶位費及加一服務費、橙汁1酌或啤酒大支裝1支，但須另收前菜費用，做到8月尾完。鹹脆花生雖然套餐話須另收前菜費用，但張單好似無收過，當佢私人醒啦，仲俾到一枱兩碗我哋。啲
唔知喺咪好似啲人所講，零售、飲食都有啲寒冬，是晚星期三嚟到翠園，正值晚市時段，都喺約八乘滿，以尖咀黃金地段，都唔算高入座。相反，我哋就覺得更舒服，客少啲，環境就清靜啲，再者，安排咗張近窗口角落嘅大枱，可謂自成一角，更應自在。
講到明信用卡嘅推廣套餐喺揀呢處嘅部份原因，所以，都無乜點睇個餐牌，但就知佢哋做緊個「食在老廣州」嘅經典巧手菜系列，但同朋友傾偈，都無點留意有乜巧手菜。
至於我哋打算點嘅「冬瓜盅 ‧ 龍蝦尾 ‧原隻鮑魚宴」，都幾抵食架，我哋一行7人，女多男少，點半圍照樣好夠食。星期一至五，半圍只賣$1,060，包6位茶位費及加一服務費、橙汁1酌或啤酒大支裝1支，但須另收前菜費用，做到8月尾完。
鹹脆花生雖然套餐話須另收前菜費用，但張單好似無收過，當佢私人醒啦，仲俾到一枱兩碗我哋。啲花生既鹹香，又脆口，食吓食吓其中一碗差唔多由小弟食晒。
芝士上湯焗龍蝦尾（伊麵底）講明喺半圍份量，龍蝦尾數住只會得6件，至於啲蝦身、蝦頭唔知會整咩菜式呢！因為我哋7個人，就只好犧牲吓小弟，淨食啲芝士伊麵，厚厚嘅芝士，感覺幾似食緊撈丁，但麵質稍腍。至於啲蝦，朋友話都夠爽口。
古法桂花炒魚肚即喺碎蛋炒高級「豬皮」，加埋啲銀芽，而啲魚肚口感爽爽哋，但味道夠為淡口，叫做不過不失，勝在份量足。
胡麻山葵脆炸蝦丸一客有9粒，等我哋人人都有得試，估唔到又幾好食，唔單因為炸嘢夠甘香，啲蝦丸幾彈牙，蝦味足，入口有陣陣芥辣味，淋上胡麻醬，頗有驚喜嘅菜式。
胡麻山葵脆炸蝦丸
140 views
0 likes
0 comments
海皇冬蓉羹湯品有兩款：錦繡冬瓜盅或海皇冬蓉羹，但我哋未夠8:00pm落單，冬瓜盅就已經話無貨，有少少懷疑都唔知喺咪費事麻煩整，索索話無貨。不過，個冬蓉羹本身都唔錯，清甜好味，羹內有唔少蝦肉粒。
原隻鮑魚伴花菇唔喺咩特別菜式，但勝在用料靚，花菇大大隻，有肉地又有菇香；原隻鮑魚唔喺咩乜乜幾頭鮑，但一樣唔失禮，算大隻，最緊要扣得腍身兼入味，柔韌有嚼勁，配埋玻璃生菜，平凡中顯出不平凡。
清蒸沙巴花尾躉食魚鮮，清蒸真喺最佳食法之一，條魚大概近兩斤，蒸得恰到好處，魚肉好嫩滑，又有鮮味，去到骨位亦無唔熟嘅情況。有時候，唔一定要食咩貴斑嘅，呢條沙巴花尾躉都好唔錯吖。
清蒸沙巴花尾躉
164 views
1 likes
0 comments
一餐飯，時蔬就點少得呀，菜苗雖然唔喺貴價嘅豆苗，但翡翠苗我都鍾意，喜歡佢嗰種脆脆哋身嘅爽口感，菜面鋪滿瑤柱碎同杞子，好睇又好食，尤其杞子，明目有益呀！
蔥花醬油雞今晚個套餐有個特別，唔知喺刻意定咁啱橋，就喺無紅肉，比喺「肉感」嘅就只有依道白肉。碟醬油雞喺半隻份，味道猶如食燒味嘅油雞，皮下脂肪少，外皮帶點爽，肉雞做得挺軟滑，夾住蔥花食，認真唔錯。
鮮奶椰皇糕最後登場喺甜點，一小碟鮮奶椰皇糕，做得幾精緻喎。上、下兩層喺椰汁糕，中間嗰層似喺大菜糕，但心思在加入椰皇水做，有一股清甜味，而且，混入椰皇肉，添一份咬口，大家都覺得好唔錯。
鮮奶椰皇糕
116 views
0 likes
0 comments
Post
