板長壽司 (Shatin Centre)

Open Now

Now Closed

近來帶兒子出街，發覺阿仔好像開始識飲識食了。因為，好幾次，他都選中了日式餐廳或是豉油扒餐廳。這一天，又是一個只是兩父子的晚餐時間了。阿仔早已經咬定，要我帶佢去食日本野，仲要指明食壽司。我們剛好身在沙田中心，而就在沙田中心這一個商場內，有一間《板長壽司》，那就決定來，同阿仔吃好一點。阿仔一看就看中了這一個花之卷壽司。這可以說是一個香港人發明的壽司。以三文魚包著飯，再加上沙律醬同蝦子。四種味道集一身的壽司，的確滿足到許多人的願望。雖然，我們兩父子的主打是食壽司。但大家都想有些熱辣辣的東西落肚。所以，我們都點了一碗烏東。我點的是魚湯烏東。幾片魚肉，加上魚味清湯。就是一個很清淡的口味。魚湯更有一種令人立即會感到滿意的鮮甜味，很不錯。阿仔點的是牛肉烏東。牛肉的香味，牛肉湯的香甜味，令阿仔大叫好食。他分了一片牛肉給我，我吃得出是嫩滑。而且湯底既濃的帶香甜，也是一碗水準高的烏東麵。壽司有火炙佐賀和牛壽司。嫩滑的牛肉，差一點就可以說是入口即溶。牛肉下底的飯團，被牛肉汁滲入了。不用點醬油也好食。秋刀魚壽司。是當日去食閎的季節限定。秋刀魚刺身，我是第一次食。肉質很滑，肉的味道亦很是鮮甜。不點醬油，直接去品

我終於等到食板長，唔知點解好興奮😆 今次叫咗油甘魚(黑松露醬)、油甘魚腩、火炙黑松露醬三文魚、火炙帆立貝、梅真鯛、沙律軍艦三味(有三文魚沙律、龍蝦沙律、芝士飛魚子軍艦)、鮫鰈魚背、火炙金木鯛、墨魚同埋一個下午茶餐- 三文魚壽司配炸雞，下午茶有汽水送要點名讚下油甘魚、沙律軍艦三味同墨丸，食到外面食唔到嘅🍣 下午茶餐入面嘅炸雞同火炙帆立貝就麻麻哋啦🙃呢排愛上咗嚟板長食，覺得佢啲質素都幾好😋 不過元氣同板長好味嘅嘢都唔同😂大家要試吓

堂食午餐做緊8折，計返百零蚊一個人，都算抵食。火炙壽司一如以往水準，味道唔錯，最欣賞係個蒸蛋，好食，份量一個人食都已經好飽。不過食到其中一件有d腥，唔知係唔新鮮定係自己唔鐘意隻味。

今日同朋友返學校溫書📚肚餓又想食壽司sushi🍣所以去左沙田食板長壽司😚個午市套餐都幾抵食！😛套餐配埋沙律同面豉湯🥣It’s at a reasonable price and finger-licking !!!1）牛肉溫泉蛋丼飯😋 $58蛋漿撈埋落啲飯，配合埋唔靱嘅和風牛肉Beef😋成個Lunch set 食得好滿足😚😚😚2）和風牛肉稻庭烏冬+迷你壽司Set🍣$88😋我係超鍾意食烏冬嘅！呢到嘅稻庭烏冬真係好正😍又幼又嫰滑😋有種入口滑落喉嚨嘅感覺😋呢隻烏冬如果可以我想買返屋企自己煮添😭麵質太好了太好味了😭個白蘿白好入味好冧，正！Sushi 又係一如既往一樣！個卷物好好味😋😋😋午餐就比自己食好啲😋😋😋😋😋

好日唔食板長壽司。我阿媽唔想等位。咁因為板長壽司好快有位。我地唔想等。咪入去囉。叫左兩份午餐定食。又無人介紹。用個平板電腦點餐。原來我媽想要刺身。但無人介紹。叫左個刺身定食。d刺身唔新鮮。成個飯我媽都無食。浪費掉。我媽話個面豉湯唔好飲。又叫左另一個定食。仲貴。稻庭烏冬。分量又細。個面又幼。好難食。個定食配既壽司。我食到吐出來。又貴又唔好食。真後悔。不吐不快。不過壽司平左。味道還可以。但下次唔會再來食午餐定食。嬲到要上泥講。

當我係沙田諗緊午餐食乜好嘅時候，突然想食刺身丼，周圍行吓，見到板長壽司嘅刺身丼好似幾吸引咁，又好耐冇食板長，所以就行咗入去食啦！佢有櫻花丼同埋火炙三文魚腩丼，都諗咗一陣，最後因為想食入口即溶嘅火炙三文魚腩，所以就揀咗呢個餐啦。三文魚刺身有三件都幾厚，至於夥食三文魚腩，都有幾件，但就薄身啲，都有入口即溶嘅感覺🤤 午市唔多人，唔使搭枱！服務都算係半自助，入到去會比張印有QR code嘅單你，自己落單。食物質素：8/10 環境質素：8/10 服務質素：7.5/10

好鐘意食板長，因為選擇多又成日有新款。不過今次就有少少失望今次叫左個set sushi，等左成半個鐘都未黎。隔離枱遲過我哋黎啲食物都一早到左。咁我梗係問下待應，點知佢話Set sushi係耐啲架要等下。我諗好可能係漏左單，或者俾錯左枱最後終於等到食物，壽司食落去中規中矩，海膽有少少唔新鮮。朋友點左個馬刀貝（好似係咁叫)上到枱散開左😂 其他炸同燒物就幾好食總括來講我覺得係中等質素，價錢合理，但希望唔好再漏單啦

一向鍾意食 板長寿司 Itacho Sushi HK 嘅我地，今次見到有超抵二人套餐，即刻又再食！刺身新鮮、壽司特別，天婦羅香脆、鹽燒三文魚鮫夠火喉👍🏻 仲有必食 #稻庭冷素麵 ，品嚐300年歷史嘅江戶美食。以日本小麥粉純手工製作，擁有獨特嘅嚼勁與清爽順喉感😋🎎特選二人前 (正價:$370、折實$259)*要出示QR code先可享有優惠架上網搵吓啦🍣壽司: 加洲卷(2件)、火炙醋鯖魚壽司(2件)、豚拖羅(2件)、火炙醬油漬三文魚(2件)🦐刺身: 赤蝦刺身、三文魚刺身、油甘魚刺身🍤揚物:天婦羅盛🐟燒物: 鹽燒三文魚鮫🥗飛魚籽沙律🍜稻庭冷素麵🍵麵豉湯(2客)🥤罐裝飲品(2罐)

突然間好懷念同老公後生時拍拖的必食勝地。所以決定去捧一捧下場。魚生一樣咁鮮甜好味。叫下叫下我地兩個人食左成幾十碟。好滿足，重拾當年mk時代的感覺。必點三文魚，醋青魚，非常抵食！

板長壽司陪伴香港人長大，板長壽司最出名是每天運送不同的魚來做刺身，但除了三文魚愛我比較少吃其他魚，所以主要來到板長會吃三文魚壽司三文魚其實太普通，每間壽司店都有，但唯獨板長的三文魚醬油漬壽司是全港獨家！什麼事三文魚醬油漬壽司？魚皮連魚肉醃製過的三文魚，用火槍燒過，三文魚夠肥美甘香，醃製過的三文魚別樹一格😋而且價錢比三文魚壽司更為便宜現在做大特價$10/2 件板長最值得推介就係最平嘅三文魚醬油漬壽司快啲試試喲😊😊

起壽司店嚟講，食過咁多間我覺得板長壽司係算係高質！！🍣🍱壽司飯嘅飯唔會散，有陣時有會員優惠，某啲特別嘅壽司都係$8-$10！有幾個優惠壽司我特別想推介！1.油甘魚壽司🍣佢有黑松露、黑松露油、柚子、海鹽同原味。我就最鍾意食柚子同埋海鹽～你睇吓佢色澤光，油甘魚肥美又厚，一咬落去嘅口感係好正！同埋好好味！🥰😋😭$8一舊😭🤟🏻性價比算好高！！！下面幅圖兩個就係池魚王，我起特別推廣嘅時候見到就帶咗兩個試吓～非常新鮮2. 炙燒黑椒三文魚🍣+醋鯖魚🍣兩個都係我嘅最愛😭😭好好味好好味！個醋鯖魚都係$7 一件，黑椒三文魚就$14 2 件！醋青魚係超級超級好味！！一咬口有少少酸，成舊連飯食係好夾！！炙燒黑椒三文魚冇腥味，出邊好多都好腥，板長壽司係依方面做得好好！另外佢個赤蝦🦐壽司都好好味㗎，令一個我嘅至愛叫做左口魚邊！3. 炙燒左口邊魚🍣$16 一件！不過10分高質就係下邊圖白色嗰個！一咬入口，入口即溶，魚油同埋左口魚邊配合得10分完美！連飯食簡直係想尖叫！嗰種魚香味同埋喺口入邊溶化嘅感覺，好享受🥰大家一定一定要試！總括嚟講，我都建議大家做板長壽司會員，有好多優惠同埋食物質素高，我係長期客！

今日經過沙田，同我媽咪去食壽司，我媽咪就帶咗兩款唔同嘅沙律食。首先呢個蟹子，食落個青瓜好爽甜，仲要做緊特價$12真係物超所值再叫多個牛油果吞拿魚沙律，嗰個牛油果沙律係幾新鮮嘅，但係因為佢個吞拿魚係叫咗罐頭嗰隻吞拿魚，所以食落去呢就唔係好夾，有少少失望除咗個吞拿魚之外其他個菜都算係新鮮嘅，第$42就唔值囉。今日叫咗個海膽軍艦同埋三文魚子軍艦，個海膽軍艦就咁睇落去個色澤都唔錯，食落去都算鮮甜。個三文魚軍艦都算係幾新鮮，不過就冇個海膽咁好食今日我哋帶咗四件吞拿魚拖羅，食落去都算唔錯，油脂分陪都幾好，無根入口即溶至於個油甘魚真係無得輸， $9件，個魚同埋個口感真係好滑身，食咁多次都係好味蝦同埋新鮮嘅北寄貝都同樣帶着鮮味，黎到必定會叫嘅嘢食

今日經過呢頭附近食晏晝，見到佢都有唔同嘅款式望落都幾吸引，咁就試吓啦。其實見到咁多款都幾花多眼亂。最終我叫咗個櫻花🌸丼，等左大約10分鐘到。不過我已經見到門口開始有人排隊，即係呢度平時其實都應該好多人食下午。開頭就咁望落去我覺得啲魚生都唔係好多，同個飯嘅比例都唔係好合比例。不過後尾再見到其實佢嗰啲魚生食落去都算新鮮，，同埋原來食食吓同個飯夾，個份量都算係可以，唔會唔夠餸食。呢個湯係跟個飯送嘅，飲落去都算係熱辣辣，佢裏面都係幾多料㗎。整體來講一個午餐60幾蚊都算唔錯。我自己本身係板長會員，裏面有啲積分可以兌換，我就直接對左$70 ，呢餐多謝消費$5

平時我都有食開沙田呢間板長嘅，今日因為會員八折星期三，我就特登再去食一次。首先就帶咗個三文魚子軍艦，食落都算新鮮，三文魚子新鮮係一咬落去鹹鹹地再配合埋啲飯好惹味呢個新鮮嘅北寄貝壽司🍣，係我每一次過到嚟都會叫既壽司又新鮮又甜，冇得頂。再嚟就一定會帶吞拿魚腩壽司，淨係睇個賣相就知道佢又肥又鮮甜，放入口成口魚油香味，簡直入口即溶其他我都仲有叫三文魚腩壽司，佢都算滑身。今日個帆立貝壽司都算鮮甜，板長蝦壽司都不過不失再其次基本上每款魚壽司我都會叫每人一件。以前我向平時喺食日本嘢嘅地方我好少叫魚嘅壽司，因為怕佢腥同埋唔新鮮，呢度就冇呢個問題啦。油金魚壽司我叫咗黑松露醬嗰款，因為佢個味比較突出帶到個魚嘅鮮味，而且亦都好夾唔會蓋過魚嘅味道。至於今日個油金魚腩比平時滑身，同油甘魚個味道有啲分別，我比較鍾意呢種口感頭先個吞拿魚腩入口即溶，所以我哋都決定每人再嗌多一件。呢個睇落去就同之前嗰個有啲分別，但食落去都一樣係咁好食。平目魚比較爽口，鮮甜嘅味道。梅真鯛肉質就比較軟身，配合埋啲蔥花都幾鮮甜。至於池魚王個魚身比較爽滑，甘多款魚都各有特色最後嗰赤蝦都唔錯。總括食咗咁多嘢先三百幾蚊兩個人都幾抵食，仲要好合我們

今日OT左半日，放工梗係要食餐好補償一下喇！😁之前行過，睇到啲poster已經同男朋友仔講，下次要試，終於得償所願呀！😁我地一人叫左一款海鮮丼飯😁呢個係我既😁咁色彩繽紛，見到即時開心晒，好多粒粒刺身，每啖都充滿刺身，加上三文魚子，最鐘意三文魚子在口中爆開，魚油充滿成個口腔既感覺🥰好幸福呀！男朋友仔既海魚丼，佢呢個有蟹肉，同一片片既刺身，不過最後佢話我嗰個正啲🤣🤣🤣其實我地仲叫左個鹽燒牛舌，不過心急得滯，食晒先醒起唔記得影相🤣🤣不過個牛舌都唔錯，都幾彈牙😁👍🏼