潮牛莊火鍋 (Closed)

真的不可盡信網評，見到網評大多讚好，今天拉隊試試。除了感覺坐得舒服及服務非常好之外，若以價錢對比，食品質量就較普通了，尤其是餃子就如街市一般的行貨。平心而論，就是價錢是貴在服務，但用同樣的消費，在尖沙咀應該可以找到較合心意，下次不會再去。在火鍋行業成行成市，要殺出重圍，在食物質量上確要提升。自己認為自己並非要求高，就是見網評都大讚，沒有其它相反意見，就有點奇怪，所以推使我寫這編食評，反映我的想法，明白各人口味各有要求，本人並非挑剔，而是希望店方對一些意見可作參考而已。

又係到咗打邊爐嘅季節，日日打都真係唔會厭☺️今日約咗幾個同事黎潮牛莊打邊爐，呢間火鍋店，係我同事極力推介。佢可以話係一間專食騸牯牛嘅火鍋店，有好多唔同部位嘅牛都可以係呢度叫到😋😋，例如爪邊、牛頸脊、腰咀、挽手等等，好多部位都未聽過😅😅我最欣賞叫度除左可以叫大鍋之外，仲可以叫一人一鍋，咁就唔駛同人爭要咩湯底✌🏾✌🏾我地叫到成張枱都係餸，嚮鈴即炸，非常鬆脆，又一d油益味都無😍😍蝦同聖子都好爽好新鮮🤤🤤我地叫左4款牛食，有瓜邊、牛頸脊同腰咀，雖然食完我唔識分佢地係咩部位，但全部都好有質數，好香牛味🤤🤤下次一定要試埋其他牛部位😋

今日特別肚餓，去左個兄弟介紹位於尖沙咀食店食過晏就，兄弟極·推介佢地既清湯牛坑腩，唔洗諗直接來一客。其實食開牛腩概都好怕太肥得陣油香冇左肉既甜，但佢真係岩岩好好，香而不濃，食完唔會好濟，再加埋尐蘿蔔，真係冇得輸；個湯真係甜到難以形容，配埋個白飯，真係好岩以家呢個秋涼天食。不過要留意佢地四點左右落場，要食既就唔好太晏先去啦。

今日同朋友去尖沙咀行街食飯， 個friend話想打邊爐， 於是乎我地就揀咗呢間 "潮牛莊」 試試🤨呢度嘅夥記推介我哋試下嘅騸牯牛肉 同手打丸🤔食咗第一塊就即刻有feel， 真係非一般嘅牛肉 ，牛肉有口感，牛肉味又濃 😍跟住我地再嗌咗個新鮮五寶手打丸，正 ! 好彈牙😋整體嚟講，食物新鮮 ，味道唔錯 ! 有驚喜!

之前睇X吱的美食家講呢間火鍋店清湯腩講到咁好，專登Lunch黎試下~ 個湯底都幾清甜，骨味幾濃，應該熬咗好耐。牛腩食落都幾爽，口感又唔錯喎！一碗清湯腩飯都係$58，都幾抵食，可惜得Lunch先有。Friend仲嗌咗牛坑腩飯同咖喱牛腩飯，望落都好似唔錯，下次Lunch再黎試下~

味精過強 - 潮牛莊·之前聽朋友講話呢到lunch無得頂，今日就來試下，本身係火鍋店來，但中午就有啲牛腩粉餐做下。我叫左一個爽腩河$78，一個牛腩河$58，爽腩來到得一半對辦，其他只係牛腩配啲牛根，唔係正宗爽腩，但味道係唔錯既，牛腩亦選用新鮮貨。相反牛腩河我覺得較為抵食，質素也算中上。可惜既係呢到味精強烈，食完之後非常頸喝，十分可惜。

No more fighting for my own piece of meat while hot-potting . With this one pot for each facilities offered. Not only I can have all the door I reserved for my own . I also no need to keep an eye of my friend's friend's hubby sticking his chopsticks to "my " food.  LOL. I can now invite Joey. "Joey Tribbiani doesn't share food!"Chic modern decor provides a relaxing atmosphere to enjoy my diner . Not like most Chinese hot pot place that often gives you a rushy efficient hectic pressure. There is

尖沙咀有間咁正嘅牛腩，坐得又舒服，而且價錢合理，今天同朋友食咗清湯牛坑腩，咖哩牛腩飯，牛丸，都好好食，原來晚上是火鍋店，主打騸牯牛，再找幾個朋友來打邊爐，再試試

午餐去食咗依間要上樓既餐廳，環境係好嘅，坐得舒服又唔太多人，俾貴啲啲食個舒服午餐係值得，餐廳晏晝都有收加一，唔收會好啲囉。叫左牛筋腩河$58🍜，咖喱牛坑腩飯（限量）$78🍛， 呢個價錢係跟咗杯餐飲既！先講個牛筋腩河🍜、啲牛腩真係好淋好味丶冇痴牙㗎👍，但個河粉湯底略為淡，濃番D會更好。至於個咖喱牛坑腩飯🍛丶咖喱做得幾香濃惹味，牛腩一樣炆得淋、薯仔都做得唔錯、唔會話淋哂溶哂丶不過最衰佢比我嗰份咖喱牛坑腩比較碎😏，比普通咖喱牛腩飯貴$20 㗎🤨，下次會叫普通咖喱牛腩飯試吓丶相信應該都唔會差

第一次試嚐到咁特別既牛，佢地話係騸牯牛，肉味真係濃過平時食開既本地牛，不錯不錯服務水準及衛生都好好，值得再去一次，試d佢話罕有既部位。最後有西式甜品送，又好好味喎，真係似西餐廳d甜品，有水準

星期日兩個人去咗一間新開食牛牛嘅潮牛莊，平時成日去九龍城食手切牛今次真係好有驚喜!明明就兩個人，點解食食下食甘多其他食吾落，留返下次食。響鈴即炸所以勁鬆脆，必食推介！肉都吾係雪到硬果種。牯牛真係好味，原來數量供應少，真心好過食牛扒，自己一人一個鍋，我男人食麻辣到咳😂我吾想熱氣就試無味精既牛牛湯，啲丸手打，蝦丸同梅菜豬肉丸好好爽又彈牙。真係每一部分都有吾同，牛展脆到脆肉甘爽，牛白肉厚切啲會仲正，其他部份牛味濃，油脂吾會食和牛甘油腻，真係忍吾住叫多枝紅酒！記住，爪邊要食真係最好打個電話預留，好搶手嫁原來，呢個必必食呀！大愛

前一排去咗食牛肉火鍋。選左呢一間。星期日晚唔使等。牛肉好多款，最後選了爪邊（唔記得邊一部份）同脆鯇。湯底選冬瓜。好貴。味道是可以的。但最後埋單要$550就貴了。

今日同親戚慶祝生日，朋友介紹一人一鍋中式邊爐。唔係一人一鍋任食個D，係嗌餸食。上到去幾乾淨企理，唔洗排隊。呢度D牛好講夠，好多部位揀。最後揀左兩款牛，個爪邊係牛頸脊上小小，超好味。手打丸都唔錯，有隻丸叫梅菜豬肉丸，新奇又好美其他都好新鮮，特別要讚下就係個響鈴，未食過咁鬆化。原來係即場鮮炸，encore左2次！ 食完D主角，食個生面，彈牙！飲埋D湯，標榜冇味精，好滿足最後有甜品，今日係木糠布甸，唔知點解有D薯片味

前幾日一齊同friend嚟試呢間尖沙咀新開嘅火鍋店，聽講呢間火鍋店超多明星都嚟食，所以諗住專程嚟試下~ 我地點咗店內招牌騸牯牛，一食落口肉質非常嫩滑，牛味超濃郁！另外我地仲order咗海鮮、響鈴同手打丸都好新鮮，下次可以再嚟Encore！

食材新鮮!一人一湯底,足料鮮味!多款牛肉唔同部位各有特式!墨魚丸爽滑彈牙,響鈴真係不同凡響!原來係即炸嘅！時令海鮮都好正!雖然主打係牛,但西班牙豬肉都好好味!店員有禮!其他食材雖然無乜特別但全部都勝在新鮮!挽手同爪邊係我嘅推介!同三五知己去打下邊爐隊下啤吹下水真係啱哂！啲食材絕對對得住個價錢!其他仲點咗水餃,雲吞,竹笙,菜芯苗,秋葵都好新鮮!唯一係個魚蛋我自己覺得略鹹!下次要再試埋牛嘅其他部位先至得!