ICONIC H Special Hotdog Shop (Moved)

這店主打的是熱狗，以其熱溶芝士熱狗最為出名，不過這次來紅磡是掃街的緣故，就沒有點熱狗了。點了一份彩虹薯條。這份彩虹薯條以八種醬料伴製而成，八種醬料分別為茄汁、芝士、藍芝士、黃芥末醬、日式芥辣Wasabi、沙律醬、千島醬及燒烤醬，面上更舖滿了煙肉碎。雖然實物的顏色沒描述般的色彩繽紛，但每種醬汁的味道仔細品嚐還是可以吃得出來的。薯條炸得香脆，但因為醬汁多的關係，吃到碗底的薯條已變淋了，亦帶點油漬。 別看它小小的一碗，跟朋友一共三人分著吃，吃到尾時已覺得很飽濟呢(￣▽￣)還好沒有跟店員要多醬汁，要不然真的很快吃膩。…Read More

熱溶芝士熱狗 係每次必點好食到會特登揸車去食芝士好 軟熟熱辣辣芝士味好香同個熱狗非常 另外試咗一個四川麻辣肉碎熱狗 (肉麻狗)估唔到佢都幾辣 好香 肉碎唔會乾 好入味 連熱狗腸都有好多款選擇 試過兩款 都好唔錯下次會唔會再試其他款嘅腸…Read More

If you love cheese and hot dog, this would be a place for you to have a simple and satisfying meal. As a cheese lover myself, of course I picked the Evil Cheese Quartet. It's got savory cheese knacker, melted cheese, double cheese sauce, and evil spicy sauce. OMG!~~ So rich! I really enjoyed every single bite of it! On top of that, we added a cheese fries too. However, not enough cheese in this one.I wished this place could be near my home or office though, because it was really small. It could only fit about 15 people... and seating was not comfortable. If this place was closer to me, I would go very often, and order take away. Haha...…Read More

呢一日去黃埔行街專登走過去紅磡買Iconic H睇下啲menu先 👇🏻我地就不約而同想食 #5 同8 於是就一人點一個set個set 包括一個熱狗包 一個薯條 再加罐汽水呢個就係#5 和牛漢堡狗 裡面有法蘭克福腸 和牛漢堡扒 洋蔥 菠蘿 特質芝士醬 ☑️法蘭克福腸都幾長 我最怕個包咁長 條腸得一半 食到一半就無咗咁 ☑️張相都見到個和牛漢堡扒都好大塊 雪藏扒黎講味道質感算唔錯 ☑️菠蘿都係鋪滿條腸上面 🔘唯獨我完全食唔到亦見唔到有洋蔥 🤷🏻‍♀️整體黎講呢個包都唔錯 食落去好有口感 啖啖肉 有濃郁嘅芝士醬 ❗️再黎就係呢個#8 黑松露森林 裡面有黑森林腸 熱熔芝士 黑松露蛋 黑松露沙律醬 🔘呢個黑森林腸無法蘭克福腸咁長同大條 而且食唔出有咩唔同嘅味道 （被芝士同黑松露蓋過）☑️滿滿嘅熱溶芝士溶咗係黑森林腸同黑松露蛋中間 形成一層芝士層 好香好濃芝士味☑️黑松露蛋 & 黑松露沙律醬 炒得啱啱高 蛋未全熟 配埋黑松露醬香得黎好惹味 爭啲唔記得咗個set有薯條 我地另外加咗錢upgrade其中一個薯條做黑松露薯條 芝士薯條上面啲芝士已經乾曬 食嘅時候芝士同薯條分開 不過都好味嘅 薯條上面會殘留芝士香 不過啲芝士就會變咗做一舊 食個時好「漏」整體黎講食物質素好 係地方細啲 多人去食都無位坐 …Read More

其實我個人不是一個非常熱衷食「熱狗」的人，因為「熱狗」裡面夾着的「熱狗香腸」，極有可能是一條，由豬肉作為材料製作而成的「法蘭克福腸」，所以我平日很少購買試食「熱狗」。但是位於紅磡黃埔「必嘉街」的位置，偏偏又開了一間以創意配搭食材，加上不同口味的醬料，製作成不同創意熱狗，作為招牌食品的熱狗店，店名叫做「I CONIC」。「I CONIC」裡面所有的餐牌跟價目表裡面，大部分主打售賣的食品，清一色都是「熱狗」，而且裡面有很多熱狗，都是以「法蘭克福腸」做主要餡料。我本來看到「I CONIC」餐牌裡面，本來還有一客材料有點吸引到我注意力的熱狗食品，名稱叫做「和牛漢堡狗」，顧名思義即是熱狗另外配搭了，以和牛製作而成的漢堡扒。既然「I CONIC」「和牛漢堡狗」有了和牛作為漢堡扒材料，就算明知「和牛漢堡狗」實際價錢一點也不便宜，連餐上足足需要賣港幣一百零三元，我最後還是決定了選擇食「和牛漢堡狗」。不過後來我向「I CONIC」侍應點餐的時候，忽然問侍應一個問題，問題就是我的「和牛漢堡狗」裡面的「法蘭克福腸」，可否轉換變做「和牛腸」，我跟「I CONIC」侍應說，我可以另外加錢轉「牛仔腸」的。結果在大約二十分鐘過後，「I CONIC」廚房終於製作完成，我點的熱狗食品「和牛漢堡腸」實際製成品，牛仔腸表面不像牛肉香腸，裡面的口感其實不是鮮明，也沒有明顯的和牛牛肉味道。最重要的是，「和牛漢堡腸」裡面的實際和牛味道，都因為「I CONIC」廚房。為「和牛漢堡狗」裡面，加入了「I CONIC」廚房親自調製的「芝士汁」，「芝士汁」裡面的芝士甜味，都已經把牛仔腸裡面的牛味完全掩蓋了。「I CONIC」廚房裡面的店員，看似不計成本地，把「芝士汁」大量淋到「和牛漢堡扒」，以及「牛仔腸」，兩者的實際牛肉味道，都已經被味道又甜又濃厚的「芝士汁」所完全掩蓋。雖然「I CONIC」「和牛漢堡狗」整體上的肉食份量，某程度上是勉強對得住，港幣八十八元的原價價值。至於「和牛漢堡狗」的實際性價比，我覺得「和牛漢堡狗」價錢偏貴，但是味道很甜和有很多肉食。至於跟隨「和牛漢堡狗」一起的「I CONIC」「套餐」，「套餐」包括了一份「炸薯條」，以及一杯食客可以自由選擇的飲品，我選擇了飲罐裝汽水。「ICONIC」雖然安排了，以一個圓桶型的紙兜餐具，去盛載起「I CONIC」廚房所有新鮮炸起的炸薯條，但是卻沒有準備和製造任何醬汁，安排淋到炸薯條之上，最後只附上兩包包裝蕃茄醬了事。「I CONIC」刻意製造一些粗炸薯條出來，但是卻偏偏沒有另外設計一些調味醬汁，結果令到粗炸薯條擱在「I CONIC」的圓形紙碗裡面，粗炸薯條最後還是跟一般炸薯條沒有分別，終究還是被浪費了。即使「I CONIC」的廚房，把粗炸薯條新鮮炸起，令粗炸薯條實際製成品口感變得十分之香脆，而且粗炸薯條入口熱度新鮮滾熱辣，而且薯條還隱約地附有少量香蔥，令薯條實際味道多了一陣香蔥的香味。雖然「I CONIC」套餐裡面的炸薯條屬新鮮炸起的製成品，炸薯條的實際口感也非常香脆，但是始終欠缺了甜味淋醬，為炸薯條額外添加的醬汁滋味。既然「I CONIC」你都已經幾經辛苦，油炸製造出一大碗的新鮮粗炸薯條，還把粗炸薯條擱在一個大紙碗裡面了，為何不索性製造煮一大片濃味的芝士醬汁呢？我敢寫包單保證，加上了濃味芝士醬汁的「I CONIC」「炸薯條」，肯定會比不加芝士醬汁，只靠兩包包裝蕃茄醬最後出色。「I CONIC」到最後附送了一支塑膠餐叉給我，好像我可以在不用手的情況下，只靠餐叉可以食炸薯條，過程會變得更輕鬆更乾淨衛生。說回「I CONIC」的「和牛漢堡狗」熱狗食品，「I CONIC」製造出一個設計十分美觀，顏色頗為鮮艷，長方形的包裝紙盒，紙盒的外觀程度已經賺到正面評價。至於「和牛漢堡狗」裡面的實際味道，算是符合了我對「和牛漢堡狗」裡面的和牛，和牛濃厚牛肉味道的最低要求，和牛的實際口感一點都不韌。「和牛漢堡狗」裡面的「和牛漢堡扒」，「和牛漢堡扒」和牛味道本來是有，可惜芝士味道太濃太甜了，導致和牛裡面的牛肉原味，被芝士汁的甜味所掩蓋，是稍為有點美中不足的缺點。另一方面，「I CONIC」把兩小塊和牛牛肉漢堡扒，以層層疊的方式堆砌在「和牛漢堡狗」的熱狗腸之上，導致「和牛漢堡狗」實際製成品，和牛漢堡扒處境危如累卵，要我率先食完和牛漢堡扒才能解決問題。結果我實際上，真正用手捧起「和牛漢堡狗」，要「和牛漢堡狗」可以在空整無缺的情況下放入我的口中，幾乎是不可能做到的事。我最後還是放棄「原件食」，食完和牛漢堡扒再算。至於「和牛漢堡狗」裡面的芝士，我發現「I CONIC」廚房裡面負責製造「和牛漢堡狗」的店員，店員的心思看來也頗為細緻，芝士沒有只停留在熱狗表面，芝士最後也完全滲透到熱狗的內部。加上「I CONIC」廚房為「和牛漢堡狗」預備了一個，質地十分之軟熟的熱狗麵包。所以「和牛漢堡狗」熱狗麵包實際的口感，都變得很軟很腍，熱狗麵包放入口咀嚼難度降低了不少。只可惜薯條沒有醬汁，導致「I CONIC」熱狗套餐價錢變得比較昂貴，一百一十多元的套餐價錢的實際性價比只是一般而已。雖然「I CONIC」的「和牛漢堡狗」，熱狗的和牛口感很腍，而且和牛裡面的油脂很豐盈，但是享用「和牛漢堡狗」時，被迫先把和牛漢堡扒分開另外先食。由於「I CONIC」製作「和牛漢堡狗」時，選擇和牛擱在熱狗上方的頂層位置，迫使我只能把和牛漢堡扒，與麵包分開享用，間接破壞了「和牛漢堡狗」原本的和牛，和牛油脂香味在熱狗內產生的油脂和味覺刺激效果。我在享用完「I CONIC」的「和牛漢堡狗」，跟炸薯條和汽水的套餐，發現套餐所有的味道精華，最後都只能在「和牛漢堡狗」裡面找得到，反而炸薯條則因為欠缺芝士汁，味道因此打了折扣。最後評價「I CONIC」的店舖選址，和店舖裝修格局。「I CONIC」雖然選在紅磡黃埔區內營業，但是「I CONIC」實際上距離「黃埔」港鐵站有一段距離，我在黃埔也需要找尋很久才找到。至於「I CONIC」店舖內部環境，廚房選擇以無遮掩全開放廚房方式運作，廚房環境一覽無遺。但是「I CONIC」跟我的距離變得十分接近，我最後還是有點膽怯，不能拍下「I CONIC」與廚房的實際面貌有關的照片。…Read More

知道呢間舖頭都有兩三年之前覺得貴貴地 熱狗又好似唔飽肚成日無動力試 今次終於去咗食！有驚喜！兩個人一人一個熱狗 加咗一個餐share店員話最好賣嘅熱狗之一 和牛！上面兩大塊牛肉漢堡 菠蘿 腸仔 芥末等好正！好惹味！雖然牛肉漢堡兩塊分開食得有啲狼狽但味道真係唔錯！不過就貴咗少少 套餐百零蚊不過都抵食嘅黑松露森林 又係店員推介熱賣平少少 60幾 有黑松露炒蛋 芝士 腸仔 等但呢個都好好食！！黑松靈味好出 蛋好滑 芝士都好多！第一次食推介呢個 比較平啲又正薯條都幾脆 凍綠茶就正常啦會再嚟試埋burger！…Read More

店員姐姐超好人❤️🥰我地影相幫我地打燈 仲提我地要點樣食會方便d 同埋推薦某幾款俾我地呢堆有選擇困難症嘅人🤯講返熱狗 價錢相對上較貴 但款款都整得好有心機 同埋好多層次 足料好味🤤 推介-The hotdogs are a little bit expensive, but they are delicious and look gorgeous! The shop keeper was very nice and she even recommended certain popular hotdogs for us and chatted with us. Recommend!!!-（套餐可有🌽/🥗/🍟）（10%off for students）…Read More

ICONIC H 曾經紅極一時，分店開到去銅鑼灣，但可能熱潮已過最後租約期滿結業。因為要去紅館睇演唱會嘅關係，決定去ICONIC H 醫肚。人流雖然都有，而且舖位細，但無以前咁誇張，等左一陣就有位了。小店入面可以選擇嘅種類好多，又有各種特色口味，連條腸仔都有唔同款😆我叫左個雙囍狗，叫雙囍嘅原因就係佢果條孖腸，入面仲有燒過嘅菠蘿同燒溶左嘅芝士。由於我唔食牛嘅，店員就介紹我轉左一款係雞肉做嘅腸仔。菠蘿腸仔就唔洗諗都知夾啦! 仲要加埋啲芝士真係超邪惡! 😋😋😋🤩而朋友就叫左個魚蛋狗，本身都好懷疑依個口味到底好唔好食，但食落都唔錯，鐘意食明太子嘅人一定要食。由於淨食包有d齋，所以其中一個熱狗轉左做餐，跟餐薯條黎講都幾好食。如果下次再睇演唱會，應該都會黎食，但需要預少少時間等位。價錢一定比快餐店貴，但水準完全唔同，下次想挑戰下食牛油果松葉蟹熱狗!!😋…Read More

Ordered a Double Cheese Angus Burger with fries and drink set for $93. Really disappointed with it, the burger and beef patties look nothing like in the photos (the beef patties in the photos look handmade not machine pressed), instead the what I got was two machine pressed patties that looks like it came from a frozen 12 pack from the supermarket. Tastes as dry or worse then McDonald’s Big Mac. At this price point, this is totally not worth it. I would say the only redeeming quality of this set is the French fries that came with it.…Read More

近年紅磡嘅餐廳換畫都換得好快，但依面鋪面細細地方又有啲偏遠嘅熱狗小店仲可以成功咁屹立係紅磡區，究竟佢有啲咩特別呢?我哋就齊齊睇吓啦😉========================🥢黑松露森林🌭 $51熱狗入面最內首先係香腸，香腸啊不過放心算幾多肉汁，香腸上舗上一層略厚嘅熱溶芝士🧀至少應該用火槍燒焦過啡啡地焦糖色咁溶得啱啱好，最惹人矚目嘅一定係個層厚厚嘅黑松露蛋🍳雖然KY覺得黑松露味唔夠突出，但用咗黑松露醬同蛋一齊炒黑松露蛋算幾香滑彌補左佢小小嘅缺陷，咬落芝士同黑松露蛋仲有微略拉絲嘅效果，配上黑松露蛋黃醬食鹹甜交集非常惹味😝不過小小可惜嘅係我哋嗌嘅熱狗上到枱嘅時候，黑松露蛋跣左落嚟令到外觀上冇咁靚😭========================🥢煙肉芝士醬薯條🍟 $38煙肉🥓煎得非常香脆，上邊仲灑左一啲香草作裝飾🌿薯條🍟炸得幼長，唔算油膩，沾上溶溶地嘅芝士醬有拉絲嘅效果，令CM食落好有滿足感🤤…Read More

太好食啦 所以忍不住寫下第一篇食評一早慕名Iconic H已久，但位置較偏僻故遲遲未到訪。今天有事到了附近，二話不說便衝過去。美味得讓我覺得實在是不枉此行。本人愛吃黑松露，所以不加思索便點了黑松露森林，連薯條也升級為黑松露薯條。鋪面不大，只有小小的兩桌。不過也不算擁擠，而且也很整潔，所以感覺還是不錯的。食物都是現點現做的，等了一會就上了飲料跟薯條。不過想等熱狗到了才拍照，只好按捺著大啖美食的衝動。幸好熱狗很快就上來了，草草拍了數張照片便急不及待開吃了。食物都是現做，所以全部都熱騰騰的。連薯條放了一會也沒有涼掉，入口還是燙口的，十分滿足。上面的黑松露沙律醬份量很多，本來還怕會吃膩。可是沙律醬帶有微酸，意外的開胃。吃多了也不會飽滯，十分欣賞。只是因為醬汁直接擠在薯條上面，放久了會淋。下次只好吃快一點或問一下醬汁可否分開上了。不過整體還是很好的。而熱狗的包身軟熟，有濃濃的牛油香。黑松露炒蛋香軟滑嫩，配著熱溶的芝士跟熱狗腸更是讓口味層次變得豐富。每一口咬下去都會有微微的拉絲，但不會覺得膩。相信芝士控都會很滿足。(至少我是很滿足啦～)有偷看到隔壁客人吃的漢堡也很吸引，下一次也想試看看！…Read More

好耐無黎紅磡食野呢度野食太多花多眼亂 最後揀左間快餐味道又吾錯 同男朋友 揀左個套餐B 感覺好似套餐比較抵食 套餐B先來salad， 鮮甜 爽口 再黎黑松露薯條 🍟醬汁都非常多 超好味道 ：）呢度嘢飲品種都好多 吾需額外加錢 …Read More

開頭睇到餐牌都有啲打個突，咩熱9可以買到呢個價咁巴閉？排咗輪之後買咗個一試就明白點解咁多人咁凍都要排！以即叫即做加上所用喺食物素材嚟講，個人認為唔算貴！起碼係心機嘢嚟（坦白講用機做嘅珍珠奶茶收得重貴🤣）加上凍冰冰揸住個熱辣辣嘅熱9感覺真係好正☺️ 但個人建議如果趕時間嘅就唔好考慮呢間店啦！始終要食好嘢加上即叫即做要等係必需嘅，不過even M記做promote 10蚊2個乜乜包、9件擦子膠雞都要排都隻鼎咁啦🤣…Read More

睇食評好多好評，照片又幾吸引，雖然價錢貴左少少，但係今日都打算試一試。店舖非常細小，有兩張枱，可以堂食，但係一定坐得唔舒服。明明我排第二，但先整食物給排第三的堂食客人，才弄給外賣的。等了45分鐘叫了$230 兩人餐再加個幾十蚊既w-dog熱狗🌭️。食物都不是熱騰騰的，熱溶芝士凍凍地。每個熱狗都有腸仔的，面層再+你選的款式配料。和牛不會太硬，但係乾身同冇乜牛味，跟熱狗有點不搭😂感覺是要分開食。豬豬🐷熱狗分開食不錯。菠蘿好吃。w-dog 像McDonald’s 鋒味漢堡但貴很多黑松露蛋黃醬出色，偏鹹，點薯條幾好食。不過薯條唔脆.......蟹肉沙拉🥗幾好吃，生菜清甜睇完食評可能期望太大，所以今次比較失望，因為價錢也不便宜，也沒有舒適地方吃（去了其他地方吃）最後，三個人吃完感覺空虛，另外要買了其他食物…Read More

今日o係紅磡見個客，見客前目有少少時間，就肚周圍咁搵下野食，行行下就見到呢間主打熱狗既專門店，見幾得意就入去試下吧。叫左個「松葉蟹狗」，材料包括有松葉蟹肉、牛油果、翡翠苗、明太子沙津醬、法蘭克福腸，滿滿既松葉蟹肉放滿整個熱狗當中，而且好好鮮甜，一絲扣一絲既蟹肉在口腔中打滾旋轉中起舞，肉味濃既法蘭克福腸配埋牛油果、翡翠苗、明太子沙津醬，咸香鮮甜集於一身，清新感之中不失啖啖肉既感覺，呢種生活態度的確幸福。「黑松露炸薯條」講到食著條黎講，我都算講究，我特別喜歡食肉肉薯條，最好食既就係薯條內充滿著啖啖既薯肉，外脆內軟，每一啖都被著肉包圍住，配埋店主自家製既黑松露醬，既有蛋黃醬既香味，黑松露亦得突出，兩者加埋真心無敵。…Read More