許留山 (Closed)

在YAHOO買了"點指冰冰"團購，很化算，便買了2套去試試。可能上水多自由行的關係，需等一會才有位...團購中供菠蘿，草莓及青瓜冰選擇，我跟男友則選了菠蘿冰及草莓冰。*菠蘿片，芒果在頂層，中層為菠蘿冰，底為椰汁蒟蒻，配以棉花糖及西米。芒果鮮甜，菠蘿冰則有果肉，味道一流。但西米有點糊。*西瓜片，草莓在頂層，中層為草莓冰，底為西米，配以棉花糖及西米。冰底西米，伴碟又是西米，食客感乏味。草莓冰需有果肉但略甜，唯西瓜有沙清甜。團購package 另送$20贈劵，也算值回票價,,,

食完飯想食d甜野，就去左許留山叫左個，幾足料又滿 ，都夠凍，可能果陣有d夜所以冇乜人，坐得舒服，嗌左5分鐘都冇就已經到左野食，d員工幾好服務態度，夠晒笑容 ，又夠快 。

黎到最鍾意既許留山梗係叫翻個香芒小丸子 37蚊有好大個芒果雪糕 旁邊有一d小丸子 唔難咬 最鍾意既係旁邊既流沙般既芒果沙冰（？）定唔知芒果蓉 好甜唔算 而且口感好好之前有試過個一碟三式既芒果甜品 有糯米慈 小丸子 同唔記得乜野 賣相好靚好精緻 40幾蚊 糯米慈好好食 一口Size有芒果係入面 但可惜每個都細細碟唔抵食所以都係叫翻呢個跟住朋友叫左個燉雪蛤 上黎既時候竟然係用膠碗咁熱既野用膠碗裝 問有無得轉翻個碗 又話無 話平時都係就咁用微波爐叮「。。。」味道就同普通既燉雪蛤差唔多 但唯獨唔多夠料 而且份量好少雖然出得黎食野預左 但係我最鍾意既許留山...唉 完全覺得食得好唔放心

曾幾何時，許留山叱咤一時，其門如市。今時今日，許留山生意大不如前。近日許留山又推出了團購優惠，非常受歡迎，$68 優惠包括兩款芒果甜品，2粒芒果糯米滋，1年芒果凍餅，2張$20 的堂食現金劵，6張各式優惠劵。從多個芒果甜品選擇中選了芒果撈河和芒果西米撈。兩個甜品的芒果都較酸，芒果份量不夠，甜品較水，質素大不如前。芒果撈河的'河'其實是椰汁糕做的，滑滑的很有口感，不錯。芒果雪芭都很ok!至於芒果糯米滋，味道過得去，不突出。芒果凍餅是一口的，超細件，怎麼夠兩人吃了？

在六月份已經來過這分店，今天又再來，原因又是想吃甜品，加上又不想走得太遠，想留在火車站附近，方便快捷。今次再來這分店，明顯較上次人多了，而且十分狹窄，幾乎行路都成問題。今次吃的甜品，是芒果西米撈，與上次吃的楊枝甘露有點分別。今次用的是一個較高身的杯，裡面有芒果肉，芒果汁及西米。芒果肉和芒果汁異常的甜美，加上西米粒粒都很大，因此整個甜味都是源自芒果。在落單的時候，店員竟然對在下說張單據呢？在下便立即說明剛剛入來，可有單據呢？

午飯之後，見有少少時間，就想到去吃一個甜品，然而在下不想浪費時間尋找甜品店，於是便到了許留山吃一個甜品好了。進入了店舖，就點了一客楊枝甘撈，其實是楊枝甘露而言。材料包括了西米，芒果，椰汁，芒果冰及柚子肉。當中以芒果冰為最甜的，而當吃完芒果冰之後，餘下的卻不太甜，柚子肉也不太苦澀。然而整個甜品來說，可說是比較平淡吧，也不是太甜。店子面積不大，有點迫狹，坐得不太舒適，服務就一般啦。

今日下午同家人一起唸住用咗張Coupon食甜品,點知到了一間最差極的店舖,令到我有衝動要上嚟寫評語!!沒有招待入坐,即使等了10分鐘後有人離坐,只是自己再搵位坐...堂食地方真的太細manu比以前選擇少了很多等了很久都沒有幫你清潔上一台客人的食物,沒有細心清潔,沒有主動詢問落單沒有詢問紅豆沙要熱/凍,到後來自己才發現可以選擇紅豆沙配的蘿蔔糕等了很久都沒有,之後要自己再追問職員***最離譜係 紅白小丸子沒有小丸子,完全遺留咗 而當中沒有一點紫米,稀淡如水另加$17曲奇凍餅碟中的2件都散開囇,好似食過咁,真的又憤怒又無奈而且呢個價錢比既質素更加唔值得,越來越差

食完築地之後，見有啲唔飽。就入左黎食甜品，其實我就好飽啦。睇住佢地食都已經足夠啦。話說有個點點戀火‧鍋系列既產品。好似幾得意，所以就叫左個黎試下。其實，呢個系列既產品。我對個品質就無乜特別既期望，只係對個爐有興趣。點知，個同事唔記得俾個爐我地，要我地提先記得。講番正題，我地叫左個香芋栗子小丸子。好香既芋頭味，連我唔太好芋頭既都覺得唔錯。食落就有小小糊狀既感覺，但又唔覺佢太甜。而栗子又唔係好覺得佢既存在。小丸子同平時食開既無分別，唔使特別講。整體上，覺得呢兜甜品唔算太大兜。最有睇頭都係個爆，好似食緊朱古力火鍋。個爐就贏哂啦，但甜品未見突出。相信好難有機會翻兜，而且春天已到，想再食就更渺茫。整體上，最有睇頭既都係個爐。值得一提既係，呢度既服務員幾烏龍。竟然漏左個多芒小丸子既order，好彩佢補多幾粒小丸子俾我地。希望下次唔好咁烏龍啦。

今日係粉嶺上水，飲飲食食。經過許留山，見門口有今日爽一爽個廣告牌，諗起上次係尖沙咀賣晒。今日補返數。1杯芒椰芒果爽，唔該。$14。攞左杯野，望下，好似有幾層，屋企人問駛唔駛挍"暈"佢飲，我冇搞到。飲一啖，飲到芒果肉，再飲係芒果味，又好似有D椰肉，幾有層次感，但椰香味唔濃，可能比芒果味搶左。杯野唔係好凍，飲完冇咩解渴。喜歡芒果，一試冇妨。驚喜不大。呢間分店個場幾細。

嘩...許留山我諗個個hk人都應該食過喇掛?!都唔知幫襯左有冇10年喇..多粒粒芒果爽,芒果/士多啤梨底撈野,金粉撈晶晶,芒果神冰,多芒亮晶晶...等都係我既至愛~不過近期我黎親都係點呢個~金粉撈晶晶一個甜品有齊我覺得許留山最好食既野!有芒果粒+士多啤梨粒+一半芒果蓉+一半士多啤梨蓉+芒果撈野雪球+一條條既晶晶~好似蒟弱咁~好好味!係上水既話,如果rainbow冇開又或者好耐冇黎食就會黎食許留山!

外國朋友話香港既甜品好好食，尤其係好多芒果既甜品，所以一見到許留山就話要食! 今次坐車經過上水，係凍冰冰既天氣下都食左個燕窩芒果布甸，外國朋友聽到係雀仔口水，都好驚，但係最終都試左少少，覺得冇乜野呀!個甜品真係好多芒果，滿足哂愛芒人仕既需要。

燕窩雪蛤燉蛋白(星期二特價，$23)超好味，唔會太甜，蛋白好滑，推介！雪梨燉雪蛤($25)清潤，好飲，值得一試。這間分店比上水那間大，地方乾淨，坐得舒適，職員服務幾好。

今日食完lunch0係度飲0左杯0野.我要西瓜蘆薈爽,男友要芒椰奶西.個蘆薈爽好多非蘆薈0既物料,味道似大菜糕,色就係綠色的,但d蘆薈都有几粒0既.男友杯芒椰奶西太奶,好結,佢飲到好飽..講番佢0既環境.間舖好細...d位超窄..仲有個人客唔知係咪食0左丸仔...亂咁講0野,...好驚...我坐個位都好路口,結果背脊俾人刷0左好多次...坐得好唔舒服..