Hong Kong Burger (Mei Foo Sun Chuen) (Closed)

下午茶吃得太飽了，晚上不想吃飯，跟家人說完以後，他們說幫他買個外賣回去，經過這附近發現新開了挺多餐廳，看到這間漢堡店挺有特色的就買來試試！ＨＫＥＲ巨人爆汁煙肉牛肉芝士漢堡（１０８元）這個漢堡真的是巨人尺寸的，非常大的一個，有兩塊非常厚的漢堡扒，再配上菜，煙肉，洋蔥和芝士，滿滿的料，一口絕對吃不下全部材料的！漢堡扒肉味濃，肉汁挺多，而且有點筋位增加了不少的口感，吃起來不會太單調！煙肉煎得非常香，有油香！麻辣手打牛肉漢堡（７８元）這個在平常的牛肉漢堡的基礎下增加了現在的人很喜歡的麻辣原素下去，吃起來挺特別的，麻麻辣辣的感覺，但不會太辣，一般人都可以接受到，不知道可不可以加辣！薯條／蒜蓉包＋汽水（套餐＋１０元）這個挺特別的除了薯條以外，也可以選擇蒜蓉包，這樣可以給不想吃薯條的人多一款選擇！薯條炸得外脆內軟的，而且不是普通的薯條，挺不錯！特別的蒜蓉包，整個烘得非常香脆，蒜蓉味特濃，挺推薦的！汽水有幾款日本的選擇，也是比較少見的類型，我選了蜜瓜味和橙味，果汁味都挺香濃，氣泡量足，夏天喝起來特別爽！

位於美孚既 Hong Kong Burger,平時經過想試，但又趕時間而錯過左，今日終於有時間=)兩個人，一人一個漢堡：麻辣手打牛肉漢堡 $78 鬆軟面包夾住加左麻辣醬料既手打漢堡，微微既辣味，不會蓋過牛肉香，比想像中的好，挺鍾意佢既麻辣香味😋HKER巨人爆汁煙肉牛肉芝士漢堡 $108挺合適我胃口好的我=)雙層既芝士跟牛肉，剛製作好的，一口滿滿肉汁既手打牛肉😍絕對是一種滿足👍加配的薯條跟蒜蓉包兩樣也一點都不遜色，香脆薯條點埋黑松露醬，比普通點茄汁的更香而可口，另一小粒一小粒的蒜蓉包，方便食之餘味道也不差😋而兩枝凍茶 (凍頂烏龍、玫瑰苿莉花茶)前者好味烏龍茶茶香，後者花香味亦很香濃，解膩之餘，亦比飲汽水健康呢😁

今日去開美孚返工，所以決定買埋外賣返屋企食，呢就去咗呢間好似係新開嘅香港人漢堡包，聽個名咁特別，梗係要去試吓啦。見佢嘅漢堡種類都非常之多同埋係唔係平時常見嘅，我就叫咗芫荽魚柳漢堡，另外就加咗個餐佢係配一份薯條或者一個蒜蓉包嘅另外仲會有嘢飲，咁注重健康嘅我梗係要冷泡茶啦。另外屋企人都話想食。所以就決定預多咗一個包，就叫咗HK E R巨人煙肉牛肉芝士漢堡，因為知道佢好大食呀嘛，同埋個樣都幾吸引嘅，食落去都幾好食，肉質非常之鮮嫩，同埋食落去都係好juicy😆另外因為屋企人鍾意食芫荽，所以覺得呢個漢堡真係啱晒佢💛同埋並唔係平時嗰啲係一啲普通嘅漢堡，好似有心思去諗一啲新嘅味道😊💛💛見佢仲會有一啲意粉同埋薄餅嘅，下次可以試吓。嘢飲方面玫瑰烏龍同埋金盞花茶都好好飲啊

同事推薦的美食，平日午飯時間，等了十五分鐘，第2 號飛，即叫即做，紙袋包裝吸引！這間小店只做外賣，只有2 個員工，一個收錢，一個廚房密密做。款式選擇很多，有很多款特色漢堡包，pizza，意粉，熱狗任君選擇。漢堡包加$10 有套餐包括罐裝汽水、薯條或蒜蓉包，性價比很高。買了芫茜魚柳，松露醬薯條，橙汁。一打開包裝，香濃的松露味香氣四溢，忍不住和同事分享，薯條新鮮熱辣，香脆可口，份量亦很多。打開漢堡包，超！多！芫！茜！🤩🤩🤩對於芫茜愛好者實在無辦法抗拒每一口都吃到大棵芫茜。這一刻魚柳已經是次要，當然魚柳都很大塊肉厚，配上滿滿的沙律醬，這個包簡直100 分不用多說，只是$78 的套餐。現在已經想再買！

🔸HKER巨人爆汁煙肉牛肉芝士漢堡（$108)作為招牌嘅漢堡包，份量的確非常足料，有雙層嘅牛肉漢堡之餘，仲要加上芝士、煙肉等材料，厚度十足。牛肉漢堡扒肉質豐盈，肉味濃郁，咬落真係有爆汁嘅感覺。加埋煎香左嘅煙肉，口感豐富。🔸千島醬招牌手打炸蝦餅芝士漢堡($88)炸蝦餅配漢堡嘅選擇唔係周圍都有得食，呢度嘅炸蝦餅啖啖蝦肉，配上酸酸甜甜嘅千島醬，非常夾。🔸千島醬鮮蝦薄餅($78)除咗漢堡包可以選擇炸蝦餅之外，嗌Pizza一樣可以要千島醬鮮蝦薄餅。呢度嘅薄餅係採用薄批批底，口感香脆。一個唔算好大，兩個人分享就差唔多。唯一美中不足嘅係可能加咗惹人爭議嘅菠蘿，唔鍾意食菠蘿嘅朋友記得要同佢講聲啊。

位於美孚新村嘅外賣漢堡店，主要係賣Pizza、意粉同漢堡包，同朋友去酒店staycation，就揀咗Pizza同漢堡包試吓Hkger巨人煙肉牛肉芝士漢堡 $108外賣左大大個漢堡包有兩塊厚厚既漢堡，好香嘅牛肉味，多多嘅芝士同埋小小嘅煙肉可以令到牛肉更加鹹香味出眾！一個大漢堡🍔兩個人share👯‍♀️已經飽曬最值得一提既係小店為左外賣仍然可以keep住漢堡包嘅外型 用咗紙盒黎裝～不計成本都要令到客人食到色香味俱全嘅漢堡包☺️Hkger至尊薄餅$88有香辣腸、芝士、青椒、洋蔥，係最經典好食嘅Pizza材料，pizza個底好薄🍕而材料又十足，完全唔會掩蓋到芝士同腸嘅味道啊蒜蓉包以為蒜蓉包淨係普通咁得兩塊，但係原來餐廳好細心揀將蒜蓉包切開細塊，用紙盒裝住一份，好方便食。味道方面，每一塊包都沾滿曬蒜蓉味，而且脆卜卜☺️抵讚🥖黑松露醬薯條粗粗既薯條炸到脆卜卜☺️少少鹹味～仲擔心緊太濃味，好彩黑松露醬唔太咸，但係黑松露味啱啱好～好食之餘又唔會覺得油膩粉紅玫瑰紅茶玫瑰綠茶兩樽茶都好香玫瑰味，紅茶就比綠茶茶味更濃，至於點簡就睇大家嘅口味啦

平時掃街多數都係旺角銅鑼灣尖沙咀但係其實原來有唔少偏僻舊區而家都越來越多新嘅食肆由於間唔中都會嚟美孚買車輪餅返去 今日經過見到開咗唔少嘅新餐廳 林林總總成條街都係 於是都行咗好耐 最尾揀咗間漢堡包店幫襯下美國安格斯牛肉芝士漢堡 $98 +10有埋薯條同埋嘢飲漢堡包size都幾大 塊安格斯牛肉都幾厚身咬落去都幾多汁 入邊仲有自制既嘅醬汁 配搭都幾開胃 安格斯牛肉食落去唔會好油膩 所以成個包食完都唔會好濟 值得一讚跟餐嘅薯條🍟仲有幾款唔同嘅醬汁揀 今次就揀咗個黑松露醬汁試吓 食落去都有黑松露味道唔會太濃烈 加埋沙律醬個人覺得啱啱好 有時太濃黑松露味反而會有啲難接受同其他漢堡包店唔同嘅就係呢度有自己特色嘅茶飲 都幾多唔同特別款式㗎 啱晒唔鍾意成日飲咁多糖嘅朋友 中和返食完漢堡包嘅罪惡感😈粉紅玫瑰紅茶☕️飲得出玫瑰嘅味道唔會太濃烈 紅茶亦都唔會太苦澀 兩者加埋就啱啱好啦酥炸魷魚圈🦑 $38份量啱啱好 可以當個小食 啱啱炸起都既香口 個人就鍾意擺埋落個漢堡包一次過食😈😈😈 增加下個口感🤫 總括嚟講美孚呢間漢堡包店都幾有特色 見佢除咗傳統漢堡之外都有唔少新式嘅漢堡包 例如麻辣味道芫荽味道等等 鍾意試

今日又係我銅鑼灣食神，微服出巡嘅時候。來之前因是談論我本身公司上市的事宜，所以我今日特別西裝企理，這間店舖叫Hong Kong Burger，和我在Carousell的店 Hong Kong Wine，名字差不多，大家自己人都唔使講咁多。睇開我食評嘅都知道，我要講揸車嘅事宜。入到去美孚新邨附近停車一陣冇事嘅，都係果句唔好咁串就可以。擔心照舊泊入停車場都方便。位置定位方面可以定位係中原地產，或者喺京都薈對面，咁就好易搵到。首先要講吉列炸蠔芝士漢堡非常好食，點樣好食？你買嗰餐自己試下就知道，芥末和牛芝士漢堡，如果鹽的份量係我自己落咁就滿分💯。黑松露薯條照舊非常好味！不能不提蒜蓉包異常好食！係超級好食！可以以我銅鑼灣食神的招牌作出推介！飲品方面都非常好，夠清！我成日講飲食飲食兩方面都要配合，茉莉花高原綠茶和菊花普洱，配襯漢堡包簡直係一絕！食下你就明白。服務方面，服務我Buy夠真！有一樣野幾特別全部都係靚女！我又開始睇文章亂講野😂😂😂總結好值得支持，經過一定要試吓，Brother Sister👍🏻👍🏻👍🏻👍🏻

焦糖洋蔥煙肉熱狗　4.2/5　$38我Friend子可惜，唔食洋蔥🧅享受唔到呢個。我覺得佢嘅味蒐比起下面嘅漢堡更加好食😋 可以同齊柏林熱狗🌭️相提並論啦! 如果可以有多啲Vege就仲正蒜蓉包　4.0/5比4分就真係各人口味唔同，如果你鐘意脆卜卜嘅脆蓉包就會覺得好好食！就算話係油炸我都信。但係如果對麵包柔軟質感情有獨意嘅，就未必，因為太脆🥯 我覺得幾好食。garlic flavour 都唔差。流心芝士蝦球　3.5/5　感覺彈牙QQ，雖然芝士味道唔係最強烈濃郁，但係整體口感唔差。黑松露薯條薯條真係炸得好脆🍟 super evil !! 如果可以跟埋ketchup 就好——定我唔記得拎呢？桂花烏龍 & 洋甘菊茶 4.0比我想像中嘅味道更好飲，唔知係咪因為加咗honey? 入口唔好會好苦澀。手撕豬肉爆汁菠蘿漢堡包 2.5/5 $58
感覺有啲強差人意。豬肉有啲一pat pat 嘅感覺 ;( 但菠蘿係juicy和好食嘅🍍

睇電視飲食節目介紹很多街頭漢堡飽小店很有水準,今日就光顧這間位於美孚吉利徑嘅外賣小店,食物都有頗多選擇。落單稍作等候,食物熱辣辣香噴噴,取回家慢慢吃。安格斯牛油芝士漢堡牛肉味濃厚香滑,夾有清甜菠蘿片,很有新鮮感。法國芥末和牛漢堡亦具水準,厚厚和牛嫩滑油香夠美味。加上厚身漢堡飽,更具質感。法蘭克福千島醬芝士熱狗千島醬酸甜香腸很爽脆,好味道。傳統芝士肉醬長通粉肉醬伴勻長通粉很入味,煙鴨胸拿破崙長通粉伴有沙樂美腸和黑欖肉,更為惹味。椒鹽脆薯條和酥炸魷魚圈也不錯,夠香口。桂花烏龍茶和四季春幾特別,夠茶香又解熱氣。

法國芥末和牛芝士漢堡🍔和牛咬落去啖啖都係肉汁，濃濃嘅牛肉味夾埋芝士生菜最重要係個芥末醬完全夾到個和牛令到更加突出好味😋佢地個麵包比一般鬆軟好食，十分之有質素。芫荽炸魚柳漢堡🍔第一次食芫荽漢堡原來咁好食，魚柳本身好厚身炸到脆卜卜咬落去仲啖啖魚柳肉口感好好，真係比想像中好好好食😋值得推介。小食配左蒜蓉包佢切到一小粒，一粒一口啱啱好，仲要好香蒜蓉味好正，黑松露薯條🍟粗薯條好正點埋松露醬食唔停口。飲品叫左罐好特別嘅蜜瓜梳打，好濃蜜瓜味好好飲，再叫左支凍烏龍茶👍🏻

老公成日叫我陪佢食漢堡包，今日放工經過美孚，就買左呢間Hong Kong burger既漢堡返去做晚餐，呢度都有幾多選擇，有漢堡、熱狗、意粉同Pizza，全部即叫即整，我叫左法國芥末和牛芝士漢堡拼蒜蓉包，藍鱈魚柳蔥花芝士熱狗拼薯條配黑松露醬，卡邦尼芝士煙肉意大利麵，再叫左兩個健康冷泡茶，洋甘菊同玫瑰茉莉。法國芥末和牛芝士漢堡-雖然係外賣攞返屋企食，但麵包仍然鬆軟，和牛Juicy 唔乾，芥末和牛係絕配！藍鱈魚柳蔥花芝士熱狗-入面有魚柳、生菜同芝士，魚柳啖啖肉，唔錯！卡邦尼芝士煙肉意大利麵-Creamy 唔會糊口蒜蓉包-一粒粒，好香脆，好方便，一粒一淡！薯條配黑松露醬-薯條沾醬好滋味洋甘菊茶/玫瑰茉莉茶-中和返食burger 同薯條既油膩，估唔到可以食住burger養生！

老公成日叫我陪佢食漢堡包，今日放工經過美孚，就買左呢間Hong Kong burger既漢堡返去做晚餐，呢度都有幾多選擇，有漢堡、熱狗、意粉同Pizza，全部即叫即整，我叫左法國芥末和牛芝士漢堡拼蒜蓉包，藍鱈魚柳蔥花芝士熱狗拼薯條配黑松露醬，卡邦尼芝士煙肉意大利麵，再叫左兩個健康冷泡茶唔係好，洋甘菊同玫瑰茉莉。法國芥末和牛芝士漢堡-雖然係外賣攞返屋企食，但麵包仍然鬆軟，和牛Juicy 唔乾，芥末和牛係絕配！藍鱈魚柳蔥花芝士熱狗-入面有魚柳、生菜同芝士，魚柳啖啖肉，唔錯！卡邦尼芝士煙肉意大利麵-Creamy但乾身，唔會汁浸住d麵。蒜蓉包-一粒粒，好香脆，好方便，一粒一淡！薯條配黑松露醬-薯條沾醬好滋味洋甘菊茶/玫瑰茉莉茶-中和返食burger 同薯條既油膩，估唔到可以食住burger養生！

美孚burger推介今日係美孚搵食，係美孚新邨三期地舖附近見到間食burger既就忍唔住買黎試試，同朋友每人叫一個餐試下千島醬招牌手打炸蝦餅芝士漢堡($88)個包超大個，無可能一口咬得哂🤪手打蝦餅好彈牙，同千島醬好夾。藍雪魚柳蔥花芝士熱狗$48因為係期間限定，所以叫黎試下，好中意佢上面既他他汁，好香之餘又唔會蓋左魚味🥰由於跟餐，我地叫左流心芝士蝦球同椒鹽脆薯條，另外跟兩支烏龍茶👍🏻。雖然係外賣，但係蝦餃同薯條過咗半個鐘依然都好脆同熱辣辣，蝦球仲keep到流心效果，值得一讚。最後食咁多野都係$166埋單，抵👍🏻人均：$84Janna 翻撻指數：8/10🥢🥢🥢🥢🥢🥢🥢🥢

今日行過美孚新邨見到問個burger既餐廳，見佢即叫即整，於是就買返屋企同屋企人食。安格斯漢堡：安格斯汁唔多，好在有塊菠蘿頂番下，炸蝦餅好香口，彩蛋～原來炸蝦餅入面有一隻蝦，Burger個包有烘過脆脆的有誠意。薯條：開頭以為無比茄汁，原來白色果樽係醬， 外表平平無奇，佢其實係黑松露醬，點薯條又真係幾夾～好食。，由於只限外賣，即刻拎番屋企食，用左約15分鐘，d野都仲係熱既. 蒜蓉包係新品，好脆夠香口，蒜蓉包同薯條，食完都好熱氣，飲番樽冰涼既花茶。