家後2.0

Open Now

Now Closed

好幸福，一次收到2件開心果巴斯克芝士蛋糕！一齊影相，一齊食，比較下，再分高下。家後的巴斯克芝士蛋糕咁出名，就算未開2.0時已經久聞其名，但因為舖頭賣餃子，早期見餐牌冇素餃供應，覺得特登去只係食件蛋糕好奇怪咁，同埋格調都唔係好夾。家後的蛋糕係屋企人買番嚟，買齊所有口味：原味、開心果同新登場的蘋果，但因為蘋果外觀似原味，所以我調亂咗，最後只試咗開心果同蘋果味。開心果巴斯克芝士蛋糕：如果冇加價，應該係$35/件，佢size細，係外面其他巴斯克芝士蛋糕的1/2-2/3左右，雖然價錢低啲，但計落應該差唔多。磅過，一件約80克。第一啖覺得佢軟滑同質感輕怡，而蛋糕整體係同一個質感，即係已成形，唔似有啲舖頭的出品係裡面會軟心少少。如果以層次嚟講，佢爭少少。蛋糕有開心果味，但只屬輕怡版，佢冇額外加開心果碎或開心果醬去令味道更衝擊同直接，講到底，真係有種家的味道，即係媽媽煮嘢食唔會整色整水，亦唔會太重口味。如果係開心果狂迷，我覺得有比較有傷害，應該會覺得佢好味，但又未去到「好好味！」。尤其當將佢同Liberty直接PK，佢顯得好plain，冇乜亮點，但與此同時，我又諗，佢係一件我每日飯後都會有胃口去食的巴

同朋友喺深水埗行完街，想找個地方吃頓晚飯。朋友想食餃子，醒起汝州街這間人氣餃子店「家後 2.0」。餐廳主打手工水餃和家常飯餐，店面明亮，裝潢簡潔，座位闊落，驟眼看還以為是間文青咖啡室。點咗灼餃同煎餃各一份，芫茜豬肉餃 ($40)  好新鮮，入口沒有雪味，菜同肉嘅比例啱啱好。湯底以西洋菜自家熬製，真材實料，入口極之鮮甜，飲得出完全無落味精。至於煎餃就揀咗小籠包豬肉 ($44)，廚師以生煎方式將餃皮煎至金黃香脆，肉餡內藏雞湯及洋蔥蓉，一咬爆汁，香味四溢。+$20 可以配中式套餐，包是日鹹飯、冷盤小食及烏龍茶。菠菜爽口嫩綠，鹹飯配料有薯仔同香菇，非常足料，充滿住家風味。+$30 可以配日式套餐，包是日麵類、冷盤小食及烏龍茶。烏冬彈牙滑溜，無論係淨食或拌餃子吃都咁好味。另外仲點咗客沙薑雞中翼 ($30)，雞翼大大隻，好有肉地，入口鹹鹹香香，充滿濃郁沙薑味，送飯一流！一場嚟到梗係要食埋餐廳嘅招牌甜品，點咗客開心果巴斯克芝士蛋糕 ($35)，糕身輕盈濕潤，表面帶微焦，開心果同芝士味相互平衡，香醇不膩。

回頭度🍪9/10｜人均消費💰~$40-70-終於試到呢間被餃子耽誤嘅蛋糕店😍雖然試唔到佢嘅招牌小籠包豬肉餃都試唔到開心果芝士蛋糕🥲但都覺得好滿足 覺得一定要bookmark🥳-👍🏻冧酒提子芝士蛋糕 $35公認係成餐飯嘅MVP🏆聞落已經有好明顯嘅酒香蛋糕食落好軟滑 芝士味重🧀表面嘅燶度都啱啱好底層嘅冧酒提子乾🍇簡直係錦上添花 加$5絕對值得😋味道🌕🌕🌕🌕🌗-👍🏻原味芝士蛋糕 $30本身未食冧洒提子以為呢個已經係MVP🍰評價同上 都係食落好軟滑且芝士味好夠出🤤但真係有比較就有傷害但都絕對值得叫嚟食🥰味道🌕🌕🌕🌕🌑-👍🏻雲耳椰菜豬肉灼餃 $40本身對湯餃冇咩期望但佢嘅五指毛桃湯🍲絕對加分不少一飲就知無味精 所以飲咗好多啖餃子餡都好飽滿 又大大隻🥟豬肉比例高 充滿肉汁🐽加埋椰菜同雲耳冇咁膩餃子皮都厚度適中 唔會好粉味道🌕🌕🌕🌕🌗-👍🏻洋蔥豬肉煎餃 $44煎餃唔會好油 而且夠脆身金黃嘅賣相都非常吸引🤩洋蔥豬肉都煎餃好夾🧅味道🌕🌕🌕🌕🌑-👍🏻麻辣白菜灼餃 $40係嗰日嘅是日特色餃帶少少辣所以幾惹味🌶️餡料同樣都係飽滿多肉汁味道🌕🌕🌕🌕🌑-整體味道🌕🌕🌕🌕🌗抵食🌕🌕🌕🌕🌑

舊鋪餃子好味就係人都知，今次一於試試新鋪。新鋪裝修靚靚，無舊鋪果種逼夾感✨餃子8隻一個餐～ 必食menu如下：💖手工水餃 （灼） 8隻+雙拼 + 是日西洋菜燉湯HKD42👉🏻是日燉湯係西洋菜湯因本人喜歡水餃原汁原味，故選取灼水餃2款，雙拼多加2蚊/ 豬骨湯無味精，清甜👉🏻雲耳椰菜豬肉餃餡多皮薄，豬肉咬下去在口中化開，雲耳爽口「索索」聲👉🏻芹菜豬肉餃芹菜分布平均，同豬肉超夾，鍾意食芹菜嘅朋友請勿錯過💖原味芝士蛋糕HKD30佢啲芝士蛋糕係有師傅專門製，每天限量發售。鍾意佢啲蛋糕甜度適中，芝士打得夠幼滑，唯一缺點係太細件，食唔夠喉！💖 Cappuccino HKD25 食蛋糕點都要配返杯咖啡嘅，雖然係冇拉花，咖啡同奶嘅比例都唔錯💡灼餃食法建議食得辣：加菜脯辣椒👍🏻不受辣：落喼汁加少少辣椒油👍🏻

之前一路都聽聞過深水埗有間餃子店好好味，仲有芝士蛋糕食，今日happy Friday早咗放工，於是特登過去深水埗試吓😂 因為都未到晚飯時間所以唔使等位即刻有得食👏🏻👏🏻一坐低即刻望吓，今日有咩款式芝士蛋糕，特別啲嘅有浪漫玫瑰同埋蘋果，雖然都好吸引呀，因為第一次食所以都係試返基本原味同埋抹茶🍵是日例湯：靈芝雞骨草湯是日特色餃：麻辣白菜餃個湯底好有住家湯嘅感覺，有淡淡的靈芝同藥材味，浸住個餃子，熱辣辣咁樣一啖湯一啖餃子🥟好正🤤韭菜豬肉餃餃子皮薄，餡料脹卜卜，韭菜比例比較多，唔算太肥，兩三下就食晒八隻 ， 好食麻辣白菜餃好似都好少會見到呢個配搭，所以就叫咗一個試吓。餡料係白菜豬肉，麻辣味道剛好，係幾惹味。話咁快食完八隻都唔係幾夠喉，所以另外再叫多咗八隻嚟食😂原味/抹茶巴斯克芝士蛋糕食完餃子大概有7-8成飽仲有位食甜品 wahaha蛋糕有精美嘅碟仔裝住上枱整過蛋糕嘅人先會知道切蛋糕把刀切得唔靚會好崩潰呢兩件蛋糕係有完美尖尖角！好彩可以試齊晒兩隻味原味好滑 係最簡單嘅芝士香味味道唔會太甜帶微微酸味又唔會好漏抹茶味好香濃 食完一啖件蛋糕喺口入邊溶化嘅時候啲抹茶味會再飄出來兩隻味都好好味完全揀唔落手

「此生最好的運氣，就是遇見了你」家後，系一首閩南歌，指既系賢內助老婆既意思。小編今次就帶大家黎到深水埗，同大家介紹一間夫妻檔經營「以家為味」既平民手工餃子店 一 家後2.0🌟手工餃子套餐 $62*套餐可自選煎餃/灼餃，隨餐附送是日住家鹹飯、冷盤、烏龍茶🌟韭菜豬肉餃：皮薄之餘，內餡飽滿，韭菜香氣搭配豬肉既肉香🤤👍🏻🌟雲耳椰菜豬肉餃：皮薄之餘，內餡飽滿，椰菜清甜，雲耳爽脆，搭配豬肉既肉香🤤👍🏻👍🏻🌟開心果芝士蛋糕 $35芝士味濃，質感非常軟滑，呈半流心狀，帶淡淡開心果味吾會過甜🤤👍🏻👍🏻📍家後2.0地址：汝州街131號地舖#深水埗 #家後 #餃子 #湯餃 #煎餃 #留港消費 #支持小店 #街坊小店 #住家鹹飯 #手工餃子 #芝士蛋糕 #為食關注組 #覓食深水埗 #食在深水埗 #韭菜豬肉餃 #深水埗食乜好 #香港美食地圖 #雲耳椰菜豬肉餃 #開心果芝士蛋糕 #九十後行到邊食到邊#HKIG #HKIGER#HONGKONGFOODIE

阿女知道我喜歡食餃子，今日就帶我去深水埗一間叫家後2.0 ，餐廳地方簡潔，主打大隻又足料的湯餃和煎餃，餐廳以家庭式經營，每天都係自家包製餃子，用料新鮮，極受食客喜愛。韭菜豬肉餃（灼）：餃子饀料飽滿，韮菜鮮香，豬肉鮮甜，食落皮薄餡鮮，灼餃會奉送是日燉湯，今日係五指毛桃湯，味道清甜，帶有類似椰子的香味。有益健康！芫茜豬肉餃（煎）：煎餃煎至金黃色，隻隻脆皮，豬肉既甜味提升左芫茜既香味，食落又香又有口感。芹菜豬肉餃（煎）：芹菜鮮香又爽口，豬肉和芹菜比例啱啱好，香脆可口。每日都有一款特色餃，今日係麻辣白菜，麻辣白菜麻香十足，辣度唔算好辣，餃子香口惹味！豬骨湯上海麵：豬骨濃湯能令淡味的上海麵更鮮甜入味。凍豆漿入口順滑有豆香味。

❤️‍🔥世一煎餃+巴斯克蛋糕❤️‍🔥一講煎餃同巴斯克蛋糕，肯定就估到係家後！食咗幾次，水準好穩定，全部都即叫即煎，隻隻金黃脆皮，入面仲係咁juicy，最後叫件蛋糕食，真係超級大滿足！本店每次去都係排哂隊，唯有行後一條街去家後2.0食，比較唔到同本店嘅質素﹐但就係好好好好食！—— 小籠包豬肉餃 $44超級無敵咁好食啊！！！！！依款見到有快啲落單！！！每日限定賣哂就冇！入面係小籠包嗰種餡，但係爆哂汁，直程係食緊脆嘅小籠包咁，啲湯汁超正超好味啊！仲要本身煎餃已經好出色，連屋企阿媽食完都大讚🤣—— 洋蔥豬肉餃 $44用咗紫洋蔥，切到啱啱好有咬口，食落有口感，係平日少見嘅煎餃會食到清甜味，外層餃皮煎到好靚，完美金黃色又冇燶，好香口卜卜脆！—— 原味芝士蛋糕 $30好高質！！！完全同甜品店出品嘅水準一樣，質地超細滑，中間係半流心狀，芝士味啖啖都好濃郁，真係必叫！—— 開心果芝士蛋糕 $35一食就有好rich嘅開心果味，同芝士味比例啱啱好，質哋都係咁輕盈，甜度啱啱好👍🏻依個價錢食到真係超哂班！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 家後2.0 (深水埗)深水埗汝州街131號地舖

地道餃子店「家後2.0」餐廳位於深水埗主打餃子及家常便飯⭐️手工餃子套餐分別有四隻雲耳椰菜豬肉餃及四隻菠菜豬肉餃湯底用咗木瓜湯餃子皮薄餡靚😍⭐️沙薑雞中翼飯雞翼醃得好入味沙薑味道香濃😋配埋白飯一流⭐️豬骨湯上海麵好啱配餃子一齊食上海麵條彈牙唔錯嘅選擇🫶🏻⭐️日式住家飯團份量細細好啱配豆漿🥳⭐️飲品有熱豆漿及烏龍茶等等特別推介豆漿非常濃郁😆⭐️原味芝士蛋糕餐廳自家製嘅產品芝士味好香🤩食落去好軟熟大滿足

慕名黎到呢間深水埗區著名食巴斯克芝士蛋糕嘅水餃店舖。之前睇YouTube MM介紹老闆係日本嘅人妻，一直都見佢要排隊，今日終於能夠抽空去食。舖頭裝修舒服，店內亦都有幾幅畫去寄賣，空間都算大唔會太迫。老闆娘好熱情同埋有禮貌，招呼周到，到最後仲會問啲嘢好唔好食同埋有咩需要改善。今日我哋叫咗一份雙拼水餃同埋一份雙拼煎餃水餃叫咗雲耳椰菜豬肉餃同埋韭菜餃 $42食得出冇乜點加味精，唔會太鹹，感受多咗食材本身嘅鮮味。特別想推介手工煎餃裏面嘅小籠包豬肉餃，咬落去會好似小籠包咁樣爆汁，外皮煎得香脆，唔錯👍 另外都叫咗個芫荽豬肉餃，啱晒芫荽控 我哋擔心唔夠飽，嗌多咗個咖喱牛筋腩飯$48，咖喱係港式咖喱唔係日式甜咖喱。然後我哋亦都叫咗個日式住家飯團，合味道都非常特別。用保鮮紙包住飯團，方便揸住嚟食。 飯粒軟腍，配埋一啲日式嘅醃菜唔錯。最後去到最需要隆重推介嘅芝士蛋糕。之前喺網上面見好多人嚟到都食唔到，因為好快賣晒。今日食到佢嘅原味同埋咖啡味芝士蛋糕。好香濃嘅芝士味，亦都唔會過甜，配合微焦香嘅蛋糕面，可以話食極唔濟。唯一可以講嘅就係希望個蛋糕可以蛋嗰啲，因為真係好好食。

之前試過一次家後覺得餃子唔錯，一直想試埋佢地最出名嘅巴斯克芝士蛋糕。原來佢地依家開咗分店，叫家後2.0🤣裝修行文青風，好似入咗cafe咁😬煎餃 （韭菜豬肉+小籠包） $46煎餃煎得好靚，表面金黃酥脆。個人黎講食餃子一定要食韭菜味，呢度嘅韭菜豬肉嘅韭菜味好濃，咬落去好juicy👍🏻另外小籠包餃亦都好出色，同樣大大粒，好多餡，咬落去真係好似小籠包咁會爆汁😋灼餃 （韭菜豬肉+洋蔥豬肉） $42灼餃食落感覺皮更加薄、餡更加爆滿😻洋蔥豬肉餃入面洋蔥豆幾多，一粒粒增添咗口感，而且洋蔥好爽甜👍🏻值得一讚嘅係佢哋仲附送一碗湯，每日口味唔同😋住家味，飲完唔會頸渴，應該冇添加味精日式飯糰 $16估唔到呢度嘅飯糰都好唔錯，大大舊麻辣雞中翼 $30雞翼炆得好腍，一咬啲肉就落晒嚟，都煮到好入味，辣度適中，唔會太辣開心果巴斯克芝士蛋糕 $35呢度最出名應該就係開心果巴斯克芝士蛋糕😻落單嘅時候就叫咗店員幫我留一舊後上。蛋糕表面微焦，中間有少少流心效果，口感綿密得黎又唔會太厚重，開心果同芝士味融合得好好，唔會蓋過彼此嘅味道，我地好快就清曬😋原味巴斯克芝士蛋糕 $30由於開心果味太出色食完覺得未夠喉，所以我地嗌多咗個原

之前見好多foodie介紹過深水埗家後既餃子今次出開去經開附近就黎幫襯下 一 家後2.0🥟手工餃子套餐 $62雲耳椰菜豬肉餃 韭菜豬肉餃 住家鹹飯+冷盤+茶今次就嗌左湯餃 湯底清清地餃子都大隻扺食雲耳個隻口感爽D韭菜味幾出幾香鹹飯食得到薯仔整體平民小店 味道ok 真系幾扺食😋📍家後2.0地址 汝州街131號地舖#深水埗 #家後 #餃子 #湯餃 #豬肉餃 #香港小店 #家後餃子 #住家鹹飯 #今日食乜好 #韭菜豬肉餃 #雲耳椰菜豬肉餃

尋日深水埗做完嘢，係附近搵食，見到有一間評價唔錯嘅餐廳叫家後2.0。餐廳柔和嘅燈光同木系裝修，配上幾幅靚靚嘅畫，感覺溫馨有家庭式嘅感覺。🌿🖼️我叫咗個煎餃套餐，有菠菜豬肉餃同小籠包豬肉餃。煎得幾好幾脆。😋 套餐加$20就有少見嘅鹹飯、小食同烏龍茶。🍚🥟另一個灼餃套餐有韭菜豬肉餃同雲耳椰菜豬肉餃，呢個就加$30配烏冬。餃子味道清新，烏冬彈牙，小食都係菠菜，仲有烏龍茶。🥢🍜兩個套餐嘅餃子味道多樣，食完唔會好口渴，冇味精嘅感覺。湯底都唔錯，似住家湯飲落去好舒服。😊仲加咗個沙薑雞中翼，雞翼好滑，好多沙薑汁浸住。🍗🤤 估唔到佢哋食餃子都有咖啡飲☕️可惜太遲去試唔到必試嘅芝士蛋糕，下次可以早啲去試下！🍰

喺大南街同朋友買完手作野勁肚餓，近近地見到有呢間餃子店就諗住幫襯吓🥟🥟🥟坐低先發覺原來並唔係一間普通嘅餃子店——除咗有餃子食原來仲有得叫咖啡同蛋糕🍰是日特色餃係麻辣白菜餃，好似幾特別，呢個揀左灼餃；另外要左份韭菜煎餃。.🥟麻辣白菜灼餃套餐🥟灼餃套餐會跟個湯，今日係西洋菜湯。飲落去非常清甜，應該係冇味精，住家湯嘅感覺。麻辣白菜餃食落去係淡淡嘅麻辣味，味道平衡得好好，亦都唔會搶過咗豬肉餃嘅鮮甜味，唔係話食到要係咁飲水嗰一種。🥟韭菜豬肉煎餃🥟非常出色，因為餃子皮厚薄適中，煎餃感覺啱啱好，香脆得來唔會太過油膩，香口得來又唔會蓋過餃子餡料，完全冇諗過係一間小店可以食到咁高水準嘅煎餃子.🥟咖喱牛筋腩飯套餐似係港式咖喱牛腩飯嘅感覺，咖喱汁唔會太椰，小小辣。牛筋腩都夠腍。套餐會跟一碗湯同埋一杯烏龍茶，男士食基本上一個餐都夠飽。🍰原味巴斯克芝士蛋糕🧀坐低上網搵先見到原來佢係一間比餃子耽誤嘅蛋糕店😝見到餐牌先知今日得返原味蛋糕，其他賣晒。好彩我哋都醒目，落單嘅時候同職員講想留定一件芝士蛋糕🍰食完啲餃子同埋牛腩，第一次可以用芝士蛋糕作結尾😜😜完全冇期望有蛋糕食之下，食到個勁好味勁滑嘅芝士蛋糕，超級滿足，下次

知道「家後」餃子同巴斯克蛋糕頗有名氣，但就一直未試過！今次同朋友慕名而來2.0分店！🥟手工餃子套餐（煎）是日住家鹹飯＋冷盤小食＋烏龍茶：$64是日住家麵類＋冷盤小食＋烏龍茶：$74冷盤小食：芝麻波菜食煎餃熱氣野，食返菜嚟balance吓，芝麻好香，波菜清爽好味🤤！是日住家麵類：烏冬🥟小籠包豬肉餃🥟菠菜豬肉餃(+$2)🥟洋蔥豬肉餃🥟雲耳椰菜豬肉餃(+$2)每個套餐可揀2款煎餃，每款各4隻。每隻都煎到金黃色，脆卜卜🤩！餡料豐富，咬落入面仲有肉汁😋！配埋枱面上既辣菜甫，更惹味😋～🧀原味巴斯克芝士蛋糕：$30軟綿綿，芝士味濃郁，creamy👍🏻😋！總結：餃子同蛋糕物有所值😋！Dumpling & Cheesecake can be together👍🏻！！！環境光猛，企理！幾鐘意一入門口塊鏡可以打吓卡🤣📸！提提大家餐廳只收現金💰！