家後2.0

Open Now

Now Closed

深水埗出名超多水餃店 咁多選擇入面今次揀左呢間好出名既水餃名 試試佢🤪🥟 手工餃子套餐（灼）（雙拼） 呢個灼餃子既套餐 揀左雙拼既味道分別叫左韭菜豬肉餃 同 ⁠菠菜豬肉餃😋然後再加配 是日住家麵類 冷盤小食 同熱烏龍茶 呢到既餃子既餡料好夠飽滿 皮好夠薄身 調味亦岩岩好😛韭菜豬肉餃好香濃韭菜香味 配埋充滿肉汁肉餡菠菜豬肉餃食落比較清新 有鮮味 食落好舒服☺️湯餃會附上是日燉湯 今日既係燉湯蟲草花湯飲落完全唔似坊間既味精湯 飲得出係真材實料😋飲落有淡淡既蟲草花香味 飲落好舒服特製的住家麵 係粗身煙韌既烏冬 配上日式湯底😌如果喜歡食烏冬既你 一定要試試呢到既住家麵😋🥟 手工餃子套餐（煎）（雙拼） 除左灼餃子 今次再試埋佢既煎餃子☺️今次嗌左洋蔥豬肉餃 同 是日新款餃子（麻辣白菜餃）煎餃子同灼餃子一樣 餃子餡料好夠飽滿 餃子煎得香脆得黎 仲可以保留到餃子皮既煙韌感😛洋蔥豬肉餃 用上紫洋蔥 食到爽脆既洋蔥 好夠清新🤪麻辣白菜豬肉餃 好特別 麻辣味道唔會過份地辣食到麻辣既香辣味 好夠過癮 小辣人士都絕對試得過😋🍛 咖喱牛根腩飯 雖然呢到出名食餃子 但呢到既飯類都好出色😛呢到既咖喱係偏向港式既咖喱 有

上年食過家後嘅老火湯餃，已經覺得好有質素，所以今日黎試下家後2.0，睇下可唔可以再比到驚喜我😎🥟芫茜豬肉餃 (灼)+芹菜豬肉餃（灼) $42 🌕🌕🌕🌕🌑外皮薄滑，內餡都好鮮嫩多汁😆仲有跟好足料嘅老火湯😍上次食家後係餃子放埋入老火湯裡面，而今次佢就將餃子同湯分開，等大家可以更品嚐到湯嘅鮮味，而且可以比食客自己選擇餃子送唔送湯食👍🏿不過我個人較鍾意原本的做法，等餃子皮可以吸到湯嘅味道，食落味道更豐富😋🥟是日新款餃子（煎)+小籠包豬肉餃（煎） $46 🌕🌕🌕🌕🌕好似第一次比一份食物五粒星…呢個煎餃真係我嘅Mr. Right！煎得好靚，剛剛好的程度，外皮脆卜卜，但入面完全唔乾，一如佢名字所講，內餡好似小籠包咁多汁。我第一啖咬開餃子嘅時候，啲湯汁直接飛到對面朋友臉上😂😂是日新款餃子係麻辣白菜餃，配埋煎脆嘅外皮十分惹味😋希望小店可以一直keep住呢個水準，等我下次黎都可以再食到咁好食嘅煎餃🥺🥺🍰開心果巴斯克蛋糕 $35 🌕🌕🌕🌕🌑巴斯克蛋糕冇得網上落單，要搵員工人手落。口感軟滑，開心果同芝士味都相當濃郁，都唔會好膩。好食！疲累嘅一日以呢餐結束，真係好幸福🥹希望小店可以繼續努力，保持水準，下次再

一直聽聞呢間餃子店好出名❣️平日晏晝食唔洗排隊👍🏻餃子款式雖然唔算特別多但勝左皮薄餡靚🥟加$跟套餐會有埋冷盤小食，烏龍茶，面/飯想雙拼試兩款餃都得😙仲有飯餐同小食可以揀，平平地食個飯配埋湯都唔錯-韭菜豬肉餃+菠菜豬肉餃（+$2） $46 8隻兩款都係煎，一邊煎脆另一邊冇咁樣感覺冇咁熱氣🤣菜同肉嘅比例十分好，而且仲有肉汁👍🏻-雲耳椰菜豬肉餃 $40 8隻皮薄得黎餡都好飽滿，餡嘅調味亦啱啱好😙個人鍾意加辣菜脯更加好食🤣-上海湯麵係幼麵仲有菜配埋👍🏻👍🏻烏冬煙韌👍🏻跟餐附送嘅湯亦充滿住家味道野生菌湯好香好好飲😋-芝士蛋糕人人都讚有人氣嘅開心果口味同原味開心果味濃郁又唔會太甜超好食芝士味易夠出，食完都唔會好漏原味口感相對較實但芝士味好濃郁🤤呢個size食完絕對啱啱好🥹🥹

今日黎到深水圳呢間好出名既家後2.0，仲唔到雖然位置唔係旺區，但都好多人慕名而來，就算係平日手都排晒隊要等位入！內裏環境好靚好光猛，牆上仲掛左油畫望落好C伏呢到主打手工餃子，但都有飯麵類，另外值得一提係佢個芝士蛋糕係勁出色，我見差唔多每一枱都有叫，甚至有人入黎專登淨係食佢個蛋糕手工餃子可以揀煎或湯餃，多款唔同口味仲可以雙拼配搭，一咬開勁多汁，入面塞滿晒啖啖出，勁出色今日好肚餓，叫多個咖哩牛筋腩飯食係日式咖哩偏甜一啲都唔辣，牛筋牛腩煲到勁淋好勁入口，估唔到一間主打餃子既鋪頭整飯類都同樣出色最期待既巴斯克蛋糕黎啦除左有原味之外，每日都有唔同是日精選，今日係開心果同抹茶今次就試左抹茶蛋糕，勁香濃芝士味，口感亦不得了，實淨得黎好綿密，一啲焦味都無，出色

今日去咗深水埗呢邊買電話卡，跟住就睇吓附近有啲咩好嘅餐廳食，但係咁啱亦都唔想食咁多嘢想食啲比較輕便嘅食物，就揀咗呢一間食餃子嘅餐廳，見到佢網上嘅評價都幾好，所以我同朋友就決定去試吓，我哋叫咗兩個唔同嘅套餐，再加左一個甜品.煎餃套餐，菠菜豬肉餃，煎得非常靚仔，呈現到金黃色，而且亦都非常香口，我朋友都非常鍾意食佢嘅煎餃子，而且佢肉汁非常香濃，咬落去所有肉汁都會爆曬出嚟，鍾意嘅朋友真係唔可以錯過，而且雙拼嘅話可以揀多一款自己鍾意嘅口味，我就加咗最後加咗兩蚊！灼餃子就揀咗韭菜豬肉餃同埋芹菜豬肉餃，比較鍾意食韭菜豬肉餃，因為覺得韭菜同埋豬肉嘅味道非常match, 而且亦都非常大大隻，就算一個套餐八隻都夠，非常飽肚！鍾意食餃子嘅朋友唔可以錯過，而且餐廳嘅餃子係新鮮每日即整，所以非常好食，亦都好新鮮！套餐就包括左有烏冬或者中式嘅飯，再加一個菠菜小食，整體嚟講都可以！個烏冬都非常煙靭，呢個價錢嚟講我覺得非常合理，喺同區嚟講都唔算好貴，每個套餐喺出邊起碼平$10，CP值都幾高！最後見到隔籬枱掉咗個開心果芝士蛋糕，我哋都想試吓，就叫做一件嚟食$35！冇諗過真係非常好食，芝士蛋糕唔會做得太漏，而且充滿開心果

聞名不如見面嘅家後，夜晚真係好full House。晚飯時間人流不絕，咁佢啲餃子又真係幾抵食~可以揀煎餃或者焯餃，都係40幾蚊，就有足料8隻。手工餃子套餐（灼）雲耳椰菜豬肉餃椰菜好fresh，好住家感覺~一啲都唔膩洋蔥豬肉餃 +$2.0內有大約量子洋蔥，一咬感覺非常香甜，比想像中好食手工餃子套餐（灼）•⁠  ⁠芫茜豬肉餃•⁠  ⁠菠菜豬肉餃+$2.0現身講芫荽同菠菜豬肉餃味道差唔多，哈哈~鍾意食餃嘅可以試試手工餃子套餐（煎）•⁠  ⁠韭菜豬肉餃•⁠  ⁠小籠包豬肉餃+$2.0而兩款手工煎餃都幾推介！ 韭菜豬肉餃嘅韭菜份量好多、好香，唔重味精味係重點。小籠包豬肉餃必食推介！本身我唔係特別好小籠包，但咬落即刻爆汁，好甜，好Juicy，有驚喜！另外叫咗啲小食：•⁠  ⁠沙薑雞中翼•⁠  ⁠是日油菜沙薑雞翼炆得好腍，$30原來有四隻，又幾抵食喎生菜份量都OK，食住餃子加條菜，再加兩支日本綠茶（$10@）， 零舍有住家感覺。食咗24隻餃子、小食同嘢飲，埋單都只係$200， 味道住家， 仲有自家製巴斯克蛋糕，唔怪之得咁多人嚟啦。

所有野都要食客提，野飲唔記得比，兩個人比一對筷子⋯等咗蛋糕好耐，要提，仲要抹茶就比咗開心果。職員講嘢用國語勁大聲同另外一位男職員對話。不停口⋯講就叻，所有野都係做錯！－句唔好意思都冇。咁嘅服務。幾好食都冇用，何況只係一般。

啲嘢食可以話不過不失，要排隊食真係唔值得。周圍有更好選擇。同埋2.0真係服務態度及質素勁差，入面有大把吉位但是叫人係出面等就算數，等嗰陣時有人又入去問入唔入得竟然俾佢入先，咁請問做乜要叫人排隊？排隊有乜意思？入面有6個左右吉位但係staff係入面睇手機都唔俾人入，非常之離譜。除此之外，叫咗8粒粟米餃竟然5粒粟米3粒係洋蔥，成間鋪人好似一直發緊夢，動作非常之慢，反應都好慢！芝士蛋糕偏甜，味道普通，餃子不過不失，肚餓可以試吓，要排隊食就極度唔推介。

今晚係深水埗買完sim card，就過咗黎呢度食晚飯，朋友介紹佢哋嘅煎餃同芝士蛋糕係必食。小籠包豬肉煎餃$44小籠包就食得多，變咗餃子樣真係第一次食，一共有八隻，每隻都大大隻，一咬開真係爆汁，個底煎到好香脆，餃子皮帶點煙韌，呢個真係好好食，必點。菠菜豬肉灼餃 $40一樣有八大隻，皮薄得黎啲餸好多，每隻都脹卜卜。叫餃子附送的湯，今日係五指毛桃湯，好甜好好飲，一大碗好快飲曬。豬骨湯上海麵 $16麵質幾彈牙日式住家飯團 $16好有家的味道同感覺，入面仲有啲雞肉粒增加口感。佢哋的飲品係樽裝或者罐裝飲品，叫左一枝Sangaria 綠茶同一罐白水蜜桃汁。最後一大重點就係食佢哋的芝士蛋糕，叫左件原味，入口好creamy，入口即化唔會張住個口，好好食，同煎餃一樣咁出色☺️☺️👍👍

上星期在原店買外賣買了生嘅雲耳椰菜豬肉手工餃回家煮，水準不俗，皮薄且餡料新鮮，吃完即刻好想encore😋😋。今天乘車咁啱經過深水埗特意在深水埗落車幫襯2.0店。本想買生餃回家煮的，但可惜服務員聽不懂廣東話"生"餃，卻反問我係咪要"新"餃，我又聽不懂她說什麼就回答我要雲耳椰菜豬肉手工餃🤪，由於問與答無法接通😔，最後變了熟餃一湯碗🍲，由深水埗拎盒熱騰騰的湯餃返去港島東，回家後打開盒蓋一看，水餃依然好靚仔😍，但水餃皮卻變得好粉淋沒咬口，下次再到此店光顧要預備好一張字條寫明要買什麼好D😅，否則就要對食物減低期望值🙈

之前去過太子一間好出名餃子店又細又多人排但食完真心唔好味完全唔明點解好食同事介紹我呢間家後叫咗一個蒸餃同煎餃韮菜餃子煎得剛剛好味道又唔會太咸上海湯麵唔算太大份其實大食絕對可以叫餃子再加上海麵蒸餃會配一配中湯味道麵唔錯希望遲下有粟米餃子最搞笑係一間餃子店會有芝士蛋糕食仲要出奇地唔錯呢間嘢絕對會再幫襯

我們於13/9（五）下午兩點四十五分左右到達餐廳，人樓不多，有一枱客人將啲袋全部放喺隔離枱到😳，搞到客人想坐都唔得👎🏻用QR code下單，如果要叫巴斯克芝士蛋糕就要叫店員我們叫了❶手工餃子套餐(原價$40，雙拼+$2）共8隻，仲有冬瓜意米湯🥣附送，好抵呀（雙拼各有4隻）①芹菜豬肉餃（灼）：一食落去，芹菜比較重味②菠菜豬肉餃（灼)：相比之下，菠菜味道淡啲❷玫瑰巴斯克芝士蛋糕（$35）：一食落去有淡淡玫瑰🌹味，仲有軟心芝士🧀️可以再大件啲PS等灼餃子就耐咗～半個鐘左右見到店員得閒就包餃子🥟，放的料都好多吓

最近發現了一家隱藏在巷弄裡的小店「家後2.0」，一進門就被溫暖的裝修風格吸引住了他們的招牌手工餃子真的是好好味！我點了煎韭菜豬肉餃，外皮煎得金黃酥脆，咬下去還能聽到「喀滋」的聲音，裡面的餡料鮮嫩多汁，韭菜的香氣撲鼻而來，跟豬肉的鮮甜完美融合。套餐還配了當日特製的住家麵，Q彈有勁朋友點的灼餃也不遑多讓。芹菜豬肉餃清香爽口，雲耳椰菜豬肉餃則口感豐富，每一口都能嚐到不同的層次。配上一盤清脆爽口的生菜，簡直是味蕾的享受！日式住家飯團也是店裡的特色，飯糰緊實不鬆散，裡面的配料豐富多樣，每一口都充滿驚喜。飯後來一杯冰涼絲滑的凍豆漿，瞬間消暑解膩。最後，甜點也是讓人驚艷。開心果巴斯克蛋糕外層微焦，內裡卻綿密如絲，開心果的香氣與奶香完美融合。原味巴斯克蛋糕則是經典中的經典，濃郁的奶香讓人回味無窮。總的來說，「家後2.0」絕對是值得一訪再訪的好地方。無論是獨具特色的手工餃子，還是充滿驚喜的家常料理，每一道都讓人回味無窮

同朋友去深水埗買漫遊電話卡，之後佢同我去食餃子，佢話汝洲街有間餃子店叫家後2.0，店內裝簡約，地方乾淨企理。主打手工餃子。餃子係即日新鮮包製，今日就見到佢哋係度包餃子，饀料都有好幾款，而且好新鮮。餃子食法有兩種，煎或灼，兩種都各有特色。韮菜豬肉煎餃：餃子隻隻飽滿，餃皮煎至金黃色，食落足料、香脆又多汁。芹菜豬肉煎餃：新鮮香芹具獨特天然香氣，配新鮮豬肉味道清新怡人，香脆可口。芫茜豬肉灼餃，豬肉既甜味提升左芫茜既香味，芫荽同肉嘅比例啱啱好，仲配左一碗老火湯，香甜可口。紅燒豬手炆得好淋，肉質好軟滑，撈埋甜甜的紅燒汁，超級入味。美式咖啡的濃度較低，味道更柔和; 帶有一些水果香氣。凍豆漿有一股濃濃的自然豆漿香，而且入口順滑。

家後2.0 🥢今日來到🕹️深水埗食餃子！主打自家手工製足料餃子！口味眾多仲有老闆娘每日新鮮製作巴斯克蛋糕🎂足料好味✅性價比高👏🏻絕對值得大家過嚟食叫左2個⭐️手工餃子套餐 揀咗一份白灼餃、一份煎餃！都會跟有是日靚湯冬瓜湯好岩夏天飲！消暑清熱！叫左四款口味餃子！每款都爆餡足料勁大粒！灼餃多汁！煎餃金黃香口！好好味！🥢雲耳椰菜豬肉餃 🥢菠菜豬肉餃 🥢韭菜豬肉餃 🥢是日新款餃子 :小籠包豬肉餃 🥢日式是日住家麵類 ：日本烏冬夠哂彈牙！仲配埋冷盤小食前菜+ 烏龍茶🥢咖喱牛根腩飯除咗餃子出色，咖喱牛腩飯都好好！牛腩牛筋炆淋軟好入味！微辣香口好下飯！🥢日式住家飯團🍙用上多款飯米製成口感豐富🎂巴斯克蛋糕🎂今日就係開心果同原味！入口香濃順滑！芝士味濃！必食推介想食到好味嘅餃子同巴斯克蛋糕記得嚟深水埗搵家俊啊😁🕹️深水埗汝州街131號地舖