宏

Open Now

Now Closed

Set A - 燒喜燒套餐 ($188pp)首先有頭盤青瓜蟹籽沙律~ 有沙律蛋黃醬嘅加持一定會係味蕾上信心嘅保證🤓 主菜壽喜燒絕對冇令我失望 對得住呢個價錢有餘🥹大大塊 肉質都不錯！而且湯底調得幾適中 唔會話太咸😆😆 最後甜品當然係卷蛋🤩冇得揀味 由staff隨機上是日口味比你 （好有抽盲盒感覺😂) 我地今次係芝麻同斑斕芒果~ 一致認同斑斕超咗班 芒果甜就必須啦 中間個cream都打到好綿密🥹一啖放入口個口感好幸福🥹🥹芝麻味都好食嘅 個cream都滑 但想相比斑斕就失色啲啲啲啲🤣

由佢以前嘅佐敦舖仔食到而家，綠茶甜品始終都係咁高質！近排去食都係叫呢份疏乎厘，無論個cream疏乎厘以至綠茶雪糕，全部都咁高質。疏乎厘非常有蛋香。食就不過不失，我主力食甜品。

呢間位於尖沙咀嘅日系Cafe，裝修簡約純白風，環境好舒服🛋️！而且價錢係市區嚟講合理，喺lunch time超多人，坐到滿晒🔥。.♨️Set-A 壽喜燒套餐($188)套餐裏面包咗青瓜蟹籽沙律、壽喜燒、仲有是日精選蛋糕，係舖頭主打嘅卷蛋，亦都有飲品🤩。牛肉壽喜燒定食肉質好好，一大片牛肉好有壽喜燒嘅感覺，配埋濃郁甜香嘅醬汁好正😋。今次嘅蛋糕係斑蘭芒果卷蛋，整得濕潤鬆軟，裏面忌廉嘅感覺好綿，斑蘭同芒果嘅香味好夾🥭。.🍱Set-B 迷你三重丼套餐($198)套餐裏面包咗溫野菜、三款迷你主食、軟雪糕、同埋飲品⭐️。迷你鰻魚丼份量好足料，一大片嘅鰻魚醬汁甜香，又厚肉🎏。迷你鏗魚湯烏冬口感彈牙，好有日系嘅感覺🍜。迷你吞拿魚蓉丼嘅份量好足，超滿足呀。吞拿魚蓉嘅軟綿，配埋蔥花，好香好啱送飯🐟。北海道牛乳抹茶雪糕嘅牛乳味道超濃郁🍦，抹茶味亦都好香好夾。.🦑燒魷魚($58)火候燒得啱啱好！燒魷魚嘅香味好出，聞到已經覺得好誘人🔥。而且魷魚嘅肉質好好，燒完仲係夠彈牙多汁。

今天同朋友來到美麗華廣場一期，發現了這間餐廳。 餐廳內有很多蛋糕和甜品款式，蛋捲都很美味，而且有很多種口味。還有馬卡龍，壽喜燒等食物。期待下次再光顧。試試其他食物

坐得舒服、食物質素高、值得推介！正宗日本抹茶雪糕非常好好食、無事當都值得推介，仲有橋買麵嗰隻呀！坐得好舒服，服務態度非常好會再幫襯！你雪糕好好味，有日本味道尤其綠茶味道！

路經尖沙咀搵食，嚟到呢間位於美麗華廣場嘅日系café。呢度既有蛋包飯、日式咖喱、日式意粉，仲有壽喜燒、三色丼，最重要有好多甜品選擇，芭菲、班戟、卷蛋。啱晒一眾少女們行完街過嚟醫醫肚。🍛咖喱漢堡扒飯套餐 ($98)阿叔幾鍾意呢類日式咖喱定食，首先咖喱唔係太辣嗰隻，甜甜地，另外配埋夠晒厚、夠晒juicy嘅漢堡扒一齊食，非常惹味。呢個套餐屬店內嘅special menu，除包主食咖喱漢堡扒飯外，仲有麵豉湯、飲品同大卷蛋，加埋白飯任添，呢個價錢真心抵食！🍝明太子海鮮忌廉意粉 ($118)足料意粉，滿滿忌廉醬汁之餘，仲食到粒粒帶子同勁多魷魚。🍧抹茶軟雪糕芭菲鐵塔 (下午茶價：$58)嚟之前最期待呢度嘅甜品，幾飽都好都一定要叫嚟食。咁啱遇上下午茶時間，原本要$98嘅抹茶軟雪糕芭菲2點後$58就食到，仲包埋一杯飲品添，正！芭菲以高杯示人，賣相吸睛之餘，亦份量十足，建議2個人享用會好啲。Café 用上濃郁抹茶雪糕配上抹茶啫喱、牛乳奶凍同玉米片，豐富嘅口感，加埋冰凍雪糕，仲唔係啱晒呢排日日熱到high high嘅天氣食。

質量高，親子餐廳，冇得頂成日帶小朋友過嚟食飯，佢最鍾意食就係嗰個滑蛋燒雞飯，好高質次次上完堂之後就會過嚟食，服務員態度親切有禮，基本上一個星期都會嚟一次，如果有更多折扣更好

點了一份壽喜燒火鍋加一個牛脷烏冬，份量充足，壽喜燒火鍋有前菜和甜品，壽喜燒湯底味濃牛肉採用中等級牛肉，蔬菜再配有蒟蒻，甜品幾好食，價錢CP值高加上環境舒服，值得再試。

再訪尖沙嘴口痕，又一次來到熟悉的日式餐廳覓食推薦吃漢堡扒蛋包飯，有味噌湯搭配。抹茶卷清新可口，中間口感有啲似雪糕，有融化感。餐廳位置就在美麗華商場裡面，環境舒適，有機會一定再食。

尖沙咀可愛日系Cafe，位於美麗華廣場4樓，位置隱蔽環境寧靜舒適。餐廳主打各款日式甜品及定食，必試軟綿綿卷蛋及人氣迷你三重丼!!😍- 抹茶軟雪糕芭菲鐵塔 HK$98 🍨🍵甘香清新之選!!抹茶軟雪糕茶香突出甜度剛好，微微回甘有深度。底部焦糖杏仁香氣十足，為芭菲完美結尾!!- 斑蘭芒果小卷蛋 HK$18 🌴🍰清甜與香甜共舞!!斑蘭卷蛋散發清香，口感如雲般輕盈軟綿。甜忌廉帶出芒果香甜味道，與斑蘭香氣互相交融，充滿熱帶風味!!- 脆脆朱古力小卷蛋 HK$18 🍫🍰金莎口感!!朱古力卷蛋可可味濃郁。3層忌廉夾心朱古力、奶香忌廉及榛子脆脆，味道層次豐富!!- 抹茶小卷蛋 HK$18 🍵🍰抹茶忌廉回甘香氣值得一試!!- 迷你三重丼 HK$158 🐟🍜🍚滿足3個願望!!可愛迷你丼非常吸睛。鰻魚丼加入山椒粉後魚香突出。鯉魚湯烏冬口感陣牙，海帶鮮味十足!!吞拿魚蓉丼加入蔥花香氣十足!!- 吉列豬排蛋包飯 HK$118 🍳🐷🍛

點了咖喱漢堡扒套餐，附上的藍莓芝士蛋糕，味道可口，綠茶濃郁美味。妹妹點了三款迷你檔，鰻魚肥厚，吞拿魚蓉新鮮烏冬味道鮮味，地方環境乾淨清潔，用餐經驗愉快，推薦朋友再來。

好記得好多年前就係衝住呢間鋪嘅抹茶甜品而嚟！嗰種好濃郁嘅抹茶味到而家仍然歷歷在目。事隔多年再次嚟到，就一次過食晒晚飯同埋甜品🍦★🍦抹茶軟雪糕芭菲鐵塔 $98好濃郁嘅抹茶雪糕🍦🥹💚配料豐富，包括白玉丸子、抹茶啫喱、杏仁脆片、紅豆。食到好飽但係非常滿足！🥭班蘭芒果卷蛋(大） $32 🍵抹茶卷蛋（小）$18兩款卷蛋都好鬆軟，而且個cream都好軟滑。不過作為抹茶控嘅我今次係比較鍾意班蘭芒果呢一款。班蘭味係異常地濃郁🥹好香🍲牛肉壽喜燒定食 $168鍋物配料分量不少，有娃娃菜、冬菇、大蔥、紅蘿蔔、䈮蒻等。牛肉鮮嫩，另外配上生雞蛋🥚可隨意沾上🧇窩夫配炸雞煎蛋🍳 $118影完一陣先食炸雞，依然能保持香脆。建議窩夫要落楓糖醬🍯

再次二訪尖沙咀𝘊𝘢𝘧𝘦「宏」，始終念念不忘佢哋嘅卷蛋，同埋喺同區來講環境相對寬敞同舒服，係慢活嘅好選擇😎 就連繁忙嘅假日佢哋都有做午市套餐，價錢亦相當超值，值得再三回訪👍🏻《 壽喜燒套餐🐮》 $198 4 / 5套餐配搭豐富，有餐湯有前菜青瓜蟹籽沙律，清涼爽口十分開胃🤤壽喜燒濃郁湯底滾吓滾吓香噴噴食慾大增！😍 牛肉肉質鮮美，仲砌到成個牛肉玫瑰花球🌹 鍋底嘅蔬菜同蒟蒻索湯亦都好滋味😋加$10配一份烏冬份量岩岩好！跟餐仲有一款是日蛋糕🍰《 迷你三重井套餐 》 $198 4.5 / 5雖然叫做迷你三重當套餐，但係排場就夠哂豪華精緻😎有鰻魚飯、吞拿魚蓉井同鰹魚湯烏冬😍 三碗份量其實都好足架！個人最欣賞佢個吞拿魚蓉，魚肉鮮甜好滑溜🐟 跟餐仲有北海道牛乳抹茶軟雪糕🍦可以簡單一隻味，或者好似小編咁兩溝～ 奶味好出！《 黑芝麻卷蛋 》 $32 4.5 / 5上次黎食都係最鍾意呢款卷蛋！黑芝麻醬香濃幼滑😋 卷蛋口感綿密仲有蛋香～《 脆脆朱古力卷蛋 》 $32 4.5 / 5朱古力餡甜絲絲入面仲有粒粒脆片🍫口感滿分😍 鍾意朱古力嘅朋友一定唔可以錯過👍🏻另外跟餐嘅咁啱係抹茶卷蛋，可以一餐食晒三隻口味

今日好同事帶我去尖沙咀威，順便帶我去佢嘅飯堂「宏」。呢間餐廳其實我都試過佢嘅午餐，質素都唔錯。不過唔知道點解人流唔多。我哋坐車途中已經話要食壽喜燒，第一次食，都想知道$188份量有幾多？首先嚟一個蟹籽沙律，味道真係好清新。之後就係主角牛肉壽喜燒，牛肉份量普通，個鍋有好多菜，估唔到最後食到好飽。不過牛肉真係好嫩滑，完全唔肥，雖然今次個鍋有少少貴，但係因為質素高，我覺得都值。不過甜品方便就有啲失望，我哋一心由中環坐車過嚟就係食佢個芝麻卷蛋，點知去到話所有卷蛋賣晒，只可以用抹茶戚風蛋糕頂替。雖然戚風蛋糕都好食，但係嚟到宏，當然想食招牌卷蛋😂

📍宏 尖沙咀彌敦道132號美麗華廣場1期4樓408號舖一直都知道呢一間餐廳食甜品係好出名以前喺佐敦已經成日去食❤️平日放工行過美麗華商場見到呢一間餐廳突然之間心癢癢好想食吓甜品順便再食埋晚飯於是就入咗去試吓！💎壽喜燒套餐 $188牛肉採用牛板腱，油脂相對地比較少但係肉味濃啲!配上青瓜蟹籽沙律非常開胃！套餐仲有是日精選蛋糕🍰每日都唔同口味今次我呢個就係抹茶戚風蛋糕，D cream好綿滑😋套餐亦都跟一杯日本靜岡煎茶(凍），夠晒解渴！💎漢堡扒蛋包飯$98漢堡扒夠晒厚又夠Juicy! 加上滑溜嘅雞蛋同醬汁,撈飯一流👍🏻💎梳乎厘班戟配雪糕球（三件) $118梳乎厘大約等20分鐘就可以食，蛋香味好濃，而且亦都夠空氣感！雪糕方面揀咗抹茶雪糕🍦抹茶味亦都夠濃啱晒我口味💎朱古力 $38感覺似飲緊朱古力奶，如果鍾意奶嘅大家不妨一試！