宏

Open Now

Now Closed

好好食嘅壽喜燒火鍋🤟雖然佢話有限時，但其實過咗90分鐘都唔會講你走。啲職員都好Nice好友善，個壽喜燒鍋足料，牛肉都大大塊同埋有好多蔬菜。餐後仲有個甜品蛋糕幾好食。

📍原來搬咗過去美麗華商場 環境更加闊落雅緻 木色裝修令人坐得好舒服🧡 好適合同朋友慢慢坐係度傾計 發現除咗平時有的茶漬飯/蛋包飯/丼飯之餘 仲推出咗壽喜燒同相樸大鍋套餐🙌🏼🌀 相撲大鍋套餐暖笠笠最適合依家天氣食! 仲做緊特價$350😻 套餐足夠2-3人食用 包括沙律+日式餃子+相撲大鍋+米飯+日式雪糕+飲品 仲可以無限添飯👍🏻 🔅 沙律 & 日式餃子: 沙律以簡單配料 大量椰菜絲 配粟米及車厘茄 混合日式胡麻醬 低脂輕盈! 餃子皮薄多汁 但可以烤得更加脆身🔅 相撲大鍋配料豐富 濃郁木魚昆布湯底 加入雞肉+娃娃菜+白蘿蔔+靈芝菇+紅蘿蔔+豆腐+木薯粉+蒟蒻 全部都低脂有營養 雖然以蔬菜為主 但因為湯底味道滲透蔬菜之中 唔使調味料都好好食～ 另外配有1份豚肉 及1份牛板腱 亦可以自選雙拼🙌🏼🔅雪糕: 可以選擇經典抹茶口味/ 牛乳口味/ 扭紋雪糕 食完呢個相撲大餐都唔會有罪疚感😹 好適合減脂期嘅朋友過嚟食🤫

天氣涼左 特別會想食啲熱焫焫既野的確 喚醒返唔少人既邊爐癮今次！！我要分享「宏」新出品既相撲大鍋～～😋相撲大鍋套餐 已包·沙律·日式餃子·相撲大鍋·雪糕·飲品食完前菜既胡麻沙律 餃子 重頭戲開始 職員送上一個大鍋滾起後就開動啦🤤裡面包左好多料有雞件、冬菇、黑薯糕、豆腐、以及食極都有既娃娃菜等😂另外 我地分別揀左豚肉及牛板腱兩份紅肉🌹捲到玫瑰花咁 都有少少唔捨得拆開黎食昆布木魚湯底 清爽不油膩 已經夠晒味加錢就可以無限添飯🍚岩晒飯桶另一重頭戲就係甜品 雪糕可以甜筒可以碗上我地選擇兩溝既宇治抹茶+北海道牛乳雪糕質地順滑 奶香味濃 啊～食埋甜品就真係飽喇😋呢個套餐由前菜食到甜品 真係由頭食到尾Me time 結束 返歸湊囡🙂🙂

每次經過見到啲卷蛋都幾吸引，今日出尖沙咀諗起佢，一於試下。見餐牌介紹，「宏」主打蛋糕及健康的銅藻烏冬，所以我點咗個「汁燒牛舌烏冬」試試。另外，星期日中午都有套餐，所以點咗「唐揚雞咖飯」套餐，跟餐飲及是日精選甜品。由於想試多幾款蛋糕，所以問店員間人日精選甜品係咩，佢都好有禮貌咁幫人follow up問。套餐CP值高的，但咖喱飯的飯太濕，同埋唐揚雞賣相一般。跟餐咖啡都幾香。跟餐甜品有驚喜，原本以為得一件卷蛋，但原來有兩件小芝麻卷！汁卷牛舌烏冬，望落似喬麥麵，估唔到食落有烏冬嘅煙韌口感，牛舌煮得夠入味，推薦！環境寬敞嘅，但可惜無窗無日照，如果有就更好。

今日天氣又轉涼，晚餐不如來個打邊爐，岩岩美麗華商場有間日式餐廳聽聞豚肉壽喜燒頗受歡迎，即管去試試。餐廳行簡約日本風，環境舒服😌1. 我哋揀咗相撲大鍋套餐$350侍應話這個鍋原是設計俾相撲手食用，可想而知份量十足，前菜有沙律及一客日式餃子，主菜大鍋真係足夠俾三人享用，湯式味仍不會太濃，豚肉和牛肉仲整成花形上菜，夠心思，越食湯式越味美😋，跟著還有甜品北海道牛奶雪糕🍦，講明北海道雪糕零舍不同👍🏻👍🏻2. 日式自家製卷蛋當然要試這家卷蛋，揀左芝麻及綠茶。各有特色，蛋捲棉密鬆軟，已忌廉香😋3. 兒童餐炸雞配茄汁肉碎意粉呀女好喜歡話好好味，炸雞件皮脆肉嫩👍🏻仲食得晒成個餐！

上次同呀女去完九龍公園玩去左附近美麗華Miramall搵野食～見到呢間日式cafe有兒童餐同日式卷蛋😍環境舒服空間又寬敞，就決定入去試吓牛肉壽喜燒套餐選用牛肉部位鮮嫩，色澤紅潤，冬天食就啱啱好❤️壽喜燒鍋底味道濃郁，加上新鮮蔬菜和豆腐，吸收了湯底的味道，一定要試❤️照燒雞扒蛋包飯雞扒肉質嫩滑，醬汁調味啱啱好蛋包飯嘅滑蛋煮得啱啱好👍🏻香脆雞軟骨外面炸得金黃酥脆，炸粉啱啱好，脆卜卜，配埋特製醬汁，真係超好味❤️蝦天婦羅蛋包飯兒童餐蛋包飯畫咗笑臉😊庭庭見到個陣已經好開心極速食晒全部蝦天婦羅😅蛋包飯份量亦都啱啱好，入面仲有雞肉粒❤️日式卷蛋我哋試咗三個口味，分別係抹茶、芝麻同香芋芝士❤️ 全部都有香濃既味道，中間餡料香滑，而且唔會太甜👍🏻大家有機會都試下❤️❤️

.星期日帶咗佢兩兄妹去尖沙咀影Care Bears 🐻跟住再帶佢哋食個lunch😆但帶住兩個又好難打邊爐🙃咁啱醒起美麗華商場有間日式餐廳聽聞豚肉壽喜燒‼️細細煲啱晒我自己食🤩餐廳行簡約日本風，環境舒服仲有甜品可以食架😋相撲大鍋套餐⚡️
呢個鍋原是設計俾相撲手食既，所以佢既份量我一個人基本上食唔晒🙃前菜有沙律及一客日式餃子，主菜大鍋真係足夠俾三人享用，湯式味仍不會太濃，豚肉和牛肉仲整成花形上菜，夠心思，跟著還有甜品北海道牛奶雪糕😝妹妹食到停唔到口兒童餐炸雞配茄汁肉碎意粉🍝哥哥好鐘意食意粉🍝呢個意粉啱晒佢，因為又有炸雞😜炸雞件皮脆肉滑兒童餐日式漢堡扒飯🍛妹妹一向都好鍾意食飯，加上有埋漢堡扒撈飯，佢成碟食晒📍宏（尖沙咀）尖沙咀彌敦道132號美麗華廣場1期4樓408號舖

今日喺尖沙咀行完街之後搵野食見到美麗華商場有間餐廳叫宏裝修好光猛，有兒童餐又有甜品食所以入咗去試吓我叫咗以下幾樣嘢食⭐️兒童餐B - 蝦天婦羅蛋包飯, 凍日本青森產蘋果汁：個餐一上檯，Geffrin 就即拎起隻蝦食，就知呢個係幾好食🤣🤣配埋個蛋包飯，Geffrin 好快就可以自己食晒個餐⭐️宏.牛丼：入面有牛舌、牛肉粒等等，佢嘅牛煮得啱啱好，不會過老，配上醬汁，味道也幾好⭐️迷你三重丼：包括迷你鰻魚丼、迷你鏗魚湯烏冬同吞拿魚茸丼，有選擇困難症嘅媽媽樣樣都好想食，所以選擇咗迷你三重丼食，乜嘢都可以試吓，鰻魚啖啖肉又香甜、烏冬煙靭彈牙、吞拿魚茸新鮮唔會腥，媽媽表示三樣野幾好食⭐️大香草卷和小香芋芝士卷：見到好多人都會order 黎食，我哋當然都要試吓啦，佢個cream好滑，不會過甜⭐️北海道牛乳軟雪糕: 雪糕香濃軟滑，不錯總括嚟講，我哋最鍾意佢夠光猛，坐得夠舒服，嘢食又幾好，所以值得推薦！

呢日去左食最鍾意嘅疏乎厘Pancake🥞 仲有必試嘅卷蛋~大滿足🤤餐廳行簡約日系風, 環境好舒服~除左甜品好吸引, 主食都有好多選擇😍🐷豚肉壽喜燒平時都好鍾意食壽喜燒呢個豚肉壽喜燒一人份量但都好豐富🍲性價比好高味道唔會太濃, 豚肉仲砌到朵花咁🤍好有心思🍚迷你三重丼迷你鰻魚丼➕鏗魚湯烏冬➕吞拿魚茸丼可以一次過試晒3款✨每款都好好味尤其是”銅藻烏冬” 口感好彈牙~🥞疏乎厘Pancake 配雪糕球Pancake質地好鬆軟, 好有空氣感🫧濃濃蛋香, 甜度啱啱好~ 仲配埋茶味香濃嘅抹茶雪糕🤤🌀自家製日式卷蛋黎到一定要試嘅自家製卷蛋!!揀左細size原味、抹茶同芝士芋頭味卷蛋綿密鬆軟, 忌廉好幼滑✨

咕吱同Zaza都係蛋糕迷，今日我哋行美麗華商場，深深被宏嘅 #草莓忌廉蛋糕 吸引🍰蛋糕上嘅原粒大草莓好香甜🍓、Cream打得好細滑，仲有淡淡草莓香🍦；蛋糕入面，除咗有Cream之外，仲有好多片草莓，同空氣感十足嘅海綿蛋糕🎂雖然呢個蛋糕足足有6吋，好巨型，但食落一啲都唔膩，啱晒鍾意食蛋糕，又怕肥嘅大家#hongkongrestaurant #美食 #香港旅行 #ootd #discoverhongkong #foodiesofinstagram #foodiepic #相機先食 #foodbloggers #discoverfood #explorehongkong #exploretheworld #kol #hkkol #discovertheworld #美食摄影

「宏 Hiroshi」開業多年，主打新鮮手工製日式蛋糕和卷蛋，在尖沙咀美麗華廣場開設Cafe蛋糕店，Cafe主打定食套餐和輕食為主，之前已經試過佢哋嘅晚餐和卷蛋，非常有日式風味，今日就特別訂購咗我家小朋友好喜歡食嘅「北海道芝士蛋糕」，賣相非常簡潔，但相當有內涵🫶🧀 Hokkaido Cheesecake 🎂北海道芝士蛋糕 一打開蛋糕盒蓋已經聞到好清香嘅芝士香氣，外層係白朱古力芝士碎，咬下去層次非常豐富，食到有Cream Cheese、好新鮮嘅忌廉和輕盈嘅蛋糕，整個口感非常香滑，濃濃芝士香，但又不甜不膩，非常出色嘅味道，小朋友同老人家都爭住食🫶

今次喺度試咗個拿破崙蛋糕，估唔到性價比咁高，啲酥皮脆卜卜，吉士醬唔會太甜，我覺得糖尿病人士都啱食呀，又好味，慶祝生日可以去買，反正尖沙咀咁多餐廳，隔離就係諾士佛台，夠晒方便

間人氣咖啡店位於尖沙咀商場內，地理位置相當方便，空間感十足，感覺溫馨，餐廳門口甜品櫃相當吸引，有多款蛋糕🎂，件裝蛋糕🍰，馬卡龍❤️等，甜品控要留意😍- 汁燒牛舌湯烏冬 $108厚切牛舌煮至軟嫩入味，有口感，入口即化，湯底濃郁清新，烏冬麵質地彈牙😍- 雞肉鍋燒烏冬 $88雞肉鮮嫩，湯底清爽，加入不少蔬菜增加口感，雖然雞肉沒有牛舌味道突出，但感覺也相當滿足🤪- 蟹肉忌廉餅 $38炸至金黃酥脆，蟹肉餡料軟綿，帶有蟹肉絲甜味，做到外脆內軟，口感豐富🤪- 汁燒蒜片牛柳粒 $118牛柳粒鮮嫩，帶有牛香，加入蒜片點綴，汁燒方法烹煮，鹹香可口☺️- 抹茶卷（大） $32蛋糕質地鬆軟綿密，抹茶忌廉味道濃郁，帶有抹茶苦澀回甘香味，清新而不膩🥹- 疏乎厘班戟配抹茶雪糕（三件） $118疏乎厘質地鬆軟輕盈，充滿蛋香，搭配清新抹茶雪糕，口感豐富😆

✨開Party點少得食甜品 知道尖沙咀「宏」出咗外賣甜品 特登過去買個返屋企食😛見到Tiramisu蛋糕好吸引 所以要try try😝✨Tiramisu蛋糕食落好香咖啡味 昇華咗咖啡嘅香氣令成個蛋糕嘅層次感提升咗 加上咖啡同奶油mix埋嘅味道岩岩好 食落口感仲好幼滑添😜✨「宏」嘅外賣包裝精緻又方便 拎到返屋企都仲係好穩陣 開出嚟影相仲keep到 食完正餐再食甜品係必須嫁 呢個Tiramisu蛋糕絕對為party增添不少色彩🤪

之前都食過尖沙咀美麗華嘅「宏」日式料理，見佢好多蛋糕，幾靚幾吸引，今次就品嘗了72% Chocolate Cake 特濃朱古力蛋糕🎂朱古力戚風質地輕盈軟身，唔會太甜，朱古力味濃，較甜嘅部份係朱古力醬，朱古力忌廉份量適中中間夾層仲有朱古力脆脆，食落口感更好，面頭仲有朱古力馬卡龍macaroon、生朱古力，生朱古力好好食，口感軟滑所以成個蛋糕都好多朱古力層次，所有都係朱古力，啱晒我咁鐘意朱古力味😆🚩宏 (尖沙咀)📍尖沙咀彌敦道132號美麗華廣場1期4樓408號舖