凱日精品粤菜館

Open Now

Now Closed

16/4/24星期二晚上同老人家及一家大细到凱日佐敦分店同媽媽慶祝生日。凱日其他分店如油蔴地，九龍湾也去過飲茶，吃午餐，食物質数同服務都很好。今晚去试另一分店的晚餐，也有出色的表現。想讚揚當晚的部長亞發及侍應哥哥，他們的客服做得很好。亞發適切的意見及提議我們叫什麼餸菜，起碼是實事求事，不是硬推什麼餸菜。當晚我們一行10人，叫了一個8人份量的套餐+一碟义烧+埋壽包，真是吃得豐富，吃得滿足，兩老也讚口不绝，我覺得此酒樓性價比高，埋單也只是$3.5k，可能閒日的関係，食客不多，所以服務也非常周到。希望推薦给大家及喜歡吃中菜的老人家，不妨试下，促進 hk經濟！前菜：流心皮 旦，肉鬆豆腐（滑）叉燒（即叫即燒）👍主菜：黑豚古噜肉，酸甜適中，啖啖肉👍酸菜魚，文昌雞（有雞味），虾兵蟹将（海鲜新鲜，多肉）👍甜品：湯水，桂花糕👍壽包（大大粒，有蛋黄架！）👍

知道「凱日精品粵菜館」有多間分店，其中佐敦這間分店的晚飯真的不錯，今晚和朋友品嚐了「晚飯殿堂套餐」4人餐，性價比高！前菜八選四：個人特別喜歡「川味乾坤皮蛋」及「鎮江水晶餚肉」，這2款前菜確是不錯的醒胃小食。主菜二選一：「招牌脆趣有米蝦兵蟹將」，以鮮蝦蟹及脆米製作，真的色香味俱全，賣相一流！湯品二選一：「宮廷濃雞湯煲仔翅」，職員在旁即場用砂窩煲滾，足料而且熱辣辣，讚！海鮮二選一：「老壇風味酸菜魚」，這個略嫌不夠辣，但都唔算差。另外套餐還有「拔絲咕嚕黑豚肉」、「先茄粒粒泡菜苗」、「正宗海南文昌雞」及「桂花炒新竹米粉」，真的非常豐富。特別推介這裏的甜品：「蘆薈桃膠露」，是凍食的，味道香甜而又十分滋潤養顏，出面酒樓很少有這個甜品，非常特別。

朋友介紹我到佐敦彌敦道佐敦薈3樓的「凱日宴會廳」晚飯，就在佐敦地鐵站附近，位置方便。酒樓枱與枱之間寬敞，店員亦態度不錯，每次上枱都會介紹餸菜，而且亦主動斟茶，比起一般酒樓多了一份親切感。1）菠蘿咕嚕肉：用新鮮菠蘿伴碟，味道清甜。咕嚕肉是炸到脆皮，醬汁酸酸甜甜，很有驚喜。2）啫啫芥蘭煲：熱辣辣，肉碎有鹹香味，芥蘭一點也不老，細細條好嫰，好味！3）黃金茄子：以鹹蛋黃伴茄子脆炸製成，香口味美。4）桂花炒新竹米粉：作為主食一點也不肥膩，值得推介！

一家人到酒樓共度團年飯，我們選擇了這家酒樓的殿堂晚飯套餐（八位用）。鎮江水晶餚肉這道菜的瘦肉香酥，肥肉不膩，色澤鮮紅，皮色晶瑩，鹵凍透明。老上海油炆筍筍子鮮嫩爽口，一絲苦涩味都沒有。肉鬆妙醬豆腐：豆腐嫩滑，充滿豆味，配上肉鬆味道就更惹味。黑醋青瓜白木耳：很少吃到白木耳，雖然味道輕淡，但營養價值很高。爽口的青瓜搭配黑醋調味，是一道健康的前菜。鳳梨拔絲黑豚肉：這道菜是酒樓的招牌菜之一，黑豚肉每粒做到拔絲，外皮鬆脆，內部肥瘦均勻，入口不膩，鳳梨使用新鮮的鳳梨，絕不失色，加上三色椒的搭配，色彩繽紛，馳名菜式，實至名歸。鮮茄粒粒泡菜苗：菜苗翠綠鮮嫩，加上香甜蕃茄，粟米粒及淮山，顏色鮮艷又健康。上湯澳洲龍蝦伊麵：龍蝦肉質鮮嫩彈牙，份量充足，伊麵吸收了濃郁的湯汁，非常美味。宮廷濃湯雞煲仔翅：服務員將湯分成每人一陶瓷碗，這碗能保持溫度，需要小心慢慢享用，因為很燙口。雞湯十分濃郁，魚翅的份量也很足夠。桂花炒新竹米粉：新竹米粉比起廣東米粉更為幼細滑溜，口感爽口而不黏。原條古法蒸珍珠龍躉：蒸得剛剛好，龍躉肉質鮮甜嫩滑，搭配薑蔥一同食用，非常美味。正宗海南文昌雞：雖然等待了一段時間，這道文昌雞作為冷盤上桌，保

第一次同幾個朋友來這家酒樓，一行8人我們點了一個餐，這個餐非常抵食，每碟都份量很多，就算是前菜也是份量大大碟的，面且也是非常好味有水準的。那個皮蛋整得非常好吃，配上酸薑一起吃，刺激食欲，還有鎮江肉，鳳爪也非常好味。那個冰鎮咕嚕肉非常彈牙，冰涼而且帶有甜味的口感非常刺激食欲，雞煲翅味道好濃厚，又唔會太咸而且相當足料，大力推薦。略嫌這間餐廳冷氣不足夠，愈吃覺得愈熱，而且環境比較嘈雜，座位也比較窄，坐得不太舒服。整體評價性價比也算不錯👍🏻

约了朋友去佐敦飲下午茶☕去到酒樓都有頗多人等位，不過多數系長者。酒樓環境乾淨企利，枱與枱之間有些距離，雖然比較舊式都可接受。受長者歡迎原因，系可剔点心紙落單，二話不說即時order5个点心如下：燒賣size正正常常，咬落系几彈牙，都几好食👍另外系陳川粉排骨，陳川粉食落覺得一般，反而排骨几入味。义燒包入面义燒几好食，包質地几軟熟兼熱辣辣，推介。炸鯪魚球，依個点心好得呀！彈牙好食，推👍👍👍咸水角賣相几特別，成個小紅蘿蔔款，上枱時也熱辣辣，咸料丰富，唔錯😋😋😋

真系非常之好味呀 好耐都冇食過咁靚嘅粵菜啦 好鍾意呀 推薦大家來試下 叉燒都好靚 食得出係全手工出品㗎 同埋完全冇人工色素 依家好多商家都呃人 加咗亂七八糟嘅嘢 食咗之後對身體都唔好

今晚6位朋友訂左房食晚飯，首先間房是冇沒冷氣，邊食邊流汗，最後都係要加風扇。第二，一開始就問待應有冇套餐餐牌，冇反應。再出去收銀櫃檯再問有冇套餐介紹，他們答覆冇套餐，要散叫。第三，最後發現是有套餐牌，唔知點解D待應話冇？第四，叫左十個餸，冇一個好食，最後埋單$3500 !最後評語： 垃圾食肆，食物質素低，酒店價錢！列入黑名單xxx香港食肆有這些害羣之馬，難怪香港人不喜歡留港消費，要返上國內找好食物，好服務！今晚晩餐就有被屈的感覺！

今日陪媽媽去佐敦睇醫生，大約十二點看完後媽媽想飲茶，在樓下對面係佐敦薈有幾間酒樓，就試下其中一個酒樓叫凱日精品粤菜館🫖，地方不數好大，座位距離都數合適。點咗三款點心同一碟飯雪心叉燒包，包不夠鬆軟，叉燒餡料不多，味道一般。藥膳蒸雞脚，先飲一啖湯沒有藥材味，飲到好濃豉油味，裹面有三隻好細嘅雞脚，少少藥材水晶蝦餃皇一籠有四隻蝦餃，皮薄蝦肉爽口鮮甜多汁鹹魚雞粒炒飯飯都炒得粒粒乾爽，有好多雞肉，可惜沒有鹹魚，係一碟雞粒炒飯

同朋友經過佐敦薈，見到有間中菜食就walk-in 入去，見到有北京烤鴨賣但原來要早一日訂先有， walk in 係無得叫。於是乎就叫散叫其他野食！最好食都係雞煲翅，68蚊一個，現場即時搵個has爐即場煮熱再拎上枱，誠意分十足呀。雞煲翅味道好濃厚，又唔會太咸而且相當足料，強烈建推薦。至於其他菜式味道都唔差，份量都夠食。服務態度仲好好添，經常過嚟幫我地收碟加水。唯一唔好就係個場天花d射燈燈光好強，搞到成個人同埋個環境都比較熱🤒

凱日集團可以容許員工罵客人🤬今天早上我和母親去飲早茶，我已取飛等位期間見到有幾位顧客無取飛就入內揾位坐下，我母親見到就問帶位小姐，嗰位帶位小姐開口大罵我母親唔好咗住晒，我就同去講真系見到有人入去就咁坐下，佢仲大聲罵...到叫飛時叫到我號碼，佢一見到就唔俾我，俾下一位入去...😡😠🤬我同佢理論佢仲覺得自己正確。咁大家集團趕客我已後都唔會去

朋友請食飯菜色有特色，雖然不是什麼名菜，但普普通通一碟皮蛋酸薑、豬手凍、青瓜、叉燒燒肉，賣相吸引，整得好食。𣎴同平時酒樓食指定嘅款式，最不方便的是，男廁要上一層樓。

.總的來說……我個人唔會再幫襯！我見到之前都有人喺OpenRice寫到…… book咗位之後，叫佢取消……我都有類似嘅情況……佢哋嘅book位非常混亂……服務很差！因為我要book一間房，佢收一個人$500 minimum charge…我都無所謂！但是，到當日……佢竟然話……冇咗呢一間房……實在令人難以置信！我當然企硬……然後，同佢經理傾完……佢話用板間返一間出嚟……單單是呢一個經驗，我已經冇可能再幫襯呢一間酒樓！食物方面，其實係正常發揮，咕嚕肉仲表現出色……但是，出嚟食飯……最緊要係氣氛呢間…. 好差！.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

叉燒王軟淋唔嚡口，超好味，麻辣羊肚耳香而不辣帶爽趣，食不停口！海草魚皮凍，點上秘製麻辣醬爽口彈牙極之入味！主角上場，古法蛇羹極極至足料，加入少許菊花和檸檬葉同吃，簡直有畫龍點睛的效果，令味道層次提升左不少，食完一碗，即刻渾身是勁滾熱辣！支竹蛇卷～蛇用加入大量甘荀、木耳同其他不知名嘅素菜用支竹卷起然後去炸，口感層次非常豐富而且味道剛剛好，好食到一件接一件😋紅棗香粟扣全鴨～褐金色鴨肥嘟嘟瞓在碟上，侍應居中劏開一刀，原來鴨身已去骨，中間填滿粟子、蓮子、薏米等大量配料，鴨炸得夠透而不老，再蒸幾個鐘頭，令鴨肉鬆軟入味，鴨腔內料軟淋可口，充滿鴨香，比鴨肉還好吃！另外，鴨翼非常有驚喜，外皮入口即化，味道調教得剛剛好，全隻鴨很快便被我們龫掉了！陳皮豉汁蒸大鱔～最失望就係呢一個餸，大鱔完全唔爽口，淋身！只係味到搭夠！枝竹羊腩煲～因為我唔鍾意食好騷嘅羊肉，所以我就一般般！蛇湯浸時菜～冇乜特別臘味糯米飯～如果查到粒粒分明就更加好淋咗少少！

媽子聽晚85歲生日，本身食過呢間晚餐唔錯就喺尋日訂位。跟住剛剛十一點半打嚟話聽晚full哂叫我取消個booking！！搞到我失哂預算，星期六要搵位畀家人食唔容易㗎，仲要有兩位係老人家添😓😓我真係未試過訂到位之後打嚟話cancal囉，幾得意囉！😡😡😡😡😡😡😡