喜喜茶餐廳 (Closed)

雖然這裡食物的水準不算得好，坐位也不是份外舒適，但是這裡有一群慈雲山街坊共同的集體回憶和感情。這裡專門做街坊生意，每次光顧都是一張一張熟悉的臉孔，非常親切。記得我第一次光顧是十年前，那時我還是一個學生，跟著媽媽第一次到這裡來，這裡樸素的裝修確實未能吸引我駐足停下，可是我還是跟隨媽媽的腳步進來了，開始時我嗅到一股陌生的氣味且不太討好我，我叫了一碗牛楠米線，希望它能那種陌生的氣味更強烈來覆蓋它。一天一天過去，我漸漸發現這裡的侍應和熟客都是充滿人情味，每天的問候和真誠相處，令我開始喜歡這裡，喜歡這裡有無盡的情。時光匆匆，轉眼間10年就要結業了，不捨心情盡在不言中。聽說負責人是想繼續經營的，可惜已易手，無法挽回。謝謝這個地方，一個人情味無佈的地方，回憶中有你真好！

今天約了表姐一起吃晚餐，所以特意選了慈雲山的一間有質素的餐廳我們叫了二款小菜：腰果栗米肉丁和咕嚕雙寶球和一碗白飯下單後，侍應很快已經捧來了一大碗紅蘿蔔栗米瘦肉湯味道真的不錯，並不像一般的味精湯，所以我和表姐都各喝了一碗湯第一道小菜：腰果栗米肉丁，噢⋯⋯我最喜愛的栗米不在碟子內 變成了腰果西芹肉丁，肉丁口感軟冧配上爽口的西芹，味道挺好，雖然在不被通知下由栗米變成西芹，但幸好味道搭救。第二道小菜：咕嚕雙寶球，雙寶球其實是豬肉和魚肉，味道酸甜適中，十分開胃，青椒和洋蔥熟度剛好，送飯一流。這餐晚餐，我們都食得快樂，聊得起勁！！

去左慈雲山中心嘅呢一間餐廳“喜喜“，如果吾係嚟openrice睇下，都吾知原來咁都有分店，因為食物吾太好同服務態度都要改下！吾係幾得。正是下午茶時間，少少餓，入去嗌個tea，嗌左豬扒包加熱檸茶！先講服務態度，入到去都冇人理我，間店分左上面同下面位，上面較光而且係卡位，我行一半見冇位，有個男店員先大大聲話吾洗行啦，落嚟有位，態度係吾好的，咁大聲又搞到我有少少尷尬，因為人地食客都望住我。因為下面係大桌同較暗，所以我明知有位但都想上面搵位先姐。食物都要一陣先送上，豬扒包上面面包有一大part爐黑，影吾係好清楚，搞到個包好硬，個豬扒細塊，味道又一般。其實最主要係服務態度，吾好黑口黑面同冇乜禮貌羅！

食物質素一般但餐廳的員工服務態度極差，每次去都係黑囗黑面十分悔氣，唔願做咁。叫學生餐要客講明Ａ，Ｂ，Ｃ咩餐，佢話唔知餐廳有咩學生餐要講Ａ，Ｂ，Ｃ，話佢係度做都唔知賣緊咩餐，仲鬧返個客，簡直不知所謂，請啲咁嘅員工等執 。

逢星期日都會樓下的餐廳午飯。以前慈雲山商場的五樓、六樓都是吉之島，但自從吉之島結業後，取替的店舖開張，結業像換畫一樣的快！而喜喜茶餐廳算是穩定的一間。今次於喜喜點了個公司三文治，烘底的三文治烘得剛好，內有蕃茄、蛋、午餐肉、芝士、火腿，送到的時候仍有餘溫，配料不過不失，而三文治的厚度不需令人張大口，令人感到不雅觀。可惜就算加有蕃茄，都仍略乾，如果可以，不妨可參考外國的三文治加入生菜或沙律醬，會較爽口和較濕潤。四件的三文治切得整整齊齊，作為下午茶之選。再來的是肉絲炒麵，肉炒芡內有芽菜，韮王和肉絲條，材料十足。喜喜的肉絲炒麵不錯，炒麵很脆口，加上肉汁把炒麵浸軟，對我來說，我較喜歡把硬的炒麵和已浸軟的麵混著一起吃，吃下去又有脆的又有軟的麵，口感很好。若果想不到去慈雲山吃飯，最穩陣又不失禮的可以到喜喜！

好久都唔會嚟慈雲山中心, 原來這個領匯商場既大又多商店行, 還有一些非連鎖性的特式餐館存在是晚, 要長途跋涉到慈雲山中心交收, 幸好荃灣有紅van直達交收前已OR過慈雲山中心有乜地道食店, 目標就是喜喜 (超喜歡這個名字, 並且我家某人都是取這個名字)阿虫提字室內環境寬敞, 遠處掛有應該是阿虫為茶餐廳所畫的吊畫, 上面寫著「飲飲食食，歡歡喜喜，隨隨意意，開開心心」, 散發著正能量原來, 茶餐廳會為每檯送上例湯今晚的例湯是霸王花煲豬骨, 例湯飲得出是足料, 霸王花煲後滑身, 濃濃的溶入湯水中。豆腐班腩飯 $37 ... 我見差不多檯檯都有嗌這碟飯, 餸料豐富, 件件豆腐煮到入晒紅燒汁味, 豆腐的豆味濃郁；班腩就唔係咁靚, 食到一件肉質粗嚡兼有腥, 不過可取的是炸皮薄薄包住嚿班腩。薑蔥焗牛柳 $58 ... 我就係咁衰, 時常都追求無添加牛肉, 但今晚竟一反常態, 想食酒樓式油泡牛肉 這些牛柳當然是有鬆肉粉過, 可是豉油等調味都能剛好的走入晒牛肉的每條纖維, 令到油泡過的牛肉都是脹脹嫩嫩帶汁；薑片有煎香過, 蔥段亦是粗身多汁大條, 薑、蔥段、牛柳焗一焗過再上碟, 送上檯時香氣飄逸, 附近

午飯時間，茶餐廳都要等位呀，門口有職員派飛，不過亦見好多客人自出自入，我懷疑佢地係冇拎飛入去自行搵位等左十分鐘左右就入得，兩個人一張大圓枱，預左同人搭枱～不過都唔會好迫～叫左我每次去都會幫襯嘅至愛時菜牛肉炒米，係我食過咁多間茶餐之中整得最好食～米粉會煎過 ，食落脆脆地，係我至愛！不過食到尾會覺得好油下～$35一碟炒粉麵連例湯，分量都幾大，３個人食２碟已經夠～朋友試過唔同款炒粉麵都好有水準～

住了慈雲山多年,喜喜是我爸媽最愛的食堂先來一客雲吞麵 $26-麵沒有簡水味,雲吞內的蝦十分爽口,與豬肉分佈平均再來二人餐(有涉,前菜,主菜,飯X2盅),-例湯:赤小豆煲豬踭湯不是太濃,水較多-蒜茸粉絲蒸扇貝帶子鮮甜,比五蚊大餅還要大"-梅子蒸排骨,排骨做得很入味,所以有點咸....但用來送飯岩岩好雖然價錢較其他的貴,但食物質素同樣較其他的高,之前亦嘗過他們其他小菜,味道亦很不錯!!!

去開慈雲山中心, 貪方便見呢間幾多選擇就入左去34蚊餐有好多款揀, 粉麵飯樣樣有最後揀左乾炒黑椒牛柳意粉碟意粉一D都唔乾, 好多油本身味係唔錯, 另外就係好大碟, 34蚊算係咁, 就係衰在太油雖然畀左喊面, 但係應該都會再試, 試下其他非炒麵類值得一提, 檯面樽辣椒油幾香, 怕辣既人都應該試試

牛腩雲吞河份量：雲吞3粒；牛腩大約7舊。 雲吞不過不失，一般水準，用料都幾足。牛腩有中上水準，機乎完全無肥肉，女仕一定唔覺肥。而且炆得幾入味，但質素唔 平均，有些仲好硬。腩汁湯底幾夠味，幾香，又唔太味精。河粉就絕對推介，非常新鮮。

離開咗將軍澳東港城後，搵個地方坐低，去咗黃大仙慈雲山中心食喜喜茶餐廳晚餐，喜喜茶餐廳地方極之企理。最鍾意晚刻來食，一定有一大窩例湯奉送，每晚不同，夠火喉又無味精。小菜及炒炒麵都做得好eg : 香橙金沙骨，夠香口又唔乾，幾惹味。

最近我媽媽去食午餐,招呼勁BAD, 仲要我媽自行拿BOWL,之後仲被侍應拿走碟飯!果D侍應係咪發緊夢呢?個經理唔知去了那裡?? 食到一肚氣走啦! 仲有有日去買外賣盒揚州炒飯,D飯好似無炒過咁,D蝦無味的! 另外盒星州炒米唔夠咖喱囉,又係無味的,明係將貨就價囉!D廚師唔惦, 大失水準!況且現在D價錢唔平囉! 我和家人以前成日去食,現在都怕怕了!

喜喜茶餐廳 D 餸菜出乎意料的好，我地埋單計都係每人＄45~豉椒炒蜆：呢嗰真係值得一讚，唔好睇D蜆細細隻，但隻隻ｄ肉都好飽滿；我地亦估唔到有咁大碟，粗略估計起碼有80隻；食蜆最怕食到沙，但全碟我地只食到2~ 3隻蜆有少許沙，真係整得出奇的好 ~~干燒伊麵：伊麵就夠鑊氣好乾身 ~~赤小豆粉葛排骨湯：呢個湯味道ＯＫ啦，我地得3 個人都有咁大砵，最仲要係免費 ！椒鹽鮮魷：呢個整得好好，脆漿夠薄，又無<<油淋淋>>感覺 ~~清炒菜心：炒碟菜，出街食飯一定有菜，平衡吓其他菜式 ~~

喜喜雖然位處於商場較入較高層的地方, 但人流仍旺, 由開業幫襯至今, 的確不斷在提昇食物及服務的質素早餐: 牛扒豬扒烏冬 + 牛油多士 + 凍啡 ($22) 不用加一 煎黑椒牛扒 + 煎豬扒--醃得好入味, 肉質夠稔, 雖然係煎, 但都唔會油淋淋--牛扒可能加多左梳打粉, 帶少少苦, 不過都可以接受$22來講都幾抵, 因可以揀兩款餸, 仲有牛扒, 豬扒, 雞扒可供選擇, 凍飲又不用加錢, 烏冬又夠多, 的確係優勝之處

先講野食炒野真係唔錯豬頸肉炒公仔麵干燒e麵三絲炒麵....etc試過咁多款都係唔多油夠味又多料食完唔會好口乾再講環境中下價0既茶餐廳環境算唔錯裝修新d人都唔算好嘈唔會好污糟價錢午餐學生餐都只係$25好抵普通人都係33蚊左右包野飲無加一最衰唔多分店