健康工房 (Closed)

炎炎夏日，皮膚變差，係時候下下火去去濕，清清肝火！ 精研鮮土茯苓膏--護肝解讀清熱去濕！ 一食已知有料到， 唔加蜜糖都唔覺得苦！我一個月都會食幾次！環境又舒服，真心清心涼快！

繼上次喺寶琳嘅將軍澳街市食咗一碗不知所謂嘅牛雜麵，今次轉戰入新都城商場，去咗健康工房食野，結果又賴嘢，因為忍唔住獻出我第二篇嘅食評，sorry 又係劣評。健康工房以健康作招萊嘅連鎖店，迅速攻陷怕死又貪健康嘅香港人。無論地鐵、商場處處可見健康工房。無論糖水、甜品、龜苓膏等，佢都將所有成分既功能，好似係字典抄落嚟甘寫到有幾好得幾好，真係食粒紅豆都可以講到出神入化。今日我黎呢度食個小食拼盤，四十幾蚊既二人份量，都只不過係每樣小食兩三件。雞翼、蘿蔔糕、滷水蛋都同出面街邊度冇乜分別。今日仲要煮得過熟，雞皮好軟，雞肉無味，健康工房買嘅係噱頭，真正用嘅材料，食上去同街邊檔冇什麼分別。有點失望。燒賣，都只係喺燒賣上放一粒杞子，已經講到可以補腎安神，真係頂佢唔順。麻木嘅香港人，係咪就係因為呢啲宣傳手法，願意花三十幾蚊買佢既涼茶，五六十蚊買佢既龜零膏？健康，係咪就係洗多啲錢，去健康工房食個雞翼燒賣就達到？我洗咗40幾蚊食呢幾樣是港式小食，就極度後悔， 味道無特色、食選材冇質素，純粹包裝冇內涵，以後想食街頭小食都係去返茶餐廳算數！

今日新都城商場嘅午飯時間到處人山人海，見到健康工房冷清清有位，望到佢出面有烏冬，麵條之類，就入去試下。最後見到佢哋新出一個雜菇燴烏冬，賣65蚊，有啲偏貴因為呢個係冇套餐。如果叫套餐就得燒賣雞翼之類既小食，又不能當午餐，所以都係選擇食烏冬。Leaflet 上介紹食冬菇有各種養生嘅功能，加上有幾條冬蟲草又可以大事宣傳養生之道。烏冬上場，又擺得幾靚。食一啖，都幾咸，叫店員比杯茶或者水，點知佢話呢度冇茶水供應，如果想飲嘢就喺度揀健康茶， 即係要你去消費。我都明白健康工坊係主打健康茶，但係我哋喺度食碗烏冬，堂食連杯茶都要自己買，即一個普通不過的午餐要成百元，真係有唔合乎市場需求。老實講，呢個冬菇烏冬真係普通不過。味濃但偏咸，食完成個下晝都好口渴，烏冬係冇彈性嘅，唔係靚貨。雜菇唔錯，但唔值65元，份量只適合女士男士應該唔夠飽。呢度都係主打湯水、健康茶，想食飽嘅朋友，可以唔使考慮呢度，除非你唔介意用偏貴嘅價錢食碗烏冬。

近日臉上又開始生暗瘡，而且都感覺到自己開始有些熱氣，忍不住走到家樓下的健康工房食番個龜苓膏。市道通賬，食物價格都上升，此店的龜苓膏又加價，此店的龜苓膏有三款，分別是皇方鮮土茯苓、人蔘花旗蔘及鹿角靈芝，各有不同的療效，為清除體內濕熱毒，我選擇了熱的《皇方鮮土茯苓療效龜苓膏$40》，感覺都有微微苦味，質感好Q彈新鮮，另外再點多一份小食《淮山杞子豬肉燒賣$15/4粒》，豬肉味晤算太濃郁，內餡混入冬菇粒、淮山粒，及加上了杞子粒，更有咬口，杞子更可有明目，而淮山可以健脾，都有不同食用療效。

人總是貪心的....想食下甜野又想食下咸野。去健康工房多數都係食龜靈膏，但今次可以滿足了我2個願望，因為有糖水餐, 2碗糖水+大皇鹵珍寶拼盤都係$58，平時買一碗糖水都20幾蚊，套餐加埋小食拼盤十分抵食。百合蓮子南瓜露很香濃，而且十分杰身，帶香甜的南瓜味，很喜歡南瓜做的糖水，不是死甜。內有百合、蓮子、南瓜，十分足料粟米芋頭松子紫米露友人的紫米露，端出來已經香氣四溢，香味把我的南瓜露淹蓋。試了一口，也很不錯。內有粟米、芋頭、松子配搭特別，也是十分健康有選擇。大皇鹵珍寶拼盤有蘿白糕、燒賣、茶葉蛋、鹵水雞翼蘿白糕偏軟身，味道也不錯的。燒賣一般，太淋了，如果換魚肉燒賣更好。茶葉蛋很入味，不過唔夠香。鹵水雞翼偏咸，如果甜一點就好。

在寶琳吃甜品，大家也很少會想吃健康工房。新年期間聰嫂休息，金滿堂也休息，大家也走進健康工房，第一次見到要排隊拿飛入座。點糖水時，不妨留意自己日常生活的問題，例如失眠、消化不良....可以選擇對應的糖水甜品，當然是不是有效就未去深入留意，只知龜苓膏真的見效。今次來，一方面是想吃甜品，第二方面是因為熱氣。點了皇方鮮茯苓療效龜苓膏和百合子南瓜露(熱)。皇方鮮茯苓療效龜苓膏(熱) – 用上鮮土茯苓、龜板、白蘇皮、甘草、川貝、雞骨草等等十多種成份結合而成，當中最重要的成份是土茯苓和龜板，跟據城大早前在國際權威科學期發表研究，土茯苓有極強的抗氧化劑，可抑制細胞毒素，抗過敏及病毒，更有助除去體內重金屬，在測試中健康工房龜苓膏對土茯苓的生物指標是最高。龜苓膏味道當然是帶苦，個人覺得熱會有效點。苦口是良藥，每當我熱氣，就會來吃，如果有痱滋，我會吃下去時把龜苓膏停留在那傷口一會，第二日痱滋就不會痛了，所以吃幾多炸物也頂得住。百合蓮子南瓜露(熱) – 南瓜露當然是點熱的，味道是對版，很香南瓜味，也夠滑，也下了一些南瓜粒，煮得夠淋。蓮子咬下去感覺太硬，有點影響口感。吃過很多次健康工房，因為不用等，凍熱糖水也是

琴日同左女友去左呢頭行街,行到有d攰就入左來呢間店到食野,叫左個紫米露同龜靈膏,同鹵水雞翼加燒賣,紫米露冇乜味,好淡,但好飽肚,龜靈膏同外面的差不多,鹵水雞翼d味怪怪地,唔多似係鹵水,似豉油皇多d,燒賣建議唔好食,因為不太好,不過呢間店都算可以一試o既.

喺將軍澳﹐新都成算係食店比較多既一個大型商場。有著各總不同中﹐西以及其他國家食物選擇。但因以食飽既關係﹐所以今次都係都係食d點心。叫左一個小食拼盤 – 有兩隻雞翼﹐蘿蔔糕同鹵水蛋各一。每樣食物都很熱同唔會過鹹﹐底讚﹐味道亦都不錯。如果行過又唔係咁肚餓﹐係一個廉價既選擇。

住寶琳食甜品有誰不識食聰嫂呢除了聰嫂有時都可以試試其他甜品~~健康工房坐下~環境很舒服~只是椅子細了點~女朋友仔介紹佢地既皇方龜苓膏真的幾有效的常常食熱氣野既我可以降一降火我小時候覺得黑黑的~不好吃~現在吃又不是苦的~~可能年紀越大吃得越苦~~見到甜品很好看~當然也不會放過啦~~味道也不錯~~甜酸適中~~~看完相~你又有冇想去試試~~?