Video
5-min walk from Exit A, Tai Wai MTR Station
continue reading
Opening Hours
Mon - Sat
11:00 - 22:30
Sun
18:00 - 22:30
Public Holiday
18:00 - 22:30
Above information is for reference only. Please check details with the restaurant.
評論食物好唔好味，其實好個人，唔一定個個認同，今次唻呢度食，原因係1，近爸爸媽媽屋企2，爸爸鐘意可以坐18人嘅大圓桌食飯，唔鐘意食自助哂一張長枱，坐頭尾傾唔到計3，可以多國菜都食到前菜#一口醉鮑魚 ，爽口入味#沙薑豬肚 ，好味#泰式鳯爪 ，好味#南乳蜜糖藕片，一定要趁熱身，凍咗會好甜又硬#葡式燒乳豬臘味炒飯底，係我個人唔鐘意葡式乳豬皮唔係脆，肉就好滑入味，飯好香#鵝肝醬爆釀蝦丸，冇驚喜，可以唔叫#余均益辣椒醬炒蜆，好味，新鮮#一魚兩食，外型好靚，一邊油泡，一邊椒鹽，冇細骨，啱哂老人小朋友食#斧頭扒，堅有肉味，厚身，咬落去好滿足#香蔥焗雞，爸爸食得出係新鮮雞，好大隻，但肉嫩，汁係用蒸完雞嘅汁煮，好好味#豬豬壽飽 ，得意囉
continue reading
人地行路上廣州, 我地就由荃灣行到大圍, 行左幾粒鐘就系為咗食呢餐慶新年, 喜相逢位於大圍工廈的私房菜, 由於事前冇菜單, 當天老細買到乜靚料就煮乜俾我地食, 好奇心驅使下上 Openrice 睇下佢哋有乜嘢食, 點知食評非常惡劣, 有啲仲彈到一文不值, 什麼BLACK SHOP雲雲, 有行山友睇完即縮, 我呢啲勇敢嘅白老鼠, 永不甘於聽人齋UP, 親身食過先知何其味也, Openrice 始終係公開平臺, 寫乜都得, 我地有朋友食開, 所以一啲都唔擔心, 反正今次報價每位收$300, 私房菜嚟講呢個價錢絕對便宜及值得一試。室內裝修似小型酒樓格局, 只有3張大圓檯, 空間感十足。陽臺非常寬堂開陽, 還有幾張食枱, 也有燒烤爐供客人bbq, 呢度無論私房菜或者bbq 都要提前訂位及報價, 以便準備食材, 不做 walkin 客。冇菜單嘅關係.....嗰味係乜餸, 冇名稱的, 食物名稱我是單靠食物推算自創, 只供參考, 若有錯誤, SORRY 囉, 唔該唔好係又插, 唔係又插 餐前冷盤 : 醬汁茄子由茄子片切成的一朵美麗的花朵, 有心思, 茄子帶點咬口, 不是煮到腍腍的, 醬汁味道有點似日式燒汁, 加埋香蒜泥, 咁食法都幾特別, 味道很不錯。餐前小食 : 椒鹽雞亦香口惹味, 隊啤小食。餐前冷盤 : 雲耳青瓜酸汁開胃醒神秘制烤米豬原隻烤乳豬即烤即上臺, 熱辣辣香噴噴, 原隻乳豬底下係用臘味及紅蘿蔔粒等製作的炒飯 。乳豬皮脆口, 豬肉則嫩滑, 豬皮層肥膏唔多, 乳豬醬我只肯定有叉燒醬, 混合咗啲咩醬及香料醃制唔肯定, 肯定的只係個烤醬香濃而不死鹹, 比坊間我乳猪多了出色的唔知乜香料, 而炒飯就比季季x 的乾身好多, 入口頗乾爽, 唔油膩茄汁大虎蝦自家魚湯浸福建花紅酒汁炆崩沙腩及牛坑腩呢一味朋友們食完都話冇得頂, 崩沙腩及牛坑腩炆得入味又惹味, 牛肉味出眾, 咁好食那個紅酒汁應記一功。崩沙腩帶一層如花膠的白色層, 香滑帶爽口, 牛坑腩肥瘦兼備, 雖然冇崩沙腩咁腍滑, 也炆得鬆軟, 絕不嚡口, 肉味比崩沙腩濃一點, 好鬼正, 裡邊嘅配菜紅蘿蔔腍甜及西芹爽口, 同樣好味老火湯記得飲用前撇走湯面的油, 非常足料的老火湯, 夠火喉, 雞腳及猪腳煲到起晒膠, 加了清潤的雪耳、紅蘿蔔及栗米, 補身及清潤一剔過。花尾躉（一班2食）花尾躉一味2食; 油泡及椒鹽, 班塊就梗系油泡比較嫩滑及原汁原味吧。香芹大頭菜魚湯煮大蜆大蜆鮮甜無沙, 配菜吸左蜆湯, 好味。煙燻雞上到呢一味, 我地已經飽到上心口, 幾乎停曬手咁滯, 但我也試了2件, 燻雞皮薄肉嫩, 肉味不錯, 淡口型。甜品 (備註 : 聽老板娘講, 私房菜不包甜品的, 相信又係私人醒我地試的)老板娘的新嘗試, 乳酪梅酒MIXED埋唔知乜....似果果肉, 甜甜地, 酒味好出, 我懷疑除左梅酒, 還加了其它酒落去, 味道太豐富, 食唔出今晚嘅私房菜包了1湯10餸1甜品, 唔知係朋友幫襯開抑或當日除夕原故, 老細私人醒咗幾枝日本不便宜的梅酒及有汽大吟釀俾我地試飲, 我地開左好多啤酒汽水都冇收錢, 原本仲有一樣餸菜預備左俾我地, 老細見我地食到燒雞己經食飽, 停左手, 最後個味冇出場, 亦唔知係乜, 最SURPRISE係佢地出奇地均真, 點解咁講？ 埋單時每位收$280, 我哋好奇問....乜唔系報價$300咩？ 嗰刻先知原來我地食少一味, 老闆自動扣返每位$20, 我唔會刻意幫任何一間食店講好話, 只係按當天情況如實咁講, 亦可能係每個食客食遇不同, 只係奇怪點解有啲食評話佢地系BLACK SHOP? 何黑之有? 私房菜好多都係無餐牌, 不時不食架啦, 唔明有乜問題? 網上資訊, 真系不能盡信的, 至少今晚我地十幾人都食得好開心, 整體食味個人覺得 better than average, 秘制烤米豬及紅酒汁炆崩沙腩及牛坑腩直情 VERY GOOD, 最後祝全世界為食友越食越瘦, 越食越健康, HAPPY NEW YEAR
continue reading
朋友介紹黎到大圍工廠區食私房菜，可能平日關係，成晚得我地一檯客，變左VIP包場所以人齊就上菜，唔使等 1)乳豬(炒飯底)其實係咪有米豬？唔知係咪烤既方式唔同，乳豬皮無咁脆，不過無咩肥肉，炒飯都唔夠熱，味道一般般 2)鴛鴦蝦
蝦頭個醬ok，但少肉食，蝦身個醬同泰式辣醬差不多，味道一般般 3)芝士龍蝦焗伊麵龍蝦爽口彈牙，伊麵又吸晒芝士汁，好味呀！好肥呀！ 4)薑葱炒蟹海鮮餐黎講，呢隻蟹算細隻，無咩肉食，又唔易食，食左兩隻蟹腳，就放棄左 5)豉召炒聖子 聖子皇黎架，好大隻好爽口，好好味 6)清篜海斑海斑黎講算好大條，比起婚宴果d仲大條好多，不過肉質麻麻，一般般 7)蒜蓉粉絲蒸帶子
嘩嘩嘩，隻帶子好大隻，有我掌心咁大呀，平時一啖就無左，呢隻可以咬3/4啖都仲有，好好味呀 8)果皮蒸鮑魚
呢個菜式無咩特別，唯一可取係鮑魚無咩腥味 9)瑶柱扒豆苗估唔到呢個豆苗有驚喜，瑤柱差不多啖啖都食到，豆苗又煮到岩岩好，唔太熟，好味 甜品都是驚喜之二，鍾意食佢唔太甜得黎又有口感我對朋友約呢餐好大期望，可能期望太大，變相有d失望
continue reading
有朋友來食過，話好食又抵食，有乳豬有海鮮，食到變左熟客。講到咁正，點都要去試下！ 朋友話最好上去facebook睇左想食乜野，預幾錢budget，打電話訂枱時可以講埋，咁佢地就會就個budget寫菜單！照做，訂好枱，菜單就在訂位前一日whatsapp比我睇，果位李生會advise返我邊D野而家係時令，又會比其他suggestion比我，first impression唔錯! 位置其實都叫方便，出咗大圍站一條直路行幾分鐘就到，同由沙田火車站行過去新城巿三期一田差唔多；地方唔算大但都OK舒服，唔迫，同埋最緊要係廁所好乾淨！ 人齊起菜，前菜有鬼馬油炸鬼，釀左花膠再炸，一Ｄ都唔油，得！ 豬手三食，係南乳炆、沙薑冷食同埋脆炸點南乳汁醬，我鍾意沙薑，好入味，另外兩款都好食！食左幾舊先記得影相，其實係好多舊咖！另外仲有雞腳，不過無影相 清蒸龍躉翅，朋友極力推介，唔好睇相好似無乜特別，食落口先知不得了！李生話只係落左少少海鹽，已經可以帶出鮮味，而家仲有好多骨膠原，食完個咀仔係粘住咖，證明骨膠原好多，但一D都唔覺膩！真係無介紹錯！ 蒜茸粉絲蒸扇貝，大大隻，剛剛好，都OK！ 白灼大頭蝦，第一次食，好鮮味！ 蛋白蒸蟹，相比平時食開果Ｄ清蒸蟹有另一番味道，係清清地之選！ 秘製紅酒燴牛肋條，朋友力推，話唔可以唔食！心諗有無咁堅先？食咗啖先知真係得，係好得果隻！少少辣，甜甜地，好惹味！牛肋條唔靭，好淋，好入入入味！用D汁撈飯食，一流！成餐飯最LIKE呢樣！ 其他仲有菜同炒飯，無影相，都OK!個個都食到好飽，好滿足呀！
continue reading
工廈私房菜我都食過唔少，但恕我無知，未見過泊車同舖位混合嘅工廈…… 基本上可泊的就是位。今次嚴重失望，主要是預訂的菜式中只有鱔是熱的，其他全部室溫至微暖：- 葡國烤乳豬配西班牙辣肉腸炒飯底$656：室溫，皮韌，太鹹- 迷迭香烤春雞$328：微暖，雞算嫩滑，但無驚喜- 鹽燒大鱔$528：算不俗，但不值這個價錢- 卡邦尼脆脆飯$168：有新鮮感，但太膩，還可- 鴛鴦蝦$208：夠熱，是豉油皇蝦身、椒鹽蝦頭。合格即場點的較好，至少是熱的，但也未至於精彩：- 豉油皇炒麵：淡，難食，糊口- 啫啫唐生菜：味偏甜，仍可以，砂鍋上亦不算很熱，無啫啫聲- 魚湯浸茄子雜菌：微暖，茄子生熟度掌握得好，而且上檯時皮仍是鮮紫色侍應服務不俗，亦有笑容，但明顯不是專業。價錢在工廈食肆中算中上，要加一。我覺得大廚做中菜明顯比西菜好，真的無需要為fusion而fusion。還是安分守己做好中菜吧。見FB有人post的食物都不是預訂菜式，不如就如一般私房菜收人頭，只做你有信心有質素的食物吧。我不會再來，亦不會推薦給別人。
continue reading